باقر . اي صح عده هاذا
جسام . نع... مو بشر مثلك
فهد. احم
جسام . ولكم جلاااااببببب
باقر . جسام هاذا بستان بداعتي سرع بي
بداعه الخوه
سوتها شغله عناد وكمت امشي على كيفي
تعرفون السياره بسرعه تحمه
وتخلص بانزين
لازم نمشي على كيف بيها
فهد يهز جتفي وباقر شبع الكرسي تدفر
اندرت كرصته وركعته بجتفه
وهذا اكبر مني عيب اضربه
مشيت بسرعه بسرعه همه ارتاحو
دخلتهم بمنطقه معزوله
ما اعرف اضحك مدري الطم على لطمهم
مدري ابجي على كميه الخباثهه الي عندي
كام نزلني فهد وهو صعد
واني فاحط وباقر حاقد عليه
رحنه لكوفي شربنه جاي وعصير خبط
ورجعنه
حطيت رجل على رجل وكعدت بلهول
باقر بصفي
فات سجاد من يمي
اني لزمت الجهاز واكلب بي
سلم عليه رديت علي
كعد يمي ونزل عبدالله تقريبا تصالحنه
اني مددت وهمه كاعدين
عبدالله كلي
عبدالله . جسام تعرف اليوم منو خاطبيه
سجاد بخزره . ولا وحده مخطوبه شبيك عبدالله
اشوفه يعض شفته لعبدالله
جسام . خير من. مخطوبه
عبدالله . اخت فهد الي خطبناه الك
ورفضتك
صفنت وتنهدت مو هيه رفضتني اخوها رفضني
الي هو صاحبي
مو صاحبي اخويه اتنهدت مره ثانيه
فعلا انقهرت كلش وحسيت بنفسي
بيه نقص
اعرف الي سويته غلط بس خطبتها ثلاث مرات
وهذا اكبر دليل انو اني سويت غلط بس اريد اصلحه
جان عاجبني اسافر بيها
وتخليها تكمل دراسه
واني اصير دكتور وافتح عياده
سديت التلفون واني مقهور مو مقهور ممرود مرد
سجاد . عبدالله جا اني شوصيتك
عبدالله . سجاد ثلاث مرات خطبناه اله
وترفض وي كل مره نروح بيها
خلي يعرف مني ولا يتفاحئ احسن
جسام . كافي سدة السالفه
باقر . يمعوديننن اجيب نراكيل
ونكعد للحديقه. ندز على همام وثار
سجاد . يله كوم طلعهن
جسام تطلع وبأنه
جسام . الله كريم اشوف وضعي واطلع
عبدالله. اي وضع تحجي عنه
جسام . دراستي
سجاد. كفو دكتورنه
يله ولك كوم لا تماطل
باقر. كمت
كمت اني هم صعدت فوك
اصعد على كيفي
وكع التلفون مني
درت وجهي اتفقد التلفون لا ينكسر
شفت خالده شايلته ومبتسمه بوجهي
أخذته منها وكمت مشيتي
فتحت باب غرفتي
ناسي السبلت معلوك والغرفه إذا تدخله صاحي
تطلع مخبل
نصيت السبلت
وكعدت أقره
اصلا ما قريت ولا فهمت بالي يم كمر
وين صاحبي هم
دكت ال ١٢
واني كاعد بلغرفه من ١٠
كمت واني احس بس راسي مسطول لا قريت ولا فهمت
لبست تراك يدفي
وعدلت شعري
ونزلت يمهم
سلمت على. ثار وهمام
وهمه يحجون بسياسه والمشيخه وهاي السوالف
ما اعرف بس اجاني شعور ادور وجهي
درت وجهي بسرعه شفت ضل وره الشجره
ضليت اباوعله
صار ضوه قوي درت وجهي شفت سجاد عالك فلاش
ويضوي عليه
سجاد. شبيك
جسام . دطفي عميت عيوني.
سجاد. جاي تحضر جن
جسام . واكف وراك
