ميرا بخوف ممزوج بصراخ:نيرررررره حاسبي!!!!
نيره:ملحقتش اتحرك ولقيته خبطني علي دماغي بالعصايه ااه هتندموا علي اللي انتوا بتعملوه ومفيش حاجه وفقدت وعي اثر الخبطه الشديده
ميرا بخوف:نيرررره!!!اوعوا سبوها مقدرتش اقاومهم هما الاتنين واحد كتفني والتاني حط منديل علي انفي ومفيش حاجه وفقدت وعي
ليلي بتنهد:فضلت مستنياهم شويه في العربيه بس اتاخروا كده ليه خرجت من العربيه ولسه هتحرك اعدي الشارع لقيت عربيه متحركه بسرعه بس لمحت نيره جواها ركبت العربيه بسرعه وكنت بلاحق العربيه عشان استطيع توقفها
الرجل:فيه عربيه بتلحقنا مش ديه اللي قالنا المعلم نخلي بالنا منها ديه ممكن تكشفنا لوقدرت توصلنا ومش هيحصلنا خير حاول تضيعها
الرجل الاخر:حاولت كتير بس هي مصممه هي اللي جابته لنفسها بقي خد المسدس
ليلي:كنت بحاول تخطي سرعتهم بس معرفتش بس لقيت حد منهم طلع من الشباك وفي أيده مسدس ضرب رصاصه وقدرت اتفاداها والتانيه أصابتني بجرح في زراعي تألمت اثره اااه!!! بس اتحملت ولسه هركز في الطريق فلقيت الرصاصه التالته جت في كوتش العربيه حاولت السيطره علي السياره بصعوبه بس اصتدمت بشجره انخرطت خبطه خفيفه في دماغي بس قاومت الالم ونزلت اوووف ضيعتهم اعمل ايه دالوقتي نيره وميرا نظرت حولي فلقيت نفسي فمكان شبه مقطوع مفهوش اي حد ولاعربيه حته طلعت الموبايل عشان اكلم كريم بس مفيش شبكه اهي كملت انا لازم أخرج من هنا واوصل لاي حد وانقذهم
******
مرڤت بعفوية:امال فين البنات مش باينين من الصبح
سيف بتنهد:معرفش الصراحه الوقت اتاخر المفروض يكونوا رجعوا
مرڤت:طيب ماتكلم اي واحده فيهم
سيف:عملت كده بس موبايلاتهم مغلقه المشكله انو...
قطعني بجديه:هما مرجعوش لحد دالوقتي الساعه١١
وجربت اتصل عليهم كذه مره بس موبايلهم مغلق
سيف بتردد:تفتكر حاصل معاهم حاجه او حد....
كريم بضيق:معرفش حقيقي بس احنا لازم نشوف هما فين
سيف:بس احنا منعرفش هما فين استني مش ليلي الخاتم اللي انت مدهولها فيه جهاز تتبع ممكن نوصلهم عن طريقه
كريم بضيق:الخاتم مش معاها لاسف خدته منها كان عشان محتاج يضيق اوووف أنا مش هفضل قاعد كده
مرڤت:بس فيه عاصفه بره وكانوا محذرين أن الطرق ممكن تتقفل هما اكيد هيرجعوا و...
