هلا هلا عصافيري الحلوين شلونكم
شلتك وانكتب فوك الچفوف وداع
ما لحگت اضمك من طحت حالوب
حتى من ارد اضمك بالگب شيفيد
مشعل گلبي وانت بعز شتاك تذوب .
اسد.كعدت من النوم مابية حيل وتعبان شفت الساعة ب١١:٣٠واني نمت ب٣:٤٥ شعجب محد كعدني كمت لكيت عشق نايمة زين هاي شبيهة نايمة من وكت باوعت بصفهة جنطتهة يعني مابيهة شي كمت غسلت وجهي ونزلت جوة لكيتهم كلهم كاعدين عمامي يمنة مممم عرفت ليش عشق نايمة يمي ومن وكت طلعو بيت جدي حسين يمنة هوة وعمي جاسر وياسين لله يساعدنة يعني المهم نزلت سلمت عادي مابينت شي رغم همة بسببهم دمرو عائلتنة وشوفونة ايام سود محد شايفة المهم صكر عيونة حمر ويلعب بالتلفون ابوي نفس الشي هم مامهتملة بس جدي واتحسو مجبور شوي جان عمي ياسين يحجي
ياسين. اي اسد اشوفك بس اول فترة سويت ادرامة وطلعت من البيت ورة فترة رجعت شنو خفت خاف تخسر الاملاك والفلوس لو لمشيخة
اسد. هوة حجة لو حركني خلة عيوني بكصتي كتله انتة عمي على عيني وعلى راسي بس مواضيع عائلية مانصحك تتدخل بيهن واذا اني كاعد ابيتك او ماخذ من افلوسك الك الحق تحاسبني بس هسة ماعندك شي يمي تمام
عفتة وصعدت واسمع ابوي وجدي وعمامي يتعاركون وياهم طبيت للغرفة نسيت عشق نايمة جانت اكو يم الباب مزهرية شلتهة وركعتة صارت الركعة مالتهة بميز المراية صار صوت قوي وية التكسير جان اسمع صوت عشق عاطت احس عصبيتي كلهة تبخرت ركضت عليهة بس جانت سادة اذاناتهة وعيونة وبس تصيح
اسد. ولج عشق بس فتحي عيونج اني اسد بس باعيلي ماكو بس اتعيط كتله ولج بس فتحي عيونج رح اكفر بيج بس شوفيني وبطلي صياح لله ياخذني نشالله واخلص من هاي العيشة ولج بس فتحي عيونجججج هية ولا يمهة طبو امي وابوي وصكر وفهد وغضب بس ولد عمي ماطبو لان عشق تلبس حجاب من عدهم المهم كلهم يحاولون وياهة وهية ابد بعدين مدري شلون كامت تتلمس بينة وهية مغمضة وصلت الي جان تخلي راسهة بركبتي وتكوم تبجي بصوت عالي واني اهدي بيهة
اسد. بنيتي ولعباس اسف لله ياخذني نشالله ولج ولله مو متقصد الي صار وما اجة بالي انتي نايمة يمي ولله اعتذر شتردين تسوين بية سوي بس لا تبجين اروحلج فدوة كافي طبعا اني احجي وية عشق هيج بس شنو بداخلي افور شوي شوي خدرت عشق عرفتهة نامت خليتهة على الجرباية ردت اطلع جان يلزمني فهد
فهد. اسد. فدوة لكلبك لاتسوي مشكله عوفهم يولون كافي الي صار بعشق
اسد. ولك بسببهم جان صار بالبنية شي بسببهم نزلت ادموعهة وخلو خوفة بداخلهة ولله انزل احركهم
فهد. ادري ولله ادري بس مهاما يصير يبقى عمنة وما لازم نتجاوز عليه
اسد. اوف ربي وخر فهد وخر اني وين ماذبهة عوجة عود ليوم مرتاح ماعندي شي تجي هاي الشغلة صفح اخذت سويج السيارة ابوي وامي يم عشق بقو همة وحنين وصكر طلعت بسرعة جدي وعمي همام توسلو وين رايح تعال لا تطلع سويت رسالة وجهتهة للكل كتلهم من يرحون يالله ارجع رحت يم الشط جان يدك ابو نمر ستغربت الساعة وحدة الا ربع شكو
اسد. الو هلا ابو نمر
ابونمر. هلا ابو علي انتة وين
اسد. ليش شصاير
ابو نمر. ماصياير شي بس انتبه وراك اكو سيارة جاي تلاحكك من اول ماطلعت من البيت
اسد. انتة شمدريك اني طالع من البيت ومنو الي يلاحكني
ابو نمر. ابو علي انتة من طلعت من يمي سيارة سودة مشت وراكم بس انتو مانتبهتو دزيت سجاد وراكم خابرني وكال جاي يراقبون بيتك بقيت سجاد يمك وهسة انتة من طلعت همة طلعو وراك انتبه بعد اخوك
اسد. زين منو همة وليش ماخابرتني من وكت
ابو نمر يجي الوكت المناسب واكلك منو هسة حاول ترجع للبيت ولة اكلك تعال يمي
