أسر بحده:مهو أنا لازم اعرف هي وقعت في ايد حد
من أعدائي كان زمانه اتصل لأن مر يومين لكن كده ياما هي اختفت بإرادتها ياحد بيفكر في حاجه كبيره صدع رنين هاتفي برقم فرديت الو جاءني صوته انت
كريم بجمود:ايه وحشتك لدرجاتي يااسر عمتا بدل مابتلعب معايا ركز علي مراتك اللي بدور عليها احسن
أسر بتهديد:كريم صدقني لوانت اللي ورا الموضوع وانك عملتلها حاجه هقتلك
كريم بسخريه:ده علي أساس هخاف من تهديدك عمتا انا معرفش مراتك فين وانت عارف أن كيه ام مستحيل ياخد حقه أو يستقوي علي واحده ست وفي المره الجايه ابقي دور علي حد تاني غير احمد فكرك أن بسبب تحريضك ليه وانك ساعدته مش هعرف ابعد عن طريقي وده اخر تحذير اللي عملته كان قرصه ودن صغيره ليك لكن المره الجايه أنا مش مسئول عن اللي هيحصل وقفلت
أسر بعصبية:أنا يهددني ويقفل في وشي ورحت رميت الموبايل من ايدي أن ماوريتك وكسرت غرورك وثقتك بنفسك مبقاش أنا ياكريم
******
ليلي بابتسامه:كنت قاعده علي السرير وبحاول انيم نور واخيرا بعد ساعه نامت في حضني قمري ورحت أرجعت خصلات شعرها براحه وطبعت قبله علي جبينها احسست بمجيئه وقبل مايتكلم شاورتله أن يوطي صوته عشان متصحاش
كريم بابتسامه:كانت حملتها ونيمتها في سرير ليها موجود في الاوضه ميلت ناحيتها وطبعت قبله علي جبينها وغطتها كويس
ليلي:لقيته طلع وقف في الشرفه فخرجت وراه وقفلت الباب ورايا كنت عايز تقول حاجه بس انا قولتلك تسكت عشان نور بقالها ساعه بتعيط وانا بحاول اهديها عشان تنام
كريم بعفويه ممزوجه بابتسامه ارتسمت علي شفتيه:شكرا ياليلي ممكن اكون مآثر معاها بس اوعدك أن احاول اهتم بيها
ليلي بعدم فهم:انت بتشكرني علي ايه لقيته مسك ايدي
كريم بابتسامه:مسكت ايديها وانحنيت وطبعت قبله عليها شكرا لانك في حياتي وجنبي وانك ادتيني فرصه تانيه رغم أن ممكن مستاهلش ده وشكرا لانك وافقتي تبقي ام لبنتي وأمكن لوامها عايشه مكنتش هتحبها قد مابتحبيها كل يوم بيمر وانتي معايا بيثبتلي أن قراري كان صح وان لومكنتش خدته كنت ندمت وخسرت كتير اصلا كلمه شكرا حاجه بسيطه وطلعت حاجه من ورا ظهري فكان بوكيه صغير بيجمع ورد احمر أنا عارف انك بتحبيها
ليلي بفرحه:خدتهم منه انا فعلا بحب الورد الاحمر ورحت قربت منه وحضنته فلقيته ضمني اكتر ليه بعد شويه بعدت عنه احم ممكن اعرف سبب هدوئك الغريب ورمانسيتك يعني انت مش شخص هادي ورمانسي ياكريم
