طبعا قبل كل شيئ احب اشكر كل متابعاتي
الي شجعني على القصص والي حبن قصصي
والي كتبت لا تعوفين القصص مستقبلج كاتبه
احب اشكرهن كلش هواي
2.. احب اكول
هاي اخر قصه خياليه اكملها نشالله وبعد مانشر
واحتمال كلش صغير كلش كلش كلش صغير اكتب بعد وحده واتوقف لحد ما تجيني قصه حقيقيه
3.. اكو هواي بنات كالن تشبه قصه فصليه لمن لا يرحم
اكو هواي قصص فصليات يتشابهون وانتم من كد ما تقرن على الشيوخ والفصليات عبالجن يتشابهون😂😂
4. القصه خياليه بنات من خيالي مثل قصه شيخ وعشق طفله وقصه الفلاحه وشيخ وقصه راهبني وقصه ضلم الضالم لا يدوم
5. جنت بعمر 11 حلمي اصير كاتبه وحققت حلمي
الفضل الكم ولكل كاتبه دعمتني وكل بنيه حبت قصتي
ولكل واحد دعم وحده من قصصي هاذا فضلكم ما أنساه
ونشالله اعوضكم بهاي القصه
هواي كالو ليش تتاخرين بلبارتات حتى احمسكم
6. هواي كالو غيري اللهجه وراح اغيرها علمودكم
......
صبيت الهم بماعين وسط لان؟
التمن ما يكفي أوامر عمتي كالت بماعين وسط
كلهم كعدو سويه بلهول( الصاله)
وبدو يأكلون اني اتحزمت بطني توصوص من الجوع
تحزمت بلعبايه وطلعت أنضف الكراج سديت الباب الجبيره باب جبيره كلش باب الحوش ( باب الشارع)
وجبت المجناسه وبديت أنضف
كملتها واني ميته تعب اريد انفجر من التعب اجتي فرسان ..
فرسان . الشيخ يكول نضفي الديوان كله
كنسي ومسحي وغسلي الوجوه مال المخاد بيدج
وعلي اجي اخلي امي تفر راسج بلغساله
..راحت كعدت بلكاع دموعي على وجناتي ينزلن
اتمنى ارجع لذيج الغرفه البارده
لذاك الاب الحنين والام الحنونه
لذاك الزمن لتربيت بي بحضنهم
كمت سميت باسم الله ورحت للديوان هاذا أمر الله
..دشيت لديوان جبير اكبر من حياتي وحق هو أبو فاضل
شلت لمخاديد كبار نزعتهن الوجوه تقريبا بلستين مخده
لميتهن كلهن
جمعتهن على صفحه وجبت المجناسه
وبديت اجنسه من البدايههه لنهايه فرشت الزوليه
ولبست المخاديد وجوه جدد وعطرته وطلعت
حطيت ؟! طشت جبير وفتحت ألمي ويمي صابونه وحده
بديت اغسلهن بديه
اني جاعده بلكراج واغسل بيهن فات من يمي سجاد لابس عسكري يعني سجاد عسكري
ورا باقررر باقر هم عسكري مثل سجاد
ما شافوني اجه باقر من يمي راح عن سجاد اجاني كلي
باقر . هاي كلهن راح تغسليهن انتي ؟
ديم . اي خويه
باقر . تمام
..شفته جر سلاحه من خصره ومشه ليجوه ركضت
كمشت أيده اريد ابجي
ديم . دخيلك خويه لا تسوي هيج دخيلك
إنه اغسلهم وعلى راسي اريد اريد اغسلهم لا تسويلي
مشكله ؟ وروحن بيها وهنه ما طايغاتني
باقر . جا غير يساعدنج
ديم . إنه خلك فصليه هنا
خدامه شيساعدني بعد اخيتك
روح لشغلك بامان الله
.. دكيت على جتفه مرتين درت وجهي شفت نجوه
راح باقر وأنه رجعت اكمل الغسل
ساعه وكملتهن ماعرف شلون كملتهن بهل سرعه
مشيت ألمي بعبيتي طب سجاد شايل طفل صغير
ورا بنيه شابه عيونه حمره
هاي منو؟
ليش تبجي؟
منو هذا الطفل؟
ليش شايله سجاد؟
معغوله متزوج؟
يبو على حضي هم رحت فصليه ما بيهم واحد يرحم
وهم رجال متزوج يبوووو على حضيي
البنيه باوعتلي بخزره جان تصرخ
خالده . اخيج جتل رجلي
ولج يمممه يا حازم يا حبيبي يبووووو
يبوووووو يبوووووووو دخيلككك يبو فاضلللل
الله لا يوفقكم ولا يطيكم انشالله تموتون
انشالله تطلع حوبتيي وحوبه كلبي المحروك
دعوه مظلوم
جره سجاد حيل وصرخ بيها كومه
اتلكته جويه تبجي ودك وتلطم
هلاوووو كلهن التمن عليه
