هلا هلا عصافيري شلونكم
هذا المـوت جسـر للا نهاية عليه كلنا انفـوت
هذا المـوت هاجس يبتدينا بلحــظة التكوين
ويرافگنـه العمـر من غير ضجـة وصوت على
چـــف المنايـــة مشرغديـن انـام ونلهث على
الدنيـا ونبني بيها بيـوت ونتعافى ونذم بالخلگ
هذا وذاك وعلى غفلة وزرگ جدامنة التابوت
اسد. كعدت اصبح على صوت التلفون جانت شيخة ادك عليه
اسد. الو ها حبيبتي بيج شي
شيخة صباح الخير عمري لا مابية
اسد. صباح العافية بنيتي لعد شكو
شيخة ها شسمة شنو اسوي ريوك واسوي هسة لو شوكت
اسد حبيبتي الساعة بالتسعة منو كاعد
شيخة عمو وجدو وجدو يوسف وبيبي فرح وبيبي افراح وعمة ايلين
اسد. تمام هسة اني رح اجي للبيت وانتي ابدي شنو الي كدامج سوي واي شي تحتاجي هسة اغسل واروح اجيبة
شيخة تمام تعال يالله انتضرك
اسد صدك منو بغرفتنة نايم
شيخة محد ليش
اسد مو اريد اصعد ابدل
شيخة تمام تعال ماكو احد سديتة من اسد وكمت خدرت الجاي بقوريين وسط وبديت اطلع بالطماطة والبيض والبتيتة والكيمر والاجبان والكاهي والمربة وهاي السوالف بعدين باوعت مالحك اخبز وكهرباء هذا سحب شوي واجة اسد اني جنت لابسة دشداشة زيتوني وشال كريمي لان خاف الولد يجون
اسد صباح الخير بنيتي
شيخة صباح النور باباتي
اسد ها وين وصلتي
شيخة مابقى شي خلصت بس اسد مالحك اخبز شلون واني كعدت متأخرة
اسد. وشبيج رح تبجيين بنيتي هسة اروح اجيب واجي بعد شنو اجيب وياه
شيخة مادري بكيفك انتة شوف شيحبون وجيب اني رح اسوي طماطة وبيض عمو بهاء يحبهة وسويت بتيتة وبيض وبيض لوحدة وسلكت على صفحة والكيمر والبقية الاجبان وانتة شنو تريد بعد بكيفك
اسد تمام عفت شيخة وصعدت فوك بدلت دشداشة رصاصي طوخ وغترة سودة نزلت جانو كاعدين بالصالة رحت بست راسهم وايدهم وعشق هستوهة كاعدة من النوم من شافتني جان تكوم وتجي تحضني بسرعة
اسد ههههههه ولج جاهل مو زين ركض اول ماتكومين من الفراش باباتي ادوخين جم مرة كايلج اني
عشق تدري ممصدكة جاي اشوفك حسيت بعد مستحيل نتشاوف
اسد تتذكرين من كتلج للموت ماعوفج واني عد وعدي ويم طلعت من البيت جان شي خارج عن اراتدي كومي كومي ماريد افتح دفاتر قديمة خلي اروح اجيب صمون والغراض واجي
عشق. ممممم اريد تشتريلي حلويات هواي ماشي
اسد مومن عيوني ونتي حنونة
حنين لا اسد ولله ماريد
اسد. على راحتج بنيتي يالله ذيب وليد ياسر علي تعالو وياية
الجهال. هييييي كامو وية اسد
اسد رحت جبت صمون وخبز مال معمل ونزلت يم الاسواق جبت اجبان وعجبتني فطائر تجي كامله مسلفنة جبت على عددنة وجبت حلويات العشق اكيد وجبتلهم كلهم كل واحد علاكتة والجهال هم شترو رجعنة جانو ديخلون بالسفرة انطيت الغراض المريام هية ودتهن للمطبخ واني بقيت كاعد يمهم اجتني ياسمين
ياسمين اسد شيخة تكول وين نخلي السفرة
اسد كوليلهة بالديوان ناكل كلنة سوة
ياسمين تمام رحت الشيخة وكلتلهة
اسد مطولو عشر دقايق وبدن البنات ينكلون بالاكل
الجد اي بوية اسد شني شلون رح تستقر هنا
اسد اي جدي هذا هنا بيتي ودوامي وكلية مرتي نقلتهة هنا وباشرت بالدوام
الجد زين وحنة بوية يهون عليك تعوفنة
