هلا هلا عصافيري
عود انه حالف ما أحب بس أنتَ أجيت بدربي
لزمة حمامة بچف طفل بالگوة لازم گلبي !
اسد رتبنة البيت اني وخالد بس صدك اتذيت اخذت العلاج واكلت بس طول مانرتب البيت احس اكو غصة بكلبي بعد ماصبح على الهلي الصبح بعد ماكو هوسة على الغدة بعد ماخابر امي واكلهة شجيب وياي بعد ماشوف اذياب الي يتلكاني من الباب لو عشق الي احسهة هم ثاني شلون رح اكدر اعيش بدونهم احس ادموعي صارو رخاص كامو بسرعة ينزلون جانو اتحسر ينزلن هسة صارن اذا مو باليوم مرتين احس بنقص مسحت ادموعي وية مارفعت راسي جان اشوف خالد اعيونة عليه وهم مدمعة اشرتلة يسكت واني اباوع على شيخة الي جاي تشتغل بس هم ساكته متحجي وية احد المهم كملنة كلشي للمغرب واحنة نشتغل اخر شي كتلهم كومو نجيب عشة ونتسوك لان الثلاجة فارغة خالد جان يسوق وصلنة لسوبرماركت جبير علمود نلكة كل شي بي تقريبا جان مثل المجمع المهم جبنة اماعين وخواشيك وسجاجين وجدورة وطاوات وهية جابت بايركسات وقوالب المهم ماعرف هواي جابت اشياء بعدين رحنة للغذائية وهم كومة اشياء جبنة ماردت ينقصهة شي خلي تفرح بهاي الشغلات كملنة ورحنة جبنة عشة ورجعنة للبيت اول شي تعشينة وسوتلنة جاي وكامت هية تعزل الغراض واني وخالد جان اكو نقوصات كملناهم شوي واحس كلبي حيل كام ياذيني مادري ليش وعركت حيل جان يصيح خالد علية كعدني وشيخة جابت الدوة احس صدك كرهت روحي اني الي جنت اوكف من الصبح لليل جرة وحدة وماتعب هسة من شوية شغل تعبت المهم مشة سبوع طبيعي خالد رجع للبصرة ثالث يوم يعني بقى يمي يومين وراح اني رجعت اداوم شيخة تحاول تخليني ماضوج دائما تسولف وتحجي وياي تهوس بالبيت بس هم احسهة ضايجة كملت سالفت الكلية فايتهة شهر واحد صادقت بنية اسمهة سارة وياهة بالكلية تكول حبابة حيل المهم شفتهة هم شوي مغيره من شيخة صارت تضحك وتسولف مرات تجيهة العصرللبيت يقرون سوة ابونمر اجاني وهم بقى يمي يومين حاير شجايب وياه مامخلي شي الوحات والتحفيات والزوالي مامخلي شي اكله ليش يكلي دائما ليشيل بيت جديد ينسة هاي الاشياء بشرط بيتي بي اربع غرف وغرفتي الخامسة وبي استقبال وهول وبي مثل المضيف او ديوان دائما يصير ببيوت الانبار الكبار هم كلش حلو وكراج تقريبا ياخذ ثلاث سيارات وحديقة حلوة المهم كلش تونست بجيتة يمي واني دوامي يوم بيوم يعني ماكو خفارات نزول يومي تقريبا حياتي ستقرت بس موحيل اني اموت على البصرة روحي بيهة جنت اتخبل اذا رحنة بشغل للعمارة لو الناصرية بغداد ونبات احس اختنك كيف ما هسة صارلي سبوع بعيد عنهة صحيح الولد مكطعو خلاص وعشق يومية اخابرهة اراجعلهة المواد مال المتحان وحتى عسل وحنين خوب حنين بس تبجي كل ماحجي وياهة تكلي بس عشق شافتك من رحت اني مشفتك من اسمع صوت بجيهة لو بجي امي