ربما البكاء ليلا يريحك قليلا
اذا ماذا تقول بشائن الابتسامه المزيفه في الصباح
..............
بقلم الكاتبه زينب الخفاجي
...........
جسام طلع وطبك الباب
وباقر ورا
واني هم ردت اطلع بس جرني وكعني يمه
بكل عين وكحه
جاي يتفقون فجى احس جسام طب
كعد رجل على رجل
باوع لسجاد
سجاد لزم ركبته وكان يتقيئ
يتقيئ بكل قوته
كامو علي هاذا ليجيبله كلينس وهذا ليجيبله سطله
تكرمون
باوع اجسام بعيون شكر
باوعلي وبتسم ابتسامته اطمن طمنت كلبي
كمت علي شفته يتقيئ سلابيح
صفنت وكلها انكلبت علي
وكع سجاد وركضو علي
ودو للمستشفى جان جسام كاعد على كرسي جبير
وكاعد رجل على رجل
تارس الاستقبال كلها اتباوعله
وهو مركز على هيام
مدري شصار بي حرك أيده
حطها على أيده الثانيه هيام صرخت ولزمت ايد ابوها
وتكول شفته شفته
والله العضيم شفته
ساعدوني راح يموتني
ساعدوني راح يخنكني
ساعدونييييييي
ابوها لزمها يقره على راسها لو تخبلت
كامت تضرب ابوها
نامت فوكا وخنكته
كمت اجسام ابجي
ديم بصوت ناصي . جسام كلي شديصير
شدسوين بيهم
شنو صار لهم
دخيلك احجيلي
جسام. انتي مو اختي
والاخ لازم ياخذ حق أخته
اكعدي وراح تشوفين شاسوي بيهم
بس اريد منج بس تشوفين حتى ما تكومين
واذا خفتي اطلعي بره
ديم . ولك جسام دخيلك سجاد شبي
جسام . ديم اكعدي
سجاد لو عرفتي تكسبي ما خانه مثل ال.... يمشي وراهن
اكعدي وخلي بالج يمي
ثانيا اني شعليه حتى ما كمت من مكاني
كعدت تقريبا بصفه بس على غير كرسي
يا ريت فيصل مثل جسام
مثل فزعته
مثل كلامه من يكلي انتي اخيتي
من يكلي الاخ ياخذ حق أخته
اتخبلو كلهم وفصلت الكهرباء
انسحبت ليبره لكيته هو ساحبني
صعددني لكيت شمس يم عشق
شمس . ديم شصار جوه
ديم . ما ادري
يمه بنيتي
لزمته وبسته حيل
مر الايام والشهور تقريبا ثلاث اشهر
رجع سجاد بس كارهته
يحاول يرجع مثل قبل بس ما اقبل
حتى ما انام يمه
هيام ودوها الشيخ لكوها ما بيها شي
وكلهم طلعوها تمثل عليهم وتريد تموتهم
وخصوصا ابوها موتها كتل
لحد ما يوم انكلب البيت اعياط
وصباح
كام باقر جاب سيد كلش زين
خلا يفتر بلبيت
ويدور
وكف جويه وبناتها وجاب خالده وهيام هم
وعمتي
حتى ام عبدالله وشمس واني وكفنه
طب سجاد وعبدالله وجسام وياهم كعد يشوف شكو
الشيخ صفن على خالده وعمتي وهيام
باوع على باقر وجه اصفر
باوع على الولد هم
وباوع على جسام جان طبيعي
اشر علي هنا خنزر جسام وعيونه كبرت وصارت سوده
ورفع جسمه وطلع ايدي من جيوبه
الشيخ . هاذا الوحيد الي السحر ما أثر بي
هاذا الوحيد الي هو سيطر على السحر والسحر ما سيطر بي
باقر . يعني كلنه مسحورين شيخ
الشيخ . اي
كلكم
وخصوصا هذوله
اشر على سجاد وعبدالله
كعدو سجاد وعبدالله صافنين
الشيخ . للاسف وليدي السحر قوي لدرجه إذا فكيته راح يموتني
ويمكن تفقدون إخوانكم
اكدر أكوللكم انو السحر مو من البيت
خارج البيت مسوي
بس مدفون بلبيت
