قيود الماضي

البارت الخامس

سيف بعفويه:تفتكر مين اللي قاله
كريم بنفاذ صبر:اكيد مجدي اوحماي العزيز علموم هو كان هيعرف دالوقتي أو بعدين مش فارقه وفروا عليا بس لازم ألقي حل لموضوع ده
سيف بنبره خافته:كريم انت لازم في اقرب وقت توقفهم بطريقتك ولاانت نسيتها بعد نور عشان حسيتك بقيت هادي
كريم:لامتقلقش مازلت زي مانا بس انت عارف أن كنت متأثر بموت منه الفتره اللي فاتت بس
سيف بضحك:ودلوقتي فكيت الحداد ياترا ليلي السبب
كريم بعفويه:منكرش أن جوازنا كان سريع زياده بس انا حابب ادي لعلاقتنا فرصه بالرغم أن الموضوع مع ليلي صعب
سيف:طالما كده فانت قدامك مشوار طويل وأولهم انك تفتح قلبك وثانيا انك تصلح اللي عمله أسر وتخليها تقدر تثق فيك وتحبك يااخويا العزيز
كريم بسخريه:تفتكر أن هعرف احب تاني وابتدي حياه جديده ده صعب
سيف بابتسامه:مش صعب طالما خدت خطوه الجواز وانك تفكر تدي جوازكم فرصه يبقي مع الوقت هتحبها ياكريم وبالذات أن ليلي كانت في فتره اقرب ليك من اي حد حته منه مقدرتش تاخد مكانها لازم تعترف بده نجحت أن تبقي مراتك وحبيبتك لكن مش صديقتك
                     *********
ليلي بشرود:كنت قاعده بلعب مع نور منكرش أن سمعت كلامهم بره بس مرضيتش ادي رده فعل بس راجعت بذاكرتي من سنه ونص
Flashback
ليلي بانهيار:صدقني يااسر أنا معملتش حاجه من ديه أنا بعتبرها زي ماما فااكيد مش هغلط فيها
أسر بعصبيه:قصدك أن أمي بتكدب ورحت ضربها كف قدام الكل أنا بندم كل يوم علي جوازي من واحده زيك ياليلي مش محترمه وحولتي حياتي جحيم يلااعتذري
ليلي:بس انا مش غلطانه عشان اعتذر اسمعني علي الاقل لقيته شدني من شعري اااه لقيته زقني فوقعت عند رجليها هاني قدام الكل بقيت ببص لناس اللي كانوا متجمعين في البيت عشان الحفله اللي في نظراتهم شفقه علي حالي أو سخريه أو شماطه في حالتي اكتفاءا لشره اعتذرت
أسر بسخريه:كان عندك حق يماما فيه ناس
مبتسمعش الكلام غير بالاهانه
End Flashback
ليلي:فوقت علي صوته فمسحت الدمعه اللي فرت من عيني قبل مايلاحظ انت هنا من أمتي
كريم بضحك:من شويه بس انتي كنتي فعالم تاني الحمدلله فوقتي كنتي سرحانه في ايه
ليلي بعفوية:ولاحاجه عمتا كنت عايزه اقولك شكرا
كريم بعدم فهم:علي ايه
ليلي بابتسامه:علي كلامك مع عمي محمد يعني سمعتكم لأن صوتكم كان عالي فبشكرك انك احترمتني ودافعت عني رغم أن مع عمي حق في كلامه انت كنت تستاهل واحده احسن مني
كريم بعفوية:مسكت ايديها بس ده واجبي أن احترمك حته لوكان بابا المفروض يحترمك لانك مرات ابنه احترامك من احترامي ياليلي واللي يقلل منه يبقي بيقلل مني وبيغلط فيا عمتا آسف علي اللي قاله بابا مشكلته كليا مش معاكي يعتبر من اي حد تبع ماما وبالنسبه لأن فيه احسن منك فلا عارفه ليه
ليلي بضحك:اصدمني أو اكدب مش عارفه
كريم بابتسامه:مش هكدب بس ديه حقيقه أنا يمكن تلقي فيه بنات كتير بتحبني اومعجبه بيا زي بنت عمتي مي بس مينفعش يبقوا معايا لأن ياما تفكيرهم في الفلوس أو في مظهري مش اكتر عمتا سيبك تجهزي علي بليل فيه حفله تبع صفقه تمت وانا لازم اروح و
