هلا هلا ولله عصافيري شلونكم
بنات قبل منبدي البارات اول شي اني اسفة انو مانزل دائما بس ولله مشغولة وخطار كومة ودراسة فايعني الوضع متخربط شوي وعندي طلب زعنوني بليز صوتو 🥺🥺
اسفة على الأطالة
ما افتهمنا الغلط وينه مدري بيكم َمدري بينا
يوم نلگاگم سندنا ويوم سچينه بظهرنا .
اسد. اوففف لله كريم صكر اني دوختك اليوم باوع صارت ٦:٣٠ اسف ولله بس جنت مختنك حيل وحسيت محد جاي يفتهمني وحست ضوجتك بالحجي الي كلتة جوة اسف ول
صكر هاي شبيك يمعود كول يالله اني الي اسف رفعت صوتي بوجهك اسد انتة ابوية اخوية صديقي كلشي بحياتي ولله ماعوفك للدوم واذا بيوم عفتك صدك اطلع عار على الزلم وها اكو شي اريد اكولة
اسد. كول بعد اخوك شكو
صكر تعرة اني مو ابو احمد اني ابو اسد
اسد. هههههه انجب لك عيب لازم تحمل احسم ابوك بعدين شنو اسم ابنك يطلع اسد صكر ال فهد شكو حرب
صكر هههههههه تمام يابة ابو احمد ابو احمد بعدين تعال هاي لفصعونة نايمة يمكم مو
اسد. ههههه اي ولك اصلاً اذا متجي نستاحشهة
صكر هههههه يالله مادامهة نايمة يمكم تعال انتة نام يمي لو متكدر تفارك لحب
اسد انجب لك سرسري يالله جا طفي الضوة وتعال بعد شوي ويكعدونة
صكر اتحداك اذا مو بالسبعة تلكاهن فوك راسنة
اسد. ههههه يالله تعال
صكر بس ها يول مو تتخيلني شيخة ترة انة صكر
اسد شمرت علية المخدة امشي ولي لك اتخايلة شيخة هوة ابو الوصخ المهم ضحكنة ونمنة وصدك بالسبعة صعدن حنين وعشق كعدونة كمت غسلت ورحت الغرفتي لكيت شيخة ماكو يمكن جوة جانت محضرتلي هدوم طبيت سبحت ولبست دشداشة رصاصي وغترة هم بلون الدشداشة بس محفرة والنظارات والمحبس المهم نزلت صبحت عليهم بس مبينين فشلانين اني مغلس على الموضوع كعدت بصف فهد اجة ذياب كعد بحضني وعشق اصلاً بصفي والبنات ديسون ريوك جدي كال بوية اسد ليش لبارحة طلعت من الديوان هيج بدون متكول
اسد. ولله للصراحة اني مردت افتح الموضوع هسة بس الي صار انتة اعرف ياجدي الغلط بيمن وطلعت حتى مافشلكم وية لشيوخ اكثر يكفي انو صرت حديثكم بين العالم وهذا مو حلو بحقكم ونشالله باجر نرجع اني وشيخة للانبار باوعلي صكر عود شكلت اني اشرتلة يسكت
احمد. اسد كلت ماكو روحة لحد مجيب مرتك وروح
اسد. واني كلت العندي مصارلي اسبوع ونعاد نفس الفلم مال قبل اذا ابقى بعد اكثر شيصير
احمد. بس اخوك كسرهم من العشيرة وانتهة كلشي بعد حتى لبيت ميكدرن يطبون بي
اسد ولهانة بوية مال البارحة ها ولي سمعتهة ترس اذنك وغلست ومدافعتلي بكلمة وبقيت ساكت ولاتكلي شيوخ ماشيوخ جنت تكدر بعيطة وحدة منك يسكت بس انتة شنو بوية ها يالله فهموني ها كلكم كاعدين وكلكم كبار فهموني وين تردون توصلون بية شنو جاي تنتقمون مني على ذنب مالي بي صار بالسنة واني يومية اهانة جديدة رحت للانبار ٥ اشهر ارتاحيت عبالك مو ههههه ولله مادري ولكم ٥ اشهر اني ليل مانامة افتر بالشارع مثل المخبل باقين اني وهاي بيت شكبرة مثل الثولان نفتر بي اجيتوني