قيود الماضي

البارت الرابع

حاتم:أنا آسف
احمد بجديه:ايوه كده ارجع لوعيك
حاتم بعفويه:أنا آسف أن فضلت ادعمكم ياخالي علي حساب اختي أمي كانت دائما بتسمع كلامك عشان تخلص من المشاكل وبعد موتها أنا عملت كده برضو بس كنت غلطان أن وافقتك ومدعمتش ليلي وقت ماكانت محتاجه حد جنبها كلنا اتخلينا عنها احنا كسرناها من جوه كفايه لحد كده انا ندمان أن قولتلكم حاجه كنت فاكر انكم هتشلوها من دماغكم
بس غلطت
احمد:طريقك ياحاتم مش هيبقاله رجوع وهتخسر كتير
حاتم بسخريه:وانا مش عايز ارجع اصلا وإذا كان علي الخساره فكفايه أن خسرت نفسي وكسرت ثقه اختي عن اذنك ياخالي سبتهم واتجهت لعربيتي ورحت ناحيه شركته اللي قدرت اوصل لعنوانها استاذ كريم مالك موجود
السكرتيره:اه جيه من شويه عندك معاد
حاتم:لا بس محتاج أقابله ضروري قوليله حاتم عزيز
السكرتيره:طيب ثواني اتجهت لمكتبه وفتحت الباب مستر كريم فيه واحد عايز يقابل حضرتك وبيقول ضروري اسمه حاتم عزيز
كريم بتفكير:حاتم عزيز الاسم مش غريب عني عمتا دخليه سبتني وبعد شويه لقيته داخل
حاتم بعفويه:بماننا متقبلناش قبل كده فااعرفك بنفسي انا حاتم عزيز اخو ليلي في الرضاعه وابقي ابن عمتها
كريم بجديه:اتشرفنا اتفضل تحب تشرب حاجه
حاتم:لاشكرا أنا كنت جاي اكلمك بخصوص ليلي أنا حابب اتكلم معاها واشوفها
كريم بعفوية:اممم وياترا باعتك استاذ احمد ليا
حاتم:لاخالص أنا حابب اشوف ليلي واعتذرلهاان من غير قصدي كنت السبب في المشكله الاخيره بس صدقني مكنتش اعرف ان خالي هيعمل كده كنت فاكر ان لما يعرفوا أنها اتجوزت هيسبوها لكن اللي حصل عكس كده
كريم:يعني انت اللي عرفتهم أننا متجوزين وعلي بيتي صح كده
حاتم بندم:ايوه
كريم بعتاب:تمام لوافترضنا انك غلطت المرادي كنت فين في الفتره اللي كانت محتاجه فيها ليلي حد جنبها يااستاذ حاتم يعني تفتكر بعد مااتخليت عنها هترضي تكلمك
حاتم بنبره حزينه:عارف انو صعب أنها تسامحني بس انا بجد ندمان علي اللي عملته معاها مستعد افضل اعتذر منها لحد ماتسامحني كمان جاي أحذرك من خالي ومجدي مش ناوينلها علي خير
كريم بتنهد:تمام ياحاتم لواعتبرتك صادق وخليتك تكلمها بس صدقني لوكنت بتلعب عليا مش هيحصلك خير ياحاتم ولو فكرت تاذيها باي شكل هعتبرك بقيت عدو ليا
حاتم بعفوية:متقلقش أنا اصلا سبت البيت ومش ناوي اعمل حاجه تاني
كريم بجديه:سيب رقمك وهبقي اكلمك تجيلي علي مكان معين بليل
حاتم:تمام شكرا ياكريم
...............
ميرا بنفاذ صبر:اخلصي يابت والبسي الفستان أنا تعبت منك سبحان اللي مصبره عليكي
ليلي:مليش مزاج البس الفستان حلو اللي لبساه أنا كده جهزت أنا لوعليا مش عايزه اروح في حته ولاعايزه اتجوز من أصله
ميرا:يابنتي متجننيش اعقلي وغيري هدومك فيه واحده يوم كتب كتابها تلبس سلوبت جينز علي بلوزه بيضاء ولمه شعرها كحكه وكوتشي ارحمي مرارتي والبسي الفستان شكله هيبقي حلو عليكي عشان هنتاخر
ليلي بعفويه:مش هلبس الفستان وبعدين هو مش قاعده يعني اني لازم البس فستان يوم كتب كتابي ماله السلوبت والكحكه هيقولوا لا
ميرا:الراجل لوشافك كده هيتشل حرام عليكي
ليلي:اخرك هروح احط ميكب بسيط واجي لكن مش هلبس فستان هو حلو وكل حاجه بس انا مرتاحه كده
ميرا بتنهد:كريم مش هيضايق لوملقكيش لبسه الفستان اللي جابه لقيتها سبتني ومشيت بعد شويه كانت خلصت واضطرينا نمشي عشان منتاخرش كانت عربيه مستنيانا ركبنا واتجهنا لهناك
................