كريم بنبره خافته:مين قالك مش عشان انتي بنت خالتي فتعرفي عني كل حاجه ياليلي أنا مش عصبي علطول وقلبي مش حجر يعني زي مافي جوانب سيئه لإنسان فيه جوانب كويسه برضو عمتا من غير سبب واللي هقوله ملهوش علاقه باللي عملته تمام
ليلي عقدت بين حاجبي بشك:تمام بس قولي ياكريم انت عندك انفصام في الشخصيه يعني شويه عصبي وبارد وشويه هادي ورمانسي واضح أن متجوزه واحد متعدد الشخصيات لقيته خبطني خبطه خفيفه علي راسي
كريم حركت راسي بياس:صبرني يارب أنا غلطان واللهي متعصب مش عجبك هادي مش عجبك انتي مبيعجبكيش حاجه اصلا وفي الاخر تقولي بتعصب ليه
ليلي بابتسامه هادئه:قربت منه ورفعت نفسي شويه وطبعت قبله علي خده كنت بهزر معاك بس واضح أن بكتشف شخص جديد مكنتش اعرفه أنا عارفه كويس أن قلبك مش حجر وان قلبك طيب وكله حب ويبقي غبي اللي يفتكرك قاسي عمتا خير كنت هتقول ايه
كريم بتنهد:اول مره اشوفك بتمدحيني بس تمام سيف كلمني الصبح أن مريم مرات بابا كلمته وقالتله انو تعبان شويه وانو حابب يقعد معانا وكده ونبقي جنبه وماما الصبح راحت عند خالي تقضي كام يوم وانا مقررتش اروح لأن مبحبش البيت
ليلي بعفوية:بس انت لازم تروح حته لومش بترتاح يعني في النهايه ده باباك وتعبان ولازم تبقي جنبه حته لوكام يوم ياكريم وفي النهايه هو بيتك برضو
كريم بجديه:بس انتي هتيجي معايا ياليلي لأن مش هروح من غيرك أنا مش فارقه معايا موافقه ولالا
ليلي بتردد:بس انت عارف أن باباك مبيحبنيش
كريم:طالما عايز وجودي هناك فلازم يتقبل وجودك لانك مراتي قرارك ايه
ليلي بتنهد:تمام معنديش مشكله
كريم بنبره خافته:تمام خلال الأسبوع ده تخلي بالك جدا من عمتي وبنتها لأن دول مجانين وتخلي بالك من تصرفاتك من الأفضل متحتكيش بيهم
ليلي باستنكار ممزوج بعدم فهم:هو انت ليه محسسني اني داخله حرب هي ديه مش عائلتك برضو
كريم بعفويه:هو الحرب أهون اهو عارفه مين عدوك بصي أنا اصلا متبري منهم ياليلي ربنا يعدي الاسبوع علي خير
******
تاني يوم،نيره بنعاس:أنا هنام ولما نوصل صحوني
ليلي بتعب:ايوه خليهم هما مع نفسهم واحنا ننام ورا فرصه أن نور نائمه وأخيرا
كريم باستنكار:انتوا هتناموا انتوا الاتنين طيب مااحنا صاحين بدري زيكم
نيره بعفويه:انتوا متعودين علي ده ياشباب مش مهم النوم يعني بلاش إزعاج بقي
سيف بغيظ:صبرني يارب مفيش حاجه واتحركنا ولقناهم ناموا فعلا مالهم فطسانين كده ليه
كريم بضحك علي شكلهم:واللهي ماعرف بس شكلهم مسخره خد موبايلي وصورهم صوره خده وعمل كده بالمناسبه ياسيف بمانهم مش في وعيهم اتمني تخلي بالك من مريم عشان...