قطعني بانفعال:اللي بره دول عائلتي ومعرفش وقعين في مشكله ولافي ايه اتجهت لباب وفتحته بس اتصدمت من اللي شوفته فكانت ليلي مبلله بالكامل من اثر الأمطار بالخارج وهناك جرح بزراعها ليلي وقبل مااكمل لقيتها فقدت وعيها بس لحقتها قبل ماتصدم بالارض ليلي!!!كان وجهها شاحب حملتها واتجهت لداخل اتصل بالدكتور ياسيف
سيف:كريم مستحيل دكتور يجي في الجو ده وكمان فين ميرا ونيره
كريم بقلق خفي:معرفش محدش يعرف غير ليلي ولازم اتصرف هكلم الدكتور وأشوف ممكن يقولي اعمل ايه لحد الصبح ومع ذلك تابع التليفون لان لوكانوا مخطوفين حد يتصل
سيف:انت معتقد أن ممكن يكونوا مخطوفين
كريم:معرفش ياسيف اتمني انو يكونوا كويسين لوكانوا مخطوفين زي مانا معتقد فمش هيحصلهم حاجه
سيف بانفعال:انت واعي للي بتقوله ياكريم أن مكنتش تهمك ميرا فنيره تبقي اختنا ولاانت ناسي ده
كريم:اهدي ياسيف اللي خطفهم مش هياذيهم لانه عمل كده فمقابل حاجه وكمان ميرا من العائله برضو وزيها زي نيره بالنسبالي روح حاول تهدي ماما وتقعد معاها وانا ههتم بليلي لحد الصبح بعد خروجه كلمت الدكتور وعرفت ممكن اعمل ايه لحد الصبح جبت هدوم ومنشفه جففتلها شعرها وبدلتلها هدومها وغطتها كويس وجبت علبه الاسعافات وعقمتلها الجرح اللي في زراعها وعملته بالشاش وجبت كمادات لأن حرارتها كانت مرتفعه بعد ساعات كانت حرارتها نزلت وشكلها ابتدي يتحسن شويه
ليلي بتعب:ابتديت افتح جفوني أنا فين ونيره وميرا
كريم:اهدي ياليلي انتي في البيت وجبتلها مايه اهدي كده وبراحه قوليلي ايه اللي حصل معاكم وكمان ايه اللي وصلك لحاله ديه
ليلي بتعب:اعتدلت في قعدتي وحكتله كل حاجه حصلت معانا أنا معرفش مين اللي خطفهم بس انا حاولت أساعدهم بس معرفتش بس انا حفظت رقم اللوحه بتاعت العربيه وقولتهوله كريم سرحت في ايه
كريم بجديه:ليلي اوصفيلي المكان اللي وصلتيله انتي قولتي انو كان مكان فاضي وان طريق شبه مهجور فياريت توصفيه امكن اقدر اوصلهم
ليلي بتعب:تمام هحاول اوصفهولك وقولتله
كريم بتفكير:فيه مصنع قديم مهجور من سنين في منطقه قريبه من المكان اللي بتوصفيه وقومت من جنبها أنا لازم اروح ياليلي
ليلي:خليني اجي معاك لقيته قعد جنبي ومسك ايدي
كريم أنا بقيت كويسه يعني الرصاصه جرحتني مجتش فيا
كريم بنبره هادئه:ليلي صحتك مش كويسه تمام والجرح اللي في زراعك مش صغير ده غير انا مش عايز اخاطر بوجودك كفايه نيره وميرا لازمك راحه هكلم حاتم يجي يفضل معاكي انتي وماما وانا هاخد سيف واروح تمام
ليلي بقلق:تمام بس خلي بالك من نفسك
كريم بابتسامه:متقلقيش عقبال شروق الشمس هنكون رجعنا
********
نيره بصراخ:أنا بقولكم اهو هاتوا الحيوان اللي طلب منكم تخطفونا
رجل الاول:اخرسي بقي انتي ازعاج لولا أن معنديش أوامر باني اذيكي كنت قتلتك وريحت البشريه منك ماتخلنيش اخبطك بحاجه وتفقدي وعيك زي مرات اخوكي