ليلي:طيب انت لازم تروح أنا مش لازم
كريم بعفوية:لامانتي مراتي والمفروض تيجي معايا
ليلي:محدش يعرف أن مراتك اصلا فأنت تروح وانا انام
كريم بضحك:لامالكل عرف تقريبا عمتا فيه فستان في الدولاب هتلبسيه وقربت منها علي الله تعملي زي ماعملتي في كتب الكتاب هقتلك
ليلي بضحك:مش عارفه كنت مضايق ليه من السلوبيت والكل مستغرب أن مش لبسه فستان عادي يعني تغير😂
كريم:امال فضحتيني المأذون اتصدم انك العروسه وكان هيجيله سكته قلبيه بسببك منك لله
ليلي بضحك:خلاص المرادي البس لبس رياضي ايه رايك
كريم بنبره تحذير:اعمليها ياليلي عشان المرادي هقتلك واريح البشريه منك أنا رايح الشركه
ليلي بابتسامه:تمام وانا هروح المستشفي لڤوڤو وهاخد نونو عشان محدش هيقعد معاها
كريم بعفوية:عمتا يومين اصلا ونتنقل لبيتي اللي كان بيتوضب عشان اكبر وهجيب مربيه تهتم بنونو أو بالمعني الأصح تساعدك عشان هتبتدي شغل اول لماتخلصي امتحاناتك وعشان كمان تقدري تاخدي بالك من مذاكرتك وتجيبي تقدير حلو
ليلي بفرحه:بجد هتخليني اشتغل لقيته هز رأسه شكرا من غير مااحس اندفعت ناحيته وحضنته لمالاحظت بعدت عنه معلش اندفعت شويه
كريم بضحك:ولايهمك بس انا كنت قايلك قبل كده علفكره
ليلي بعفويه:اه عارفه بس افتكرتك أن بعد جوازنا هترفض أن اشتغل وان اهتم بنور والبيت وبس
كريم بابتسامه:بس انا مش متجوزك عشان احبسك في البيت وانك تبقي مجبوره تتحملي كل المسئوليات ديه وبس يعني من حقك تشتغلي طبعا وليكي مرتبك بس الاهم من ده انك تحققي ذاتك وتعرفي انك مش اقل من اي حد وانا متاكد انك هتنجحي ياليلي عمتا يلا نزلنا ووصلتها لحد المستشفي واتجهت انا لشركه
                    ..............
ليلي بابتسامه:اتجهت لغرفتها خالتوا حبيبتي اللي وحشاني شوفتي جبتلك مين معايا ورحت اتجهت ليها حضنتها وقعدت جنبها عامله ايه دالوقتي
مرڤت:الحمدلله كويسه فرحانه اني شوفتك انتي ونونو وحشتوني وبالمناسبة مبروك انشاء الله لما اتحسن اعملكم احلي فرح
ليلي بضحك:فرح ايه بس واضح أن كريم مقالكيش عملت ايه كان هيقتلني بس جت سليمه الحمدلله
مرڤت بضحك:عرفت وشوفت الصور لما كريم قالي فطست عملتي كده ليه ده يوم جوازك من أسر معملتيش كده
ليلي بضحك:معرفش بس كنت بنتقم من كريم عشان استعجل وفاجاني ومكنتش اعرف ان عازم ناس يلاكانت فضيحه قمر يعيش ويتفضح بس استمتعت اوي لما كان علي آخره مني😂
مرڤت:مفيش امل تعقلي ابدا هتعيشوا علي الخناق تقريبا
ليلي بضحك:امال هنعيش علي الرومانسيه والمحن مثلا ياڤوڤو استغفر الله اهو التغير حلو
مرڤت بضحك:اه لاعيب تنحرفي مثلا بت انتي جايه تعليلي الضغط صح
ليلي بعفوية:لاانا اقدر برضو خفي عشان ارفعلك الضغط كتير قعدت اتكلم معاها ونضحك وبعدين عدي عليا كريم روحنا عشان اغير هدومي نيمت نور ودخلت لبست الفستان اللي كان جايبه كان احمر في دانتيل اسود رقيق وسسيبت شعري وحطيت ميكب علي هيلز اسود عالي خرجت من الاوضه اعااا منك لله ياكريم كنت ماشيه بحرص عشان مقعش
