علا هلا عصافيري الحلوين
اختلفنه براي واحد
گتلك هوايه اجيتك مره مرلي
وانتَ گتلي لا تعاند هيه مره
وحته اذكر بيها چان الليل كاعد
اخ لو شارعكم يعيد المشاهد .
أسد. كعدت بال٦:٣٠ باوعت شيخة نايمة كمت اخذت هدومي وفتت سبحت وطلعت لبست الزي مالتي وكملت مشطتت شعري ولبست الساعة والمحبس كملت كلشي السلاح والتلفونات والمحفضة والعطر بيدي جاي اروح اخذ البسطال جان اشوف شيخة كاعدة وصافنة عليه رحت كعدت يمهة
اسد. صباح الخيرر
شيخة كعدت بالسبعة الاربع جان اسد يحضر بروحة اباوع شلون هيبة بالزي العسكري وشكله حلو دعيت لله لا يحرمني منة شافني واجه كعد يمي
شيخة. صباح النور حبيبي
اسد. ياروح حبيبج يالله ارجعي نامي بعد وكت
شيخة لا اليوم السبعة خلي انزل انكمل تنضيف علمود ب١١ نروح للصالون
اسد. تمام بنيتي بس ها من هسة ماريد ملابس كصيرة ولا مكياج طوخ تمام اريد شيخة الاسد تكون نازكة ومميزة تمام
شيخة ابتسمت على حجية صدك جنت مقررة البس فستان صلوخ وبي جاكة جوة الفخذ بس من كال رأسا بدلت الخطة بدون مجادل لان هوة هم حيطب ماريد يصير بينة زعل كتله بعيوني الي تامر بي يصير
اسد. بستهة من راسهة لان اعرفهة من تحجي كلمة ماتخلف بيهة عفتهة ونزلت قبلهة صبحت على الكل وبستهم من راسهم باوعت على القنفة وضحكت
اسد بوية هاي ليش نايمة هنا
احمد امك مكعدتهة من وكت لان عدهة منتحان باجر وكايلة الامك تكعدهة علمود تقرة والخبلة من الاربعه تقرة بالصالة وامك اتكول بالسبعة الاربع نامت يعني مصارلهة نص ساعة
اسد. اوفففف نشالله يتحقق حلمهة اجيت بستهة من راسهة وكلت
صكر تعال صعد عشق لغرفتهة
صكر. خوية عذرني ولله اعضهة خدودهة متتقاوم
اسد. خبال ولله كوم فهيدان
فهد. اسد. بربك بس باوع شكلهة مو ميتقاوم عبالك جاهلة ونايمة بشرفك شلون ماعضهة
اسد صدك تحجون
صكر وفهد. اي ولله
اسد هنيالي نشالله وانتة شيخ غضب
غضب. مو بعيني هسة اني اصعدهة
اسد. تمام بس ياويلك اذا عضيتهة اموتك ولله (هذا كله واكو واحد جان يموت الف موته من الغيرة وساكت ) شالهة غضب بس كمل الدرج يعني اختفة من الصالة جان تكب العيطة مال عشق
اسد. ولككك عضببببب اليومممم للهههه ميخلصك من ايدي نزلو هية تبجي وهوة طاك من الضحك
عشق. اهئ اهئ اهئ اسود شوف شنو سوة بخدودي
اسد. صدك منضرهة يضحك العيون عسليات على صفر بيضة حيل ونونات قوية وخدود كلش كبار طبعا هية خالة حجاب على راسهة حتى من جانت نايمة المهم اجتي كالعادة تعلكت بركبتي وتبجي
اسد. تعالي بنيتي اكعدي يم ابوي شوي
عشق. عفت اسد ورحت بحضن بابا هوة جان فاتحلي ايدة رحت بحضنة خليت راسي بركبته وبعدني ابجي
احمد. كافي ياروح ابوج هسة اسد ياخذلج حقج
اسد. عضب تعال هنا
غضب. اسد ولله شكلهة ميتفوت من هية نايمة احد كلهن هيج صيرن خوب حنين صدك وين حنين خلي اعضهة حنونةةةة
حنين. ها خوية شتريد
غضب. خلي اعضج حبابة
حنين لا ولله لو تموت يااا بابا شبيهة عشق تبجي
احمد. ماكو بوية بس هذا الخبل عضهة