سيف بضيق:متكملش أنا اصلا مستحمل أن أفضل هناك بالعافيه وياريت محدش يعرف بالموضوع ده ولاليلي ولاتقوله قدام ميرا
كريم بتنهد:لامتقلقش أنا اصلا مش عايز حد يعرف مش ناقصه فضايح وبعد ساعتين كنا وصلنا وركنت العربيه ليلي نيره ورحت هزتيهم فوقوا
سيف بعفوية:لادول مش هيفوقوا كده وجبت زجاجه المايه ودلقت شويه مايه في أيده ورشتها علي وشهم
نيره بفزع:في ايه لقيته بيضحك منك لله ياسيف فيه حد يصحي حد نايم كده اوف
كريم بضحك:بيصحوا النائم عادي بس الميت مفيش حل غير كده عدلوا شعركم ونفسكم عشان وصلنا واتمني منكم انتوا الاتنين بلاش مشاكل وبالأخص نيره حبيبتي ملقكيش ماسكه في شعر مريم أو مي ماشي
نيره بضحك:عيب عليك ياكيمو أنا مبسكش شعر أنا بدخل في التقيل علطول ثق فيا انشاء الله اعلم مراتك كمان عشان حاسه ان عندها الموهبه بس محتاجه تكبر
كريم:لاكفايه عليا واحده مش هيبقوا اتنين يلااانزلوا وحد فيكم ياخد نور وانا وسيف هنطلع الشنط
ليلي بعفوية:اتجهنا لداخل ورن الجرس مفيش حاجه وحد من الخدم فتح منكرش أن مكنتش مرتاحه بس عملت كده عشان كريم لانه عمل حاجات كتير عشاني فمجتش من اسبوع استحمله
فريده بابتسامه:اهلا بيكم وحشتوني ياولاد اخويا وسلمت عليهم اتفضلوا وخدوا شنطهم علي غرفهم مبروك ياكريم اول دخول ليك البيت من بعد جوازك التاني
كريم بضيق يحاول إخفائه:الله يبارك فيكي ياعمتي لقيت مي متجه نحوي طيب انا وسيف هنروح نشوف بابا
مي بدلع:بقي كده ياكيمو متسلمش علي بنت عمتك ولاانت مش شايفني
كريم:لايامي معلش مخدتش بالي عامله ايه وقبل مااكمل لقيتها حضنتني
مي بابتسامه:لما شوفتك بقيت كويسه ياكيمو وحشتني قصدي وحشتنا لقيته بيبعدني عنه فاندهشت فلقيته مال ناحيتي وهمس
كريم بجمود ممزوج بتحذير:متعيدهاش تاني يامي انتي عارفه اني مبحبش الحركات ديه فعشان محرجكيش قدام الكل يابنت عمتي متعدهاش تاني لأنك عارفه أن ممكن اعملها واه اسمي كريم مش كيمو عن اذنك يابنت عمتي وسبتها وخدت سيف واتجهت لغرفه بابا
مي بغيظ:سبتهم ومشيت بقي أنا يعمل معايا كده ماشي أن ماوريتك ياكريم
نيره بعفوية:ماتفكي يابنتي بقالك ساعه علي الوضع ده
ليلي بضيق:انتي مش شايفه تصرفاتها كنت عايزه اروح جيبها من شعرها ولالبسها ده مش فستان ده قميص نوم وكيلو ميكب علي وشها ودلعها اوفر يشل
نيره بضحكه عاليه:كل ده لحظتيه في عشر دقائق هتفطسي من الغيره ياليلي هدي نفسك كريم عمره مايبوصلها اصلا
ليلي بغيظ:وايه يضمنك انشاء الله
نيره بعفويه:امكن عشان بيحبك مثلا او يمكن يعني هو مبيطقش مي شوفتي صدها ازاي يعني واحد غيره مكنش هيعمل ده بعد دلعها واللي هي عملاه في نفسها كان هيضعف
ليلي بانفعال:نيره أنا علي اخري هقتلك ارحميني مش متاكده أن هفضل اسبوع هنا ومش هرتكب جريمه قتل
******
محمد بعفوية:وحشتوني كويس انكم وافقتوا تيجوا تقضوا اسبوع هنا بس امال فين نيره
كريم بتنهد:قعده مع ليلي انت عارف انها جت بالعافيه لهنا وبسببنا
محمد بضيق:هي لسه مسامحتنيش
كريم بجديه:مش معني أننا اتناسينا اللي حصل فهي قدره تعمل ده كمان يابابا اللي مرت بيه اسوء من اللي مرينا بيه فياريت بلاش خناق والكلام برضو يخص ليلي بلاش اي كلام ممكن يجرحها أنا جيت هنا بسببها