يومين احس طاير بالسمة وبداخلي اكول عليمن فرحان واني غريب اصلاً جاي افرح بناس اني مو من نسلهم اصلاً ولا يمهم وارجع واكول لا عادي كل يوم يمر اني ادعي على ابوي وامي اذا عايشين لله ياخذهم واخلص ولله ينعلهم بكل يوم على هذا الي جاي اعيشة شنو فرقي عن ابن الحرام ها شنو صدكتو بمكتوب على ورقة طبعاً مرح يكولون كافي صار ايام تمر واني نفس القوانة تنهش براسي عبالكم اضوج من حجيهم لاوحق ابو فاضل وداعت جهالي ماضايج لان كل الي يكولو صدك كرامة ونمسحت اهانة ونهنت جنت بشي وبحلم كله راح طلعت من البيت بسبب اكثر شخص المفروض يوكف وياي اجيت وكلت السبب بس الناس متدري هاي صارلي شكد يمكم استحي من نفسي اودي شيخة الاهلهة بيا وجه اشوف ابوهة وخوانهة وساكت كافي تعبت حسو بية رحمة لله كافي كمت باوعت على شيخة وحنين وعشق وامي يبجن عفتهن وطلعت بالحديقة ادخن اوفففف ياربي ليش هيج اصفن اكول ارجع للانبار وطز بكلشي بعدين اكول لا خاف يصير بية شي وشيخة منو الهة اوفففف اجة صكر
صكر كوم وياي اسد
اسد. صكر خوية بشرفك روحي طالعة توكل انتة
صكر بعصبية كوم اسد جاي اكول كوم وعوف هاي الي بأيدك
اسد كمت سايرتة وذبيت الجكارة وكمت وياه صعدنة بالسيارة مشة مشة وصل بطريق مابي احد مثل البستان كال انزل نزلت كتله شكو
صكر. يالله طلع لبكلبك يالله صيح اضرب احجي ابجي يالله ولا تشرب هذا السم يالله
اسد بقيت صافن عليه كتلة صدك تحجي
صكر اي ولله يالله كوم سوي الي تريدة يالله هاي اني كدامك اضربني شنو الي تريدة سوي
اسد. تدري شنو الي اريدة من هذا كلة الي جاي اتكولة
صكر شنو ولله اجيبة الك من جوة الكاع
اسد اريد اهلي صكر اريد حضن امي اريد سند ابوي اريد اعيش يمهم وبحضنهم ومحد يعيرني صكر احس انطيني ايدك هاك هنا شوف هنا اكو حركة هنا صكر هنا شي يوجعني وماكدر اكول الاحد صكر مرتي حامل واني مو كد هاي المسؤلية احس الكل يتحكم بية واني مثل العبة بيد الكل كل الي يردو اسوي ومحد يفكر بية ابسط شي ابوي طلعني من البيت وتعارك وياي ورجع صالحني وكالي ورجع رجعني للبيت واني وياه ومارفضت صكر اني احس روحي سلعة بيد الكل ومحد مفكر بية تعبت وابو فاضل تعبت كافي ليش متحسون بية ها خلو نفسكم بمكاني تقبلون ها شتسوون هسة اني رح اسمع كلامك واجي للبصرة واطبق كلشي بالحرف بس تقنعني مارح اتأذة عبالك هذولي يسكتون وهمة انطردو بسببي اتحداك اذا مو لبصرة كلهة تعرف بموضوعي فوك كل هذا احبهم ولك ما اكدر تتأذون واني اسكت ولله ماكدر ليش هيج كلبي ليش لله ياخذني نشالله ورتاح لله ياخذني وكعدت ابجي بصوت اريد النار الي بكلبي تطلع اجة صكر حضني حضنتة حيل ورجعت زدت بالبجي
