جسام . يمه ليش
منو بينه متعارك
عدلت نومتي نمت على ضهري وغطيت صدري
هيه هم عدلت كعدتها
ام سجاد . صافنه عليكم انته وسجاد
انت الصغير وما تكدر احاجيك لا ترجع لامريكا وما شابعه منك
وهذاك الجبير وعيب بعد واحد يرزله لو يحاجي
صايرين نار هذاك أبرد من الثلج
وانت بس تريد واحد يحاجيك حتى تكب
وثنينكم زلم وكبار
وباقر ماكو داعي واحد يحاجي هو يضوج ينزل يتعارك
جسام . ههههههههههههه
اوف يمه شهلنضره هههههههه
باقر يتعارك ويه روحه مرات
سجاد غلط وماكو غيري أعلمه غلطه
ليش يمه اني منتضر واحد يحاجيني
حتى اكب والله مو هيج
ام سجاد . دسكت ولك
انت شايف نفسك
إذا تضوج عيونك تغدي سود ينكلب لونهن
وجهك احمر وعروك كصتك تبين حتى الواحد يخاف يباوعلك
جسام . هههههههه
اكلج يمه
ام سجاد . كول يمه
جسام . ما طول صبحت بهل وجه الحلو
كومي دلليني وسويلي ريوك من ايدك الحلوات
ام سجاد بفرح . يا ولك غالي والطلب رخيص
بدل لا تفضحنه
وانزل تلكي احلا ريوك
هيه كامت فرحانه كلبي مرتاح تحسها تغيرت للاحسن
يمكن حست بغلطها
كما اني سبحت وطلعت لبست بنطرون وبدي
ونزلت اعدل بشعري
لكيت جويه كلعده
وامي واكفه على الطباخ
جويه . بعد وكت خويه
لو كاعد ب ٤ العصر
جسام . فكرت بيها قبل
ثانيا اتعودي تكولين صباح الخير
ام سجاد . عوفي شتريدين منه
يكعد ب ١١ ب ٦ ب ٩ بليل
شتريدين منه
يعني اله تخلنه يسافر للغربه
انتن ما اتوبننن
جويه . على كيفج يمه شحجينه
هيه كامت اني ضجت امي حطت كبالي
بيض شكلها ما تدري اني ما احب البيض
وحطت جبن
وطماطه بطاوه
ما حبيت اكسر خاطرها بس اكلت من كلشي شويه
حتى من البيض
وكمت طلعت أخذت عبدالله ورحت للمزرعه نفتح ونجيك على الأمور
ما رجعته وآله احنه ميتين تعب ب ٨ بليل
كعدت للمطبخ اني وباقر نستراح
باقر لحكنه من ١١ ورجع وبأنه
المزارع هواي كلهن شفناهن وفترينه بيهم هم نسولف وهم نتونس
اجت امي كالت الله يساعدكم احس جسمي رجف
حمت الاكل وحطت كدامي وكدام باقر
كل واحد ماعون برياني
وماعون جبير دولمه
وزلايط وطلعت وسدت الباب علينه
باقر . اخاف بي شي
جسام . لو بي شي برئيك اكل
باقر . أحسها صارت حنينه وصارت تحس
باي سوته زمان
جسام . الانسان يتغير
انجب واكل.
خلصنه اكل فتحت الباب شمس
شمس . الله يساعدكم
اجيت اسويلكم جاي
باقر. ليش مو وحده من البنات
شمس . عمتي صاحتني وكلتلي سويلهم جاي
كمزت خالده كعدته وكومتني
جسام . ليش
شمس. الجنه تسلم عليكم
باقر . وعليكم السلام حبي
بس زودي شكر احبه مثل وجهي
جسام . خلي مر
شمس فحطت واني اضحك ثنينه ناصبين
على باقر وهو يصيح علينه
كعدو شمس وباقر بلكاع وجه بوجه وتحجيله
شمس . ولك اليوم عمتي صلبتنه صلب
احسب خلت هيام تمسح الفوك كله كنس ومسح وترتيب
وتصرخ غرفه جسام وباقر لا طبيلهن
وهيه تكلله ليش
وعمتي تكللها اني اعدلهن ما عليجن بغرفهم حتى جويه ما اطبلهن
وخلت خالده تحلف الجوه كلهن
جويه البره هيه وبناتها
واني خلت عليه بس الغده
وهم هيه سوته اني بس تساعدها
