بقلم الكاتبه. زينب الخفاجي
....شنو رئيكم بجسام وشخصيته بلقصه
رئيكم بديم وشمس
رئيكم بسجاد عبدالله
طلب صغيرون ( اريد منكم كلكم اتعلقون وتطون القاب للابطال جسام وعبدالله وسجاد وديم وشمس وثار وغزل وجويه وهيام وخالده)
اتمددت وني اضحك عليها
مدري شمالني طلعت هيه وني كعدت فليت شعراتي وافكر
امي شجاي تسوي
شنو اخبارها
وكعت دمعتي بحضني مسحتها بس جرن كل عشره سوه
كمت اون وابجي مشطت شعري وكع كله بحضني
جانت امي تتبسمر وياي
وتمشطلي لحد خصري وناعم حريري
طب سجاد مسحت دموعي بس عيوني حمر مبينات
بيده ورقه خفت هاي ورقه الرسم خاف يبوووو احراج يبو فاضل دخيلك ما تطلع هيه
كعد كبالي رجع شعره ليوره وذب الورقه بحضني
شفته وضميتها جوه وسادتي
هو بسمر بوجهي وضحك
سجاد . شمالج
اعيونج حمره
وجهج اصفر شني ياذيج
ديم . لا ما ياذيني شي
عيوني حمر لأن تضكريت اهلي
سجاد . شني سالفه الورقه
ديم . اعذرني ما خذيت اذنك
ضجت ورسمتك وكت الي من جيت فصليه
سجاد . منو علمج الرسم
مين تعلمتي
احجيلي عن حياتج
ديم . شحجيلك كلي
فتحت عيني على اب مريض بالقلب
وام مريضه بتشنجات للقلب عشت بعائله
صح متعوبه وصح فقيره وصح متاذايه من حجي العالم
بس من نكعد سوه نضحك ونسولف على ستكان جاي خفيف
ابوي يطلع الصبح ما يرد لليل يرد يسبح وينام
ويعد يصلي ويطلع
صارت عنده حدبه بضهره
وصارت عنده جلطه
اكعد الصبح أحلب الهوايش
واختي ولا تكول ١٥سنه لازمه المنجل
وتحوش بزرع امي اشتغلت بتكان
بس بلوه انو هيه حراميه بايكه فلوس من الدخل
وبطلوها اتاذت صحيح بس سكتت
اتعلمت الرسم من أبويه وجدتي من اول بتدائي
سجاد . تريدين اوديج لهلج تشوفيهم
ديم . اسئل امي شلونه
اختي اخويه وين
جدتي راحت
امي شنو أحواله جوعانين شبعانين ميتين عايشين
مادري كل هاذا عنهم
ومتريدني أروحلهم طبعا اقبل
الله يخليك أخذني الهم روحي طكت عليهم
سجاد . هاهي عكب بأجر
اخليج تباتين يمهم
بس لا تبجين
كلبي نمرد
ديم . حاضر
مسحت دموعي وباوعتله مبتسم ويباوعلي
حركلي حاجبه ضحكت من بين دموعي
باس راسي وتمدد يمي الغرفه حاره بس مرتبه وبنكه صغيره بيها كمت علكتله البنكه وكفت على المرايه جابتلياها أم عبدالله
ضفرت شعري وطببته بدهداشه
طلعت لكيت جسام ستوه جاي يصعد
اتجاهلته ونزلت
فتحت ألمي وغسلت لماعين بيد وحده طبعا
شويه شويه كدرتلهن
طلعت فتحت ألمي ( فتحت الصونده وجريت ألمي)
وجريت الصونده رشيتها للأول غركته وبعدين مسحتها طبيت جوه
رحت لكيت سجاد نايم يبووو وين ابدل لعد
اخذت هدومي ورحت للحمام
كوه بدلت لبست شالي وصعدت لكيت جسام كدامي يدخن
باوعلي من فوك ليجوه
نضره ما راضي على شي
جسام . وين سجاد
ديم بخوف . نايم بغرفتي
جسام . وشعده بغرفتج
انتي مو فصليته
شكو تخلي ينام بغرفتج مو عيببب
ديم بخوف . شبيك خويه
هو زلمتي امنعه يعني
جسام . لا تخليني اسوي شي ما يعجبج
لا تكولين خوييييه
ديم . اسفه بس انت مثل اخويه
