في صباح اليوم التالي.. تستيقظ البطله وكعادتها (اكيد حفظنا) وخرجت من المنزل علي عملها وهي خائفه ان تتعرض لموقف اليوم السابق فكان يراقبها ولكن هذه المره بتوعد ذهبت اسيل وهذا الوحش يلاحقها الي ان وصل امامها فتشهق اسيل من خوفها من ذلك الحقير ومافعله ليله امس فماذا سوف تفعل
سيد:وعامله فيهت الخضره الشريفه وانتي مدواراها طب واحنا مالناش نصيب زيه ولا ايه
اسيل بخوف :حرام عليك ايه اللي انت بتقوله ده سيبني في حالي بقاا
سيد:اسيبك ايه بعد الراجل اللي شوفته معاكي ده والضرب اللي خدته بسببك مش هسيبك
(تفتكروا ايه اللي ممكن يحصل لاسيل وهل هتقدر تنقذ نفسها ماهي منسيتش حاجه عند ادم عشان يجي ينقذها تاني)
~~~~~~~~~~~~~
البطل علي غير عادته نومته قلقانه وصحي من الفجر قرر يروح الشركه وهو مش عارف ينام من غير ما يفكر في اسيل... ادم في مكتبه وابتدت الموظفين تيجي والساعه عدت ٧ ولم تصل اسيل بعد
ادم :هي من اولها مش بتيجي بدري ثم يتابع بتفكير.. ولا يمكن الحيوان ده اتعرضلها تاني... ثن تدلف المغروره المكتب بالقهوه :مستر ادم السكرتيره
هوب ادم يقوم من مكانه ويأخذ الفون والمفاتيح فتفرح تلك المغروره ظنا بأنه سيقوم بطرد اسيل فتقول في نفسها:باااي يااسيل اول يوم ليكي بقا الأخير... (ياترا ادم رايح فين وهل هو هيطرد اسيل من المكتب فعلا وياترا الشر هيفوز بالسهولة دي ده اللي هنشوفه في الفصول الجايه..)
~~~~~~~~~~~~~~
في الاسكندريه بالتحديد في بيت عائله محمود الكل منامش محمود بيتوعد لبنته (معندكش دم صحيح بنتك هربت من تصرفاتك وانت لسه مش ساكت)
الام ببكاء:بنتي راحت فين انت السبب لو بنتي جرالها حاجه انا مش هسامحك عملتلها ايه امبارح
محمود :اخرسي بقاا مش كفايه العار اللي بنتك هتجيبهولنا كلمه كمان ومش هخليكي علي ذمتي فاهمه...
الام:انت ليك عين تتكلم البت هربت من اسلوبك وتصرفاتك (طبعا عارفين ايه اللي هيحصل لانه في كل بيت)
~~~~~~~~~~~~~~~
فتحت اروي عينيها فوجدت نفس الشاب الوسيم الذي رأته ليله أمس ولكنه في تلك المره في النور اسر الشاب الوسيم صاحب العيون الزيتونيه والبشره الخمريه والشعرر البني فحطم جميع مقايس الجمال
اسر بلهفه:انتي كويسه ياانسه
اروي بتعب:انا فين وايه اللي جابني هنا
اسر انتي امبارح كنتي بتعيطي وفجأه وقعتي جبتك البيت انا اسف انا حتي والله مااعرف اسمك ولا لقيت حاجه تعرفني
اروي بخوف:انا لازم اروح بابا هيقتلني لالا نش هينفع اروح انا اللي سبت البيت اعمل ايه... وابتدت في البكاء
اسر بشفقه علي حالتها:اهدي اهدي انا هروح معاكي واشرحله الوضع واللي حصل
اروي بنفي:لالا مش هينفع هو مش هيفهم كده
اسر:طب اهدي طيب انتي اسمك ايه صحيح
ردت اروي قائله:اسمي اروي
اسر:حلو اسمك جميل متخافيش انا هروح معاكي لابوكي
~~~~~~~~~~~~~~~
رايح زياد الشركه علي غير العاده مبسوط جدا ماشي بالعربيه ومشغل اغاني رومانسيه وايه علي وضعه وصل زياد الشركه وسأل هبه علي ادم وردت بكل سخريه:تقريبا هيطرد السكرتيره عشان مجتش النهارده وامبارح مشيت قبل معادها ومن غير ماحد يقولها ه. بيقولك استناه لحد مايجي(هو مقالش حاجه بس عشان زياد ميحلش المشكله)
بقلمي مريم خالد ❤️
