محمد بعدم استيعاب:عملت ايه مش فاهم اتصدمت لما سمعت اللي فتحه علي موبايله انت معاك ازاي
كريم بجمود:يعني انت بتعترف انك انت قولت كده ممكن افهم عملت كده ليه هاا عايز تبعدها عني ليه
محمد بجديه:عشان مش شايفها مناسبه لتكون كنه عائله مالك ولامرات ابني الكبير ولاتصلح أنها تربي نور ولاحته ولادكم بعد كده كنت بعمل ده لمصلحتك
بس هي استغلت ده عشان تبعدك عني
كريم بانفعال:اللي بتقلل منها ديه مراتي وهي السبب أن جيت اصلا انا غلطت لما وافقت مكنش حصل كل ده وديه حياتي وانا حر أنا بحب ليلي ومش هفكر اسيبها هتفضل مراتي لاخر نفس ليا يااستاذ مالك واللي هيفكر ياذيها منكم زي ماحصل مش هيحصل خير وهنسي صله الدم اللي بينا
محمد بعصبيه ممزوجه بسخريه:هتبعد عني وبتهددني عشانها ده مش حب ديه مشاعر شفقه وهتنتهي بس وقتها هتكون خسرت كتير أنا عملت كده لمصلحتك لانك ابني ومش أنا اللي خطفتها
كريم بنبره حاده:استاذ مالك متهيالي أنا كبير كفايه عشان اعرف مصلحتي انت بتدمر حياتي انت حته مفكرتش تكلم معاها سمعتها إهانات كتير ومع ذلك متكلمتش ولااشتكت ومتقلقش أنا مش هندم بس انسي أن عندك ابن اسمه كريم انت اللي بعدتني عنك الاول جوازك ودالوقتي اللي عملته مع ليلي
فريده:انت مجنون ياكريم هتتخلي عن ابوك عشان مراتك وبعدين ليه مقولتش إن هي هربت واتخطفت وقتها وحد من أعدائك هو اللي عمل كده والرساله اللي سبتها دليل علي كلامي
كريم بغضب مكتوم:اممم مدام فريده اللي قلد خط مراتي قلده كويس جدا بس انا اعرف ليلي من صغرها ولونوت تعمل كده مش هتوقع سلسله مامتها ومتاخدش بالها منها ده غير أن محدش من أعدائي يتجرأ يدخل بيت يخصني وهي مخرجتش من البيت كنتوا المفروض تظبطوا الموضوع اكتر من كده عن اذنكم
محمد بعصبية:كريم اعرف ان بعد كلامك انهارده واتهماتك ليا ملكش دخول البيت ده تاني الالما تنفصل عن ليلي ولوخلفت منها ميشرفنيش أن اشوف أولادك اللي هي تبقي امهم ياكريم
كريم بجمود بالرغم مايشعر به من الم:متقلقش مش هاجي البيت تاني ولاهتعرف عني اي حاجه حته يااستاذ مالك واتجهت لخارج استقليت سيارتي واتجهت لبيت
*******
ميرا بعفوية:دخلت المطبخ وراه انت بتعرف بتعمل اكل اصلا
سيف بتنهد:مش اوي لأن ياماما كانت بتعمل وبعدها ليلي ونيره ممكن تولعلنا في المطبخ ايه الريحه ديه
ميرا:فتحت الفرن الاكل اتحرق ياعم وطلعت الصينيه انت متدخلش مطبخ تاني
سيف بسخريه:بتتريقي عليا تلقيكي مبتعرفيش تقلي بيضه حته
ميرا باستنكار:لابعرف وكلمه كمان هخزك بالسكينه ياسيف أنا في فتره كنت قاعده لوحدي أنا وليلي واكيد بعرف اطبخ بس عشان اعمل اكل من الاول هياخد وقت فنطلب دليفري اي حاجه وعقبال مايوصل يكون كريم رجع كمان هعمل قهوه لينا تشرب
سيف باستغراب:ميرا انتي كويسه صح يعني بتكلمي معايا بهدوء وبتعزمي عليا كمان
