بقلم الكاتبه زينب الخفاجي
......
لا حب
متزوج ثنين
ومرت ابوها حيه
وامها شحجي عنها فصليه لا زايد ولا ناقص
ليش هيج ليش
ضحك عليه بحبه
ما عندي أخو يسندني ويسند كلبي
ولا عندي ابو يوكف بضهري
ولا عندي عمام بيهم حض عده عمي ابو عبدالله والرجال حاير بته هم فصليه
عشق بحت كمت نيمته بحضني واهزها
واحجيلها اسكتي يمه اسكتي
لا يدخل ياخذج مني انتي هم
وفعلا اشويه وتنكسر الباب من الدك
كمت فتحتها أخذ الطفله مني طلعها ورجعلي
احس يا ريته ما رجعلي
حطني موتني موتني موتني كتل
ورمه الجسمي
كمت أصبح على واحد ينجدني
صح خويه باقر
باقر ركع الباب دفره وطبله
جرني من بين أيدي وتولا ضرب هو وعبدالله
ماكو علي يضربون بي يحاولون بصحه
وهو سوا العكس طلع ولا كأنما صار شي
طبت شمس غطتني ما شفت غير اغمى عليه
كعدت لكيت باقر وعبدالله وثار فوك راسي لزمت ايد باقر
ما اريدهم يتفرجون عليه بس باقر اخويه لا لا مو اخويه ابويه
كام وطلعهم بره الغرفه وهو هم طلع
اشوف شمس كلبتني وكانت تعقم بضهري
وتعقم بطني
وجتفي عرفتهم مجروحات
مر ثلاث اسابيع
محد يحجي وي سجاد من الولد بس بديوان يحاجو لأن عيب
عشق أخذه باقر ويتعارك لذا احد رادها
جان يفتح كامره وي جسام واشوفها تضحك
وتهز بيديها
فرحانه لعمها
اجه العرس وسجاد يمشي بشور هيام شتكله يسوي
حاجة الولد وصالحهم لان عرس اخوهم وهو شيخ وعيب
اجه جسام وبعتبار هاذا عرس ثاني
كلما اشوفه لذكر مساعداته وخوفي منه
وهو يبتسم لي لو يأخذ عشق ويا
يكعد ويسئلني
مره كعدنه اني ويا وسولفتله كلشي
شلون ضربني وشلون ملخني وشلون اتغير
وشلون جاني خبر خطوبته
وهو يسمعلي ويهزلي برأسه
دار وجه لغير جهه
وغمض عيونه وكلي
جسام . تره سجاد مسحور
وسحر قوي
حاولي تفكين السحر
اني ما اكدر مو مثل قبل لو مثل قبل اخلي هسه يتقيئه
ديم بجي . يعني هو شاربه
جسام . اي شاربه
ديم . ههه شلون عرفت انت مو تغيرت
جسام . هههه ولج لا صيرين لوتيه
تحسنت بس بقه شويه
يعني ١٥ بل ميه بعدني
جاي احسن من حالي
ديم . الله كريم جسام
ربك هو ينقذني
جسام . الله كريم دمدم
كومي هسه نامي
واني انشالله اشوفلج حل
ويا
كمت من يمه وتقريبا مطمئنه
رحت نمت
ثاني يوم العصر خلص العرس وكلشي
وثالث يوم طلع جسام وي صاحبه
ورجع بين الفرحان وبين المقهور
اول ما شافني ضحكلي
كعد باقر وجابله قران
وبطل مي وخلا يقره قران على البطل وينفخ علي
حط جسام بي ورق اقتعد ايات قرانيه
وخضه حيل وصبه بكلاص
وراح خله سجاد يشربه شويه تقيئ بس عادي
صار اسوء
جسام أنهم وكعد كباله يباوعله ويدمدم بشغلات
دقيقتين وسجاد كام يتقيئ أكثر واكثر
ويتقيئ اشياء سوده
سلابيح وخيووط
وجسام وباقر فوك رأسه جسام لازم رأسه
ويتمتم وباقر يخلي يتقيئ
وكع سجاد جان شاهد اني وعبدالله وعبدالله ضاج
يمكن عياله جسام رجع لسوالف الجن
بس فرح انو سجاد طلع الي بمعدته
ودو للمستشفى غسل معده
وكذا
الي فاجئني من رجع جسام
ويا سجاد وجه اصفر
كلي تره قريت ايات قرانيه والله
خلاني اضحك من كل كلبي
وراها بليل شفته شال جنته وراح يطلع
باوعتله وبتسمت
ديم . مودع خويه توصل بسلامه
جسام . الله يحفضج لبنيتج
ديري بالج على نفسج لا تقلقيني واني هناك اوك
ديم . لا تقلق جسام
