هلاهلا
جرح يلتم
جرح يدّي
جرح ماطاوع الشدّي
اوجرح صبت اجروح الغير بيه اوفاض عن حدي
واتلاشت شواطي الروح
بين الناس والعندي .!
يلا نبدي
الدكتور...ولله المريضة حاليا تحت الخطر احنة سوينة الي علينة والباقي على ربك واندعولهة تكوم بالسلامة
احمد... مادري ليش خفت عليهة حيل احتمال لان صارت على ذمتي لو لان عدهة قلب مثل نوهان مادري رحت على نور بسرعة
احمد نوررر هسةةة تكوليلييي اليييي صاررر بسرعةةة
نور... احمد فدوة بس اهدأ ولله كل الي صار انو من انتة طلعت احنة اخذناهة فوك وكعدت تبجي وتعرفنة عليه وكالت انو هية مالهة ذنب بشي بعدين صعدت علياء وضلت تغلط عليه وتصيح بعدين ليا ضربتهة راجدي ونزلت بعدين من انتة عقدت عليهة هية كامت تبجي واحنة نسكت بيهة جان تجي مريم وتكلهة اخذتي مني وكامت تكتل بيهة بس هية حتة صوت مطلع منهة ولا عاطت او دافعت عن نفسة واحنة حاولنة نفكهة ونورهان هم حاولت وضربت مريم بس مريم وامهة ضربن نورهان راجدي ورجعت تكتل بيهة وانتة اجيت وشفت الصار ولله اني معليه
احمد... نور تحجي واني افور بدي هسة ادفنهن هنا
احمد... استغفررررررللله ياربيييي يعنيييي ما مكتوبليييي ارتاححححح لبنية ماصارلهةةةةةة اربع ساعات دخلتوهة مستشفى هسة شنو اكوللللل لهلهة اذا سئلوووو عليهةةةةة هااااا اكولولهممممم وللله بنت عمي تحبني واني مادري وكتلت مرتي لان ماتزوجتهة ها همام خابر على خرة حسسن شوف نورهان خاف متخربطة
همام... تمام بس اهدا ولله هسة اذا صعد ضغطك وين اولي بيك بس اهدا ولي تريدة يجرالك
احمد ....ولكم ولله رح يموتوني ابوهة يريد يفتح الوصية قبل السبعة مال ابوه وهاي تكتل بالبنية ولله تعبوني ولله اني تعبت وجدي حملني مسؤلية فوك مسؤليتي هسة انوب هاي مريضة ونورهان مريضة وامي وبيبيتي وانتو وعمي وابوي اني وين انطي وجهي ها شوكت ارتاح ولله تعبت
بكر.... احمد كول يالله انتة قوي تحجي صدك بعدين احنة ٧ وياك شنو نسيتنة ولله اذا تعبان ابطل من الكليه وطز بيهة اهم شي انتة ولله تعرف انتة شنو بالنسبة النة انتة بمقام ابوي ولله
احمد... بست بكر من راسه ورحت على نور جانت تبجي بنهايت الممر رحت حضنتهة وكامت تبجي بصوت بعدين مسحت على راسهة وكتلهة كافي بنيتي كافي هسة تكوم بالسلامة مابيهة شي هسة تصير زينة وتطلع وتصيرون صديقات
نور... احمد ولله مو صديقات ولله خوات هية شنو ذنبهة تدري اتخيل نفسي بمكانهة تقبل احد هيج يسوي بية
احمد... لا ياروحي لاتفكرين هيج وهسة اني اوعدج وعد انو رح نكونلهة اهل ومنقصر من ناحيتهة بشي تمام
