كاعده وبيدي بتي تلعب
خايفه من مصيري
سجاد كارهني كره ما صاير
اخر شي جسام كالي امج تسلم عليج
خلاني اشيل روحي واركعها
اشوف سجاد وهيام متونسين واني اكل بروحي اكل
محد مصبرني غير بتي
بتي هاي وين اعوفها
ومتعلقه بيه وبعمامها كلش
كعدت الصبح لكيت سجاد بلغرفه
هاي شيسوي هنا شفته فتح الكنتور وطلع السلاح
ياااا
كمت
ديم . سجاد هاي شسوي بسلاح
سجاد. احضره
ديم. المن
سجاد . ارمي بي
حضري روحج راح اوديج لاهلج
كمت اني بس خايفه
أخذت ملابس بتي وملابس الي
و لاطلعت ويا جسام ماكو لا هو ولا باقر
وين اخواني يفهموني شني السالفه
من نزلت شفت عبدالله وهمام وثار وجم واحد من ولد عم سجاد كلهم متحزمين وشايلين اسلحه
وداني يم اهلي اول ما طبيت شفت شاب
بس هشاب هاذا هو لخربلي حياتي
دمعت عيوني
وكعدت بلكاع ابجي وادك والطم
وهو يحاول يشبكني سد الباب ودخلني جوه
اخذ بتي وبأسها وشمها
تقرب يمي وشبكني وثنينه ندك ونبجي
اول ما شفته كلبي ما ارتاح
بيتنه اترس رصاص
امي ما رضت يطلع بس هو باس رجل امي
وعبر على السياج
فتحت الباب شفتهم يركضون ويرمون
كمت اركض وياهم شفت اخويه وكع
ذبيت الشيله ومعشت شعري
وصرخت يبوووووووو
تقربت شفتهم ضاربي بكلبه
اشوفهم من بعيد يهوسون ورافعين أسلحتهم ليفوك
كمت ادك على وجهي لزمته وحطيته بحضني
وجه انترس دم
امي تمشي على البطيئ اول ما شافته
ام فيصل . متت وما شفتك عريس
يمه متت
ولك يمه انت نايم موووو
ما شبعت منك فويصلللل يمنه
فويصلللل حبيبي كوووم
ولك بس انت بقيت
ولك بس انت لتأخذ مكان ابوووك
منو يعيني
منو يدفني
ولك اني راح ادفنك يمممه
ولك يوووووم
جرته مني وباست عيونه
جرت عبايته غطته
ام فيصل . دللوش يلولد يبني دللوش
نام حبيبي
نوم الهنه يا بعد بيتي
دللوش يلولد يبني دللوش
وكعت علي معرته بقميصه
ولك كووووووم
لزمت جرحه بلكت ينكطع الدم ويكعد
ما شفت حنينه بعدني
وصل عمي شاله من عدنه وعمتي كومتنه
عمي كبل اخذ سياره المغاسل ولد المنطقه كلهم ويا راحو
لهناك وشفت خيال فيصل وراي
ركضت على الخيال احضنه اختفى
سوينه فاتحه ثلاث ايام
اني ما نشفت دموعي
نايمه وندكت الباب
اجت لأيان كالتلي حموينج
عرفتهم وكمت
همه ما عليهم
لزمني جسام منزل رأسه وكعت بلكاع كدامه
ديم بجي. جسام فيصل مات
ولك ما شبعت منه والله العضيم
صغيره واخوك اخذني ما شبعت من حنانه
ما شفته غير دقائق معدوده
جسام شبكني فحطت بحضنه وكمت ادك على رجليه
جسام . ما اعرف شلون اباوع بوجهج بعد
ما اعرف والله
باقر . ما النه عين
دخلو جوه سولفتلهم للي صار
همه خففو شويه من حملي وراحو
مر سبوع دخلنه بشهر الرابع من سنه ٢٠١٨
امي جرتني وطلعتني نشتم هوه
بلباب
اجت يمنه نسوان اربعه وصارت لامه
بوسط الحديث مره كالت
ام حسن. جا ما ديرتن شصار بيت الشيخ خجعل
ام عدنان. شصار
ام حسن . ابنهم الوسط لجان مسافر حارك الديوان
من صباحيه الله تحجي جويه تكول كوه طفينا
همزين ما ماتو اخوتي بي
رجعو سو وصبغو رجع هم حركه باقر
ومبتلشين
ومخليهم دمايه دمايه يصعدون يتوعدون
وينزلون يتوعدون
كمت جوه واني ابجي بعديش بعد ما مات اخويه
بعديييش
لزمت بتي شبكتها وبدلتلها
ابتسمت بوجه
عيونها عسلي وبيضه وبيها خيط شكار
شعرها احمر
كعدت العب وياها مر شهرين
تقريبا تعودنه
بجينه هواي
سوينه الاربعين ورحنه بتنه يم قبره
اجتني ام عبدالله والحجيه
يواسن امي وفعلا امي شويه تحسنت
اجتني منال
بوسط حديثنه كالت . اكلج تره عمي سجاد
دزلج هاي الورقه
حطت الورقه بحضني جانت الورقه بضرف
خلتها بحضني وراحت
سديت الباب ودخلت لغرفتي كعدت اخاف افتحها
فتحتها وقريتها
( إذا ما ترجعين اخذ بتي ولو تموتين ما اطلكج
تنطبك السمه على الكاع وما اطلكج )
كعدت ادك والطم وحايره بمصيبتي خابرت باقر
وكتله عن الضرف
باقر . لا تخافين بس يومين وتطلع معامله طلاكج
بس هو مثبته محكمه فيرادله وقت هواي
بالمناسبه جسام يسلم عليج
ديم بفرح . هلا بي
انت شلونك صدك تحجي راح اطلك
باقر. اي والله
اني زين
وين عشوك
قربت عشك يمي جان تصرخ لجهاز هو ضحك
وهيه أخذت تناغيله وهو يحجي وياها
كأنما ابوها
مو عمها واخذها جسام انوب
اول ما سديت التلفون نامت
مر يومين وفعلا جسام جابلي الورقه
وقعت عليها وكأنما وقعت على مستقبلي وحياتي الباقيه
الفرحه الأكبر من سمعت القاضي
خلالي حضينه بتي عندي
ما اعرف شلون قبل بس خلولي حضينتها
وتروح عد سجاد سبوع
والباقي يمي
مر اربع اشهر بعد
عشك كبرت وصارت سنتين ونص
وغزل غزوله جابت بنيه
وتكول طايرين بيه
بنات هاذا اعترف كلش قصير
بس اريد هاذا البارت خصوصا لديم
يتبعععع
بالمناسبه خلص اشتراكنه يعني
