بقلم الكاتبه زينب الخفاجي
.....
هو كعد يفكر ويبحث على أسماء وهيه بكل عين صلفه تباوعله
واني كاتلتني الغيره وهو اصلا ما شايلها من كاعها
كاعد يختار ويضحك
ويبحث
طبو جهال ثنين ولد ثنين
واحد اسمراني كلش حلو والثاني البيضاني هم حلو
طبت وراها فاطمه كلش فرحت بجيته
بوستني وحطت بأن بحضني
وكعدنه نسولف وهيه وثار على الواهس
يبحثون على أسماء
لحد ما كالو إذا ولد اني اسمي
واذا بنيه هو يسميها
هو ضحك وشاورني
ثار . بليل نتفق على أسمائهم
صار آليل وتعشو يمنه
وهيه حتى كعدت كباله
اني لا شيئ كبال جمالها
وبأنه هدى هم بنيه حبابه صدك
ومحبوبه
وعمتي شويه حبتها
وهيه قائمه بكل واجبات البيت من تمرضت
واني وياها نتساعد هسه
مرن سبوعين ورحت لبيت اهلي
شبكت امي حيل.
وابويه وكعدت امدح بثار واشكيلهم
وهمه مكيفين بيه
شفت عبدالله اطول مني صاير
وحلو حيل
ويضحك وياي
يومين شبعت منهم وثار كوه ملصني منهم
ورجعني.
كمت من النوم وهم نزلت نضفت البيت
واكلت
اني وغرام نضفت البيت
واكلنه سوه
دخل فهد
فهد. السلام عليكم
غرام. اهلا حبيبي
كمر بقهر . وعليكم السلام
كمت غسلت وبحجه اريد اصلي
طفرت ليفوك وهم شبعت بجي على سجادتي
لحد ما نمت على السجاده
من فتحت عيوني شفته نايم على جربايتي ويكلب
بجهازه
اتذكرت كلشي.
( فلاش باك قبل شهرين )
مثل كل اليالي
اسهر ابجي واخاف أحد يدخل عليه اقفل الباب
سمعت بجسام رجع لأمريكا حرفيا شفت
نفسي احبه
ما اعرف شلون بس احبه
صرت بس اتغدى ويلهم والباقي بغرفتي
ابويه وداني طبيب كاللهم حاله نفسيه وفقر دم
حاد
انجبرت اكل
اعرف هو مراقبني وهو طلب يودوني طبيب
راد ابويه يرجع يوديني بس عاندت وقفلت الباب
اخويه الي جان ابويه وصديقي واخويه وحبيبي
وامي واختي وكلشيييي
ثقته انمحت بيه
شلون ما يصير بيه هيج
كمت وفتحت اشرطه وجع الراس
وبلعتلي اربع حبابي
بس حتى يهدى راسي بس انتكست حالتي.
حسيت يدوخه كمت فتحت الباب طلعت دا اغسل
وكعت بلممر
فتحت عيوني للمستشفى غرام وياي هيه وامي
مسويلي غسل معدى
وحاطيني مغذيات ثنين
امي ضلت تعاتبني
واني دموعي اطيح ليش ما متت
قررت ابني حياتي
رجعت وسبوع كامل اني نفس الحاله
بس شويه تحسنت
صرت نفس ما هو يريد
ما أحاجي إذا لكيته وحده
إذا سلم ارد واذا ما سلم ما احجي.
اهلي لاحضو بس سكتو
( كافي خل نرجع )
فتحت عيوني شفته نايم على جربايتي.
ويلعب بتلفونه
اني درت راسي عود نايمه
شيسوي بلغرفه مالتي خير شنو يريد
مر الوقت واني على نفس نومتي وهو هم
حتى جسمي اشنج
درت وجهي لكيته غافي
كمت ولمين السجاده هو حس
وفز اني سويت نفسي ما مهامه
نزلت اكلت وكعدت اباوع تلفزيون
حتى الجهاز هملته ما بيه حيله
هو نزل شافني هيج ضل ثابت
بمكانه ويباوعلي
دار رأسه وراح
عشر دقائق ورجع صعد
طلعت فلم كارتون الساعه ب١ خلصته ب٢ونص
صعدت نعسانه فتحت باب غرفتي شفته نايم
على جربايتي على ميزي جكايره وتلفوناته
وتلفوني والسويج