حنين رحت على عشق
حنين عشق حبيبتي شو باعيلي هسة بابا واسد يكتله عزا باع شمسوي بخدودهة تعالي خية تعالي غسلي وجهج كومي اخذت عشق ورحت غسلتلهة وبقيت اسد يتعارك وية غضب
اسد. غضب ولله العضيم اطيح حضك اذا بعد عضيتهة ولك ليش هيج ها مو تدري مو زين البجي عليهة وكالك ابوي كاعدة من الفجر هية اصلاً
غضب. اهوووو اسد منو كللهم يخلفوهة هيج حلوة ها بس هم اكولك اني اعرف شلون اراضيهة وداعتك عليه
اسد. دومك تضحك عليه بحجيك
غضب. رحت بست راس اسد لا وداعت عيونك اني اراضيهة وهسة رايح بعد شنو تريد
اسد ههههه روح لله وياك بس ها صدك شوكت تعطلون للمراجعة
غضب بعد شهر وعشر ايام يالله نعطل مو هسة
اسد تمام راح غضب وشيخة نزلت من زمان وراحت وياهم للمطبخ جابو الريوك اتريكنة وكملنة واخذت خالد وصكر ورحنة لبو نمر جنة نخطط على عصابة مال مخدرات كلش جبيرة قريبة بحدود الساعتين من معمل ابو نمر المهم بدينة انسولف شلون انحلهة وها طبعا الولد البقية اتكلفون بالتجهيزات لان درو اني عندي شغل كملنة ساعتين يم ابو نمر بعدين رحنة للمركز حلينه جم قضية جان لازم نحلهة وخالد جان عندة تحقيق خلصة وية اثنين شكد علاقتنة قوية برة بس بداخل المركز عبالك واحد ميعرف الثاني حتى من يحجون وياية كله سيدي المهم خلصنة بثنتين ونص متنة تعب احس حيلي صدك نهد اجوي الولد مخلصين اخذتهم كلتلهم هسة اذا نروح منلكة اكل وخطية جاي يحضرون نفسهم تعالو ناكل بمطعم صدك طبينة للمطعم اول شي رحنة غسلنة لان جنة ميتين عرك شهر الرابع حارة حيل بالبصرة المهم طلبنة كباب شوي المهم خلصنة وشربنة جاي وطلعنة وصلنة للبيت بالاربعة جانن البنات بالصالون بعدهن طبعا اني كتلهم الكل يرحن للصالون حتى بنات خوالي وخالة هيلين هم ماريد ايضوجن او يحسن بتفرقة اذا دزيت بس مرتي وخواتي المهم صعدنة كل واحد الغرفتة اني انجطلت لان صدك حيل تعبان بقيت متمدد بالنص ساعة جان يدك ابوي كال انزل العالم جوة وصلت كتله تمام بس ابدل سبحت وطلعت دشداشة بيجي طوخ وغترة صحراوي وعكال خليت لان اليوم كل الشيوخ تجي ولبست الساعة والمحبس والسبحة والحزام اخذت المحفظة والتلفونات ورشيت عطر ونزلت جانو البنات بالستقبال الجبير طبيت للمطبخ شفت حنونة كال عادة مكياجهة خفيف والفستان مستور ويجنن الحلو ميحبن الطوخ والعربدة لا كله نازك المهم اجتي بوستني كالت محتاج شي كتله لا بس اريد مي انطتني شربت وطلعت سلمت على الولد وخطية تعبانين رحت يم جدي وجدي يوسف وجدي ابو امي ورجل بيبي ياسمين وعمي ابو حيدر وحيدر وحسام وعمامي وابوي وخوالي وعمي ايمن وعلي ولدهم هم موجودين ولد عمي طبعا سوالف وضحك وشقى صارت باسبعة كمنة صلينة بعدين صبو العشة تعشو العالم وشربو جاي جان تتصل امي كالت تعال
اسد يمة شسوي طاب بين النسوان
ايلين يمة شنو بين النسوان ماكو احد غريب بعدين انتة محضرلهة هدية
اسد اي طبعا بس فوك
ايلين حسويلك طريق اصعد جيب هديتك وتعال المرتك عيب كدام ام حيدر
