البارت الثالت والأربعون
ادم:تعالي نروح لزياد واسر وانتي اقعدي مع اروي قدام عيني اوعي تروحي ف اي حته انا مش مستعد اخسرك تاني وخليكي فاكرة ان حقك هجبهولك من ولاد الكلب دول
اسيل:خلاص يا ادم اللي حصل حصل بقاا وخلاص
ادم :انتي مش متجوزه سوسن ياهانم عشان ميعرفش يجبلك حقك امشي قدامي بدل ما اعقابك قدام كل الناس وانتي عارفه عقابي اي كويس
اسيل بخجل:ادم اتلم
ادم بعشق:هو انا لساا عملت حاجه
لينتهي حفل الزفاف بسلام ثم يودعو فريده وزياد
ادم:هتتحركو كده الساعه كام
زياد:عالظهر انشاء الله
صفيه:خلي بالك منها يازياد
زياد وهو يقبل يد فريده :مش محتاجه توصيني عليها يا ماما
ادم:طب يازياد انا بقول يلا بقاا عشان هيبدؤ في حفله عياط ومش هيسكتو دلوقتي
زياد:طب يلا مع السلامه بقا ليضحك الجميع وينتهي اليوم بسلام
في صباح اليوم التالي استيقظت اسيل الذي وجدت نفسها في أحضان ادم لتبتسم بحب وتذهب الي الحمام الملحق بالغرفه ارتدت اسيل ترنج مريح ثم صففت شعرها وأدت فرضها ليستيقظ ادم
ادم:صبااح الخير ياروحي
اسيل:صباح النور يلا قوم خد دش وتعالي عشان تفطر
ادم:مش هنفطر مع بابا وماما..؟
اسيل:بابا وماما صحيو من بدري وفطرو مع بعض
ادم:ماشي ياحببتي ثم يكمل بخبث :بقولك اي
اسيل:نعم
ادم:ماتيجي تساعديني اصلي تعبان الصراحه
اسيل:بس يا ادم اتلم بقاا
ليقترب عليها ادم وهو ينظر في عينيها بعشق :انا قلت حاجه طلبت من مراتي حببتي تساعدني ولا اروح اجيب واحده من الشارع يعني تساعدني
وكزته اسيل علي صدره وقالت:طب ابقا اعملها يا ادم
ادم وهو يقترب اكثر:اعملها
اسيل:جرب وشوف هيحصلك اي
لقترب علي شفتيها يقبلها برقه وحب لتستجيب معه اسيل ليسندها علي الحائط ويحاوطها بيده وهي شبهه مغيبه عن الوعي ليمر عدة دقائق فيبتعد عنها ادم عندما شعر انها بحاجه للهواء ويقول بتحدي:هاا انا جربت اهو وريني هتعملي اي
لتنظر اسيل ارضا من شده الخجل فيرفع ادم رأسها إليه ويمسك وجهها ويقبل جبينهاا
ادم:مفيش غيرك ف قلبي ياحببتي
اسيل بتحجج : طب روح خد دش بسرعه عشان نفطر انا جعت يلا
ادم بحنيه:حاضر ياحببتي مش هتأخر
~~~~~~~~~~~~~~~~~~~~
بعد مرور اسبوع
رن هاتف اسيل معلنا عن اتصال من ادم
ادم:الو اي ياحببتي بقولك اي جهزي نفسك عشان انا قدامي ساعه وجاي عندنا مشوار مهم
اسيل:مشوار مشوار اي
ادم:اسمعي الكلام بس ياحببتي واجهزي
اسيل حاضر لترتدي اسيل فستان وردي اللون مشجر وحجاب وردي اللون وجلست علي حافه السرير تنتظر قدوم ادم.... بعض مرور بعض الوقت وصل ادم الي القصر ليجد اسيل تهبط من اعلي الدرج ليأخدها بين أحضانه ويهمس بجانب اذنها :وحشتيني
اسيل :وانت كمان
ادم وانا كمان اي وحشتك..؟
لتهز اسيل رأسها بالموافقة ليقبل جبينهاا ثم يقول:مراتي الحلوه مستعده
اسيل:هنروح فين