اموت قهر جنت دائما يتصل بية ابونمر اكعد اسولفلة كلشي بكلبي لان صدك جنت محتاج احد اسولفلة على الي بكلبي ومانسيت سالفة التهديد وانو حياة الشباب ابخطر بقينة اني وابو نمر ورة الموضوع وتقريباً قبل يومين لزمناهم ورة يومين من روحت خالد ولزمنة العصابة كلهة طبعا رحت للبصرة مرة وحدة وبنفس اليوم رجعت مالحكت اشبع منهة لذالك ماذكرتهة وهسة اطمنت انو حياة الولد بخير واكون وفيت بوعدي المهم الحمدلله على كل حال
🖤🦋🖤🦋🖤🦋🖤🦋🖤
هسة نجي نشوف شصار بيت الشيخ ورح اخلي احمد هوة الي يحجي
احمد. ورة ماطلع اسد من البيت او بالصح من المستشفى سمعت رايح وياهة خالد وطبعا عرفت بيتة بالانبار لان النقل مالته للانبار اسمع البنات يحجون وياه المشيخة ابوي سلمهة الصكر رغم صكر ماقبل وكله اني واعد اسد ماخذ مكانة شلون هسة تريدوني ارجع بوعدي بس ابوي خابر على اسد واسد كله نفس الحجي الي يموتني الف موتهة وهية اني غريب مالي حق عدكم وحتى الوعود موصحيحة وهم يخليني اشيط الربي احس النوم كمت ماشوفة بعيني واني اسمعهم يحجون وياه واني ماكدر احجي وياه من طلع هوة من المستشفى محد كلي شنو جان بي عبالي من الضغط هيج صار بي من راحو للمستشفى ابوي كال ممنوع تروح وهم تغث الولد بحجيك ممنوع توصل للمستشفى بوكتهة احس كلبي وكف للاخير ايلين حالتهة من سيء الى اسوء مكاطعتني خلاص كدام الكل تتصرف طبيعي بس بيناتنة ابد ماتفك حلكهة بكلمة وياي بيوم جنت راجع من ايمن جانو هوة وعلي يمي والي عرفو بالسالفة رجعت سمعت صوت الولد بالستقبال جنت اتمنة افتح الباب والكاه موجود بس ماكو فائدة بقيت صافن على الباب بس الي صحاني صوت خالد وهوة يسولفلهم حجي خالد
خالد. ولك زين من شافنة يمة شبع بجي وكانو يكول اخر مرة اشوفكم حتى من الدكتور كله بيك ذبحة ماقبل يحجي شي الدكتور كاله تبقى سبوع لعب خلقة بالدكتور وطلع على مسؤليتة وعلى طول ماحنة بالبيت نرتب بي هوة عيونة مغوركة جنت بليل اسمعة يسولف لبو نمر يكله احس الدنية خانكتني جنت مامتعود اعوفهم يوم واحد هسة بعد ماشوفهم خلاص يكله مفتقد لمتهم وهوستهم يكله وين اكو واحد يشتاق الاهلة الي موجودين وميكدر يشوفهم ابو نمر يكله ليش تشتري بيت جبير يكله احسن احس الصغير يخنكني وخاف يوم من الايام يذكروني ويجون ولو اني ماعندي احد بعد بس يمكن ماينسوني ويجوني
زين ولك كافي رحمة لله كافي
فهد. خالد اذا رحنالة يضوج
خالد ولك كل عقلك تحجي انتة شابف الضوجة الي صارت بعيونة من رحت اني
صكر ولكم احس شوي شوي جاي نخسرة احسة جان فتشي حبير بحياتنة جان ماخذ دور الاب والاخ والصديق شكد اذيتة ومافديوم اذاني شكد سمع حجي شكد صارت مشاكل بس رغم هذا ماتخلة عنة ولو ما ابوي والعركة الصارت جان ماراح بس من شاف ابوي هم ضدة ايس من الكل وراح وترة صدك نسيت اكلبكم الاربعا خابرني ابو نمر وكال انو لازمين الي جانو يراقبون اسد ويراقبونة واسد ساجنهم