صكر. وية كل دمعة تنزل من اسد اني احسهة تنزل على كلبي بجيت وياه على حجية الي يزرف الكلب صدك احنة مأذي من كام يبجي رحت عليه حضنتة وبجيت وياه من كل كلبي اتمنة لوجع بية ولا بي بس شنو اسوي مابيدي شي بعدين كمت مسحت وجهي باوعت عليه لام رجليه لصدرة ويبجي شلون الطفل يامحمد شلون هيج يصير بي وين اسد القوي قبل بس سنتين مجان اسد هيج قويت نفسي ورحت علية كتله كوم اسد كوم انطيني ايدك شو هذا بس كومتة لزم صدرة احجي وياه ميجاوب يسد عيونة ويرجع يفتحهن بقوة اخر شي وكع اريد بس اسندة ماكو اتوسل اريد ماكو اخر شي شلتة وديتة للسيارة وطرت بي للمستشفى بالطريق خابرت على خالد
صكر بصياح ولككك تعاللل للمستشفى بسرعة اسد رح يموت انعل ولديكم الولد رح يروح سمعت صياح يمة يمكن جان فاتح سبيكر او شي
هالد صكر بس فهمني منو وبيا مستشفى انتة
صكر. ولك اسدددددد رح يموتتتتتتتت بسرعة لمستشفى ..... يالله سديتة منة كام اسد شلون ليشخر عبالك واكو رجفة بجسمة وصلت للمستشفى بالف ياعلي اجوي اخذو من عندي بالساعة يالله طلع الدكتور بس وجهة اصفر وية ماطلع جان يجون ابوي وعمامي والولد كتلة دكتور شصاير شبي اسد
الدكتور. انتة شتصير منة
صكر اني اخو كول شبي
الدكتور. مع معالاسف الولد الولد ضاربتة جلطة بالقلب وصار بي شلل
الكل بصدمة شنووووو
صكر لزمت الدكتور من ياختة كتله شنو انتة شتحجي اسد مابي شي لاتجذب
الدكتور اخي ولله هذا الي صار الولد بي ذبحة صدرية وجلطتين بالقلب بس هسة جسمه ممتحمل وضاهر هواي مضغوط عليه من التفكير بس الغريب انو عمر المريض خمسة وعشرين سنة بس لان اربع جلطات صارت وهوة عمرة صغير القلب ممتحمل وقف الجسم كلة بس ليش هيج على كلاً الحمدلله على سلامتة مرة ثانية وراح
صكر احس صقعني صقع وراح كلامة يرن باذني الغريب عمرة خمسة وعشرين سنة ليش هيج وجلطة بالقلب زين والدة الي بعد بس ثلاث شهور ويجون شلون يالله انداريت على ابوي والكل الموجودين
صكر. ارتاحيتو هسة بوية رتاحيت مو هاي انشل اسد خلص بعد ماكو حتى لادوام ولا كلشي رح يبقى كاعد وساكت بعد حتى مايكدر يسوي شغلة بنفسة خلص ارتاحو انتقمتو منة على ذنب مو هوة مسوي كفو ولله منكم مفكرتو شرح تكولون المرتة لو الجهال الي رح يجون للدنية وابوهم ميكدر يشيلهم رتاحيتو هسة بس قسم بالله لابجيكم دم بعيني ضلو تفرجو هيج ضلو وابقى فكرو بحجي الناس بس اريد افتهم ليش هيج صار شنو الي رادة الولد ولكم قبل شوي يكلي صكر كلشي ماريد من هاي الدنية اريد بس اهلي اريد حضن امي وسند ابوي ماريد غير شي صارت بي جلطة ومحليتو عنة صارت بي ذبحة ومحليتو عنة هسة سكت رتاحو بعد هينو حتى ميكدر ايجاوب
همام. صكربو
صكر لحد يحجي لحد انتهة كلشي اريد اعرف ابوي شبي ليش هيج صار هااا بوية هذا اسدكككك مو تكول هذا اسدي ها يالله اسدك جوة مشلول ولحل قبل بس سنة او اقل بهاي المستشفى ضربتني علمودة وهسة شنو واني جاي احجي وية ابوي جان يطلعون اسد بالسدية الوجه اصفر حيل الاوكسجين على خشمة ولا حس ولا خبر زين هذا شكله من يكعد شنو اكله نشليت لو شنو فهد وغضب الدموع بعيونهم خالد اسوء من حالهم الولد كلهم ادموع بس واحد يطخم يبجون عمامي نفس الحالة ابوي ادموعة توكع بدون توقف وبس ساكت دخلو للغرفة كالت نص ساعة ويصحة بهاي الحظة تمنيت صدك ميكعد وميشوف حالة هيج بقينة يمة كاعدين نص ساعة جان يبدي يون صاح مصطفى الدكتور اجة جيك وضعة وكمل كلشي كال هاية مابي شي بعد ولشلل صاير كلي يعني مو نصفي ورة ٦ اشهر يبدي العلاج الطبيعي وعود يفيدة طلع الدكتور خابروني ادم وضرغام كعدة بالديوان اجيت اكفر بي بس شوي هديت كتله تمام