نيره بضيق:عارف انا نفسي تفكني بس وهوريك ازاي تخطف نيره مالك وتعمل فيها كده انت عارف لواخواتي عرفوا مش هيحصل خير
مريم بضحكه عاليه:ولاهيحصل حاجه يانيره
نيره:أنا ليه حاسه ان الصوت ده مش غريب عليا لقيتها ظهرت قدامي في النور انتي
مريم بابتسامه:عارفه اخواتك لاسف مستحيل يفكروا اني ممكن اكون انا بس عمتا اكيد وحشتك يابنت جوزي أنا في مقام مامتك برضو
نيره بنظره ازدراء:انتي مكانك اوطي من كده بمراحل حته كلمه حيوان لوقولتهالك فهو احسن منك عايزه مني ايه
مريم بابتسامه:لسانك دائما اطول منك يانيره مفيش امل تبقي متحضره اصلك وتربيتك ماثرين عليكي عمتا ندخل في المفيد أنا عايزه تمضي بتنازل عن املاكك يانيره وتقنعي اخواتك برضو لوعايزه ترجعي بسلام انتي ومرات اخوكي لبيت
نيره بسخريه:انتي متخيله بالطريقه ديه هتاخديها مش مكفيكي انك ضحكتي علي بابا واتجوزتيه بس احيكي يامريم لوشاطره كده اتصلي هددي كريم او سيف بيا أنا وميرا
مريم بضيق:انتي بتتحديني أنا مبخفش من اخواتك يانيره متنسيش أن واحد منهم كان حبيبي وعارفه أنو مستحيل يعمل حاجه والتاني أنا عارفه ممكن أوصله ازاي لاسف عائلته نقطه ضعفه وبالذات مراته ليلي
نيره بسخريه:اممم حبيبك ده كان زمان وبسببك اتغير كتير ومعدش زي ماكان وكريم انتي عارفه كويس ممكن يعمل فيكي ايه مش حابه افكرك عمل فيكي ايه اخر مره لما كسرتي سيف وعملتي مشاكل
مريم بجمود:مش هنسي بس اعرفي انو صعب يوصلك ولاانتي ولاالتانيه اللي اتجوزها سيف عارفه ليه لان زمان اخوكي كريم اللي فخوره بيه مشغول مع مراته واللي حصلها الصبح
نيره بانفعال:انتي عملتي ايه ليلي
مريم بضحكه خبيثه:رجالتي ادوها درس صغير هي اللي حبت تتحشر وتنقذكم بقي ماليش دعوه
نيره باستنكار:وباللي انتي بتعمليه ده مش هتوصلي لحاجه متنسيش أن معظم الأملاك باسم بابا مش باسمنا
مريم بانفعال:كنت فاكره كده بس لاسف أملاكه متوزعه بين أولاده التلاته وانا مليش نصيب منا مش هتضيع حياتي من غير مقابل يانيره اتخليت عن كل حاجه مقابل الفلوس وعندي استعداد اعمل اي حاجه في مقابلها حته لو قتلت وقعي علي الورق بدل ماهموت مرات اخوكي العزيز يانيره وطلعت المسدس ووجهته ليها وده مش مجرد تهديد
كريم بتهديد:وجهت السلاح عليها نزلي مسدسك يامريم
مريم بابتسامه خبيثه:اهلا ياكريم كنت مستنياكم من بدري كنت عارفه انكم هتوصلولي بس الصراحه خليني اعترف مراتك ذكيه عمتا واخيرا اتجمعنا كلنا يااولاد زوجي بس انا محضرالكم مفاجئه وصفرت فا جم احب اعرفكم علي رجالتي قوموا بالواجب معاهم
كريم بجمود:غلطتي غلطه عمرك يامريم ومسكنا ضرب في بعض بس كان عددهم كتير عليا أنا وسيف
نيره بصراخ:مريم صدقيني مش هرحمك خلي رجالتك تبعد عن اخواتي لقيتها قربت مني وشدتني من شعري