اسد. لاطبعا جدي مايهنون عليه بس بعد هاهية واني كلت الابوي وهسة كدامكم كلكم مستحيل اعوفكم وهل مرة انتو اجيتوني المرة الثانية اني اجيكم ماعوفكم للموت بس بعد هاهية
الجد. براحتك وليدي
اسد. كملنة ريوك ولبنات شالو السفرة بقينة اني والولد وعمامي وابوي وامي وعماتي وبيبي افراح وبيبي فرح وجدي يوسف وجدي علي وطبعا عشق بحضني اباوع ابوي مدنك ماحجة وية اي احد ساعة يسبح ساعة يلعب بالتلفون وامي نفس الحالة تتصفن اوفففف ياربي
اسد. اي صكر وفهد وانتة ستاذ غضب شنو سالفة ماتحجون وية ابوي
الولد شكو اسد شصاير
اسد. شنو الشنو لاتسون نفسكم ماتعرفون شلون متحجون وية ابوي ها شنو معنى هل تصرف يوم يتعارك ابوي وياي محد الة الحق يدخل زين لو لا وهوة ماطردني من البيت ماكلي اطلع برة كل همة جان انو يحميكم من الخطر الي جنتو انتو بي وفوك كل هذا انتو متحجون وياه صار علية شي لاسامح لله تكعدون تتندمون مو
الولد اسفين ولله مو قصدنة من حركت كلبنة عليك
اسد. شوفو وها هذا الحجي موجه للكل لو ابوي يموتني خلاص ها يطردني من الشارع يعاقب يرزل يحجي لو هسة يطلعني من البيت هم محد الة الحق يحجي كلمة وحدة لويفك حلكة بكلمة على ابوي ولله يشوف شي بعمرة مشايفة
الجد اسد شجاي تحجي
اسد اي جدي الي سمعتة ممنوع احد يعارك ابوي تمام اني وياه مشاكل بيناتنة تنتهي وتروح ماكو داعي انتو تسون هيج ولاتنسون بالواقع شنو هوة ابنكم واخوكم وابوكم واني ولا شي تمام يكفي عيشني اربع وعشرين سنة وافضل عيشة منقص علية حاجة هاي الوحدهة تكفي انتو مكاطعي صار سبوعين على يا اساس ها افرضو ماجة للانبار ها وطلع هيج ومنايم صارلة يومين صارلة شي بالطريق لاسامح لله احنة شنو انكول ها
الولد اسفين وكمنة بسنة ابونة من راسة
صكر بوية اني اعتذر خاف غثيتك بحجاية
فهد. بوية اسف ولله من حركت كلبي على اسد هيج سويت
غضب سامحني بوية فدوة لعمرك ولله اعتذر
احمد مسامحكم بوية لله يوفقكم ويحفظ خوتكم
همام كمت بست راس احمد وكتلة اعذرني ابو اسد
احمد. ماكو داعي تعتذر همام انتة ماسويت شي
همام بس هواي غثيتك بالحجي
احمد واني نسيت عادي مصار شي
بكر ابو اسد انتة ابونة ولله بس كله من حبنة باسد
بهاء اسف احمد
احمد. ترة عادي خلص كافي شبيكم
الجد بوية احمد اني ا
احمد لابوية شبيك صدك جذب وكمت بست راس ابوي لله يحفظك النة
الكل امين
احمد بست راس عمي وامي ومرت عمي صارت عيني على عشق الي جانت لازمة دشداشة اسد وتبجي بدون صوت
احمد شبيهة بنيتي تبجي
عشق كمت ركض وحضنتة وابجي بصوت وهوة يمسح على شعري
احمد كافي بوية كافي شو باعيلي موزين عليج البجي بنيتي
عشق اه ه ه ه ه بابا اسفة ولله مو قصدي ولله اسفة حباب سامحني
احمد. ولج شلون ازعل منج شو باعيلي شلون تبجين هاي العيون الحلوة ها شلون باوعيلي لاتنزلين راسج باوعيلي يالله خلص ماريد ادموعج تنزل كومي غسلي وروحي يم البنات ماشي
عشق تم تمام رحت غسلت ورحت يم البنات
شيخة شبيج عشوقة شصاير شنو باجية
عشق حضنت شيخة ورجعت ابجي
