فهد. شوفي صح سويتي غلط
بس عمري ما فقدت ثقتي بيج
اعرفج انتي شنو وانتي منو وبت منو وتربايه منو
شبكته حيل وبين رأسه
صدمني من كال
فهد . تعرفين اليوم تصالحنه اني وجسام
من عفته حسيت نفسي دفنت روحي بيدي
هو فعلا اخ
ولج عاف سوالفه لمكسره بس بقن شويه هههه
كمر . عوفه شعلي للولد
فهد . اهاااا
اكلج راح ابات بره وعلي غرام ما اطببني
راح اكوم سالي اربع ايام اني ساكن غرفتج
كمر . ههههه كوم لا تنطرد حتى من البيت
كوم لا تشكيك لابويه وعلي يتبره منك
كله ولا غرامه
فهد . انجبي اغار
وكايم اروحلها
وبالمناسبة تروحين للعرس مو
كمر. لا مالي نفس
فهد . اكلي نعل وتروحين يله تصبحين على خير
كمر . وانت بخير حبيبي
من طلع كمت اركص.واهز
طفت الكهرباء كلت بالي لااااا جسام تدخل بلموضوععع
جان طب
وكعت كاسه المي
علكت فلاش بجهاز
شفت ماكو احد
عفت الجهاز معلوك فلاش ونمت
كعدت اني الثوره عايفه جهازي
حطيت التلفون على الشحن وكمت غسلت ونضفت البيت وتغديت
وصعدت صعدتلي غرام وكعدنه نخلي مكياج
وتلبس
كملت شعري ومكياجي جان يدخل فهد صوفر
فهد . موش نسوان غنابل وعلي
طلع اني لبست الثوب
وفوكاها عبايه وطفرت لامي اراويه
امي ضحكت وطلعنه بسياره
باقر خلا فهد يدخل السياره ليجوه حتى محد بشوفته
وهنا وطلع جسام صدفه
لابس بوت اسود وبدي رصاصي وبنطرون رصاصي
الدمعه وصلت بطرف عيني
وخرب كلشي جنت مخططه اله من ركص واغاني وحماس
احس نفسي اتجدد حبي اله
نزلت راسي ودخلت سمعت ضحكته العاليه
من شاف فهد
الاغاني والصوت العالي واني كاعده
درت وجهي شفت بيبه جسام ابتسمت لها وهيه هم بادلتني الابتسامه
الي صار انجريت من قبل ديم وشمس هاذني شعجب
كامن
وركصنه سوه ونضحك
وبليل رحنه لان خلص ما بيه حيل بعد اكمل وعلي
وصلت كبل مسحت المكياج وسبحت ونزلت جوه
ام غزوان . ها يوم شبيج
كمر . راسي يوجعني
ام غزوان . طبعا ذبيتي لحم طبعا يوجعج
غرام راح تبات هناك هيه وفهد
عين صديقهم باجر مسافر
فد يوم وكاعدين وصار خمس أشهر جسام ماكو
كاعده الحديقه وبيدي عشك نايمه
وياي شمس وغرام يمنه وامال وباقر كاعد يأكل
امال . احس نفسي حزينه
مو هيج خالو
باقر بتثاقل . يا بعد عيون خالج
خايبه هاذا ثالث ماعون
ولا يهمج هسه نلطم اني وياج
غرام . ولا يهمكم اني هم الطم
شمس. هاي شبيكم استغفرالله
اصبلك الرابع
باقر . تريدين تموتيني بعدني حتى ما مزوج ولا شايف جهالي
ديم . يله استعجل وزوج
باقر . شوف الثانيه لو اركعها بلماعون اطشر راسها
منو كال ازوج شبيجن تريدين تموتني
حمسني العب رياضه صرت بشهر ال٧
البنات فحطن من الضحك
ونامن بكاع اتصل واحد على باقر الصدفه باقر فتح كامره علينه
شفنه جسام يسلم علينه
سلم عليه وكالي
جسام . ها ام عشوق شلونج
ديم . بخير الله يسلمك
