بقلم الكاتبه زينب الخفاجي
عنوان البارت ( مصيبه جويه)
نجمه وتعليق حلو
احبكم
...........
طلعت منه ابجي كعدت باب الغرفه حتى ديم
يم رجله مايصير كعدت نص ساعه عمودي الفقري راح من الكاع
والكاع بارده كلش
سمعته صاحني كمت رحتله طبيت وجهي احمر من البجي
سحبني لحضنه وكلي
عبدالله. انتي طفلتي اني وبس
بس اني عصبي كلش
ليش تعصبيني وتضوجيني
اني اتعامل بس بضرب بس اخاف عليج والله
شمس. وليش تطردني وين
اروح حتى ديم يم الشيخ
عبدالله . اشش اسكتي يله تعالي يمي
اسكتي باباتي
لا تبجين كافي
شمس . صدرك يوجعك بعده
عبدالله . اي بعده
يوجعني تعالي نامي حتى ارتاح صدري جاي يوجعني
... نمت يمه جرني على أيده
غمضت عيوني اجه على بالي الكنتور ادوره
باوعت لعبدالله ستوه مغمض درت وجهي اطيته ضهري ونمت بلكت من يكعد
ويطلع لديوان لو بره انضف لو ادور الكنتور
كعدت الساعه ٥ ونص العصر
نزلت نضفت وصبيتلهم اليوم عمتي طابخه
وصراحه ريحه الاكل طيبه كلش
خلصو اكل نضفنه البيت والاماعين وكلشي خلصنه اني وديم كلشييي
خلصنه الساعه٩ ونص
نزل جسام من فوك شرب مي وكال حطولي الجاي
رحت للقوري حطيتله الجاي
جسام يباوع بتلفونه ديم تمسح بلصاله
وجه اصفر صبيت جاي لجسام هو خله وطلع للحديقه
.......
نزلت بسرعه لكيت عمتي
تطبخ ساعدته شويه وكبل نزلت شمس
صبينه سجاد وباقر وجويه وبناته وعمتي وعبدالله
كلهم صبينالهم
بس جسام ما نزل
خلصو اني صعدت صليت
ونزلت غسلنه ماعين ونضفنه وصعدنه
عدلت غرفتي كمت سبحت وطلعت طلعت ملابس لسجاد
مشطت شعري ورجعت حطيت كحل لعيوني
كوه تعلمته وحطيت شويه حمره
ضفرت شعري وحطيت الخاولي علي
دش سجاد مبتسم نزلت راسي هو اجه لزمني باسني من راسي
سجاد . اريدلي حمام دافئ فدوه
وملابس مريحه بس اريد انام وعلي مشاكل العشيره
صدعت راسي وشيبت كلبي ولساني
ديم . شيخ اني محضره الحمام
ودافئ ستوني سبحت دش أسبح وحتى ملابس محضرتلك
سجاد . اصيله مريتي
نادره يله جيبيهن الي
دش هو وانه كبل بدلت طلعتله تراك للنوم
وديته اله ربع ساعه وطلع اتمدد على الجربايه رحت كعدت يمه
ديم . شيخ مو كلتلي وره سبعه ابوي
اوديج لاهلج تشوفينهم
مو وعدتني اشو ما وديتني
ولا ذكرت بيه ولا فكرت بيه اصلا
سجاد . والله على بالي يا حبيبتي
بس مشكله عبدالله والله محيرتنه لا نومي نوم ولا نهاري نهار
ولج ديم الي حاطه جن موش انسان
يعني داخل جن وحاطه
تعرفين عدنه واحد بلبيت ولسه افكر بي ودور علي
عدنه واحد عنده جن وهلبشر خطر خطر
ديم . والله حقك
والله حقك والله بالي يمك والله ادري بيك
بس اشتاقيت لاهلي
والله ما شايله غير هم امي واختي
اختي اصغر مني ب 7 سنوات
وامي الي تعبانه وكلبه وماعرف شنو وضعه
سجاد . ميخالف يكلبي
هل جم يوم انتضري والله على بالي
ولا تخافين اهلج اهلي
من بأجر لروح ازورهم وشوف الي يحتاجونه
واحتمال بأجر بليل انتي يمهم بس لا تنقهرين
اتفطرين بكلبي
(رجال )