مريم بابتسامه:الورق اهو وقعي والاهتشوفي اخواتك بيموتوا قدامك اختاري بقي انهي عندك اغلي اخواتك ولاالاملاك
نيره بانفعال:وانا ايه اللي يضمنلي انك تخلي الرجاله بتاعتك يبعدوا عنهم أنا مبثقش فيكي يامريم
مريم:خلاص براحتك مانتي معندكيش اختيار تالت مالك مبتسمه كده ليه
نيره بابتسامه خبيثه:كنت قدرت افك ايدي ورحت قربت منها واديتها بالرسيه فداخت لحد مااقدر افك رجلي
مريم بعصبيه:يامجنونه أن ماوريتك
نيره:فكيت نفسي انتي هتوريني هنشوف نزلت ضرب فيها
مريم بصراخ:حد فيكم يبعدها عني والا مش هيحصلكم خير
نيره:ضربته وبعدته عني ولسه كنت هرجع اضربها بس لمحت شخص جاي من ورا كريم ومعاه سكينه كرررريم!!!!!حاسب
******
حاتم باستنكار:قايمه رايحه فين ياليلي انتي مش قدره تقفي علي رجلك حته
ليلي بقلق:أنا مش مرتاحه وخايفه وكل ده وهما لسه مرجعوش موبايل كريم وسيف مقفول كريم قالي أن هيرجع علي شروق الشمس وحاليا الساعه٨الصبح ياحاتم ومفيش خبر ليهم
حاتم بعفوية:ليلي اهدي عشان كمان متقلقيش خالتك ماصدقنا نامت انشاء الله يكونوا كويسين اقعدي واهدي بقي منمتيش من امبارح
ليلي:ولاهنام قبل مايرجعوا ياحاتم سمعت صوت فتح الباب فاتجهت ناحيته مسرعه فلقيت سيف شايل ميرا وفيه بعض الكدمات في وجهه ميرا مالها
سيف:متقلقيش هي كويسه بس المخدر كان قوي شويه فعشان كده لسه فاقده وعيها أنا هدخل ارتاح وسبتهم واتجهت لغرفتي حطتها علي السرير واترميت جنبها علي السرير لان مكنتش قادر
ليلي بقلق:انتوا كويسين لقيت كريم سابني واتجه لغرفتنا
نيره بضحك:عيب عليكي يابنتي أنا ميتقلقش عليا ده انا قومت بالواجب وزياده انتي اللي عامله ايه شكلك تعبان
ليلي:بقيت احسن متقلقيش هو جرح بسيط بس هو كان مين ورا خطفكم
نيره بتنهد:مريم بس انا قومت بالواجب معاها عشان تتعلم الأدب أنا عارفه انك قلقانه علي كريم فرحيله تمام وكمان ارتاحي سبتني ومشيت
حاتم بابتسامه:عاش ياجعفر تعالي احكيلي عملتي ايه منا لازم اعرف قبل مامشي
نيره بضحك:متقلقش هطلع عينك بس اوعي تخاف علي نفسك بعد ماتسمع هروح اغير هدومي اللي اتمرمطت وارجعلك
*******
ليلي:اتجهت لغرفه فلقيت بيحاول يفك ازرار القميص بس ايده اليمين مجروحه اتجهت لدولاب وجبت علبه الاسعافات هات ايدك ياكريم
كريم:ليلي متشغليش بالك جرح بسيط ولقيتها مسكت ايدي
ليلي بتماسك ظاهري:بس ده مش جرح صغير ياكريم ولازم يتعقم جبت قطن وشاش ومعقم ولفتله أيده بعد ماعقمت الجرح براحه متحاولش تعمل حاجه بيها عشان متنزفش لقيته قام كريم لقيته وقف فااقتربت منه بهدوء وابتديت افك ازرار قميصه عارفه أن ايدك تعباك وعشان متوجعكش اكتر بس حبيت اساعدك كنت هبعد فلقيته حاوط خصري بزراعه الاخر وقربني منه
كريم بابتسامه:قربت من وجهها مش محتاجه تبرري ياليلي لما تتصرفي بعفويه انتي في النهايه مراتي لقتها حاوطت عنقي وحضنتني فضمتها الي اكتر قبل مااحس بدموعها التي سقطت مسحت علي خصلات شعرها ليلي أنا كويس اهدي
