وصل ادم علي الشركه ووجهه لا يوحي بالخير ابدا خمنت تلك المغروره ان ادم قام بطرد اسيل لكن ده بعينك.... داخل قاعه الاجتماعات فهذا اجتماع هام لصفقه سنه 2021
ادم بجديه:كده كل واحد عرف شغله والكلام ده لازم يكون في سريه تامه وميخرجش برا لأي حد
زياد:تمام يامستر ادم بس السكرتيره هتعرف ولالا
ادم:هي واخده اجازه النهارده بعدين هفهمها
انتهي الاجتماع وخرج جميع الموظفين ماعدا زياد
زياد:ادم كنت عايزك في موضوع
ادم:ايه يازياد خير
زياد:الصراحه هما موضوعين الاول اني عايز اطلب ايد فريده اختك.. والتاني بقاا في حاجه غلط في حوار اسيل ثم اردف بمرح وغمزه.. انت وقعت ولا اي ياكازانوفا
ادم:اولا انا موقعتش ولا حاجه نخلص شغل وهحكيلك... ثانيا موضوع فريده انا عارف من زمان باين عليكو وهكلم بابا فيه ََيلا علي شغلك بقا وكفايه رغي
وقف زياد بأبتسامه اظهرت وسامته ووضع يده علي مؤخره رأسه وقال بمرح:والله شكله وقع بجد هي اسيل حلوه بردو ضحك ثم اتجهه الي مكتبه
~~~~~~~~~~~~~~
في منزل اسيل الجديد او بالأحرى منزل أدم جلست اسيل علي الاريكه في الصالون تفكر فيما حدث لها وعن ادم الذي ينقذها في كل ورطه بعد وفاه جدتها وهل ستظل جالسه هناا فقطع تفكيرها صوت جرس الباب ارتعبت اسيل من الصوت وخافت ان يكون ذلك الحقير ظل يلاحقها الي هناا ايضا.. اتجهت الي الباب بهدوء واردفت قائله بخوف:م... مين
الصوت:انا ادم يا انسه اسيل
اطمئنت اسيل وفتحت الباب فدلف ادم الي الداخل ومعه اغراض عديده واتجهه الي المطبخ ثم وضعهم فنظر لها واردف قائلا :بصي ده اكل يكفيكي شهور قدام واتفضلي ده تيلفون خليه معاكي وااه في هدوم بردو
اسيل بخجل:انا مش عارفه اقول لحضرتك ايه بس شكرا
ادم:متقوليش انا ماشي ورقمي متسجل عندك احم وبقولك ابقي غيري الاسود ده بقا الزعل مش هيرجع اللي راح..
~~~~~~~~~~~~~~~~~
نادر:الووو مجتش تاني طب وانتي مختيش مكانها ليه
البنت:مستر ادم كان متعصب ودخل الاجتماع خلصه ومشي علطول.(الشاطر اللي هيعرف مين البنت دي)
نادر بعصبيه:انتي مفيش منك فايده وهنعرف الكلام اللي تم ازاي؟
البنت بتوتر:انا هحاول اعرف
نادر بصوت جهوري:انتي لسا هتحاولي انتي اعملي اللي هقولك عليه بس...
البنت:حاضر
نادر :تعرفيلي هي البنت دي جايه تاني ولالا وتجبيلي الملف بتاعها فهمتي...
اغلقت هبه الخط (ايوا هبه مين غير الحربايه تتوقعو يعمل كده يعني)اغلقت وهي تتوعد لاسيل قائله :كده السويفي مش هيسيبك واتجهت لتأخذ الملف الخاص بأسيل فأخدته بسهوله فكل ملفات الموظفين بمكتبهاا فهي مسؤله عن حسابات الموظفين أيضاً ثم خرجت من الشركه لمقابله نادر وتنفيذ ما طلبه منها
هبه:اهو الملف بتاعها اهو
نادر بجديه:تمام تقدري تمشي دلوقتي... فحاولت هبه ان تتمايل علي نادر إلا انه صدها
نادر بعصبيه:بقولك ايه مش وقته يلا مع السلامه ثم نظر الي الاوراق امامه فكانت الصدمه............
~~~~~~~~~~~~~~
في منزل عائلة محمود الذي يملئه الرعب والزعر بسبب محمود فكانت اروي تبكي بخوف من والدها وماينوي فعله ومن طريقه كلامه
محمود:روحتي معاه البيت وجايبك بنفسه انتي هتفضحينا
اروي ببكاء:والله يابابا هو ده اللي حصل
محمود:اخرسي متقوليش بابا أنتي مش بنتي ولا اعرفك
تدخل والد محمود قائلا:عيب كده يامحمود البت معملتش جريمه يعني عشان كل ده
محمود:انا هربيهاا اطلعو لمو الحاجه احنا هنمشي دلوقتي حالا
الام ببكاء وخوف:انت هتعمل ايه في البت يامحمود حرااام عليك بقاا كفايه (ايه اللي ممكن يعملو محمود في اروي وهل هيسافرو فعلا وايه اللي ممكن يحصل؟)
بقلمي مريم خالد ❤️
