هلا هلا عصافيري الحلوين شلونهم
يالله نبدي بالبارت😈😈😈
نقطة ضعفي لو لاگوني عشاك
وانت بعيد عني وحيل مشتاكَ
احس بروحي ظلمة بنص درابين
واحس الموت اهون من الفراگ .
اسد. جنت كاعد بالمركز دك علية حيدر سلمت علية ومدري شنو بس جان مبين من صوتة بي شي كتله كول خوية شبيك محتاج شي صاير شي الوالد الاهل
حيد. تعالو اعرفكم على نفسي اني حيدر من البصرة عمري ٢٣ بكد اسد متزوج وعندي ولد ايسمة علي عندي ثنين اخوان توأم حسام وسام٢٠ سنة وخواتي ٣نور ورسل وسارة لمهم اني صيدلاني وعندي صيدلية وحسام مهندس سنة ثانية وسام الوحيد الي مدارس بينة جان طايش ويشرب وابو بنات اكثر من مرة اني لاكفة وية بنات ومتعارك وياه حتى من البيت طردتة ومصيرلة جارة المهم بيوم جنت كاعد بالصيدلية خابرني ولد وكلي اخوك سوة حادث المهم انتو عرفتو سالفت الحادث بيوم جنة كاعدين جان يخابر الشيخ جان بعدة شايل بكلبة لان ماخذنة فصلية ولا فلوس المهم خابر ابوي وكله اطلعك من العشيرة اذا ماتاخذ فصل من عندة ابوية احنة صرنة صحبة وية الجماعة وناس خيرين والسالفة نسدت وابني هوة العايل انتة ليش هيج تسوي كله ماعلية الك مهلة سبوع اذا ماجبتلي الفصلية والفلوس اطلعك من العشيرة راحن يومين واحنة انفكر مستحيل نخسر العالم ناس زينين والشباب صارو اصدقائي اخر شي طكت روحي جان اخابر اسد
اسد. ها حيدر صاير شي
حيدر اسد الشيخ خابر ابوي وووووو سولفتلة كلشي هسة شنو تكول شيخ
اسد. احس عيوني صارن بكصتي كتلة حيدر تجيب ابوك وتجي للديوان ب١انتة وعمي بالديوان تمام
حيدر تمام شيخ
اسد. طلعت اخذت صكر وخالد وابوي وعمامي لان جان دوام عدهم حجيتلهم السالفة بالطريق
احمد. اسد وهسة شنو
اسد. بوية من اصول للديوان يصير خير وصلنة ويما طبينة طبكت سيارت حيدر نزل وسلمنة طببناهم جوة للديوان كلتلهم الغدة صدك جانو الغدة زين الي مسوي
حيدر. اسد هسة شنو شنو رح يصير
اسد. اكل وراهة يصير خير كملنة الاكل وشربنة الجاي بدينة نحجي حجي عادي
اسد. عمي ابو حيدر هنة كلمتين ورد غطاهم الشيخ هذا اني اتصرف وياه تمام خلة علية بس مابقيك بالعشيرة لان اكيد اكباريت العشيرة انكس منة
ابو حيدر. اي ولله بوية اسد واحد حشاك انكس من الثاني بس شلون سمعتنة رح تصير مو حلوة اذا طلعنة من العشيرة
اسد. لا عمي سمعتكم تبقى بالحفظ والصون بس عمي انتة اذا تحب تنتمي لعشيرتنة احنة نتشرف بيك وهوة بعد مايكدر يندك بيك او بالولد لان بوكتهة رح يطيح حضة
ابو حيدر اكيد يزيدني الشرف الي انو انتمي لعشيرتكم
الكل الشرف النة ابو حيدر
اسد تمام هسة اخابرة وتبصمون عمي انتة خوانك ولد عمك شنو مشروعهم
ابو حيدر. ولله ياوليدي نفس شيخهم وخواني ثنين ماتو ولدهم مسافرين ماعدهم علم بالعشاير
اسد. تمام لعد حيدر خابر حسام