كريم باعجاب:كانت طالعه حلوه جدا لدرجه ان فضلت شارد فيها
سيف بضحك:اهدي ياعم مش كده معتقدش انك لسه ثابت علي قرارك بأنها بنت خالتك وصديقتك وبس لقيته خبطني احم لقيتها قربت لعندنا فسكت الحمدلله ليلي طلعت عن طبيعتها
ليلي بغيظ:هو السبب مكنتش عايزه البس الفستان وكمان الجزمه عاليه وشكلي هقع وهفضحك🙄
سيف بضحك:شكلك كده احلي بكتير احسن من اللي عملتيه يوم جوازكم وبعدين اكيد مش هتلبسي كوتشي علي الفستان ده وكمان هو حلو الكعب عشان فرق الطول بينكم وانتي قصيره الصراحه ياليلي ولازم تتعودي علي الكعب وانتي مع اخويا😂
ليلي بغيظ:بتتريق علي طولي ورحت خبطته بكتاب كان جنبي ملكش فيه ياابن خالتي عشان مطلعكش علي المستشفي دالوقتي تحب تجرب
سيف بخوف:خد مراتك ياعم قبل ماتتحول ايه ده ملاك جواه شيطان
كريم:خدتها ونزلنا حاسبي كانت هتقع بس لحقتها
ليلي بضيق:منك لله ياكريم هتكسر انهارده بسببه مينفعش اقلعه وامشي من غيره
كريم بضحك:لاوبلاش فضايح انهارده وبعدين شكلك كده احلي بعد فتره كنت وصلت وساعدتها تنزل حاوطت خصرها واتجهت لداخل
خالد بابتسامه:اهلاياكريم اخيرا جيت افتكرتك مش هتيجي
كريم بعفوية:وانا اقدر مجيش برضو ياخالد ورحت سلمت عليه
خالد:اه عادي زي ماناس اتجوزت بسرعه ومن غير ماتقول لحد
كريم بضحك:كانت بسبب ظروف قريب انشاء الله هعمل فرح وهتبقي انت اول حد فيه قربت منها ديه ليلي مراتي
خالد بابتسامه:مبروك واتشرفت بمعرفتك ياليلي اتمني تكون الحفله حلوه وتعجبك هسيبكم وارجع بعد شويه
كريم بعفوية:جالي تليفون كانت واقف مع مرات خالد وليلي احم بعتذر بس لازم ارد شويه وراجع وسبتهم واتجهت لخارج
هايدي بابتسامه:جوازكم عن حب أنتي وكريم أنا سمعت انكم قرايب فده صح
ليلي بابتسامه:اه احنا نقرب بعض كريم يبقي ابن خالتي
هايدي بابتسامه:كريم محظوظ أن متجوز واحده قمر زيك تشربي
ليلي بعفوية:لاشكرا مليش في الشرب لسه هتكلم لقيت قطع كلامي صوت اعرفه فالتفت فاتصدمت
أسر بابتسامه:ليلي عاش من شافك اتغيرتي كتير بس بقيتي احلي كتير عن لما شوفتك اخر مره
هويدا بابتسامه:ايه ده انتوا تعرفوا بعض أنا أعرف أنك أنت وكريم علي خصام من فتره
أسر بعفويه:اه احنا علي خصام بسببها عمتا مش كنتي تعزميني علي جوازكم برضو يامدام ليلي مالك
ليلي بضيق:عن اذنك يامدام هايدي وسبتهم
أسر بضحك:لحقتها ووقفت قدامها هتهربي فين بس
جوزك العزيز فين وسيبك كده لوحدك مش خايف حد يعاكسك اويتقرب منك
ليلي بعصبيه:مهو محدش وقح هنا عشان يفكر يتقرب مني وهو عارف اني ابقي مراته غيرك يااسر وبعدين ملكش فيه وابعد عن طريقي احسنلك يااسر
أسر بسخريه:هتعملي ايه يعني هتعيطي كالعاده ياليلي مكنتش اعرف ان بينك وبين كريم علاقه عشان كده كنتي مستعجله تطلقي مني عشان تروحيله
ليلي بغضب مكتوم:محستش بنفسي غير وانا بضربوا كف علي وجهه احترم نفسك يااسر ومنصحكش تكلمني كده لان معدتش زي زمان وتركته واتجهت لخارج عشان ادور علي كريم