محمد بعتاب:ياه لدرجاتي متعلق بيها وبقت مهمه بالنسبالك لدرجه انها هي اللي خلتك توافق تيجي لابوك وتدخل البيت ده بعد مرور اكتر من سنتين بالرغم أن حاولت كتير تيجي ورفضت
كريم بجديه:مش مهم السبب كل اللي يهمك أن جيت اتمني خلال الأسبوع ده متحصلش مشاكل وسلامتك
محمد بعفوية:وانت اخبارك ايه عقلت وعلاقتك بميرا كويسه أنا بفكر أن منطولش في الخطوبه ونعمل كتب كتاب قريب
سيف بصدمه:ايه انت بتقول ايه يابابا أنا مش مستعد لده كفايه خطوبه حاليا
كريم بتنهد:اعتقد انك تسيبهم يحددوا ده بنفسهم احسن خرجت من الغرفه فلقيت عمتي في وشي
فريده:كريم ضايقت بنتي في ايه مش كفايه اللي عملته وانك اتجوزت بنت خالتك وجرحتها
كريم بجمود:اولا ياعمتي أنا ومي عمر ماكان بينا حاجه ولالمحتلها اني بحبها ولااننا هنرتبط هي اللي ازت نفسها بنفسها لما عشمت نفسها بحاجه مش هتحصل وانا معملتلهاش حاجه بس قولتلها ميت مره مبحبش التصرفات ديه وكمان متنساش اني متجوز حاليا
فريده باستنكار:مش حاسس انك مافور الموضوع يعني انت ابن خالها وهي كانت بتسلم عليك مش اكتر وحضنتك و انت تحرجها كده
كريم:لامش مافور سيف ونيره برضو ولاد خالها ومسلمتش عليهم أنا عارف كويس نيتها وانا اتكلمت معاها بصوت محدش سمعه غيرها وماحرجتهاش قدام الكل بس مضمنش لواتكررت ممكن اعمل ايه
وبعدين بدل ماتلمويني وتكلميني كده من الأفضل تروحي توجهيها لصح لأنك عارفه كويس أن بالمنظر ده هتاذيها وعشان نقفل الموضوع مي بعتبرها اختي زي نيره مش اكتر ياعمتي
*******
مرڤت بدهشه:مكنتش اعرف يابابا انك جيت هنا وعند سمير
محمود:جيت امبارح بس يامرڤت وبعدين أنا عارف انك تعبانه بس اللي سمعته صح انك خليتي احفادي يتجوزوا
مرڤت بابتسامه:اه يابابا بقالهم اسبوعين وأقل من اسبوعين هيبقي فرحهم قبل مااعمل العمليه وبكده هعملها وانا مطمنه أن مهما يحصل هيفضلوا جنب بعض بس...
محمود بعدم فهم:انشاء الله تقومي بالسلامه بس فيه حاجه عايزه تقوليها يامرڤت
مرڤت بتردد ممزوج بتوتر:انت عارف أن سيف خطب بنت بيحبها وهي بنت رجل أعمال يبقي شريك ولادي كمان هي بنت كويسه جدا وصديقه مقربه ليلي بس
محمود بضحك:طيب ده كويس اديكي ارتحتي من هم الاتنين فتره ويتجوز كمان بس مين بقي ابوها امكن اعرفه
مرڤت باضطراب:ابوها اسمه شريف الحسيني لقيت الكوبايه وقعت من أيده بابا انت كويس ونزلت لميت الزجاج براحه فهز رأسه أنا مش عارفه اعمل ايه
محمود بصدمه تجتاح ملامحه:بس انتي عارفه أن لواتكشفت الحقيقه هتحصل مشاكل كتير يامرڤت هو كان رده فعله ايه لما شافك
مرڤت بتنهد:اتصدم بس متكلمش واتعامل معايا كأنه بيتعرف عليا لاول مره بس يابابا أنا حسه بالذنب مهما كانت الحقيقه فلازم تكشف مكنتش عارفه أن الأيام هتمر وابني يرتبط ببنته
محمود بحزن:مرڤت الحقيقه مش هتفيد مر وقت كبير ومنكرش أن ندمان بالذات أن كنت السبب في اللي مرت بيه ريهام وليلي عانت برضو كله بسببي يارتني وقتها وافقت علي شريف ومغصبتش ريهام تجوز احمد اهتميت بالمنظر والناحيه الماديه ونسيت ان الحب وسعاده بنتي أهم بس عمري ماهقدر ارجع اللي حصل خسرت بنتي ودمرت حفيدتي