شيخة خلص ياعمري كافي موزين عليج شو باعيلي امسحي ادموعج خلص حنين جيبيلهة مي هاج ياروحي اشربي كافي ولله ميصير شي مادام يتحاجون بيناتهم هاي كافي شوي شوي بدت تهدئ احنة جنة كاعدين بالصالة كعدته على القنفات وخلت راسهة بحضني شوي شوي بدت تنام خابرت اسد يجي يشيلهة فوك لان هنا هوسة شوي واجة من شافهة ارموشهة مبللة وعيونهة حمر صار عصبي نار لان محذرينة انو متنقهر او يصيرلهة شي لان موزين عليهة المهم صعدهة ونزل طلع للديوان واني والبنات كمنة سوينة غدة سوينة تشريب لحم وتمن برياني ودولمة دجاج شوي بالتنور شواه حسين وحسنين ويزن بعدين اسد اصر انو يجيب سمج فاجاب بس ثنين واصلاً مشويات من برة بس كلش كبار المهم احسة فرحان وبهاي الطريقة يعبر عنهة سوينة المقبلات وكملنة صارت ب٢ صبينة الغدة سوالف وضحك رغم هوة ميحب صوت على الاكل بس لا هوة الي كام يفتح مواضيع عشق ماكعدناهة واسد كال لاتعزلولهة من تكعد اني اجيبلهة من برة اني كمت خدرت الجاي وصبيتة البنات شالو السفرة ورسل ودت الجاي واحنة كعدنة انضف المطبخ وطلعنة للطرمة لان الولد كلبوهة كلاب المهم خلصنة همة نامو احنة البنات مانمنة بقينة انسولف وضحك وشقى والولد هم شوي ونزلت عشق جان يكول اسد
اسد حببت ابوهة تعالي ياعمري اجتي كبل بحضني وراسهة بركبتي وبقة ساكتة
اسد. بنيتي شلون صرتي يوجعج شي
عشق. لا باباتي مابية شي بس شوي دايخة
اسد اي هاي لان بدون اكل هسة هاك غضب هذا سويج السيارة روح جيب لفتين مال شنو تردين بنيتي
عشق اسود تعرفني من اريد اطلب ماخلي شي فاانتة ختارلي
اسد لا انتي تختارين يالله شنو مشتهية احجي
عشق مممم اريد بيتزا وفلر وريزو ومقبلات وعصير مال برتقال
اسد مو بعيوني بعد منو يريد بنات تردون شي
البنات لا مانريد
شيخة لعد كومن خلي نسوي كيك
اسد اكعدن وسكتن اني اجيب جاهز لان اصلاً اذا سويتو مرح يكفينة شوي ونروح نجيب
البنات هييييي بعد احسن
اسد ههههههه تمام يالله غضب حفضتهن الي تريدهن عشق جيبلهيا وتعال بسرعة
غضب تدلل عشق خانم عود ليش ماكلتي
عشق بكيفي صارف عليه من جيبك يالله روح ترة بطني جاي تهلهل من الجوع
الكل ههههههههه
اسد ولك يالله شكد تلغي يالله بسرعة
غضب تدلل عشق خانم
اسد راح جابهن وجة كعدت تاكل واحنة انسولف كملت كلت لشيخة جيبيلهة الدوة مالتهة شربت الدوة وحضنتني اني عبالي عادي لان جان التلفون بيدهة ورة شوي حسيتهة ثكلت لمن اباوع الهة طلعت نايمة اويلي تنبل مال نوم كمت شلتهة لان هذولي لادبسزية يعضوهة يخلوهة تفرفح صعدتهة بغرفتي وعلكتلهة السبلت ونزلت مطفيت الاضوية لان جان بعد شوي غروب نزلت يمهم جانو كلهم كاعدين ضحك وسولف رادو يجهزون العشة باوعت لشيخة بدون ماتدري شكلهة تعبانة لان نمنة بالخمسة وكعدت بالتسعة ولهسة وركض وتتصخر هواي خاصة اني كل شوي مصخرة تحضرلي الهدوم لو لحمام فاباوعت عليهة شكلهة تعبان كتلهم لحد يسوي اني اجيب من برة كلهم كالو لا وهواي جاي تصرف
اسد شنو هاي شبيكم ترة خير من لله وانتو قابل يومية رح تجوني عفتهم وطلعنة اني وخالد وصكر وحسين وضرغام جبنة العشة والكيك وببسي وحلويات بعد للجهال ولعشق والبنات المهم تعشينة وتعللنة تعلولة حلوة سوالف وضحك بعدين كل واحد رح نام بغرفتة احنة الولد بالديوان وعمامي بالستقبال والبنات بالهول نفس تقسيم البارحة وووووو
اسفة ادري جاي اتاخر بالنشر بس ولله مرضة شوي هاي لفترة وقراية امتحانات كلهة متراكمة
🌚🌝🌚🌝🌚🌝🌚🌝🌚🌝🌚🌝🌚🌝🌚🌝🌚🌝🌚🌝🌚🌝🌚🌝🌚🌝