اسد. تمام بس خلي يلبسن حجاب
ايلين ههههه تمام
اسد. صدك كلت الابوي وكال روح طبيت للبيت الصالة فارغة صعدت للغرفة طبعن جبت خمسين ورقة وديتهن البارحة العشق سوتلياهن على شكل اكلادة اخذتهة وياهة زنجيل ذهب مكتوب عليه لبوة الاسد نزلت رجعت اتصلت على امي اجتي فتحت باب الاستقبال اني دنكت وفتت رحت على بيبي ام ابوي وبيبي مرت جدي يوسف وبيبي ياسمين وبيبي ام امي وبعدين مرت عمي ام حيدر هم بوستهن من راسهن ها طبعاً بالبداية امي بستهة من راسهة كدام الكل ومن ايدهة بعدين اجني عماتي وخالة هيلين هم بوسني وحنونة وعشق وبنات عمي كلهن هذا كله واني ماشفت عروستي انداريت عليهة جانت واكفة ومدنكة وصدك فستانهة جان كلش حلو ونازك جان لونة ماروني طوخ ضحكت على خجلهة جنهة متعرفني المهم اتقدمت وبستهة من راسهة طلعت الفلوس من جيبي لبستهيا طخن بالكاع وبشرط فريتهن مرتين بعدين لبستهة لكلادة وكصينة الكيك وكلتهة وكلتني جان اكللهة
اسد. اويلي خرب النضام من ورة حفلتج
شيخة. ههههه بشرفك اليوم السبعة مالتك والدنية محتركة وانتة حاير بالنضام غير اليوم اصعدلك طابق كامل ناكله اني وياك
اسدههههه لا ربحنة ولج صار ٤ اسنين العب رياضة من صار الحادث خربوليا اجباري كامو كله باجة وتشريب وطيحو حضي هسة انتي تكمليهة
شيخة يعني مالي خاطر يمك
اسد. هههههه مو اكول لله باليني بجهال يابه خلص وعد من نصعد اكل كيك بعد
شيخة سلامتك حبيبي
اسد. كمت بستهة من راسهة جاي اطلع وانصدمت انو بيت جدي حسين موجودين مريم وعلياء وبناتهن يالله ناس خلاص زايحة المستحة غلست وطلعت بعدني ماطبيت الديوان جان اتكب العيطة اني كلت تعاركن واذا صدك ولله مارحم بيهن اجوي ابوي وعمامي والولد اشرتلهم يوكفون طبينة اني وصكر وابوي لكيناهن كلهن ملتمات مو مال عركة عطت بيهن سون مجال جان اشوف عشق بحضن شيخة مغمي عليهة راسا شلتهة وطلعت ماهتميت الفستانهة شعرهة الطالع اجتي عسل شمرت عليهة عباية اجة خالد وعمي همام كتلهم ناخذهة للمستشفى رحنة اني وصكر وخالد وفهد للمستشفى ركض اخذوهة من عدنة ورة نص ساعة طلعت الدكتورة كالت البنية صاير عدهة هبوط بسبب التعب لازم ترتاح
اسد نكدر انشوفهة
الدكتورة اكيد
اسد تشكرنة من الدكتورة وطبينة لكينة وجهة اصفر ونايمة بعدهي رحت يمهة نزعت الغترة مالتي خليتهة على راسهة لان تتخبل اذا احد شاف شعرهة الوحيدة يمكن من الاول متوسط اتحجبت المهم لفيت شعرهة وغطيتهة بالعباية وبقيت لازم ايدهة وكاعد وخالد وفهد وصكر كعدو على القنفة ابحد المهم بالربع ساعة جان تبدي اتون يعني كعدت
اسد. عشقي حبيبي اتسمعيني
عشق اسد اءءءء دايخة حيل
اسد اي بنيتي من الضغط ليش هيج اني مو قبل اشوية طلعت مابيج شي جنتي كاعدة بصفي
عشق مادري كومت شيخة جان ادوخ وبعد مادري شصار
اسد انتي شوكت اخر شي اكلتي
عشق. اكلك شوكت نطلع
اسد. احجي لا تبدلين الموضوع شوكت اكلتي اخر شي
عشق. اهوووو اسد على الريوك الصبح تمام
