بقلم زينب الخفاجي
صار الصبح وطرت الشمس كمت طلعت
لكيت ابوي جاعد يسبح وامي بصفه
جنهم ما نامو مثلي جا احنه شجانه لا ليلنا ليل ولا نهارنه نهار
ونين فيصل دش بذاني دموعه لا اراديه طرت من عيني
مسحتها؟
وطلعت واني متوكله على ربي دش علينه ثامر وغزل
شعدهم تجونه شصاير يخوتي؟
غبلو(باسو أو قبلو) راس ابوي ودش ثامر لفيصل !
امي اشرتلي هيست( حسيت) ؟ ودخلت المطبخ شاورتلي اميمتي( امي)
ام فيصل . يمه ما تسوين ستكان جاي
و طرين على اخيج وبن عمج ؟
شوفيهم شمعوزين ( شمحتاجين)
رحت يم البريمز وحطيت الجاي وطر على بالي
الزلمه لجاني جني خايفه منه وجثير هم بخوتي
ما هيست اله على بخار الجاي شلته وصبيتلهم
مشيت وهلمشيه ماله امان يخوي
جلت بداخلي ( يالله يا أمير المؤمنين)
دشيت الحجره وي دشتي شفت السلاح
بين ثامر انرعبت ويدي ترجف ستكاين الجاي خلصت نصها
ذبيت الصينيه وجمت اتفركع( اكمز من القهر) بمجاني
كاملي فويصل طردني ؟
بلعت غصتي وجعدت الف الوصله
هيست راح تصير مشيكله جبيره( مشكله)
جمت طريت علهايشه رفعت راسي وجنه الولد مجتف أيده وجف جدام وجهي ؟
همام . رجع فويصل مو
ديم: ......
همام . ليش طرمه جاوبي
ديم : شنو خويه
همام : رجع
ديم : دنجت راسي خايفه
اخافن أكولن اي خافن يضربونه
وامي اطيح بيها وكلب ابوي يتعب فوك تعبه
همام . معناها رجع
خوش
طر العصر فويصل طلع هو وثامر غزل
راحت !
جاعدين أنه وامي وريان
جا يدش الصوت آذاني كمت اهرول أريدن الحك
على هصوت الطلق طلعنه أنه وامي وريان؟
برا ماشوفلك غير فيصل رجب ( ركب) سياره
لا اعرف منين جابه ولا نعرف المن ؟
رجبو هو وثامر وبيدهم أسلحتهم وراحو
ابوي من بعيد ؟؟
يركض ويدك أعلى راسه
جعد بلكاع جدام امي ويدك على رأسه
ابو فيصل: جتله
ابنج جتله جتلووو ولدنه جتلو ابن الشيخخ
جعدو ثنينهم يلطمون عرفت فويصل وثامر
جتلو الجتيل ابن الشيخ اخو مدري مني
اخو الولد لجاني ؟
طر اليل وبهل وقت الراح &
امي ادك وتلطم وجدامه عمتي وغزل
ابوي أخذ شيخنه وما نعرف هالشيخ منو
ساعه 7 دش ابوي عيوناته حمر جعد جدام امي وعمتي
ام ثامر . ها خويه
بشرني وين ولدنه شصاير
ابو فيصل . يا خويه ياا بويه
ولدنه شردو اطشرو فص ملح وذاب
شردو يخيتي شردو
طالعين العصر راجبين السياره لا نعرف هاي السياره
المن وين صاحبه ماندري؟
طاكينه واحد بطنه وثاني بخاصرته
والولد واجع( وأكع) جاتلينه يم باب ديوانه
يم باب مضيفه
امي هنا وجعت +عمتي ادك وتلطم
مر يومين لا أجل ( اكل) لا شرب
مامش وجه بينه بدون دموع ليل نهار نبجي
راح ابوي الصبح امي تدعي وتصلي وأقره قران واني ابجي دش ابوي الدنيه ضهر
