بقلم الكاتبه زينب الخفاجي
عنوان البارت ( زواج )
.
يا من تجد عيونها الهوى
هل غاب عن تلگ العيون مرادي
فإن المحاسن ابدعت تصويرها
في ناضريك وغصنك المياد
......
طلعت بره بصفي باقر
حسيته من حجه وياي
باقر . جسام
جسام . ها
باقر . ضام عليه شي
كول
جسام . شضام يعني
باقر . انت احزر اني
شعرفت .؟
جسام . شعرفت
احجي لا تحجي بلألغاز
باقر . ماشي راح ادخل كبل
شعدك ويه ديم
جسام . باقر شبيك تخبلت
شعديي وياها غير هيه مرت اخويه
ها شعدي
باقر . جسام
عبالك ما شايف نضراتك
عبالك ما حاس بيك
عبالك ما عرفتك تحبها من اول ما أجيت
عينك عليها حتى أكثر من سجاد
جسام احتمال سجاد يدري
لو شايف نفسك شلون تباوعله من تمر من يمك وحتى لون عيونك تغير
جسام انتبه
سجاد هم يحبها
ومراقبها
جان منزل رأسه واكفين بين شجر
يسمع الاخو وباقر معصب ويحجي لأن ديم أخته
رجعو مشو
ويسولفون وشويه شويه
كدر جسام يقنع باقر بانو هو ميحبها ( يمي كلاص بنات
يمكن راح افشخه لجسام اخلي دمه بطوله )
مشينه لمكان بي مي كعدنه بصفه
جان الجو بي بروده
ستوه خلصان الصيف
حسيت ركبتي اذتني
باوعت ألمي نضيف اقتربت حطيت ايدي بلمي
لسعتني بروده
باقر . بارد
نطب نسبح
جسام . دنجب لك
تريد تمرضنه جايينه شته
باقر . ههههه
ولك غير طالعين نتونس
نونس رواحاتنه
جسام . هههههههه
دكوم طب انت
اوديك كبل لمستشفى المجانين
يحيرون برجفتك
يلخايس
باقر . لا بربك خل نطب
جسام . المي بارده
شنطب
ما حسيت غير دفعني بامي هو مي نضيف
جنه شط
حواليه حدائق
رفعت راسي من المي
لكيته مجيت وياي
كمنه نتراجف ثنينه بس نضحك
ومتونسين
احس المي البارد ريحني
طلعنه وكمنه نركض الدنيه غروب
نضحك ونركض
مثل الجهال سدينه الباب مال القصر وكل واحد لغرفته
دخلت الحمام سبحت وبدلت
عطست اول عطسه وراسي كام يوجعني
نمت بسرعه
اليوم تقريبا ما حسيت بالم بجسمي
بديت اكل بروحي من الندم
بديت اكل بروحي صدك
اتمنى اخلص من كلشي
اصير انسان عادي
حتى ربي ماكدر اتقربله
ولا اكدر اذكر اسمه
نمت
كعدت الصبح راسي يوجعني
جني واحد سكران
عطست عطسه قويه
وكمت غسلت ونزلت جوه
شربت كلاسين جاي
نزل باقر خزرته ( حتى باقر ما سلم منه ولكم هاذا خطير المجتمع)
هو بتسم وكعد وياي
اجت ديم باوعتله
باقر . اكلج خويه
ديمه
ديم . ها خويه كول
باقر . شمس شلون صار
هم اجه عبدالله للبيت
جسام بغضب . اشحده اكسر رجلي
اطيب ونرجعه لأهلها
باقر . اي الله كريم
زين هيه نائمه كاعده منكدر نشوفه ( خلص باقر راح نسمي ابو الغيره)
ديم . اي كاعده
باقر . لعد روحي كوليلها اريد اشوفه
شلونه
كام هو وراح
نزلت راسي واكلت وكمت طلعت بره رحت لديوان
لكيت اشيوخ ودنيه مكلوبه
كاعد بديوان ثار وسجاد وعبدالله وهمام
طبيت سلمت وكعدت بين همام
وثار
انتبهت سجاد يحجي وعبدالله وهم يحجي
انتهت الكعده كمت
رحت بدلت وأخذت تلفوني ورحت للمطار
صاحبي راح يرجع من امريكه هم ( صاحبه نفسه الي انطا الكتب)
كعدت نص ساعه وصلو
كما انتظره
شويه واجه
حضني وكمنه نمشي ركبته السياره ورحنه لاهله
قبل منوصل شفته طلع الجنطه
وطلع جهازه وفتحه طلع صور
شفتهم صور كتب
.. هاذني الكتب موجودات للمكتبه
بس غاليات
اذا بعدك تقره اشتريهن
حلوات
جسام . بسببك خربت حياتي
حتى احلامي وطموحاتي صارت بلكاع من وره الجن مالتك
شلووون اخلص شلووون
رضا . متخلص
ومراح تخلص