أسر بضيق:ماشي ياليلي حسابك تقل معايا أن ماوريتك مبقاش انا
كريم بتنهد:خلصت مكالمه واتجهت لداخل ملقتهاش بس لمحتها واقفه بعيد فروحتلها انتي واقفه هنا ليه مش كنتي واقفه مع هايدي
ليلي:مرضتش اتكلم عشان محبتش تحصل مشكله حبيت اقف لوحدي شويه معتقدش انو صدقني بس ممكن نمشي عشان حاسه نفسي تعبانه
كريم بعفوية:تمام بس انتي متاكده أن محدش ضايقك ياليلي لانك بتكدبي
ليلي بابتسامه متردده:لامحدش ضايقني انا حاسه نفسي تعبانه شويه
كريم بعفوية:تمام ياليلي سلامتك ولسه همشي وقفت اثر صوته
أسر بعفوية:حابب اقول كلمتين لصديقي القديم كريم مالك رغم أننا مش علي وفاق حاليا بس من واجبي اباركله علي جوازه من ليلي مراتي السابقه واللي بسببها بقينا علي خلاف لأن وقت ماكانت مراتي هو فضلها علي صديقه المقرب وسبحان الله بعد طلاقنا ب٦شهور اتجوزوا واضح انهم كانوا بيخنوني هما الاتنين من ورا ضهري
خالد بصدمه ممزوجه بانفعال:خدت منه المكرفون ايه اللي انت هببته ده يااسر واضح انك تقلت في الشرب امشي من هنا فورا
ليلي بصدمه:بصيتله بس كانت نظراته لاتبشر بالخير ابدا كريم خلينا نمشي وحاولت أشده من أيده بس هو بعدني واتجه ليه كريم استني
كريم بعصبيه مفرطه:بعدتها عني واتجهت ناحيته ضربته بالبوكس في وشه فاختل توازنه ووقع قربت منه ومسكته من القميص بتاعه قول كنت بتقول ايه يااسر أنا غلطان أن سبتك قبل كده يااسر بس محدش هيمنعني دالوقتي كنت بضربه وهو وجه ليا بعض الضربات لكن فضلت اضرب فيه لحد مابالعافيه بعدوه عني لان كان هيموت تحت ايدي صدقني هندمك علي كل كلمه قولتها يااسر بعدتهم عني
خالد بجديه:كريم اهدي أنا مكنتش اعرف ان هيعمل كده انا بعتذر ليك ولمراتك
كريم بنبره تهديد ووعيد:لوحد نشر حاجه من اللي حصلت في الأخبار بكره مش هيحصل كويس ولووصلني كلام من اي حد كان موجود هنا انت عارف كويس أنا ممكن اعمل ايه مش هكتفي بأن الغي الصفقه اللي بينا هخليك تتحمل خسائر تدمرك
خالد بخوف بس بمحاوله لتماسك:متقلقش مفيش حاجه هتظهر في الاعلام بكره واضمنلك أن اللي حصل مش هيطلع من البيت ده وان هقطع تعملاتي في الشغل مع أسر
كريم بجمود:كويس ورحت مسكت ايد ليلي واتجهت لعربيتي كنت سامع شهقاتها اللي بتحاول تسيطر عليها مقدرتش امسك نفسي واتعصبت عليها ممكن تخرسي بقي ومسمعش صوتك ندمت علي اللي قولته اثر نظرتها ليا
ليلي بضيق:كانت دموعي مازلت تتساقط علي وجنتاي وقف العربيه ياكريم قولتلك وقف والاهصرخ لقيته وقف العربيه ففتحت الباب ونزلت كنا بالقرب من البحر لم اعطي اهتمام لندائه واتجهت ناحيه البحر ووقفت
كريم بانفعال:ليلي أنا مش بناديكي لقيتها شارده فمسكت ايديها وخلتها تلف ليا ليلي انت سمعاني أقسم أن نظرتها ودموعها وجعت قلبي فلم يكن من الصائب أن أصرخ بها هكذا ليلي أنا آسف مقصدتش اتعصب عليكي كده بس
