كعدت من الصبح خير هاي شصاير بدنيه
رفعت ايد ثار عن بطني وكمت
اااااخ ضهريييي
اتورطت وحبلت والله
غزل . ثار
حبيبي كوم
ثار . شنو هلصباح
غزل . كوم تاخرت تره
هو كام وسبح وبدل وطلع اني هم سبحت وبدلت ورشيت عطر
ونزلت صبحت على عمتي وفتريت عدلت البيت
وكنسته بلمكناسه الكهربائيه رحت للمطبخ لكيت عمتي جاي تطبخ
وكفت وراها شفتها مسويه تبسي
ابتسمت صدك اليوم مشتهيه تبسي
حطيت ايدي على بطني من حسيت بالم
هيه دارت عليه وبتسمت كالتلي
ام ثار . يميمتي ارتاحي
لا يروح يتاذه الطفل وتطيح بيج انتي لتتوجعين
غزل . البارحه ما نمت من الم ضهري
ألم حاد يمه يموت
ام ثار . وخاصراتج يمه
غزل . اووف هاذا معانات ثانيه
ام ثار . العصر اوديج نشوف
شمالج وتاخذين مسكنات شويه يخففن الالام
دخلت بشهر الرابع
بس الم يموت وتنسى وتلعب روحي من كلشي
وبطني جبيره مو تكول رابع شهر
ولسه اتنسى على رجلي اشتاقله من يروح ومن يرجع اضل بس كاعده يمه
عمتي تكول بحبالتي بثار هم هيج صار وياي
وثار يكول بلكت بنيه
وهمام وهدى يكلون ولد
هدى صديقات الروح بروح
وهيه هم صادقت فاطمه وكمنه وحده تسولف الثانيه
هدى . غزيله سويت هاذي
المركه ضوكيها اخاف مالحه لو ماصخه وعمتي ضوج
غزل. طيبه ولج
ما بيها شي
هدى . يعني اروح اضوكها لعمتي
ام ثار . تعالي يمه لا تخافين
راحت هيه وعمتي ضاكتها
عمتي بتسمت وكالتها عفيه بيج
هيه ضحكت وجابتلي خس وطماطه. خيار
وليمون ولهانه
كعدت بلكاع تربعت وكعدت اثرم بيها
واكل وعمتي تكمل التبسي
وهدى تحضر بلبن والعصير
هدى . اكلج يمه
ام ثار . ها يمه
هدى . يمكن البن مخثر
ام ثار . شو يمه
أخذته وشمته كالتها ذبي يمه
هيه ذبته دخل ثار وبنفس الوقت همام
اني كمت من الكاع عيب حمايه
وهدى عدلت دشداشتها
صعدو ثنينهم اني كنت وزعت لماعين
والخواشيك وكلاصات البن
نزلت صبينه الاكل وكعدنه ناكل محد طلع صوت وحجه
هاي صفه محبوبه بيهم عمتي معلمتهم
بلاكل يحترمون نعمه الله وميحجون الى إذا اكو شغله مهمه
ولازم العائله كلها تعرفها
يحجون بيها وبعدين يسكتون بعد محد يحجي
عمتي حجت
ام ثار. يمه همام وثار أريدن
غزيله وهديوه وياي لسوك هم يشوفن الغراض ليردنهن
وهم يشمن هوه خطيه محبوسات
همام . إذا وياج براحتج يمه
ثار . سهله حجيه
ام ثار . ويمكن اخذ فطيمه هم
ثوير باجر اخذ مرتك شوف شلونها وشلون صحه رحمها
ثار . يمه انتي اعرف مني بهاي السوالف
اخذيها انتي واني اوصلكم
اني شعرفني
ام ثار . سهله هاي وليدي
بس جنت حابه تروحون انتي تشوفون
براحتكم
سكتو واني مبتسمه الحمدالله زوجي خوش رجال
وعندي ام ثانيه تسوه الكون
دغيت هدى من رجلها هيه كرصت ايدي
يعني اخيرا راح نطلع
والله من الفرحه ردت تكوم ابوس عمتي
واركص بس اتذكرت اني حامل عيب
كمت اني وهمه هم كامو
غسلنه ماعين وكلساع نفحط من الضحك
اني وهدى
مدري شبيه اتخبلنه
صعدنه كل وحده لغرفتها اني فرشت سجادتي وكعدت اصلي
وأسبح
وهو كاعد يسبح سأله نص ساعه
كعدت انتضره واني اكل تفاح
جعت مره ثانيه
هو طلع وشافني وضحك
شبكني وحط رأسه بحضني
كمت امشط شعراته بيدي
هو غفى
حاولت اشيل رأسه واحطه على المخده بس ماكو
اعتقد كاعد وجاي يمثل عليه
لزمت خده وبسته
هو طكها ضحكه
غزل . سالك ساعه تمثل عليه
عود نايم
كوم عني
ثار بضحك . ههههه اخ يمه شو ولج
يلحامل هرموناتج لا ينفجرن