مثلك تنددمت
وتعبت
وقررت خلص
ذبيت الكتب ورجعتلهن
الم بجسمي أحسه مو طبيعي
يريد يطلع روحي
جسام . مثلي
ليش ما كتلي اول ما اطيتني الكتاب
رضا . ماجنت اعرف
ما جنت ادري
جسام . وين بيتكم
رضا . اخويه بوكفلك براس الشارع
اسمراني
يمكن هذاك
جسام . اي
رضا نروح لشيخ يقره على روسنه
رضا . جسام كلما تجيب طارئ شيخ كلبي ينخمد
جسام . دنزل وخلصني
ينخمد
ينخمد على مخده عاد انزل لا اطلع قهري بيك
رضا . بلكي طلع مو اخويه
جسام . لا اخوك
مثل وجهك
انزل عاد
رضا . وسم شبيك
هاي نزلت
فتحت الباب ونزلتله اشوفه شايل جنته ويركض
صاح اعتذر حقك على راسي
صعدت فتحت الجامات شفته شبك اخو
حركت السياره ورحت افتر
احس اكو شي جاي يتحرك وراي بسياره
درت وجهي ما شفت احد
صارت حركه سريعه بسرعه درت وجهي
لاكتني عيون
رجعت وجهي ليوره صرت من اشوفه ما اخاف
لا متعود علي
رجعت اسوق
احس شي صاير للبيت
درت سيارتي ورجعت
دخلت البيت ودخلت السياره الكراج
نزلت شفت عبدالله يمشي سريع لديوان
شافني وأجاني يرككض
كلي طب جوه سجاد يريدك بشغله
هسه نجي اني ويا
كتله خوش
طبيت جوه شفت جويه وبناتها
وامي بلهول
وديم وشمس هم شمس رجعت شويه روحه
بس بعده خشمه وجه امورم من عمليه خشمها
وياهم باقر شعجب كاعد وياهم
وهمام وثار
يعني متجمعين
طب سجاد وعبدالله وياهم بنيه ( هللاوووووووو
بلشننه)
بنيه قصيره ( اي حبي تلوكلك القصيره لان انت طويل )
وضعيفه حيل
وبيضه وجه مدور
وجه وجه طفله
سجاد . جسام هاي هديه شيخ نور
هداها الك
جسام .بغضب . شنوووو
انت بكيفكم تحجون عننيييي
شنو كرسي بلبيت ما تأخذون رئيييي
سجاد . جسااام
تعال وياي ولا تغضب
الغضب ما راح بخليك تفكر فكر بينه إذا رجعته
جرني طببني بغرفه امي وحاجاني
سجاد . جسام لا تفشلني دخيلك أنه
ماكدر ارججعه جن بن شيوخ كبار
وهو شيخ معروف بأصله وفصله
وهداك إليها شافك من دشيت الديوان وجعدت يصفي
شافك وهداك إياها وكال
ماطول اخوكم يعني مثل تربايتكم
وهدك ايها
جسام . خايف عليها من روحي
سجاد . ليش تخاف عليها
هي هم روح مثلك
راح تحبه مثل ما حبيت أنه ديم
هم جنت مثلك وهس اعشكها ( هنا سجاد يا مكتول يا مكتول وخلص)
بقيت صافن علي
أحسه اذه كلبي
احسه حط ملح على جروحي
اخاف على البنيه من الكتب والجن
اخاف يصير بيها شي لو يسوون بيها شي
اخاف خاف ياخذوه أو تنجرف وهم تكوم تقره مثلي
لويت ركبتي وكاله موافق أعقد عليها
بس حتى مافشلك كدام شيوخ ديوانك
سجاد . عرفتك مراح تفشلني
تعال سلم على ابوها عيب شيخ
ويعطيك بنته وما تطلعله
رحت ويا اجه وبأنه عبدالله
يطبطب على جتفي معالم الخوف على البنيه بانت على وجهي
سلمت على ابوها شويه وهمام جاب السيد
لان سجاد كله وعقدنه
عرفت البنيه اسمها صادقه
كعدت نص ساعه يمهم بديوان وكلها راحت وفرغ الديوان
جان بي ضحكه وسالفه
ومصيبه وطلابه
وجان بي ثنين يتفاهمون واثنين لا
كما رحت البيت لزمني باقر
باقر . ميخالف الله كريم
اجت من صالحك حتى تنسه ديم
جسام . الله كريم يخوي
باقر بضحك. تعرف لو أعلمك
عادي لا تستحي أعلمك والله
جسام . انجب لك
عبالك مثلك اني
ههه باي
اجه سجاد وعبدالله يوصوني
رحت لغرفتي لكيت ملبسيها ابيض
خفت أكثر عليها
رحت اتمددت على الجربايه
جريتها وكتلها نامي مأسويلج شي
هيه تمدتت يمي
نص ساعه درت وجهي تقربت وجهي يمها لكيت ما بيها نفس
هزيتها ما تكعد
يتبع