سيف بعفوية:مش اتاخرت شويه تفتكر مش جايه
كريم:هتيجي بس ربنا يستر من اللي ممكن تكون عملاه اهي وصلت شوفت ميرا نزلت وبعدين لقيتها نزلت بس كانت الصدمه اللي هي لبساه فاتجهت ناحيتها ايه اللي انتي لبساه ده ملبستيش الفستان ليه ياليلي
ليلي بعفوية:أنا تعبت من موضوع الفستان مش عجبك السلوبيت عادي جدا هروح انام في بيتنا ياكريم مش ازمه يعني ودورلك علي بنت تكون علي مزاجك
ميرا بعفوية:طيب اهرب أنا قبل ماتولعوا في بعض حاولت أقنعها كتير بس هي عنيده
ليلي بابتسامه:السكوت علامه الرضا يسطا يلابقي باي لقيته مسك ايدي
كريم:رايحه فين ياحبيبتي متقلقيش مبهتمش بالمظاهر لوفكرك كده هتراجع تبقي غلطانه يلا بقي عشان اتاخرنا المأذون جوا وناس
ليلي بغيظ:انت مقولتش انك عازم حد وبعدين انت فهمتني غلط عادي أنا لبسته عشان مرتاحه كده اكتر
كريم بضحك:ايوه واخد بالي مسكت ايديها واتجهنا لداخل روحنا قعدنا قدام بعض
المأذون:هي فين العروسه
سيف بضحك:قعده جنبك اهي بس هي مختلفه حبتين
المأذون بصدمه:انتي العروسه
ليلي بضحك:لاانا اختها وقررت اتجوز جوز اختي😂
كريم بغيظ:اه هي العروسه ممكن نخلص
ليلي بعفوية:ليه الاستعجال احنا ورانا حاجه يعني
المأذون باستغراب:اول مره اشوف عروس بالمنظر ده الله يكون في عونك يابني من رأي تراجع قرارك
ليلي بانفعال:مسكت القلم ووجهته ليه ايه الله يكون في عونك مالي انا يعني شايفني مجنونه لاسمح الله الراجل خاف مني لدرجه كان هيقع من علي الكرسي
المأذون بخوف:ابعدي يامجنونه لقيته بعدها عني وسحبها بعيد شويه
كريم بعصبيه يحاول السيطرة عليها:ليلي ايه اللي انتي بتعمليه ده لوقصده تعصبيني فبنصحك بلاش احسن عدي انهارده علي خير كفايه اللي عملتيه واتجهنا لهناك
سيف:كان بعد شويه تم عقد قرانهم واخيرا وكنت قاعد ومقعد نور علي رجلي فلقيتها جت وقعدت جنبي مش معقول هربتي من صحبتك
ميرا بضحك:اه نوعا ما اسمي ميرا
سيف بابتسامه:وانا سيف وديه نور
ميرا بابتسامه:اتشرفنا ياسيف واضح أننا هنتقابل كتير الفتره الجايه بس هما اختفوا فين لحسن يولعوا في بعض
سيف بعفوية:هو مضمنش موضوع يولعوا في بعض لأن بالرغم أنهم كانوا أصدقاء مقربين من فتره بس مشاكلهم كتير هما رايحين غالبا يزوروا ماما في المستشفي
ميرا بابتسامه:طيب كويس بمان كده اروح انا بقي عشان اتاخرت
سيف بعفوية:استني هوصلك
ميرا:لاشكرا مش عايزه اتعبك
سيف بابتسامه:مفهاش تعب نور هتكمل نوم في العربيه متقلقيش يلا
..............