ادم:اما نوصل هتعرفي يلا ياحببتي
اسيل:استنا بابا وماما فين طيب
ادم :سبقوناا يلا تعالي
~~~~~~~~~~~~~~~~~~~~~~
هبه :خير ياياسين بيه حضرتك طلبتني
ياسين:اتفضلي اقعدي الأول طيب ثم يكمل بصي انا هتكلم معاكي بصراحة انا كنت عايز نتقابل برا عشان نفصل بين الشغل وبين اي حاجه تانيه لكن انتي رفضتي ف ياريت اللي هقوله ميغيرش حاجه بينا او بعلاقتنا الحاليه
هبه:تمام
ياسين:هبه تقبلي تتجوزيني
هبه بعصبيه:اه انت مفكرني سهله يا استاذ عشان اللي حصل ولا تكون اتفقت معاه عشان ينفذ اللي معرفش يعمله زمان فياا
ياسين:استني ياهبه اتفقت مع مين وينفذ اي
هبه:اه هتعملهم علياا انا خلاص مش هيضحك علياا تاني هو مكفاهوش انه قتل ابني زعلان اوي اني حاربت الموت روح قوله ده بعينك اني اقع تاني وهبه بتاعه زمان ماتت
ثم تذهب من مكتبه بل من الشركه بأكملها وتتجه نحو منزلها
نظر ياسين الي فراغها بدهشه ومما قالته وماذا تقصد بهذا الحديث ليقرر اللاحق بها بعد مرور مده من الوقت طرق ياسين الباب عده مرات لتفتح هبه بعصبيه
هبه:نعم عايز اي
ياسين:هبه ممكن تهدي وتسمعيني
هبه :اطلع برا مش عايزه اسمع حاجه لحد امتاا بقاا هفضل عايشه كده انتو عايزين مني اي ارحموني بقاا مش كفايه ابني مااات بسببه وانت جاي تتفق معاه وتكمل علياا فكرتك مختلف فكرتك مش زيه بس طلعت اوسخ هو لعب عالمكشوف وانت بتلعب من تحت لتحت بررت اسلوبك معايا ومعاملتك لياا انك انسان مختلف بس طلعت انا اللي ساذجه بس خلاص مش هيضحك علياا
ياسين:بس بقاا انا ساكتلك من الصبح وعماله تتهمي فياا وتقولي كلام مش مفهوم اي اللي انتي بتقوليه ده وابنك مين ومين اللي قتله انتي بتكلمي عن مين
هبه:اطلع براااا مش عايزه اشوف وشك وانا قدمت استقالتي وسايبه البيت هناا وماشيه ومرتبي الشهر ده اعتبره ايجار الشقه
ليدفعهاا ياسين الي الداخل ويغلق الباب خلفه
ياسين:عايزه تمشي هه قلتي عايزه تمشي مش هتمشي من هناا مش هتروحي ف حته انتي سامعه
هبه:زي ماتوقعت بان علي حقيقتك باان كلمو كدابين وغشاشين كلكووو لتدخل في نوبه بكاء ثم تقع مغشيا عليها
~~~~~~~~~~~~~~~~~~~~~
زياد:صباااح الخير ياروحي كل ده نوم
فريده وهي تعتدل من جلستهاا وتلف الغطاء حول جسدهاا العاري بخجل:صباح النور
زياد:اي ياحببتي انتي لساا بتتكسفي مني ولا اي
ليحمر وجهه فريده بوضوح لشده بياضه فيقبل زياد جبينها بحب ويقول:يلا يااحببتي قومي خدي دش ويلا نفطر عشان ننزل نلف شويه ف اخر يوم لينا هناا
فريده :طب طب يازياد اطلع برا
زياد :اي دا اطلع برا ليه يامجنونه انتي انتي زعلانه عشان هتمشي ما حنا هنروح مكان تاني
فريده:زياد اطلع برا
زياد:في اي ياحببتي
فريده:اطلع برا يازياد
زياد وقد تفهم ماتعنيه:اه طيب ماشي انا طالع اهو
~~~~~~~~~~~~~~~~~~~~~
بقلمي مريم خالد ❤️