اسد بعصبية. شهل اهمال ها شنو هل استهتار انتي مو عندج دوة شلون بدون اكل متكليلي حلوة هيج بهذلتينة كدام العالم
عشق كلش انصدمت من حجي اسد ابد مصاير عصبي علية قبل ركض ادموعي وكعن كمت على كيفي ولا باوعت بوجهة وهوة جان ساكت بس حيل عصبي صحت فهد كتله
عشق فهد تعال هنا اوكف وانطيني غترتك
فهد تمام هاج
خالد اخذي راحتج اني رح اطلع
عشق لا ماكو داعي تطلع اجه فهد اخذت غترتة ونزعت غترت اسد وخليتهة على السدية ملصت الكانونة جان يعيط
اسد خبلةةةة انتيييي لاتملصيهة
عشق. لاتعيط علية اسد ومعليك بية بعد لاتدخل بكلشي يخصني تمام نزلت من السدية خليت العباية على راسي وكمت وكفت كلت الفهد يالله فهد خلي نطلع
اسد. من شفت عشق بهل حالة صدك عصبت ليش تهمل نفسهة لو صاير بيهة شي جان شصار بيه ما انكر انو تعصبت زيادة وبس من حقي اي اخ يشوف اختة بهل حالة يسوي هيج من كامت وهية متجاهلتني وكالت معليك بيه ولزمت ايد فهد عفتهة وطلعت من الغرفة
خمس دقايق وطلعو همة جان صكر شايلهة لان ملابسة شي برجلهة جان وجهة كله مضموم بركبت صكر مدري ليش دائما ايجيني تفكير من اصيح على واحد من عدهم بعدين اكول اني غريب مو من حقي احجي عليهم او ارزل طلعت كدامهم اني سقت وخالد يمي وهية يم الولد لان جانت متريدني بس شنو عيوني صارن حمر احس ضغطي فول انتبه عليه خالد كال
خالد. اسد انزل اني اسوق باع عيونك تحجي صدك انزل يمعود لا تكلبنة
اسد صدك جنت اسوق بكل سرعتي بس من يرتفع الضغط ايصير وشة بالذن فاجان صوت خالد كلش ينرفزني عطت بي واني اضرب بالستيرن حيل
اسد. كافييييي اسكتتتتت معليككككك بيةةةةة لا تدخللللل ولا اكلك هم صدك طبكت السيارعة على السريع ونزلت وضربت الباب حيل وكفت تكسي اخذتة ورحت لبيت المزرعة وصلت هناك طبعا بيت المزرعة ينامون بي الحرس يعني مو متروك ويخوف لا كله اضوية فا طبيت جانو كاعدين بالديوانية كلتلهم اخذو راحتكم اني طاب للبيت صدك طبيت كبل للغرفة خليت ونمت قبل ماغفة غلقت التلفون مالتي كعدت با٣ بليل فتحت التلفون شيخة حاركة التلفون ابوي عمامي والولد كله غلست على الكل ورة شوية جان تتصل شيخة تنهدت وجاوبتهة
اسد الو
شيخة بكاء اسد انتة وين ها ليش مو بالبيت
اسد. بنيتي لا يضل بالج اني بيت المزرعة مابية شي
شيخة اسد ترة الولد سولفو كلشي النة وعمو رزل عشق وهية صعدت لغرفتهة ومتقبل تاكل ولا تفتح الباب حباب تعال شوفهة
اسد هههه ولج هية الي كالتلي بعد مالك دخل بية ولجج. اوفففف كافي شيخة المهم امسحي ادموعج ونامي اني ارتاح وارجع
شيخة لا حباب تعال هسة عليك لله ولله ماكدر انام
اسد تنهدت وكلتلهة تمام هسة اخلي الحرس ايجوبوني
شيخة تمام انتضرك
اسد كمت لبست الغترة مالتي وطلعت لكيتهم كاعدين كتلهم يوصلووي كامو وصلوني للبيت طبيت سنطة واضلم صعدت فوك طبيت على غرفت عشق جانت مشغلة الضوة ونايمة بالكاع بدون كلشي رحت شلتهة وخليتهة على الجرباية