ميرا بنبره خافته:احم تمام انت مش عدوي يعني بس كنت متعصبه منك الفتره اللي فاتت بسبب اللي حصل وخطوبتنا وبعدين يعني تعبت من الخناق مش لقيه سبب اخانقك بيه اصلا بصحيح هي نيره عملت ايه في البت ام فستان اسود
سيف بضحك:قامت بالواجب معاها ديه نيره يابنتي هي شويه كدمات بس يعني مرحتش المستشفي
ميرا بضحك:البت ديه قمر واللهي بفكر انمي مواهبي وتعلمني اللي بتعمله
سيف باستنكار:ليه يابنتي مانتي مجنونه اصلا انسي انك كنتي هتضربيني بتحفه في رأسي وتقتليني بصي انتوا التلاته سواء انتي أو نيره أو ليلي مجانين
ميرا:علي اساس أنا بس اللي مجنونه العائله كلها مجانين سواء عائلتك أو عائلتي الصغيره بس يمكن كريم اعقل حد هنا
سيف بسخريه:متهيالك كريم ده اكتر واحد تقلقي لما تلقيه هادي أو بارد لأن صعب حد يعرف هو بيفكر في ايه
******
كريم:رجعت متاخر لأن فضلت فتره بره عقبال ماهديت ورجعت لطبيعتي وقلت هتكون اكيد نامت دخلت البيت بهدوء واتجهت لغرفتي وقبل مااوصل لحمام لقيت أنها أضاءت الغرفه انتي لسه صاحيه
لدالوقتي
ليلي بعفويه:اه قلت استناك وكده كده مش جيلي نوم شايف الساعه كام ٣الفجر ده اللي مش هتتاخر كريم اخر مره اتاخرت كده كنت عامل كارثه ياترا المرادي عملت ايه
كريم بجمود:ولااي حاجه كنت مخنوق شويه ففضلت قاعد لوحدي فتره وبعدين رجعت مش لازم اكون عملت حاجه لقيتها بتقرب مني في ايه
ليلي عقدت حاجبي بشك:انت بتكدب عليا ياكريم ومخبي حاجه عليا
كريم بتعب:ليلي مش حابب اتكلم عملت اللي عملته مفرقتش معرفتك مش هتغير حاجه ولاايه
ليلي بابتسامه بارده:عندك حق مش هسال تاني تصبح علي خير ياكريم وسبته واتجهت لسرير وجبت الموبايل وقعدت اكلم ميرا شات محستش بخروجه من الحمام ومفوقتش غير لما لقيته سند رأسه علي رجلي بس لم اعيره اهتمام
كريم بتنهد:بتكلمي مين دالوقتي
ليلي باستفزاز:بكلم حبيبي ملكش فيه ياكريم
كريم بنبره خافته:اممم قولي لاي حد كده غيري امكن يصدقك ياليلي عمتا عارف أنك مضايقه مني
وانا مقصدتش ده بس بجد مش حابب اتكلم
ليلي:الناس بترتاح لما تكلم مش تفضل تكتم في نفسها ياكريم
كريم:عندك حق بس فيه حاجات الكلام فيها بيتعبنا اكتر من سكوتنا فبيبقي افضل حل السكوت والتناسي لأن الكلام مش هيغيرها أنا معملتش حاجه زي المره اللي فاتت،بس ممكن افضل كده شويه
ليلي:وقبل مااتكلم لقيته غمض عينيه وحاوط بزراعه خصري رفعت ايدي ومسحت بيها علي خصلات شعره كريم انت كويس لقيته هز رأسه
كريم بتردد:فتحت عيناي ونظرت لها ليلي انتي مش هتفكري تسبيني أو تتخلي عني لاي سبب
ليلي بابتسامه:هسيبك وهروح فين ياكريم هفضل جنبك علطول الالوانت زهقت مني وقررت نبعد
كريم بنبره خافته:انتي عارفه اني عمري ماهزهق منك بس هتفضلي معايا حته لوعرفتي أن بابا كان السبب في اللي حصلك من كام يوم وان كان بسببه ممكن تموتي
ليلي بعفوية:أنا عارفه من وقت ماكنت مخطوفه ياكريم ومع ذلك ممشيتش ولسه معاك لأن ده مش غلطك اعاقبك عليه ليه وكمان انت انقذتني فلو ده اللي مضايقك....