حيدر تمام شيخ خابرت حسام شوي واجة سلم على الشيخ علي والشيخ يوسف والشيخ احمد والشيخ اسد وهمام وعمار وبكر وبهاء وحسنين وياسر وحسن وخالد ويزن وزين وحسنين وحسين وشهم ومصطفى وغضب المهم كلنالة كال اكيد انة وية ابوي واخوي اسد خابر على الشيخ واجة وخابرو جدي وخالي ايمن لان خالي هم شيخ بس طرف جدي رح يكون شاهد المهم اجوي بالديوان كلهم وقعناهم على اوراق رسمية انو همة ينتمون لعشيرتنة وحيدر وحسام باسو راس اجدادي وابو عمامي والبقية من وصل يمي راد يبوس راسي جان اوخر كتلة لك خبل شجاي تسوي انتة اخوي هيج نتسالم وحضنتة كتلة هسة توثقت خوتنة فجئة جان يكول عمي ابو حيدر
ابو حيدر بوية اسد اني اريد انطيك هدية بس اتمنة ماتردني
اسد. لا عمي شلون ارك بس ولحسن مالهة داعي
ابو حيدر لا الهة داعي انتة هذا معروفك مانساه الك طول عمري اني كدام الحاظرين كلهم اريد انطيك بينتي هدية على سنة لله ورسولة
اسد كلت بكلبي هوة اني عايزني طياحان حض وانتة جملتهة كمت بست راسة وكتلة مشكور ولا تكول هدية اني اتقدملهة على سنة الله ورسولة وكدام الحاظرين اخذهة من بيتك معززة مكرمة
ابو حيدر لله يحفظك نشالله ويحفظلك الوالد
اسد. هاي دعوتك تكفيني عمي وممنون منك متقصر بس عمي انته لازم تعرف شغله اني مو ابن هاي العائله ابوي الشيخ احمد اتبناني من جان عمري اشهر ولحد هل لحضه اني ماريد اضم شي عليك
ابو حيدر ماكو مشكله وليدي احنه مشترين رجال ورابي بنص زلم
اسد كمت بست راسه وكلتله الله يقدم الخير
المهم سلمت على عمي ورجعت كعدت يم حيدر جان يكلي هلا بالنسيب
اسد هلا بيك ههههه
حيدر لا تتأمل هواي ترة زركة تلعب النفس كاعدة على كلوبنة ومشيناهة براسك
اسد. لا بربك عود اتريد اتفاعل وياك اذا انتة اشكر وعيونك صفر وابيض اختك اكيد مثلك
حيدر حرامات ماكملت الجذبة
اسد هاي الكعدة ناقصهة ابو نمر خابرتة
اسد. الو هلا ابو نمر خوية شلونك
ابو نمر. هلا هلا ولله ابو علي لحمد لله بخير انتة شلونك لشيوخ شلونهم
اسد. كلنة بخير عندي الك خبر
ابو نمر خير نشالله
اسد. ولله ياخوي انخطبت
ابو نمر شنووووو
اسد. اهوووو اقصد خطبت
ابو نمر ههههههههههههه حلوة مال خطبوني وليش اني مادري
اسد. انطوني هدية هسة شني عوف كلشي من ايدك وتعال بسرعة
ابو نمر من عيوني ربع ساعة اني يمك
اسد. كل الهلا بيك سديتة سوالف وية الشباب مدري شنو اجة ابو نمر جان المفظوح خلص شاجورين باب البيت على الواهس طبكو فهد وصكر وخالد والولد كلهم بالف ياعلي سكتو طبينة وابو حيدر اترخص هوة ولدة وراحو واتفقنة باجر نروح طبينة للبيت ابوية سولفلهم كلشي وهمة كيفو باوعت على عشق عيونهة مغوركة كتلهة شبيج عشقي تعالي اجتي كعدت بحضني كتلهة شكو جان تكول
عشق. اني وين انام
اسد. شنو شنو وين تنامين شبيج
عشق اي من تتزوج اني وين انام اكيد رح تطلع شريرة وتاخذك مني وبعد ادكوم متحبني