اسد. تدرين اول مرة احس بالهانة من وراج يمكن محسيتي بس معنى حجيج جان يكلي انتة غريب اعتبرج بنيتي ولج حتى ابوي يكلي نزلهة من غرفتك عيب اكله مالكم دخل بية هاي بنيتي لمدلله مالكم دخل بيهة واليوم كدام الكل ادكليلي لاتدخل بية ليش ها علبو شنو صيحت عليج ولج شايفة كلبي وكع بين رجلي من الهبطة عفت مرتي والدنية كلهة واخذتج طاير بالنهاية اطلعين ماماكله وهبتينة ابوي وجهة اصفر ويرجف امي الي شبعت بجي عليج حنونة الي نطت من البجي لو شيخة الي الهسة جاي تبجي عليج ها انتي النفس مال البيت والمدلله مالتة بس وعد من اليوم ورايح مادخل باي شخص بالبيت رح اكون الانسان الغريب الي ياكل ويشرب ويطلع مافك حلكي بكلمة بستهة من راسهة وطلعت من الغرفة رحت لغرفتي لكيت شيخة كاعدة على الجرباية وتبجي رحت حضنتهة وكلتلهة كافي خلص اجيت مصار شي
شيخة. ليش مرجعت وياهم من اجوي ليش خليتني اموت بقهري ها
اسد. اسف خلص كافي بجي كومي غسلي وجهج وتعالي نامي رح اتصير بالخمسة كامت شيخة تغسل اني اخذت هدوم وفتت سبحت واجيت تمددت شوي بقيت صافن بعدين اجتي شيخة ونمنة كعدت بالسبعة على المنبه شيخة نايمة كمت سبحت وبدلت واخذت غراضي ونزلت جانو كلهم كاعدين لان دوام صبحت عليهم بس محد حجة لان كلهم درو بسالفت البارحة عشق كاعدة يم غضب ولازمة الكتاب من صبحت عليهم رفعت راسهة شافتني ونزلت ادموعهة دعيت من لله ماروح احضنهة هية دنكت بسرعة اتلافيت الموضوع ردت اطلع جان ابوي يكول
احمد اسد بوية تعال تريك
اسد لابوية عندي دوام اكلو بالعافية
احمد. تمام لله وياك
اسد يالله مع السلامة
الكل لله وياك
اسد. خالد اذا هاي لاتجي اليوم انتة والة صكر لان اليوم عمامي يداومون مو
عمار وبهاء وهمام اي
احمد. اني اريد امشي بمعاملت التقاعد
همام اني وياك لعد
اسد على راحتكم بوية عفتهم وطلعت همة جانو ملتمين على السفرة تنهدت وطلعت وصلت للمركز ماشتهيت اكل شي بقيت اشتغل من ٨ الحد ال٢ فد جرة بدون انقطاع توسلو عمي عمار وبهاء علمود اجي اكل او اعوف الشغل ما قبلت كملت همة راحو قبلي باوعت للساعة هسة اكيد مخلصين غدة رحت يم مطعم اخذت لفتين مال زنكر وقوطية ببسي اكلتهن وشربت جاي وطلعت للبيت طبيت ب٣:٣٠ جانو نايمين لان الظهر ينامون اني هم عفتهم وصعدت الغرفتي فتحت الباب لكيت عشق نايمة يم شيخة هم نايمة طبيت بدون ماطلع صوت اخذت ملابس من الكنتور وطلعت الغرفت خالد جان ديلعب بالمبايل
خالد هلا ولله ابن العم شعجب
اسد البنات نايمات ومحبيت ازعجهن واعرفك متنام هسة كلت اجي اسبح يمك
خالد عدل كعتة اسد بعدك زعلان على عشق ترة هية جاهلة
اسد خالد كلش زين تعرف اني شنو مو جاهل ولا مافتهم صح الي حجتة مالهة غاية بي بس الفكرة انو انتة غريب لاتدخل بية
خالد لا ولل
اسد. اشششش خالد كافي ياما وياما اني معيط عيلية واصلاً هية كل ماتتخربط اني ارزلهة بس الضاهر هسة كلشي اختلف عفت خالد وطبيت سبحت وطلعت لكيتهة كاعد على الجرباية اخذت مخدة ورحت للقنفة جان يكول
خالد تعال يمعود نام على الجرباية وين رايح هناك
اسد. لا اهنا اريح