قطعني بضيق لاحظته من ملامحه:وليه مقولتليش وليه مقولتليش علي الكلام اللي بابا قالهولك لوكان فكرك بكده بتصلحي علاقتنا فانتي غلطانه ياليلي ومتساليش عرفت ازاي لان مفيش حاجه بتستخبي عليا وليا طرقي ياليلي ليه كل مره بتصممي تخبي عليا ردي
ليلي بنبره خافته تخفي ورائها الكثير:لقيته اعتدل في قاعدته وموجه نظراته عليا كريم انت ليه مش عايز تفهمني انا مكنتش عايزه ازود الفجوه بينك وبين باباك فمردتش اتكلم لأن عارفه أن عمل كده لانه خايف عليك انا فعلا مش مناسبه ليك ياكريم كان فيه افضل مني كتير بوجودي معاك انت بتخسر باباك والمشاكل بتزيد وانا مش حابه تعيش اللي عشته
كريم بتنهد:مسكت ايديها تمام ياليلي هتكلم بهدوء ومش هتعصب أنا مش مضطر انفذ حاجه عشان رأي اي حد أنا لما باخد قرار ببقي مقتنع بيه وعمري ماندمت غير مره واحده لما سيبتك زمان تفتكري أنا غبي عشان اعملها تاني بابا عمره مابيقتنع غير اللي في دماغه انتي مش اقل من حد ياليلي بالعكس انتي تستحقي الحب والاحترام وكل حاجه حلوه وان متنزلش من عينيكي ولادمعه لأنهم غالين وأمكن أنا اللي مستحقش وجودك معايا أنا مخسرتش حد بسببك علاقتي أنا وبابا ادمرت بسبب جوازه من مريم وهو طول عمره بعيد عنا اصلا نظرت في عينيها أنا محتاج وجودك معايا وجنبي ياليلي تفتكري ده كتير عليا وده مش عشان نور بس ده عشاني أنا لاني بحبك ياليلي ومشاعري ديه مش مشاعر موقته قلبي مبيرتحش غير وانتي جنبي متعرفيش اليومين اللي فاتوا مروا عليا ازاي كنت خايف اخسرك
لاحظت توترها فابتسمت اهدي أنا كنت حابب اعبر عن مشاعري حته لوانتي مبتبادلنيش أو لسه...قبل مااكمل لقيتها حطت ايديها علي فمي
ليلي بنبره معاتبه:قربت منه ليه دايما بتفسر علي مزاجك ياكريم يعني أنا مكنتش هقول كده بصيت لزرقاتيه أنا سامحتك من وقت طويل لما اديتك فرصه ووافقت علي جوازنا وحبيتك من وقت طويل لدرجه مش فاكره من امتي ومازلت بحبك انا مقدرتش اكرهك ولولحظه أو اطلعك من قلبي الفتره اللي فاتت كنت بنكر ده لان مش هقدر أن قلبي يتجرح تاني عارف ايه اللي فكرت فيه قبل مااقع يومها أن العمر قصير جدا وان نهايته مجهوله وان لأمتي هفضل احط حاجز لقلبي بسبب خوفي بس لوكسرت قلبي ياكريم هتبقي خسرتني
كريم بابتسامه:متعرفيش كلامك ده كنت مستنيه بقالي قد ايه ورحت شديتها لحضني بهدوء ودفنت وجهي في عنقها اوعدك اني مش هعمل اي حاجه تكسر قلبك ومش هسمحلك تبعدي عني ياليلي
******
فريده:انتي اللي ورا تسجيل كلامهم بس ازاي
مريم بضحكه عاليه:عيب عليكي يافريده واضح انك لسه متعرفيش مواهب مرات اخوكي أنا مخليه حد من الخدم يراقب محمد ولوفيه حاجه مهمه يسجلها من غير مايحس وهو سجل كلامهم وانا خدت التسجيل وبعته لكريم من رقم مجهول وكسرت الشريحه وبمان فيه اصلا فجوه بينهم أنا زودتها اكتر لدرجه ان مفيش امل تتصلح اكبر قوه لمحمد هو كريم وهو لسه ميعرفش ده أن هو خسر كتير وبقي ضعيف
فريده بجديه:اه علاقتهم ادمرت بس متنسيش أن فيه سيف يعني خلال سنتين وشويه قدرتي تكسري علاقه كريم ومحمد ونيره كذلك وانتي اللي كنتي ورا خطفها وأنهم يصوبوها برصاصه وخليتي كل حاجه ضد محمد
مريم بابتسامه خبيثه:سيف ده أمره سهل هو اصلا مش قريب لمحمد وأضعف من كريم متنسيش انو كان حبيبي لفتره طويله وانا عارفه أوصله ازاي فضله حاجه بسيطه ويحصل كريم لأن الكسره الحقيقيه لما اتخليت عنه واتجوزت محمد وكمان هو بيعز ليلي وبيعتبرها زي كريم ونيره مش مجرد بنت خالته وده من خلاله قدرت أبعده شويه سيف مش مشكلي ازمه قد كريم اللي خلصت منه مبروك علينا يافريده