كريم بعفوية:مش ناويه نرجع البيت تغيري هدومك ياليلي قبل مانروح لماما
ليلي بابتسامه:ماله السلوبت مش فاهمه لامش هروح اغير هدومي وبعدين انا وڤوڤو متعودين علي بعض اطلع منها بقي
كريم باستنكار:يابنتي احترمي اني اكبر منك او اني جوزك حاليا
ليلي بعفوية:أنا طبيعتي كده مش عاجبك طلقني
كريم بابتسامه:لاانا ممكن اعمل حاجه تانيه وهي أن اقتلك واخلص منك ومحدش هيطلعك من تحت ايدي ايه رايك عشان انا علي اخري منك
ليلي بعفوية:تمام هسكت بس مش عشان خايفه منك أنا ممكن اصوت والم عليك البشريه كلها انتبهت لحاجه كريم ده مش طريق المستشفي انت هتقتلني فعلا ولاايه اعاااا لقيته وقف العربيه مره واحده في ايه
كريم:انزلي ياليلي عشان مولعش فيكي
ليلي بقلق:انزل ليه لقيته نزل وفتح الباب ناحيتي وشدني من ايدي كريم كنت بهزر انت مش هتسيبني هنا
كريم بضحك:هو أنا عايز اولع فيكي بس اكيد مش هسيبك في الشارع يعني مش مجنون عشان اعملها نتحاسب لما نروح البيت فيه شخص عايز يتكلم معاكي ورحت وسعت عشان تشوفه كان واقف علي بعض
ليلي بدهشه:حاتم
كريم بعفوية:طلب أن يتكلم معاكي وان اقنعك تمام أنا معرفوش لذلك هو ميعرفش الحقيقه يعني احنا متجوزين من فتره مش من كام ساعه أنا هستناكي في العربيه
ليلي بعفوية:تمام اتجهت ناحيته عامل ايه ياحاتم ياترا ايه اللي فكرك بيا
حاتم بتنهد:كنت عايز اتكلم معاكي واعتذر عن اللي عملته معاكي ياليلي
ليلي:وياترا اعتذارك علي ايه بالظبط ياحاتم علي انك خزلتني زي الكل وموقفتش معايا وعلي انك حسستني اني ولاحاجه وكلكم عايزين تخلصوا مني وبس كسرت ثقتي وقلبي فياريت تعرفني اعتذارك علي ايه
حاتم:ليلي انا ندمان عن اللي عملته أنا مش هقولك سامحيني بس اديني فرصه اعتذرلك واعوضك عن اللي فات
ليلي:حاتم ندمك جيه متاخر انا حقيقي معدتش بثق في حد
حاتم:ليلي عشان خاطر اي حاجه عملتها كويسه اديني فرصه أنا خسرت حاجات كتير ومش عايز اخسرك انتي كمان
ليلي بتنهد:تمام هديك فرصه ياحاتم بس قبل مااكمل لقيته قرب مني وشدني لحضنه
حاتم بفرحه:شكرا ياليلي اوعدك اني هتغير وهرجع زي ماكنت
ليلي بابتسامه:بعدت عنه تمام ياحاتم اديته رقمي نتقابل في وقت تاني
حاتم بعفوية:كانت هتمشي ليلي لقيتها لفتلي انتي محظوظه
ليلي بضحك:لوكنت محظوظه مكنش ده بقي حالي ياحاتم وسبته واتجهت لعربيه قعدت جنبه بس هو كان مريح رأسه لورا فقربت منه كريييييم
كريم بخضه:ايه يامجنونه فيه حد يعمل كده هتموتيني بسكته قلبيه
ليلي بضحك:لاياحبيبي أنا أقدر برضو كنت بفوقك مش اكتر لدرجاتي عايز تنام😂
كريم بتعب:اه ياليلي بقالي يومين منمتش عمتا اتجهت لبيت اتصالحتوا
ليلي بتنهد:لاياكريم اكيد مش بالسرعه ديه يعني اه منكرش أن حاتم طيب والسبب كان بابا بس برضو عشان يتعلم أن ميعملش مع حد كده تاني او يكسر قلب حد أما بالنسبالي فأنا سامحته لانه ندم وده كان واضح في كلامه وعينيه بس مش هقوله دالوقتي
كريم:بالرغم كل اللي مريتي بيه بس قلبك لسه ابيض
ياليلي
ليلي بضحك:مش مع كل الناس انت كده راجع علي البيت😂
كريم بتعب:اه هرجع علي البيت عشان زمانها نامت بعد فتره كنا وصلنا ركنت العربيه واتجهت لشقه فتحت الباب براحه وقفلته ومسكت ايديها واتجهت لغرفتي من غير ماتكلمي بجد مش قادر بدلت هدومي واتجهت لسرير هتلقي هدوم ليكي في الدولاب جهزتها امبارح
ليلي بعفوية:علفكره كنت هقولك مش هتاكل
كريم بعفوية:لامش قادر عايز انام تصبحي علي خير
ليلي بتنهد:قعدت شويه وبعدين قفلت النور واتجهت لخارج فلقيته قاعد فقعدت جنبه مالك ياعم سيف افتكرتك هتكون نمت انت كمان
سيف بعفوية:مبنمش دالوقتي اللي خلي كريم نام أن بقاله يومين مبينمش بس كده عمتا انا سعيد بوجودك معانا يامرات اخويا