خالد بداعت عمي تجي هنا شبيك يول اعوفلك الغرفة واطلع هاي غرفتك اخذ راحتك اجة نام على الجرباية واني بقيت اكلب بالفيس طفيت الضوة ضلمت الغرفة لان اعرفة ميحب ضوة وبقيت العب بالتلفون للسبعة جان يدك
صكر لحمد لله جان صامت التلفون اخذته وطلعت جاوبتة كال وين اسد شو بس سيارتة سألنة شيخة كالت ماجة
خالد لا نايم بغرفتي يكول البنات نايمات جانن
صكر ها تمام كعدة لان العالم بالديوان
خالد تمام طبيت للغرفة لكيتة كاعد يباوع بالتلفون
كتله ترة العالم بالديون خلي ننزل
اسد تمام طلعت من الغرفة رحت لغرفتي لكيت بس شيخة
شيخة اسد شوكت اجيت
اسد ب٣:٣٠ بس جنتو نايمين ماحسيتو عليه كلت اوح يم خالد ونمت يمة
شيخة ها تمام على راحتك احضرلك اهدوم
اسد اي غسلت وجهي لان سبحت العصر وطلعت جابتلي دشداشة سودة وغترة بيضة لبستهم والساعة والمحبس والسبحة ولحزام والغراض كلتلهة تنزلين كالت اي نزلنة سوة جانو البنات كاعدات بالصالة وبيت عمامي يمنة سلمت على عماتي باوعت عشق صافنة عليه اعيونهة غوركن بالدموع بعد ماتحمل احس روحي بيهة كامت رادت ادكوم اني عفتهم ورحت وصلت للمطبخ جان احس باحد حضني من ورة انداريت جان اشوفهة عشق حضنتني وكامت تبجي بصوت ضمت راسهة بصدري وتناشغ اني بقيت امسح على راسهة واسكت بيهة بالنص ساعة اني واكف يمهة وهية بس تبجي جانن البنات واكفات اشرتلهن يرحن اجت شيخة جابت لهة مي وطلعن سدن باب المطبخ كعدتهة
اسد. كافي بجي عشق
عشق. اهئ ولل ولله اسفة ولله ما مادري شلو شلون كدت اح احجي وياك هيج اسفة مو قصدي حباب سامحني واخذت ايدة اريد ابوسهة جان يسحبهة
اسد. اشششش كافي خلص لتبجين كافي تعالي اخذتهة على السنك غسلتلهة وجهة ورجعت كعدتهة كافي بعد الموضوع مينفتح خلص تمام عشق انتي فاهمة تمام وجبيرة حطي روحج بمكاني شيصير بيج ولج كلكم وية النفس اموت عليكم كلكم بس خلص ولله تعبت كافي تعبت من التفكير ومن كلشي خلص وداعتج اليل مانامة جكاير اذا مو باليوم سبع باكيتات اذا مو اكثر اني وياج انتو ممحسسيني اني غريب وتحبوني بس اني مجاي اكدر ولله كافي علية الاهانة كدام مرتي اول البارحة وغيرهة وغيرهة كافي ولله مليت مو كادر اعيش حياتي طبيعية اريد حل
عشق طول ماهوة يحجي اني احس كلبي ياذيني شكد هوة متأذي ويتحمل ويضحك ويسولف وبالة على الكل
عشق. مممممم اسد ماكدر اكلك اعزل تعرف ليش لان انتة ابونة الثاني احنة بلياك ولا شي صدكني اسد انتة مو تحبنة تحمل الخاطرنة اتحمل وبيت جدو حسين اني احجي وية جدو وابوي واخليهم ميجون بعد ولله وعد
اسد. لا بنيتي ميصير بيت اهلهم مو بكيفنة نمنعهم
عشق لا البيت بيت جدو علي وجدو يوسف يعني جدو حسين مالة دخل صدكني اني اقنعهم بس حباب لاتعوفنة عليك لله
اسد. اوففففف تمام ايصير خير هسة كافي بجي تمام وروحي اقري من اجي اني اراجعلج بديتو امتحانات الشهر الثاني مو
عشق اي صحيح اسد شنو سالفة دوام شيخة ترة هية طالبة صيدلة مرحلة ثانية