ليلي بابتسامه حزينه:أنا مش من حقي الومك علي عصبيتك عليا ياكريم جوازنا كان غلط وهيجبلك مشاكل كتير وانت مش مضطر تتحمل ده انا مش مضايقه بس طلقني وخليني اسافر بعيد ده طلبي الوحيد مسحت الدموع التي تساقطت من عيناي
كريم بجمود:خلصتي ياليلي لاسف ممكن تطلبي اي حاجه ومستعد انفذهالك معادا أن اطلقك أو اخليكي تسافري وتبعدي ده غير فين ليلي القويه مش شويه كلام هتسمحلهم أن يضعفوكي وقربت منها ومسحت دموعها وقربت أكثر لوجهها مش عايز اشوفك تاني بتعيطي بسببه لأن دموعك ديه اغلي من انك تفرطي بيها بسهوله لشخص ميستاهلش زيه كانت هتكلم فحطيت إصبعي علي فمها مسمعكيش تاني بتتطلبي الطلاق ياليلي بسبب المشاكل اللي بتحصل وحاوطت خصرها بزراعي الاخر وقربتها مني أكثر معدش فيه سبيل انك تهربي يامدام ليلي مالك بتربطنا اكتر من علاقه مش بس الجواز هتهربي من ايه ولا ايه
ليلي بثبات ظاهري:نظرت اللي زرقاتيه بعد تردد لوعايزه امشي همشي ياكريم ومش هيهمني كل الروابط اللي بتجمعنا حته جوازنا فمتثقش في نفسك كتير لقيته طبع قبله علي شفتاي سريعه وبعد عني حسيت باضطراب في نبضات قلبي
كريم بابتسامه:مش بثق في نفسي بثق فيكي انتي ياليلي وانك مستحيل تكسري علاقتنا
ليلي باضطراب تحاول السيطره عليه:خلينا نروح وبعدت عنه واتجهت لسياره
كريم بابتسامه حزينه:بصيت علي ظهرها هعمل اي حاجه وأصلح اللي كنت السبب فيه ياليلي مدتكيش فرصه زمان وبسببي خسرتي كتير ووصلتي لهنا عارف أن اصلح اللي فات محتاج وقت كبير وهو كمان صعب بس مش هستسلم واللي معملتوش زمان هعمله دالوقتي

                      *******
تاني يوم،خالد بعصبيه:روحتله مكتبه انت واعي انت عملت ايه ولا ايه نتائج اللي عملته يااسر من الأفضل انك تروح وتعتذر لكريم احسن لان انت مش قده
اسر:مغلطتش في اللي قولته ومش هعتذر يخبط دماغه في حيط ميقدرش يعمل حاجه ياخالد سيبك منه
خالد بنفاذ صبر:كل اللي قولته في حق مراته وده مغلطتش انت عارف كويس أن كريم وقتها كان متجوز برضو وان ليلي مكنتش هتفكر تخونك رغم خيانتك ليها علطول
أسر:أنا مكنتش بثق في ليلي ومش معني أن كريم كان وقتها متجوز أن ميكونش كان علي علاقه معاها لأن إصرارها علي طلاقها مني وجوازها منه بعد شهور ميدلش غير علي كده
خالد بانفعال:انت مجنون يااسر فعلا مش كل الناس زيك يااسر خاينه عمتا ياصاحبي طالما رافض تصلح اللي عملته امبارح فأنا مضطر اقطع صلاتي معاك أنا مش عايز مشاكل مع كريم مالك
أسر بسخريه:بتبعني ياصاحبي عشان كريم وخوفك منه
خالد:لامش عشان خوفي بس يااسر طاوعتك كتير بس لحد هنا وكفايه انت ماشي في طريق غلط
ولحد كده وطريقنا اختلف أنا نصحتك وانت مصمم يبقي أنا عملت اللي عليا وسبته وخرجت من المكتب
                          ********
بعد يومين،كريم:كنا اتنقلنا لبيتي واستقرينا فيه اخيرا ايه رايك ياليلي في البيت
ليلي بابتسامه:حلو جدا ياكريم تصميماته حلوه ومفهاش مبالغه قطع كلامي  جرس الباب اللي رن انت مستني حد
كريم بعفويه:لابس ممكن يكون سيف استني وروحت فتحت فاتصدمت لما شوفتها نيره.....
يكمل