الكل هههههه
اسد بصدمة ولج منيلج هذا الحجي
عشق. شنو منيلي كلي اي لو لا
اسد. هههههه طبعا لا ياروح ابوج انتي غصبن ماعليهة تقبل بيج وبعدين منو يفرني عليكم ولج انتو روحي الف مرة تروحلجن فدوة
عشق يعني ابقى انام يمك وتنطيهة غرفتي
اسد هههههههه ولج وين لكيتيهة هاي لا ياروحي تنامن ثنيناتجن يمي شايفة امي شلون جانت تنوم ذياب يمهة ليش
عشق غير ابنهة الصغير
اسد اي وانتي بنتي فاتبقين يمي وهسة يالله فوك مثل لشطورة اصعدي اقري يالله اذياب علي وليد امجد ياسر يالله غصون هم ريام مريام كلكم فوك بسرعة مصطفى غضب هم يالله عسل رسل يالله انتو مو سادس يالله فوك
الكل صار شيخ وصعدو
اسد. يمة انتي وعماتي وبيبي وحبوبة حتى لو اتزوج ماتحجون وية عشق تمام لا تكلولهة عيب وماعرف شنو اني اتصرف بس انتو نبهو البنات هم ممنوع احد يسمعهة حجاية
الكل تمام شيخ
اسد. مشة ليوم طبيعي وثاني يوم خطبنة لبنية واسمهة شيخة اسم غريب الصراحة ولي عرفتة من حيدر هية الوحيدة المهم خليتلهة مقدم ومأخر ٢٥ ب٢٥ وبدو الامهات بالتحضيرات لاكلكم ولاتكلولي بسبوع خلصنة كلشي اني شتريت للحنة دشداشة نيلي وللعرس بيضة المهم البنات راحو اشترو والولد هم اني البس دشداشة نيلي وغترة كريمي وهمة دشاديش كريمي وغتر نيلي وحتى حيدر وحسام مثلهم ماقبلت اشتري الذهب على ذوقي انطيت عشرين مليون الامي كتلهة اريد ذهب يرفع الراس بس خليهة على ذوقهة لحد يجبرهة وجبتلهة تلفون وديتة بيد امي نفس تلفوني من رجعو امي تحمد بيهة تكول حلوة وذوقهة نازك ومرتبة عمرهة ١٩سنة سنة اولى صيدلة هذا كلهة اني ماسامع صوتهة بالخطوبة طبيت على السريع لبستهة الحلقة وطلعت لان جانو كومة نسوان فابلحنة طبيت جانت صدك اية من الجمال ((ميقبل يوصف شكلهة يكول شنو اتغزل بيهة كدام العالم ولد البصرة وعدكم لحساب 😎😎))المهم بستهة من راسهة وكعدت بس شنو ترجف اشرت لحنين كتلهة جيبي مي كالت صار راحت بسرعة واجتي فتحتة وشربتهة لصراحة نصدمت 😂😂 بس شسوي متوترة حيل واني اتوترت وياهة من شربت مي شوي هدئت لبستهة الذهب جان اول شي كلادة على شكل قران وراهة على شكل عين اتصير على الركبة والثالثة مكتوب عليهة قل جبيرة وبنصهة تكملت الاية وهية جانت لابسة وحدة مكتوب عليه شيخة ومحبس حلو بي الماسة والثاني بي نجمة سودة كلش حلو وسوارات ستة بكل ايد هذني ابوي جابهن والتراجي المهم تعبت بالنص ساعة بس البس بيهة انوب حارة حيل كملت وكلتلهة مبروك وسلمت على امي وخواتي وطلعت يم الشباب سوالف وضحك وحيدر مغندب اكله ليش ضايج يكلي تريدني افرح بعرس اختي