اسد بالي الشغلة بديت بمعاملت التحويل مالتهة انشالله الاحد الجاي اداوم
عشق نشالله باباتي كمت بستة من راسة لله يخليك النة ومايحرمنة منك
اسد ويحفظج بنيتي عفت عشق وطلعت للديوان بيت جدي اهل امي راحو من اليل بقينة بالديوان جانو اكو شيوخ بي كعدنة سوالف وكهوة وجاي ومادري شنو جانت عدهم مشكله حليتهة صارت بالعشرة طبينة للبيت لكيناهم جاي يسون عشة ربع ساعة وخلو السفرة عشق جانت فوك تقرة كلت الغصون تصيحهة عاد صدك شوي واجتي بوست بابا وجدي وجدي يوسف وعمامي واجتي وكفت يم بابا جان تكله اريد احجي وياك موضوع ورة الاكل
احمد. خير بنيتي كولي هسة بعدة ماصابين
عشق لا باباتي اريدك اسلطن علية وانتة تشرب الجاي
احمد هههههه تمام
فهد بوية ولله وراهة مصيبة
احمد. انجب معليك بيهة هاي حبيبت ابوهة
حنين واني بابا نستني
احمد انتي حنيني شلون انساج كلكم اموت عليكم
غضب بوية جا وامي مالهة مكان
صكر اسكت ولك ايبيعنة كلنة علمودهة
احمد انجبو ثنينكم بعدين شعندي غيرهة غير مريتي هية وحبيبتي وروحي
مصطفى يابة ولله صار بينة جفاف خلص كافي تتغزلون عمي صدك جذب نزار القباني مايحجي بكدك بالحب
احمد. همام عكالك لو عكالي يتكطع علية
همام عكالك ابو اسد
احمد بوية اسد. بعد ابوك كوم دكة
اسد تامر بوية وية ماجاي يكوم جان يكمز مصطفى بصف جدي علي
مصطفى جدي اني دخيل عندك بشرفك جدي تقبلهة يتغزلون كدامنة وحنة حدايق غضبو وحسينو وزينو ماتحجون
الولد معلينة مابينة ننكتل
الكل. هههههههههه
اسد تعشينة وكملنة وشيخة تسولف وية البنات منطلقة هية اذا الولد موجودين تكعد يم البنات بس اذا لا ماكو احد لا تكعد يمي كملنة وجابو الجاي اني شيخة سوتلي كهوة جاي نشرب جان تحجي عشق
عشق بابا جدو جدو يوسف عمو اريد اكلكم شي
الكل كولي
عشق بابا انتة دريت بالمشاكل الي صارت بيوم العزومة من ورة بيت جدي احسين وبالسبعة هم سون مشاكل ويذبن حجي لشيخة وحتى عمة علياء كالت الم شيخة كلتلهة شنو ماعدكم افلوس تصرفون عليهة وهديتوهة لو بيهة شي بعدين عمة نور غلطت عليهة وعتذرت من المرية
احمد نورررر صحيح هل حجي
نور اي خوية ولله وخلت المرة تتفشل كدام النسوان قبل ميطباسد صار هذا الحجي
اسد. شيخة ليش ماعندي علم بالي صار
شيخة اسفة شيخ اسفة عمو بس محبيت اتصير مشاكل بسببي وبسبب امي لهذا سكتت بعدين عمة نور رزلتهة بعد مالة داعي ادوخكم
احمد بوية شيخة اني اسف
شيخة لا عمي حشاك ورحت بست ايدة وراسة لاتشيل هم عمي شغلة راحت مالة داعي بعد دوخ بيهة مادام انتة وجدو وجدو يوسف وعمامي وعماتي واسد موجودين ومامذيني هاهية
الكل بارك لله بيج بنت اصول
الجد وانعم من تربات ابو حيدر وانتي بوية عشق كمليلي الخلاصة
عشق ولله ياجدو همة هواي دايغثون باباتي و
احمد يغثوني اني
عشق لابابا انتة بابا واسد باباتي
الكل ههههههه مقسمتهة
صكر وفهد واحنة
عشق انتو خواني
الكل هههههه
عشق اي جدو اكمل المهم هواي ديغثون اسد وشيخة وبصراحة اكو فكرة اسد مفكر بيهة انو يعزل او يطلع من البيت بس هوة بيتة مو بيتهم فاليش يطلع من بيتة علمودهم وترة كلنة من حبهم
