#نــور_قــلبي +18
الحلقة ١٩
زفر تامر بقوة يضغط علي نفسه
" أنا عندي مرض نفسي و و حاليا بتعالج منو "
" طيب الحمد لله وقت بديت العلاج ، واصل فيه "
اتسعت عيناه بدهشة
"طيب هو عادي بالنسبة ليك ما حتنفري مني وتقولي مجنون مثلا "
" أنا بعرف يعني شنو مرض نفسي عشان امي سبق وعانت من مرض نفسي ، ضغط ابوي الكتير سببو ليها .
بعد اقناع شديد قدرنا نوديها لدكتورة نفسية تعالجا وكنت بمشي معاها ، أنا فاهمة كويس في الموضوع دا بالرغم من عدم خبرتي في اي شي تاني في الحياة "
" انتي ملاك يا إيمان "
قالها بعشق كبير فقالت بخفوت
" تامر ما صح تقول كدا ، انحنا لسا مافي بينا شي رسمي "
" بس مخطوبين "
" حتى ولو مخطوبين الكلام كدا غلط "
همست بها ثم أغلقت الخط بسرعة تمسح وجهها بخجل شديد ،هي لم تعتد بعد الحديث مع غريب ، بينما تامر استلقى شارد في السقف يأبى قلبه السكون ،وضع يده على النبضات ضاغطا عليها
" اااه يا إيمان انتي بتعملي فيني شنو ، مدة قصيرة جدا شقلبتي كل حياتي "
*****************************
كادت عينا فتون تخرج من محجرهما ثم أغمضت عيناها بجزع شديد وهي ترى الطفل حسام ساكن دون حراك بوجه شاحب بشدة دلالة موته .
بينما سجى كانت تبرك أرضا تطالع ولدها بصدمة دون دموع ودون حراك .
وجهت فتون بصرها نحو سامر الجامد ، بيد مرتجفة هزته تنادي عليه ليستفيق فهي شارفت على فقدان وعيها من هول الحادث.
تحركت سجى ثم التفتت نحوهما قائلة
" أنا أنا خليتو م م مع تهاني ق قالت حتقعد معاه هنا في بيتي لإنو في ضيوف في بيتا "
وكأن كلماتها الشاردة جعلت عقل سامر يفيق بجذبها بشدة يصرخ بها
" انتي السبب ، انتي قتلتيه ، بسببك مات ، من حوامة للتانية وتختيه مع ناس ما مضمونين ؟ انتي غبية ، انا كنت غبي لمن بصدق انو مع امك "
كان يهزها بقوة حتى دفعته بشراسة هاتفه
" وانت منو عشان تتكلم معاي ، دا ولدي ما ولدك امشي من هنا "
ثم نظرت لفتون لنظرات زائقة ثم أشارت بسبابتها نحوها
" امشي ليها من يومي ما عايزاك ، أجمل يوم لمن اتصلت علي وطلقتني ، امشي للعا***"
أنت تقرأ
نــور قــلبي +18
Любовные романыرواية نـــور قلــبي +18 كان في الظلام فأصبحت النور له ولقلبه . رواية للكبار فقط ...