غضب يعني اجة للبصرة
صكر المشكلة انو اكيد جاي بس من سئلت ابو نمر حلف وروح اهلة انو راجع بنفس اليوم
حسين اني عندي اقتراح
الكل شنو
حسين شرايكم انروح انشوفة
فهد خاف ميقبل او يضوج
خالد خاب انجب انتة غير يطير من الفرحة
يزن زين شوكت انروح الة
صكر اذا نروح ناخذ امي وحنين وعشق
فهد زين وابوي
خالد ترة عمي كلش يحب اسد مستحيل ننكر هل شي تتذكرون شصار بي بيوم العركة بس لابد من اكو سبب يخلي هيج حتى لو يحبنة اكثر من اسد بس مستحيل يسوي هيج
صكر. ولله مادري بس ترة كل البيت ملاحضة شلون منعزل ومايحجي وية احد وحتى هوة وامي مبينين ديمثلون كدامنة بس نرجع ليش هيج سوة
غضب صكر تاكد ابوي شما يسوي اكيد وراه سبب
فهد مهما يكون السبب غير يفهمنة شنو مو هيج يعوفنة ولكم شفتو اسد شلون طلع مكسور لو من رجع شلون عيونة كلهة خيبة امل وقهر انتو تدرون اسد ماصارلة شهرين من اتزوج وكل هاي المصايب صارت وياه ولله لو اني بمكانة طلقة براسي واخلص
حسين شمرت المخدة علية عايزنة احنة عايزنة
مصطفى هسة شنو انروح لا
خالد اني اكول عوفو فترة وانتو خلصو امتحانات لان هوة ميقبل حنين وعشق يطلعن هسة عدهن امتحانات فاخلصو ونروح بس عمي شلون اني كلش مقهور عليه
زين لله كريم لله يحلهة بس ايسو بعد اسد يجي هنا وانتو تعرفون اذا كال كلمة مايثنيهة بعد
الولد لله كريم
خالد يالله كومو خلي انام باجر جدي عازم الشيخ وضاح على الغدة
الولد انشالله وكلمن راح الغرفتة
احمد. بقيت اسمع للاخير بس انصدمت من كالو بي ذبحة احس احد خنكني اني مابية ابوي مابية هوة بي لعد شكد حارك كلبة اوففف ياربي عفت الولد وطبيت الغرفتي بس احس الهوة يخنكني كالعادة ايلين حاضنة ذياب ونايمة بالكاع بقيت كاعد على الجرباية وادخن يمكن اربع باكيتات خلصت الغرفة غيمت صارت بالاربعة اذن كمت صليت وكملت ورجعت العب بالتلفون واشرب جكاير من خلصت صارت خمسة ونص كمت فتت للحمام سبحت وطلعت لبست دشداشة والعكال وطلعت هاي ثاني يوم اني منايم كملت وطلعت ادري بايلين كاعدة بس متريد اتشوفني صدك احس كلبي كام يوجعني عفتهة وطلعت وصلت للهول جان اشوف امي كاعدة تصلي رحت كعدت يمهة جانت مرت عمي كاعدة يمهة وابوي وعمي كاعدين بعيد عنمه يشربون جاي
احمد. صباح الخير
الكل صباح النور
عمي يوسف. تعال بوية احمد اشرب جاي
احمد لا عمي اني طالع
عمي يوسف وين بوية باع الساعة بيش
احمد. عادي عمي بس احتمال مارجع اليوم
يوسف ليش وين رايح
احمد. نشالله خير عمي طالع اني يالله مع السلامة
ام احمد يمة عيونك حمر شنو مانايم
احمد. لا يمة مانايم من ارجع انام
الام شلون يمة رايح انسوق وانتة هيج
همام يمة عوفي اصلاً هوة صارلة يومين مانايم