ليلي:اخرس ياض مرات اخوك ايه بس ناديني ليلي لوله اي حاجه معادا مرات اخوك عشان متشلش تاكل
سيف باحراج:هو اه جعان بس انا مبعرفش اطبخ واكيد مش هقولك تعملي كده وانتي اول ليله ليكي هنا في البيت
ليلي بضحك:بس انا مش غريبه يعني عمتا ده بيتي برضو ولاايه أنا كمان جعانه فهقوم اعمل اكل لينا احنا الاتنين وبعد كده مش محتاجه الإحراج ده كله لانك هتساعدني اتجهت أنا وهو لمطبخ وبعد شويه كنت عملت اكل خفيف لينا احنا الاتنين وهو ساعدني في حط الحاجات ايه رايك
سيف بضحك:حلو اكيد تسلمي احسن من أكل كريم المحروق بهدلني الفتره اللي فاتت😅
ليلي بضحك:احمد ربنا أن مولعش في الشقه ياسيف
سيف:عندك حق بس لوسمعك كان زمانه علقك في النجفه
ليلي بضحك:تفتكر عمتا عادي يعم هي اول مره طول حياتنا كده خلصنا اكل ووضبنا المطبخ هو اتجه لغرفته وانا كذلك طلعت من الدولاب بيجامه لبستها ولميت شعري لفوق ونمت علي الطرف الآخر صحيت الصبح اثر اشعه الشمس فتحت جفوني ببطئ ببص جنبي لقيته قريب مني بدرجه كبيره جيت اقوم معرفتش أنه لافف أيده حول خصري بعدتها بهدوء بس لقيته فتح عينيه فشردت فزرقاتيه ايه القمر ده رجعت لوعي اثر صوته صباح الخير بس ممكن تبعد عشان اقوم
كريم بعفوية:بعدت ايدي عنها بصيت في الساعه ينهار ازرق الساعه١١
ليلي بضحك:في ايه ياعم كنت مدي معاد لمزه ونسيته
كريم بابتسامه:لاريحي نفسك مش هتخلصي مني بالسهوله وبعدين قربت منها اروح بعيد ليه مانتي موجوده وغمزتلها
ليلي باضطراب:ايه ولسه هتكلم لقيت الباب بيرن شوف الباب حته بيناديك وهربت منه واتجهت لدولاب خدت هدوم واتجهت لحمام
كريم بتنهد:تركت الاوضه واتجهت لباب فلقيت سيف جاي مبروك كل ده عشان تصحي ورحت فتحت الباب اتصدمت لما شوفته بابا
محمد بعصبيه:بجد الحمدلله انك فاكرني واتجهت لداخل
سيف بنبره منخفضه لما يسمعها سوي كريم:فيه مصيبه حصلت ياما عرف بجوازك ازاي معرفش اتجهت ناحيته احم بابا اخبارك ايه
محمد بسخريه:تفتكر هبقي عامل ايه لمااعرف من الغريب أن ابني اتجوز من غير مايعرفني وأخوه داري عليه
كريم بعفوية:كنت هقولك يابابا بس واضح أن حد سبقني
محمد بانفعال:بجد امال كنت هعرف أمتي لما تخلف ياكريم متجوز من فتره وتقولي وقت مناسب ده كان هيحصل أمتي وبعدين ملقتش واحده تجوزها غير ليلي بنت خالتك
كريم بعفوية:مالها ليلي يابابا وبعدين اللي وصلك معلومات وصلها غلط أنا كتب كتابي كان امبارح مش من مده وبعدين انا حر في أن أختار شريكه حياتي
وانا اخترت ليلي واتمني تحترم قراري يابابا
محمد بعصبيه:احترم قرارك كنت هحترمه لوكنت اخترت بنت تاني غيرها لكن أنا مستحيل اوافق بليلي تبقي مرات ابني الكبير
كريم بجمود:عادي يابابا منا وسيف برضو مكنش عجبنا جوازك بمريم اللي في سن ولادك بس في النهايه ديه حياتك وديه برضو حياتي وانا اخترت ليلي يابابا كلامك حاليا مش هيغير حاجه
محمد بعصبيه:انت عايز تقارن مريم بليلي بنت خالتك مفيش اي وجه مقارنه بينهم علي أقل انا كنت اول شخص في حياه مريم مالها بنت عمتك مي كانت بتحبك واحسن من ليلي الف مره
كريم بانفعال:مفيش وجه مقارنه بين ليلي ومريم اصلا عارف ليه لأن لولا فلوسك مكنتش اتجوزتك وكل ده كلنا عارفينه اما بالنسبه لمي بنت عمتي وحبها ليا ماشي يحترم وكل حاجه بس انا مش متقبلها وانا عارف كويس أن مش هتتقبل نور وزي ماليلي كانت متجوزه أنا كنت متجوز وكمان معايا نور فياريت نقفل الموضوع عشان مش هتراجع
محمد بعصبيه:لينا كلام لما ترجع لوعيك ياكريم وسبته واتجهت لباب وقفلته بعصبيه
سيف بعفويه:تفتكر مين اللي قاله ياكريم
كريم:........
يكمل