صكر. فهد روح انتة وابوي وعمامي اكو كعدة بالديون يالله انتو هم روحو ابقى اني وغضب وزين( ملاحضة زين اسمة زين العابدين بس للختصار زين ) بالبداية مقبلو بعدين لا راحو شوي شوي كعد اسد بقى صافن بوجهي بعدين باوع على زين بس احسه مستغرب انو ليش مجاي يتحرك كال وبألف ياعلي
أسد. من حجيت وية صكر احس نفسي جنت مخنوك اكو شي بصدري يخنكني بعدين صار صداع قوي من كلي كوم كمت وياه بس الصداع زاد اريد افتح عيوني ماكدر شوي وكلشي سود بعيوني ورة فترة حسيت اكو اشخاص يمي بس احس جسمي يوجعني شفت احد تقرب علية وبعدين هم رجعت اسود كلشي بعيني ورة شوي كدرت اصحصح واشوف واضح باوعت صكر وزين موجودين اريد احجي ماكدر احس جسمي يوجعني حيل ياعلي بالتواسيل كلت
اسد. صكر اريد مي ( ملاحضة هسة تكولون شلون هيج يصير شلل ويحجي باعو لكل يعرف الدماغ هوة الي متحكم بكلشي صح لو لا فا اذا لا سامح لله تصير بي جلطة بالدماغ بهاي الحالة رح ينوقف كلشي حتى النطق اما اذا بالقلب فا هية مجدرد شرايين تنسد اتكوم متوصل دم الاجزاء الجسم والاجزاء تتوقف عن العمل وبستمرار العلاج او عملية يرجع كلشي )
صكر. مو بعيني كمت شربتة مي كتلة لحمدلله على السلامة ياروحي خوفتني عليك ابوعلي
اسد. لله يسلمك بس بس ليش مجاي احس بجسمي
صكر. اءءءءء اسد انتة هوة مادري ستغفرلله
اسد. بقيت صافن بوجه صكر شلون يمتمت وزين الي داير وجهة كتله صكر كول شبية لاتعصبني ولحسن مابية حيل
صكر اسد انتة قوي واني وياك ماعوفك للموت بس اسد انتة صار عندك ش شلل
اسد احس شلون الصاقعة الي نزلت على راسي كل ماجي للبصرة اطلع منهة بمرض ليش ربي ولله اختيارك صعب ولله بقيت ساكت فترة وتذكرت شيخة اوفففف هية ولة عشق ولة امي اني وين انطي وجهي ياربي ولله صغير على هذا الشي ولله بقيت ساكت وماحجيت حرف
صكر من كتله بقى صافن بوجهي احسة جاي يتكسر من جوة اريدة ينطق حرف بس ماكو كلشي ميحجي ولا حرف راح زين يشوف الدكتور كالة اذا ماعندة مضاعفات انطلعة لان تقريبا هوة هسة مابي شي بس لليل يالله مو هسة او باجر الصبح صدك بقيت كاعد يمة دزيت زين هم يجيب اكل اريد اوكله ميقبل واصلاً ميحجي بس يوخر حلكة وهوة ساكت خابرتني مريم بالعشرة كالت شيخة لاعبة خلقة تريد اسد كتلهة مريم سكتوهة ترة روحي طالعة باجر احنة جايين الولد وين
مريم هسة رح يجونك كملو الكعدة ورح يجون
صكر كليلهم لا ابوي ولاعمامي يجون تمام
مريم تمام
صكر يالله الله وياج
مريم باي عيوني