اسد. تمام شوي واجي صدك صعدت بالسيارة وبقيت اسوق ومركز بالمراية جان اشوف سيارة نسيان سودة حتى لايتات ماعالك ويمشي وراية وصلت للمصنع مال ابو نمر كتله كلي شكو ومنو هذا
ابو نمر انتة مو متعارك وية واحد قبل بالمركز
اسد. لحظة لحظة اركان العار مو ماكو غيرة
ابو نمر اي هوة وهذولي جماعتة ديراقبوك ترة اذا مايكتلوك يكتلون واحد من اهلك لا سامح لله
اسد. ههه لو يموت باجر هوة وجماعتة بالسجن لو مكتولين وداعتك بس خلي اخابر صكر ثواني
اسد الو ها صكر انتة وين
صكر بالبيت لان هذولي بعدهم صارت بالثنتين شوكت يرحون مادري
اسد. صكر لا تخليهم يرحون خلي يباتون لحد يطلع من البيت ودي عشق لبيت عمي عمار واقفل غرفتي وغرفتهة ولمفاتيح خليهن عندك بسرعة بس ابد لحد يطلع حتى انتو اني شوي واجيكم تمام خابر على ايسر الحارس خلي يجمع لشباب كلهم شددوهن على البيت وهذولي لايطلعون
صكر تمام بس صاير شي
اسد. اجي ويصير خير يالله في امان لله
صكر لله وياك سديتة من اسد وكلت الابوي ابوي كل الجدي وجدي كله ابقو مدري شنو المهم همة كيفو اني صعدت قفلت غرفت عشق ورحت الغرفت احمد كعدت عشق ماكعدت شلتهة هية وحجابهة وصحت حنين تقفل الباب وانطتيني المفتاح كلت الرسل والعسل يرحن البيت عمي عمار كالن ليش كلتلهن ابقن يم عشق وصدك طببتهن لغرفت غصون نومت عشق وطلعت وصيتهن كلت الفهد يخابر الحرس وخالد كل العمامي والابوي
اسد سديتة من صكر وجاي اروح جان ابو نمر يكول
شوف ابو علي يمكن احنة ليوم تلاكينة وانتة متقبل ادخل بخصوصيتك بس اني حالف ماخلي واحد عار عايش وهسة هذا منهم واذا تقبل اروح وياك للبيت حتى لو ابقى وية لحرس بس المهم نلزمهم سوة وماعوفك
اسد. ههه كفو منك ولله ابو نمر وكل الهلا بيك بس تدخل للديوان مالتنة وبصدة تكعد انتة من هاي الحظة اخوي ولولاك جان هسة لله اعلم هذولي اشسوو لان اني ماجنت منتبه بس وداعتك لبجيهم يالله نتوكل صدك اخذت ابو نمر بسيارتي هوة هم جاب شباب من عندة علمود يزيد حرس وصلنة لساعة ب٣ باليل طببت ابو نمر بالديوان خابرت الشباب اجوي ورة عشر دقايق جان يجي ابوي وعمي همام وعمار وبهاء وبكر بس عمي حسن وحسنين نايمين قبل مايحجي صكر عبالهم ماكو شي فرايحين لبيوتهم وهذولي الغثث نايمين المهم اجة ابوي وصار صياح كتلة كلشي الي صار وشلون ابو نمرالي لكفهم ابوي تشكر منة المهم شوي وصدك صار رمي طبعن الحرس داخل البيت مو خارجة يعني بالحديقة الورة البيت ورة باب الحوش داير مداير الديوان هيج من صار رمي اشرت الغضب طب يم البيت روح لبيت عمي عمار شوف اختك وانتة مصطفى وشهم طبو يم امي ومرت عمي حسن وبيبيتي بسرعة لاتعوفوهن وحدهن جوة همة طبو وحنة طلعنة رمينة عليهم جان اضرب اركان بجتفة وبركبتة وكع والبقية الولد اتكفلو بيهم تقدمت اني وابو نمر عليه شلتة من ياختة كتله شفت الي يندك بالاسد شيصيربي هسة حتى جماعتك ماتو ولرتبة طارت واهلك رح ينفصلون مو لو مو مو صكر خالد شيلو وخابرو الاسعاف خلي تجي تاخذ الشباب صدك نقلوهم للمستشفى طلعو منة الطلقات وسحنو بالمستشفى ثانيوم نقلوهم للمركز واهحنة تصوبو قليل من الشباب المهم تشكرت من ابو نمر وكتلة باجر معزوم على الغدة وهوة راح واني هم طبيت للبيت لكيتهم كلهم متجمعين ويبجون وعشق بحضن غضب تبجي امي وجهة اصفر والشفايف بيض وعماتي نورهان متخربطة اوف ياربي جدي الضغط صاعد اجتي عشق يمي حضنتني وضلت تبجي اني شلتهة واواسيهة اكلهة ولله ميصير شي بس كولي يالله ها كلشي مابية