هلا ولله عصافيري
خليتني ساعة رمل كل الأوقات اتبده
والمشكلة جرح الگلب ماله مكان تشده.
ياسر. نمت وحسيت على احد كاعد يم راسي فتحت عيوني لكيت ليا كاعدة يم راسي وتبجي كمت على حيلي عبالي احد مضوجهة
ياسر. ليلو حبيبي شبيج ياعمري عمة ميسون مضوجتج يوجعج شي
ليا. من اجه حسن وكال ياسر متخربط احس خرطو عافيتي كلهة شبعت بجي ولبنات يهدون بية احسة بس هوة الي بقة من اهلي جان نسمع عيطة من غرفت احمد ركض طفرنة جانت حطية ايلين حلمانة باحمد ميت وتبجي خابرتة لحمد لله جان بابيت كاللهة مابي شي وحنة ماجبنالهة سيرة شوي هدت بقت يمهة نور ونارين ونورهان نايمة اصلاً حسن انطاهة دوة من اغمى عليهة ونزلت نرمين واني وهناك عائشة ورونق ومياسة وساره ومريم مرت ايمن اخو ايلين و ميار وهيلين وناية اخت سارة ومايا وزهراء ونبأ بنات خوال البنات المهم هوسة رحت لسارة كتلهة شوي واجي
سارة. روحي حبيبي روحي رتاحي
ليا. لا بس اشوف ياسر واجي عفت سارة وصعدت للغرفة شفته وجهة اصفر حيل وشفتة بيضة وعيونة مبينة مهمومة وحتى وهوة نايم بي غصة من شفتة هيج كمت ابجي واحاول ماطلع صوت بس هوة بسرعة يكعد خطية كام يسأل بيه خاف بية شي من كام كعد يمي حضنتة حيل وكمت ابجي طلعت كل الي بكلبي من القهر حضني هوة
ياسر. بنيتي ياعمري ليش هذا البجي بنيتي بيجج شي احد حاجاج كوليلي يابعد روحي
ليا. ياسر يصير اطلب منك طلب
ياسر . عيوني الج كولي
ليا. خلي انام يمك اليوم حباب
ياسر. غالية ولطلب رخيص تعالي ياروح اخوج انتي حضنتهةونومتهةعلى صدري وهية تناشغ مثل الطفل وضامه راسهة بصدري شوي شوي بدت تهدء لحد مانفسهة انتضم حسيتهة نامت كمت خليته على الجرباية واخذت باكيت الجكاير وطلعت للطرمة اريد اشتم هوة قبل مااوصل للحديقة الي طل على الديون سمعت كل حجي الولد وخالد وليد ماجانو رافضيني رأساً نزلت دموعي كعدت بالحديقة ادخن لحد ما حسيت واحد كعد يمي انداريت شفته بهاء.
بهاء واحنة كاعدين شفت خيال عرفتة ياسر من تراكسودة كلت خلي شوي واروحلة احمد صعدتة ينام ونزلت يم ياسر والولد تكفلو بالشباب رحت عليه كتله خيرك يابعد اخوك شبيك
ياسر. بهاء احس روحي مخنوك حتى النفس مجاي اكدر اخذة ولله
بهاء. ول يابه اذا باجر بالديوان تحجي هاي الاعراض شلون الشيخ ينطيك بنتة ها
ياسر. اوف اوف ليش هوة اصلاً مفكر ينطيهة شلون ينطيهة الواحد اهلة هيج شلوننننن
بهاء. نجب لك احنة اهلك واصلاً ابوي واحمد فاتحو بالموضوع وكله باجر نقرة فاتحتهم ثنينهم هوة وخالد
ياسر. جذب كول ولله بهاء بروح جدي تحجي صدك
بهاء. ههههههه اي ولله شبيك واصلاً كدام الكل كال يزيدني شرف انو ازوج بنتي لياسر