ههههههه ضحكني بس حسام لا عادي يضحك وطبيعي طبعا خليتهن هية حنة عرس علمود نرتاح صدك طبيت ورة فترة جانت لابسة بدلة بيضة وجانو شامرين عليهة عباية سودة شلتهة انطيتهة لعمة نور ونزعت عباتي خليتهة عليهة ولزمت ايدهة وطلعت ودعت اهلهة وخوانهة طلعنة للفندق كبل ودعت اهلي وصعدت توضينة وصلينة وراهة تعشينة وراهة .... نمنة كعدت على التلفون يدك اخذتة شفت ابوي باركلي وكال شوكت تجون كتله نص ساعة احنة يمك كعدت شيخة فتت سبحت وطلعت لبست دشداشة بيضة وعباية وعكال وهية لبست فستان ابيض وشال ابيض حلو وصلنة للبيت وذبحو الذبيحة جوة رجلنة وهية طبت للبيت واني رحت للديوان العالم تباركلي وهوسة ومادري شنو تغدينة وراهة فضت العالم طبيت للبيت سلمت على امي وبيبي وحبوبة وعماتي والبنات بس عشق مدلغمة كتلهة شنو مفرحانتلي عشق اي من اول يوم بتت برة البيت
اسد ههههه لا ترة جانت عندي مهمة ورحت وشيخة رجعتهة لبيت اهلهة وهسة اجيت اخذهة
عشق. لا ولله ترة فهد شوفني التصوير صعدوك للفندق انتة وياهة انتي ليش رح تاخذي من عندي اني احبه
شيخة. ياروحي ليش تبجين ها ولله ماخذتة من عندج اكو اخ يعوف اختة بس احنة جان لازم انروح هناك وبعد هوة ميعوفج مو شيخ
اسد. ابوع على شيخة شلون تتعامل وياهة صدك كبرت بعيني كتلهة اي ولله
عشق. يعني انتة رح تخليني انام يمكم مو
شيخة. اكيد اذا لشيخ قابل اني ليش ماقبل بعدين اصلاً اني اضوج لوحدي انتي تبقين يمي
اسد. ضحكت على عشق شلون فرحت واجتي بوستني دزيت رسالة لشيخة كتله اخذيهة وصعدو وخليهة تنام يمج اني هسة اصعد
شفتهة مو مهتمة للتلفون كلتلهة بوية شوفي تلفونج خاف شي مهم وغمزتلهة لان ماكد احجي كالت اي قرت الرسالة وبتسمت اندارت على عشق كلتلهة يالله تعالي خلي نصعد صدك اخذتهة وصعدت
ام احمد. ولك اسد لبنية عروسة تريد تاخذ راحتهة عوف اختك هنا
اسد. بيبي اني شحجيت قبل الزواج بعدين لبنية ترة تعرف وهية قابلة وشوية شوية عشق تتعود لحد متورح لغرفتهة
الكل بكيفك شيخ ص
عفتهم وصعدت جان الكة عشق كاعدة على القنفة وشيخة كاعدة تلى الجرباية كلتلهة عشق ليش مو كاعدة على الجرباية
عشق هااا شوف انتو نامو هسة اني اروح لغرفتي
اسد بعقجت حواجب. ليش انتي مو تنامين يمي
عشق مو شسمة انتو اخذو راحتكم
اسد. شو تعالي ولج كمت ادغدغ بيهة وهية تضحك باوعت شيخة واكفة على صفحة ومبتسمة كلتلهة ها تريدين
شيخة يمة لا غير اموت
اسد لا متموتين جان اجرهة وهم ابقى ادغدغ بيهة وثنينهن يضحكن بعدين خليتهن جوة جناحي كلتلهن ثنينجن بناتي مفهوم يالله تعالن نامن نومت عشق بالنص وشيخة من الجهة الثانية دزيت رسالة لشيخة كتلهة خو ما ضايجة
شيخة. هههههه لا اصلاًذكرتني سويت هيج من تزوج حيدر لان هم جنت ما نام اذا مو يمة لان جان ابوي دائما مسافر لو مشغول فاجنت اعتبر حيدر مثل ابوي
اسد اها لله يحفظة الج يالله هسة من تنام اوديهة لغرفتهة
شيخة. لا عليك لله عوفهة عود من تكعد هية اذا تريد تروح عادي
اسد. ههههه تمام شوي وغفينة ثلاثتنة
😱😱😱😱خلص البارت يالهوييييييي 😂😂😂😂