فريده بضحكه خبيثه:ايه يابنتي شيطانه قدرتي تعملي اللي معرفتش اعمله بقالي سنين
مريم:ولسه اللي جاي احلي
******
بعد مرور ايام،ميرا بتنهد:بابا بقي بيختفي الفترات ديه كتير نفسي افهم من ساعت مارجع في ايه اتجهت لباب لأن سمعت جرس الباب فلقيت ظرف وطرد
الرجل:الطرد ده جاي باسم شريف الحسيني
ميرا:تمام أنا بنته ومضيت وخدت الحاجه ودخلت لداخل وحطتهم علي الطربيزه قدامي مسكت العلبه كان شكلها غريب معرفش ليه حسيت بفضول ناحيتها لاانا مش كده مش هفتحها روحت شغلت نفسي بس لسه بفكر فيه سبت اللي في أيدي واتجهت لطرد وخدته لاوضتي وفتحته بعد تردد فلقيتها مذكرات ايه ده فتحت اول صفحه وابتديت اقرا "انا اسمي ريهام محمود عندي ٢٠سنه اصغر اخواتي عايشين مع بابا اختي الكبيره متجوزه ومعاها قمرين حبايب قلبي كريم وسيف بحبهم جدا بس جوازها شبه مش مستقر لانه كان جواز تقليدي مش عن حب بس لما خلفت كريم وسيف نسيت كل مشاكلها واهتمت بيهم
بس انا بقتنع في الحب وعندي احلام كتير ومتاكده أن هلقي الشخص اللي هحبه ونعيش اجمل ايام حياتنا مع بعض أنا انهارده قابلت شاب صدفه في النادي حصلت معايا مشكله وهو حلهاهالي واتعرفنا علي بعض هو اسمه شريف الحسيني موظف في شركه معاه بنت عمرها شهور ومراته متوفيه ابتدينا نتقرب من بعض وبقينا اصدقاء مقربين بس أنا حسه ان مشاعري ناحيته اتعدت مشاعر الصداقه أنا ابتديت احبه هو ده الشخص اللي كنت بحلم بيه مش مصدقه أن انهارده وبعد ليالي كتير وانا خايفه ميكونش بيبادلني انهارده اعترفلي انو بيحبني وانا كمان اعترفتله كل ده حصل في شهرين علاقتنا اتطورت بسرعه عشت اجمل ايام حياتي معاه بس اللي مكنتش متخيلاه أن أفوق من احلامي وسعادتي ديه علي حاجات مكنتش متخيله تحصل ودمرت احلامي"وقفت قرايه لأن سمعت صوت الباب فقفلتها وحطتها في الدولاب وقفلت عليها
شريف بابتسامه:ميرا حبيبتي قاعده في اوضتك من دالوقتي ليه مالك انتي كويسه فيه حاجه حصلت
ميرا بابتسامه تخفي ورائها الكثير:هااا لامفيش يابابا أنا كويسه بس قلت اريح شويه يابابا وكمان شويه واكلم ليلي عشان وحشتني
شريف بعفوية:اممم تمام لوعايزه تروحلها مفيش مشكله
ميرا:هشوف وابقي اقولك سابني واتجه لمكتبه وانا قعدت علي طرف السرير بضيق فهي اول مره
اكدب عليه لاوكمان خبيت الطرد بس انا لازم اعرف الحقيقه بعد اللي قريته انا متاكده أن فيه علاقه بتربط مامت ليلي وبابا وان مش مجرد تشابه اسماء ولازم اعرف ايه اللي حصل وطالما كانت بتحب بابا كده ازاي قدرت تجوز شخص تاني ومين اللي بعت المذكرات كل ديه اسئله بتدور في دماغي بدون اجابه.....
******
محمود بانفعال:ليه عملتي كده يامرڤت انتي عارفه هتوصلينا لايه باللي عملتيه ليلي هتكرهك وهتكرهني وكمان ولادك ممكن يبعدوا عننا زي مابعدوا عن محمد تفتكري هتسامحنا هي بالذات كنتي المفروض تفكري في ده هااا ردي عليا يامرڤت ليه
مرڤت:.......
انا بعتذر بس انا مضطره اوقف الروايه فتره بسبب الامتحانات مش عارفه هقدر اكتب ولالا الفتره الجايه هرجع اكملها اول مااخلص اتمني أن البارت يعجبكم❤️
أنت تقرأ
قيود الماضي
Randomعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