اجاني سجاد بس معصب كلش
جان يضربني راشدي من هاذا المعدل
انصدمت اي نصدمت باوعلي وراح
شو دخل يروح هو باقي عليه
وعلي مال اشكي لباقر اخلي يكلب الدنيه علي
باقر اماني شلت السله شريت الوجوه مال لمخاد وطبيت جوه
دخلت للمخزن لكيته مكلوب كلاب غراضي النسائيه
بلكاع حتى ملابسي .د. بلكاع كلشي بلكاع
عرفت هاي هنه مسويات هيج
كمت ابجي بكل قوتي صامه حلكي وابجي
دنجت ( دنكت) لميت ملابسي عيب عليهن والله الله عضالم احس راسي اركع بلكاع فتحت عيوني وثلاثتنهن عليه حتى عض عذني
موتني كتل راسي ماكدر اشيله بعد والله
جان اشوف هاي مرته الثانيه لزمت جداحه هيام كعدت على صدري وصمت حلكي وجويه على رجليه وهاي على بطني ولازمه ايدي
جان تشعل الجداحه على أيدي وتمشي عليهن اهيس اني ارعش وصرخ كل قوتي وهنه يضحكن
اهيس جلدي ذاب علت صرخاتي كانت هيام من صدري صرخت كل قوتي شكن دشداشتي وحطن الجداحه على
صدري
واني اصرخ جلد ايدي ذاب وصار شلون الطالع الحم
وصدري نفس الشكل بس لقوه من ايدي
ما تركني اله وحاركات صدري وأيدي شعور مولم كلش
اجه على بالي سجاد لو يجي يدافعلي لو باقر اخويه
كله بسبب فويصل الله ينتقم من كل ضالم
غزل ماعرف عنها كل شي
تركني وسدن الباب
غمضت عيوني
.............
اني غزل عبد الوهاب
اني البنيه المدلله لابويه
عمري 17 اصغر من ديم بسنه
دائما اشوف ابوي يعاني وي اخوي ثامر
يضربى
ويكله تربه كافي عيب عليك
وثامر يضحك مجان يشتغل وجان معلعلني يضربني
ويصيح عليه وحتى يدمغني
صح جان أبويه مدللني بس جان يكلي خليولي
حالتنه متوسطه يعني بس لا إذا تغدينه ما نتعشى ما عدنه عشى
لحد ما رحت فصليه وي ديم وشاء القدر وتفرقنه
امي جانت تكول؟
انتي رضعتي وي ديم انتن خوات
عفت أبويه وخويه وحنان امي ودفو حضن امي
ورحت فصليه وطبعا حقهم لأن اخويه وين فيصل جان وهمه طلبو؟فصليتين
ديم حتى وهيه صغيره مبينه متعوبه
بسبب حالته وتعبه لا تكول عمره 18تكول21
..
ام ثار . شلونج بنيتي
غزل. هلا خاله وين ديم ليش عفتيه هناك ؟
ام ثار . شكلج يا خاله
بس أنه امج كفيلج هو أبو فاضل ما راضيه على الفصل
بس شيخ خجعل هم خذاني هيج أنه جنت هناك
عائشه وشفت الويل جانت اميره تجعد فوجاي
وتشبعني جتل بس أنه صغيره ومافهم خذاني بعمر11
وعيشني بجواره( بيته)
لا شفت راحه
ولا شفت سعاده
ولا شبعت من حضن امي
ابوي مات وما شفته جن خجعل ما رضه
لا حضرت دفنته ولا حضرت موته ولا شفته
امي ماتت ورا بشهرين وهم ما شفته
جانت اميره تخليني بلحجره وتقفل علي الباب
لحد ما يجي خجعل
ولحد ما صار عندي ثار هم تعذب بس ما تعذب من اخوانه
لا بنيتي جن بنات رفيجتي زغار وأنه طفله 13سنه وما عرف لطفل عمرها 6سنوات تشيل ثار من كماطه وتشمره بلجاع
لحد ما شلت وحدي وهذا البيت يشهد ربيت بي وليداتي على الحلوه والمره
بنيتي الله يساعد اخيتج أنه هاذا الكلام لبنتي ما حاجيته
كفيلج هو أبو فاضل
جن فتحتلج كلبي
بنيتي ثار هو زلمتج يمه صح هو عصبي وقاسي
لجن انتي كسبي
..
هيه تحجي ودموعه يطيحن وتمسحهن سكتت وهيه حاطه أيدها على رجلي اجه صوت خشن يصيح؟
يمه
ام ثار . ها يمه
همام . يوم ثار يكول؟
أريدن غده يجيني للمعمل
ام ثار . اي يمه من بطن عيني هيسه اصبلك أنته وخيك
يله كومي يمه كوني لا تضلين هيج حتى هيسه تجي
بنيتي هي وزغيرونه
كمت وياها لبست شالي ونزلنه شافنه الولد ونزل رأسه
جان يكول ؟
همام ..
يتبع