بنيتي ولله شو باعيلي شو هاي فقدت بين ايدي ستغفرلله اجتي عمتي نرمين شكلتلهة مغذي صعدتهة فوك وامي اخذهة ابوي الغرفتهة وعمي حسن نفس الشي وصكر وفهد طببو جدي وبيبيتي للغرف مالتهم وبيت جدي راحو البيتهم شكد فكر مافديوم اجوي اذا ماصارت مصيبة نمنة الصبح اني صعدت بدلت ومدري شنو نمت يم عشق والنومة نومة للستة العصر كعدت عشق على نومتهة باوعت الغرفة ضلمة تشهي الواحد يرجع ينام رجعت نمت ماكعدت الة وية صلات الصبح احس هسة يالله ستقريت اخذت التلفون عشق شكلهة كاعدة واجعة نايمة لان الكانونة مشيولة ونومتهة عدلة المهم شفت ابو نمر دازلي رسالة انو هوة هم ماخذتة النومة وكاعد باليل كتله يالله ليوم احلى غدة لعيونك جان هوة كاعد كال نشالله خيركمت صليت وبدلت ملابس عسكرية ونزلت جانن بيبياتي كاعدات وامي وعماتي وجدي علي وجدي يوسف وعمامي وابوي صبحت عليهم وشربت الجاي صارت ستة ونص طلعت للمركز الولد يجون وراية طبيت سلمت على الشباب ورحت للمكتب حليت جم قضية اجاني صكر كال شعجب ماكعدتنة مثل يومية كتله ماكو شي كلت تاخذون راحتكم ضحك وكال نشالله يومية المزاج وردي كتله ترة المزاج اسود شرايك اكوم اشوفة الك كال لا عمي مشكور اجة خالد هم سلم وراحو المكاتبهم الضابط براء استلم قضيت اركان خسر رتبتة والخمس نفصلهم كملنة لل١٢ خابرت الولد ورجعنة طبعن عدهم بر انو اني عازم ابو نمر على الغدة ابوي وعمامي اليوم اجوي ساعتين وراحو ماكو شي المهم رجعنة بالطريق مريت على الاسواق جبت لبن وسوالف مال غدة وراهة جبت حلويات للبنات كل وحدة علاكتهة واكيد الجهال همات كملت وصعدت بالسيارة طبعا صكر وخالد كملن سيارة بس طبكو اشترو ببسي وجكاير بس مشوفوني عود يخافون الجذابين المهم مريت على ابو نمر اخذتة ويانة طبينة للديوان وكلت لغضب ولمصطفى ينزلنون العلالك من السيارة المهم ستأذنت من ابو نمر وطبيت للبيت سلمت على امي وعماتي وبيبي وبيبي الثانية ولبنات اجني يسلمن عليهة هم صعدت سبحت وبدلت دشداشة سودة وغترة مقفلة ماروني واسود وشحاطة ماروني وساعة سودة والحزام ماروني التلفونات والمحفظة ونزلت رحت للديوان يم ابوي وجدي وعمامي وجدي يوسف سوالف ومدري شنو ابو نمر هم اندمج ويانة بسرعة صبو الشباب الغدة تغدينة وشربنة الجاي وراح ابو نمر واني كلت الاهلي على انو الخميس الكعدة ستاذنت وصعدت هم سبحت ولبست تراك سود رصاصي ونمت عشق من عدهة قراية الضهر تنام بغرفتة فهسة ماكو ومشن الايام عادية بين الدوام والديوان صار يوم الخميس واجوي العالم وصياح وعرك
اسد شوفو انت ابنكم العايل فا مو من حقكم تعلون حسكم بديواني تمام هاي لوحدهة قضية واني جنت ناوي افصلكم بس احنة مو بعازت فلوس ولا بعازت شي منكم بس فصلكم رح يكون عشر سنين ماتفوتون البصرة كلم واني رح اخلي ناس تشوفكم ولمدة عشر سنين اي واحد من عائلتكم يطب البصرة هذا حصتي وماتعب نفسي وياه كبل طلقةزوافض الموضوع وانتة ياشيخ قابل بابن عشيرتك
الشيخ لا ولله ومن هاي الحضة انتو طالعين من العشيرة لان كثرت مشاكلكم
اسد طلعو وهمة فشلانين وصدك طلعو من البصرة وخليت ناس على الحدود مال المحافضة تراقبهم المهم خلصت الكعدة وطبعا جان ابو نمر كاعد وكلهة كاعدة وحيدر صار صديقنة وهم ويانة هوة وابو صار صديق ابوي وعمامي وكلش عائلة محترمة ونسوانهم وية النسوان جوة وبيبيتي تحمد بيهم تكول خوش ناس واجاويد وبناتهم ثكال مو خفاف المهم مشة الوضع طبيعي وهدوء بين الدوام والديوان وعبر حدود الشهرين او شهر ونص جان يخابرني ......
