نادر وهو يزفر بضيق :ماشي ياادم والله لاوريك خليك فاكر
ادم: برااااا
ليصعد زياد مره اخري :ممكن اعرف بقا في ايه
ادم:هفهمك في العربيه انت هدخل اجيب اسيل هتيجي معايا البيت قعدتها هنا خطر عليها
ادم لاسيل:يلا هاتي الشطنه وانزلي مع زياد العربيه هقفل الشقه واجي
اسيل:هو احنا هنروح فين
ادم :متخافيش يلا انزلي
هبطت اسيل الي الاسفل لتركب في سياره ادم ليردف زياد بمرح وهو يفتح لها باب السيارة :اتفضلي ياعروسه عقبالي يارب..... ضحكت اسيل بخفوت رغماً عنها وعلي الناحية الأخرى اغلق ادم الشقه ثم هبط الي الاسفل ليجد زياد واقفا خارج السياره فالطبع لن يركب معاه وحدهما والانهايته ستكون علي يد من لا يرحم اتجهه ادم ليركب سيارته ليوقفه زياد:لا انت اتفضل اركب ورا جنب عروستك هسوق انا النهارده
ادم:ماشي ياظريف
زياد:مش كفايه خرجتني من اهم يوم في حياتي انا هشهد مراتك عليك ثم يوجهه نظره لاسيل.. يرضيكي يوم قرايه فاتحتي يتصل بياا يفصلني حبكت تتحوز انهارده
اسيل:الف مبروووك يأستاذ زياد
زياد بابتسامة :الله يبارك فيكي علفكره العروسه اخته شويه وهتتعرفي عليها
~~~~~~~~~~~~~~
فاقت والده اروي لتجد نفسها علي سريرها في منزلهم لم تستطع ان تتذكر ماحدث فقامت ودلفت الي غرفه ابنها لتجده نائم فذهبت الي غرفه اروي لم تجدها بحثت عنها في كل أرجاء المنزل ولم تجدها لتسمع صوتا صار مألوفا بالنسبه لها يقول:متحاوليش مش هتلاقيها هي مش هنا اصلا
لتنظر له نظره ممزوجه بغضب وخوف علي ابنتها :وديت بنتي فين يامحمود عملت فيها ايه البت لو جرالها حاجه مش هسكت
محمود ببرود:هششش اسكتي روحي اعملي الأكل يلا عشان جعان
الأم : منك لله ياشيخ لساا ليك نفس تاكل انت ايه انت مستحيل تكون بني آدم.... ثم تركته وصعدت الي غرفه ابنها ببكاء :علي علي انت ياواد قوم دور علي اختك والنبي ابوك معرفش عمل فيها ايه رجعهالي رجعلي اروي ياعلي.
~~~~~~~~~~~~~~~
في دوله اخري بالتحديد في امريكا تتحدث امرأه في منتصف العقد الرابع (سن الأربعين) لم يبدو عليها سنها فكانت بشرتها مشدوده كالشباب لم تهمل نفسها فكانت تتميز بالعيون الزرقاء والجسد الممشوق فهي اخت حسين المهدي( نڨين المهدي)
نڨين:سيرين جهزي نفسك يلا هنتحرك بعد ساعتين
سيرين وهي تمضغ العلكه وتبرد اظافرها:اوكي مامي
ثم تتحدث فس نفسها :جايالك ياادم مش هتفلت مني المره دي
سردين قصدي سيرين فتاه في الرابع والعشرون من عمرها تتميز ببشره بيضاء وجسد ممشوق رائع طويله ورفيعه الي خد ما جعلها جذابه تتميز بعيون زرقاء مثل والدتها ونمش علي وجهها وشعر برونزي طويل كيرلي فحقا تبدو كالاجانب فهي فتاه جميله حد السحر تعشق ادم بشده ولا تريد سواه تعيش مع والدتها خارج مصر في أمريكا
~~~~~~~~~~~~~~~~~
وصلت سياره ادم امام قصره نزلو جميعا من السياره
ادم:اسيل بما انك دلوقتي مراتي فا ده بيتك اللي هتعيشي فيه وده البيت اللي انا عايش فيه مع اهلي
اسيل بتوتر:اهلك م هيقبلوني انت اتجوزت من وراهم ومن غير ماحد يعرف حاجه
ادم :ادخلي ومالكيش دعوه بحاجه.... دلفو جميعا ليجدو حسين وصفيه وفريده بانتظارهم وعلي وجهمم علامات استفهام من تلك الفتاه ولكن استقبلوها باحترام
اسيل بتوتر:السلام عليكم
الجميع :وعليكم السلام
ادم:اقعدي يا اسيل ثم وجهه نظره للباقي ليقول دي اسيل مراتي..... صدمه، ذهول، صمت، استفهام
صفيه:مراتك؟ مراتك ازاي يا ادم من غير مانعرف
ادم بهدوء لفريده:فريده خدي اسيل طلعيها فوق علي اوضتي انا هفهمكم كل حاجه... اخذت فريده اسيل الي غرفه اخوها ليشرح ادم ماحدث لأهله وان نادر يريدها كسلاح ضده ليس أكثر
حسين بتفهم:انت عملت الصح ياادن البنت فعلا باين عليها غلبانه ومتعرفش حاجه في الدنيا بس يا ادم متقربش منها الا لما تتطمن وتوافق
ادم:حاضر يا بابا انا طالب منكم بس تعاملوها زي فريده عشان هي وحيده واهلها متوفين
صفيه بحزن علي حالتها:حاضر ياحبيبي
فريده بابتسامة :دي بقا اوضه ادم اهلا بيكي انا فريده
اسيل بنفس الابتسامه :اهلا بيكي ياحبيبتي
فريده:تسمحيلي بقا نبقا صحاب
اسيل:اكيد طبعا يشرفني
فريده:تسلميلي اسيبك بقا تغيري هدومك وترتاحي ثم تتركها وحيده تفكر في كل ماحدث لها في تلك الفتره وتفكر فيما يمكن أن يحدث فجمعها القدر بأدم بمن لم تحلم ان تتزوج مثله علي الاطلاق فماذا تتوقعو ان يحدث؟ رأيكو في الكومنتااات بقا هه
بقلمي مريم خالد ❤️