صكر سديتة من مريم ورجعت يم اسد المشكله بس صافن لايحجي ولايكول ماكو اتوسل بي يحجي ماكو اجوي الولد اتحمدولة بالسلامة وهم يحجون وياه ميقبل ماكو ساكت اخر شي عفنا على راحتة نمنة كلنة يمة لصبح كملنة اوراق الخروج وطلعنة للبيت شلتة اني وفهد خليتة بالعربانة بعدين خليتة بالسيارة وراسة بحضني وصلنة للبيت جانو محضرين طليان علمود سلامتة كملو وخلصو وتحمدولة بالسلامة كتله اسد وين تريد اوديك ترتاح اشرلي بعيونة فوك اتوسل بي اريدة يحجي ماكو عاد صعدنا اني والولد هاي بعد المناحة مال امي والبنات وبيبياتي ونسوان عمامي والبنات خوب شيخة ماكو بس شهكات واكفة على صفحة من صعدنا صعدتهة رسل وحنين كايداتهة خليناه على جربايتة وضبطت لمخاد وطلعت وكلت الشيخة اي شي يريد خابريني اني كل ساعتين امرلة رحت لغرفتي سبحت وبدلت تمددت على الجرباية لان حيلي مهدود ميت تعب لبارحة كله مكدرت انتم واني اشوفة هيج يعني ينام دقايق ويرجع يفز ويبقى صافن سمعت دكت باب كلت فوت فاتت مريم كمت عدلت كعدتي
صكر ها مريم محتاجة شي
مريم بجي رحت حضنتة ليش هيج تعبان
صكر. شتردين اسوي واني اشوف اخوي بهاي الحالة ولج حتى دوام بعد ماكو اله جهالة شلون يفرح بيهم متكليلي مرتة اذا رادت شي شلون يلبي الهة اخخخ تعبان ولله عليج لعباس خلي انام يالله اطلعين بقيني هيج بحضنج
مريم بقيت ابجي بسكتة وافرك براسة شوي شوي بدة يغفة تانيتة ينام يالله كمت بستة من راسة وغطيتة يالله طلعت
اسد بقيت ساكت ومانطقت بحرف ودوني للبيت ذبحو ويحجون وتحمدولي بالسلامة صارت عيني على ابوي كله بسببة ليش اخذني ليش عيشني بوهم ليش هوة دموع بعيونة عاد صكر يمكن شافني كال تعال خلي نصعد طبيت للبيت امي وشيخة والبنات كلبنهة عزة حاضناتني ويبجن بعدين من صعدوني للغرفة وطلعو بقينة بس اني وشيخة الي جانت واكفة بعيد وتبجي نطقت الكلمات الي اجني بكلبي بدون تفكير
اسد. رح تعوفيني مو اشرتلي براسهة بلا كتلهة انتي لوحيدة الي صدك ملكي انتي لشخص الوحيد لي مو خدعة بس بس اني ما استاهلج اني مريض وماعندي اهل وماعندي سند عوفيني وروحي عيشي حياتج واذا على الجهال فاني ماحرمج من منهم اخذيهم لان اني ما استاهلهم من يكبرون يردون عمام يردون اهل واني ماعندي هذا الشي روحي شيخة روحي وعشي حياتج بعدج شابة اني ماستاهلج روحي اصلاً اني انسان منحوس محد يريدني ولا عندي احد روحي
شيخة تقربت علية وحضنتة حيل كتله مستحيل اعوفك بيوم من الايام انتة ابوي وامي واخوي وكلشي ماعوفك ابدولله انتة كلشي بحياتي وصدك تتعافة وترجع احسن من قبل ولله شلت ايدة وخليتهة على بطني شوف اسد جهالك جي يكبون بعد بس ٣ اشهور وينورون ونفرح بيهم لازم تصير قوي الخاطرهم
اسد من كالتلي هيج اححس متت امل ماكو شبعت بجي ابجي بصوت عالي من كل كلبي اجوي الولد ولبنات جنت اني ابجي وهية تبجي صكر اجي يحاول يفتهم شبية يتوسل حتى اسكت ماكو اخر شي عاط بيهم كلهم طلعهم برة واجة حضني حيل بقى يقرة لمعوذات بصوت ناصي باذني شوي شوي بديت اهدءونمت بعد مدريت بكلشي ........