الام عزة العزاني شلون ولك يمة مانايم
احمد اسم لله عليج يمة همام ليش هيج كلتلهة
همام اي احسن
احمد اوف تمام يمة ولله ماعلية شي كولي يالله وهسة اني رايح مع اسلامة عفتهم ورحت واني هسة تكولون صرت جبير ترة شما كبر الواحد يبقى كلبة صغير حتى الابوي احتاج مرات وابوي اصلاً ولا معبرني ولدي بطولي ومرتي وبناتي ميحجون وياي المهم اخذت السيارة وتوكلت للانبار بدون محد يدري خابرت ابو نمر اطاني العنوان ورحت تقريب الطريق عشر ساعات وصلت ميت تعب بس منزلت باوعت للبيت تقريبا بكد بيتنة الي بغداد بقيت صافن على البيت رجعت ذاكرتي بية من جان طفل واول ماشفناه يم السيارة وكبر ودخل مدرسة وشلون نفس اطباعي وشلون من اتمرض يضوج لو من ايلين يتتخربط يكلب الدنية بقيت صافن وبعد محسيت بشي غير ضوة قوي بوجهي باوعت للساعة بال٦ الصبح باوعت للجامة الي بصفي لكيت اسد كاعد بعيد شوي ويدة على عيونة ويبجي نزلت من السيارة رحت وكفت يمة
احمد. معقولة نسيتني اسد
اسد. كعدت الصبح كعدتني شيخة فتت سبحت وبدلت ونزلت جوة تريكت وجانت شيخة عدهة عطله اليوم بوستهة وطلعت للكراج طلعت السيارة من الباب باوعت جان اشوف سيارة تشبه سيارت ابوي بالبداية كلت عادي جان اركز على الرقم هية ولله هية تقربت للسيارة السيارة المظلله اذا تضون بفلاش قريب عليهة يبين الشخص الي بيهة فتحت الفلاش مال تلفوني تقربت عليه جان اشوفه شلون نايم صدك بجيت رحت كعدت بعيد عنة وبقيت ابجي ليش هيج صارت ليش شوي وحسيتة فوكاي
اسد اني منسيت احد انتو الي تخليتو عني لان اني مالي احد وانتة اول واحد كلتلي عمري ماتخلة عنك وانتة ابني بس شنو بالنهاية طلعوني من حلك الموت تمنيت الكاك يمي من اكعد بس ماكو انتة تشمتو بينة هسة بيت جدي حسين مو تصدك مرات افكر اكول اذا رجعت الهم بصفتي شنو لا عندي صلة بأب ولا بام لاعم لاخال هههههه حلو ولله عمر المريض اسد ٢٣سنة مصاب بذبحة صدرية مصار الة شهرين من اتزوج تدري استحي اوصل اهل شيخة الي انطوني بتهم واني ابن الشيخ احمد ورة السبعة مالته يطلع من بيت اهلة او اسف بيت العالم الي جان كاعد بي ويصفة بدون الا اب ولا ام ولا اخ بس الوحدة تدري ماستغرب اذا طالبو بطلاك بتهم لان اني باجر لو اموت هية تبقى ماعدهة احد حتى اهل الرجلهة تبقى يمهم ماكو اذا مرتي جابت طفل مرح يلكة جد وبيبية ولا عمام ولا اي شخص كافي شيخ انتة تعبان طب ارتاح هسة تجيبلك الريوك
احمد طول ماهوة يحجي اني شبعان بجي ولمشكله مجاي يباوع عليه حتى من كال يالله فوت هم ماباوع عليه كتله
احمد اذا عندي خاطر يمك بس هذا الطلب اذا اطلبة ونفذة
اسد اطلب شيخ وعد انفذة
احمد اريد تحضني وعد وراهة الف السيارة وارجع
اسد لا ماترجع تبات يمي واذا على الحضن فا اني
🖤🦋🖤🦋🖤🦋🖤🦋🖤🦋