ليلي باستنكار:بعدت عنه كل ده وكويس ياكريم امال لومكنتش كويس كنت هتبقي عامل ازاي
كريم بضحك:مش انا قدامك وواقف اهو علي رجلي يبقي كويس قربت منها ومسحت وجنتيها ليلي متقلقيش أنا هتصرف كل اللي كان هاممني أن محدش فيكم يتاذي
ليلي بضيق:ومفكرتش لوجرالك حاجه أنا هعمل ايه من غيرك انت مبتسم علي ايه
كريم بابتسامه:ولاحاجه بس اول مره اعرف انك بتخافي عليا وانك تخسريني كده ياليلي بس يعني لازم تتعودي أن بتحصل حاجات زي كده في حياتي ياليلي
ليلي بغيظ:لابجد يعني ده كل اللي لفت انتباهك تمام وسبته واتجهت لسرير تصبح علي خير أنا هنام وقفلت النور
كريم في نفسه:استنيت شويه وقربت منها اتاكدت أن نامت أنا آسف لوكنت السبب في الحاله اللي وصلتلها ياليلي انتي كل حياتي من زمان وقريب جدا هصلح كل حاجه بتحصل دالوقتي ممكن بسببها تجرحي لقيت موبايلي بيرن فخرجت خارج الغرفه عشان متصحاش وصلت للي كنت عايزه
الشخص:ايوه يافندم أنا في المكان اللي دايما بنتقابل فيه
كريم:تمام شويه واكون هناك خدت مفاتيح العربيه وخرجت من البيت متجه لمكان بعد فتره وصلت واتجهت ناحيته اتمني تكون وصلت للي أنا عايزه منك والاانت عارف العواقب
الشخص:ايوه وصلت لمعلومات اللي انت عايزها التقرير اللي بعتهولي اتاكدت من صحته وعملت تحليل جديد وطلع إيجابي مدام ليلي تبقي بنت استاذ شريف ومدام ريهام علاقتهم مكنتش عابره هما اتجوزوا لمده شهر بس من غير ماناس كتير يعرفوا وحصلت مشاكل كتير قدرت اعرف من الجيران أن شريف اختفي لكام يوم ولما رجع كان واضح عليه آثار ضرب وهما اهتموا ببنتوا في الفتره ديه لأنها كانت لوحدها وبعدين خدها وسافر
كريم بتماسك:يعني هو انفصل عنها نتيجه تعذيب ده اللي عايز تقوله
الشخص:بصراحه عرفت من شخص كان مقرب ليه شويه عرف منه انو اهلها هددوه ببنته وان ياذوها وتحت الضغط هي اللي طلبت أنهم ينفصلوا وانو يوعدها انو يسافر ويبعد عن هنا ووافق بعد إلحاح منها
كريم بجديه عكس ما يشعر به:شريف ممكن القيه فين دالوقتي
الشخص:غالبا في المطار طيارته بعد ساعه
كريم:سبته واتجهت لمطار بس الطريق كان واقف اوووف وصلت بعد ساعه الاربع فاضل ربع ساعه فضلت ادور عليه وارن عليه بس موبايله مغلق وسألت علي الرحله وعرفت أن معظم الركاب في الطياره وأنها بتستعد لاقلاع قعدت علي مقعد قدامي وارجعت خصلات شعري لورا بضيق أنا غلطت لما قولت اللي قولته وكدبته هو طلب مساعدتي وانا لاول مره اغلط في حق حد اعمل ايه دالوقتي اصلح اللي حصل ازاي من غير ماحد يتاذي تاني رفعت راسي فلقيته امامي
شريف:بتعمل ايه هنا ياكريم
كريم:.....
يكمل
أنت تقرأ
قيود الماضي
Randomعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