اسدولج عشق عيب هيج تحجين
عشق ولله باباتي انتة من ربيتنة مانجذب صح ونكون صريحين واني هذا الي جاي اسوي فاياحبيبي ياجدو احنة انريد حل
الجد والله يابنيتي اني جنت اجيبهم لخاطر امي لله يرحمهة وابوي وهسة راحو الدار حقهم نشالله اني احل الموضوع لان اليوم الشغله ماينسكت عليهة يهنون حرمة ابو حيدر وضيفتنة خليهة عليهة وانتة بوية اسد ماعش الي يغثك واني موجود وداعتك ماخليك تشوفهم بعد بس بويه احنه الف مره طردناهم ويرجعون يعني همه عدهم عادي حتى لو انطردو ثاني يوم تلكاهم يمك واحنه بويه ماتعلمنه انسد بابنه بوجه احد مو هيج أبو همام
الجد يوسف. صح خويه
اسد كمت بست راس جدي وكتله لله يخليك النة انشالله
الكل امين
اسد كلمن صعد الغرفتة طبينة اني وشيخة اني كعدت على الابتوب وهية طبت تسبح جان اتذكر عشق من طلعت شيخة كتله
اسد. بنيتي روحي صيحي هاي الفاهية تستحي تجي وباجر امتحان عدهة
شيخة. تمام ثواني رحت على عشق لكيتهة فاتحة طن كتب ولابسة المناضر ورافعة شعرهة وكل ضوة الغرفة طافي بس كلوب يمهة على الميز شغلت الضوة جان تعيط
عشق. حنين نعال طفي الضوة ولي
شيخة ولج اني شيخة بعدينن هاي شمسوية بروحج يمعزاية شنو انشتاين
عشق ولج ولله ماكدر اركز اذا مو هيج ولله
شيخة دكومي اسد يريدج يكول خلي تجيب كتبهة وتجي
عشق تمام ثواني اخذت كتب الكيمياء والملزمة والدفاتر والاقلام ورحت الاسد جان كاعد على الابتوب من طبيت سدة وكعد بلكاع وكعدني يمة وشيخة راحت تمشط وتحجي وية اهلهة ل١:٤٥ يالله خلصنة جان يكوم اسد وك العادة كومني وياه على الجرباية نومني بالنص وهوة منا وشيخة منا وكعدنة جان
عشق وشيخة. اقرانة قصة
اسد. هههههههه ولجن جهال
شيخة وعشق حباب حباب
اسد هههههه تمام كعدت اقرالهن قصة شوي ونامن نمت اني على واهسهن كعدت على المنبه بالستة ونص ليوم لازم اخذ شيخة نكمل المعاملة مال النقل لان جانت كليتهة بغداد انقبلت وجان حيدر ومرتة وياهة بغداد وجيين عطله ومات وسام اخوهة فالازم انقلهة للبصرة كعدتهن عشق راحت لغرفتهة تبدل واني وشيخة بدلنة ونزلنة وسلمنة عليهم وطلعنة لبغداد وصلنة لبغداد بالربعة العصر اذا تتذكرون ابوية عندة بيت بغداد فارحنة بي هوة كلش فخم وحلو كل اسبوع اندز عمال اتنضف البيت وصلنة تعبانين جبنة اكل بالطريق كل واحد وجبتين اني جبتلي اربع لفات ثنين زنكر وثنين فلر وشيخة طلبت مثلي لان ناكل وجبة مثل الغدة والبقية نتعشة بيهن اكلنة ونمنة كبل صدك تعبانين كعدنة ب١:٣٠بليل اكلنة وشربت جاي وصارت بالربعة هم رجعت نمت وقتت التلفون ب٧ كعدنة متريكنة سوتلي بس جاي كتله نتريك برة اني لبست الزي العسكري مالتي احسن علمود ميطولون بالمعاملة طلعنة للجامعة هوسة وتعال وجيب ودي ل١٢ وحنة على فد وكفة باوعت لشيخة وجهة اصفر صاير كلتلهة شبيج بنيتي
شيخة ......
اطول بارت بتاريخ القصة ٣٨٠٠ كلمة اتمنة تحبو