مرڤت بنبره هادئه:بابا اهدي عشان صحتك أنا عندي اقتراح أننا نصلح اللي حصل مع ليلي ونعرفها الحقيقه سعتها ريهام هتحس بده ونبقي حققنا رغبتها الاخيره يابابا ايه رايك
محمود بابتسامه حزينه:هشوف الموضوع ده يامرڤت حته لو ليلي مسمحتنيش بعدها بس هكون ارتحت
******
بعد يومين في الليل،ليلي بابتسامه:الو ياحاتم اخبارك ايه واحشني
حاتم:كويس وانتي كمان وحشاني أمتي هترجعي البيت واخبارك ايه هناك
ليلي بعفوية:اخر الاسبوع هرجه انشاء الله بحاول اتاقلم عشان مضايقش كريم عمتا لوحابب ممكن نتقابل بره في أي كافيه ياحاتم
حاتم:لابلاش عشان ميحصلش مشاكل ابقي اجيلك لما ترجعي البيت أو انتي تعالي عندي اللي تحبيه
ليلي بضحك:طالما عزمتني فأول لما ارجع هجيلك البيت ياعم ازهقك شويه
حاتم بابتسامه:ده البيت ينور عمتا يلا اسيبك تروحي تنامي تصبحي علي خير
ليلي:وانت من اهلو باي وقفلت معاه ولفيت فلقيت عمي واقف احم حضرتك واقف من كتير
محمد بسخريه:اه من ساعت ماكنتي بتكلمي حبيبك وانو وحشك وانك هتروحيله البيت ياليلي يعني مافتش علي جوازك كتير ولاديه خطتك تستولي علي فلوس ابني وتعيشي حياتك مع حبيبك
ليلي بصدمه ممزوج بضيق:حضرتك بتقول ايه قبل ماتتهمني باني بخون ابنك وان بخدعه وده مستحيل اللي كنت بكلمه ده مش حبيبي ده حاتم اخويا في الرضاعه وابن عمتي كان بيطمن عليا اعتقد مفهاش حاجه أن اروح ازور اخويا
محمد بجدية:اممم امكن حصل سوء تفاهم بس ده ميمنعش أن سبب جوازك من كريم عشان مصلحتك فلوسه ومكانته انتي تخصص في ده الاول اتخطبتي لكريم وفسختوا الخطوبه واتجوزتي صاحبه هو غني برضو واطلقتي وبعد فتره اتجوزتي ابني ياما مصلحتك الفلوس وديه ممكن احققهالك وتبعدي عن كريم او انك بتتحامي فيه من اعمال جوزك السابق وانا ممكن اوفرلك ده واخليكي تسافري
ليلي بابتسامه تحمل الكثير خلفها:أنا بشكرك كتير علي عروضك ليا ياعمي بس أنا وعدت وعد وهوفي بيه ومش هتخلي عن جوزي وبنتي عشان مجرد فلوس أنا بحب كريم وهفضل معاه
قطعني بسخريه:الحب ده مجرد خدعه ونور مش بنتك تبقي بنت جوزك وانتي عارفه ده
ليلي بتماسك ظاهري:أنا عارفه ده كويس أن مش أنا اللي خلفت نور بس ربنا عارف قد ايه بحبها وفعلا يعتبرها بنتي مش بنت كريم وبس وعمري ماحسسها بأنها مش بنتي،أنا مش هتخلي عن عائلتي ريح نفسك أنا عارفه انك مبتحبنيش وشايفني اسوء انسانه بس لاسف انت مش مديني فرصه حته اغير رايك
محمد باستخفاف:اكيد طبعا هتجري علي كريم وتقوليله اللي قولته عشان تكسبيه ضدي وتبعديه عني
ليلي:أنا اتحرمت من حب الاب تفتكر أن هعمل كده مع شخص بحبه واخليه يحس نفس اللي حسيته متقلقش كريم مش هيعرف بكلامنا عن اذنك واتجهت لداخل كنت مضايقه من كلامه بس حاولت مبينش ده وقبل مااوصل لبيت لقيت حد بيشدني وقبل مااتكلم كمم فمي حاولت الإفلات أو الصراخ بس مقدرتش لأن لقيت نفسي لست قادره علي التحرك أو الفرار حته صوتي لم يعد يخرج ولم تمض ثواني حته أصبح ماحولي اسود وفقدت الوعي......
أنت تقرأ
قيود الماضي
Acakعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
