هلا هلا
يلوموني
واحسك تكبر بروحي
ويلوموني
وانة لاشوفتك شينفعن عيوني
اسد خلص اليوم بالديوان بين ابوي واجدادي وعمامي والولد وصكر كل شوي يندار علية يكلي يعني صدك هسة انتة مابيك شي واني اضحك علية لو يكني بشي يمة اكله ليش يكلي يعني تحس برجلك اخر شي ابوي صاح بي يالله بطل المهم تغدينة وسوالف وضحك رالناس تتحمدلي بالسلامة والحلو انو ماكو بيت حسين احس هذا عدل نفسيتي بنسبة ٨٠ بالمية كملنه من الديوان الساعة ب١٠ باليل طبينة للبيت رجعو استقبلوني هم حضن وبوس وماعرف شنو تعبت ولله كعدت بالصالة يمهم واجوي هذولي ايزحفون ياعلي مامصدك ولله اخذتهم حضنتهم وابوس بيهم وهذا الخبل تارس ايلين ذهب وجايب العلي سوار فضة ومحبس صغيروني شذرتة زركة ومكتوب عليهة اسد بالذهبي ينكرطون الملابس اجنن باوعت عليه ضحك واشر انو فدوة الهم ضحكت ورجعت الاعبهم وهمة يسولفون ويحجون بعدين كلت
اسد. فهد شخبار البيت
فهد. هلا خوية كله كامل بس متروح بي هسة انتضر نسوي العزيمة ونكمل كلشي على السبت روح لان الجمعة كل احنة نطلع نجف وكربلاء هم على سلامتك وهم نزور
اسد خير نشالله الي تريدو يصير هاهية
صكر يالله اسد كوم نام ارتاح انتة جاي من سفر وصدك ابو نمر يكول خلي يرتاح ويجيك
اسد تمام يالله مرة خصتكم ياجماعة يالله شيخة
الكل لله وياك
شيخة كمت صعدت غراض الجهال والهوة صعدهم وصعد طبينة للغرفة خلة الجهال على جربايتنة ويمهم العابهم اني رحت حضنتة وضليت ابجي لان مو مصدكة اصعب ٦ اشهر مرت هية هاي من اسد ماكو صعبة من انتي تكونين بين الحياة والموت وماتلكين رجلج يمج او من تكعدين وتريدين رجلج واطفالج وماتشوفينة من اريد حاجة استحي اكول لاحد وميصير اطلب من اهلي عيب من عمامي والولد بالرغم انو محد قصر بكد الشعراية الطاب والطالع يجيب اشياء للجهال والي عمتي والبنات وكلهم بس ابقى بحاجت اسد واهلي يستحون يجون او اني اروح اطول يمهم مرة وحدة رحتلهم وستئذنت من اسد يومين ورجعت المهم لله يحفضة الي كل ماشوفة واكف احس نفسي ماشبع من عندة
اسد. صعدنة حضنتني شيخة بجت شوي بعدين بتعدت بقة صافنة بوجهي بعدين راحت نومت علي وايلين جانو كاعدين واحنة هم نمنة كعدت الصبح ب٦ طبيت سبحت ولست دشداشة نيلي وغترة بيضة والساعة والسبحة ومسدسي والتلفونات الي مفتقدهم صارلي ٦ اشهر اخذتهن وشيخة نايمة غطيتهة هية والجهال وبستهم وطلعت رحت الغرفة صكر دكيت الباب
صكر احس الدنية مو سايعتني من شفت اسد واكف على حيلة احس رجعلي حيلي طول هاي الفترة الي اسد ماكو بيهة حاولت انو ماقصر على جهالة بكد الشعرة اطب واطلع بيدي شغلات الهم الحلويات المرتة يومية علاكة ب٢٠ الهة من ارقة الاشياء هية والبنات وعشق هم جانت متأذاية علمود اسد هم اطلعهة واطببهة واجيبلهة غراض بدة الدوام وصارت سادس وبدت تقرة بخبال اكثر وحدة بيهم عسولة انقبلت هندسة طيران قسم مميز وحلو غضب ومصطفى طلع قبولهم هم هندسة غضب هندسة حاسبات ومصطفى هندسة ديكور كلش فرحنة باقسامهم المهم جنت يومية مكالمة اني واسد مدتهة ٦ ساعات اذا مو اكثر علاقتي وية مريم تمام التمام صح مرات تعصبني ونتعارك بس بس تكوم تبجي اجي اراضيهة احس ماكدر على دموعهة المهم اجة اسد بخير وسلامة لحمدلله جنة منجمعين كلنة بالصالة هوة حاضن الجهال ويبوس بيهم باوع علىايلين وعلى علي جان يباوع عليةعرفتة يقصد على الذهب والسوار والمحبس الي بأيد علي طبعاً هذني كلهن ولا شي كدام صحت اسد وجهالة المهم كملت سهرتنة وصعدنة فوك كل واحد لغرفتة بقيت العب بالتلفون لحد ماصارت بال٢ نمت كعدتني حنين ب٦ كمت سبحت ولبست الزي العسكري جاي ادكم بالبدلة جان يندك الباب
