قيود الماضي

البارت الثلاثون

قومت من مكاني وعدلت هدومي وبصيت علي المكان اللي سمعت منه الصوت فلقيتها واقفه ورايا فااضطربت نبضات قلبي وصار صدري يعلو ويهبط ماما!!حسيت أن من الصدمه اختل توازني وكنت هقع بس هي مسكت ايدي وخلتني اقعد انتي وهم مش كده مستحيل تبقي حقيقه
ريهام بابتسامه:مش شرط اللي ممكن تكوني شيفاه حقيقه ياليلي بس انا دائما موجوده معاكي حته لوانتي مش شيفاني كويس انك لسه محتفظه بالسلسله ديه اغلي حاجه علي قلبي وحشتيني ياليلي كبرتي وكلها كام يوم وتبقي عروسه زي القمر بفستانها الابيض وكلها كام شهر وتبقي ام
ليلي بدموع:ليه سبتيني أنا كنت محتجاكي ياماما أنا لسه فاكره الحادثه اللي حصلت رغم أن كنت صغيره بس لسه فكره كل حاجه وكأنها حصلت امبارح مش من سنين
ريهام بابتسامه:سامحيني ياليلي احيانا بتحصل حاجات مش بأيدينا انتي هتتخطي كل ده مع عائلتك
ليلي بدموع:بس انا عائلتي ناقصه بوجودك ياماما فيه حاجات مبقدرش افهمها
ريهام:ليلي احيانا الإنسان بيحس بالضياع رغم أن الحقيقه قدامه بس هو مش قادر يشوفها وعشان يصدق لازم يعرف أن مش كل اللي عارفه عن حياته هو الحقيقه وان احيانا فيه حقائق بتبقي مخفيه هي اللي هتوصلك لطريق الصح ياليلي
ليلي بخوف ممزوج بدموع:لالالا متمشيش خليكي معايا أنا بخاف من الوحده والضلمه مامااا
ريهام:أنا اسفه ياحبيبتي بس انا مضطره امشي
ليلي بانهيار:لاااا لقتها بتبعد لحد مااختفت اتحول كل اللي حولي لظلام جامد كانت الدموع تتساقط من عينااي ببص حواليا لقيت نفسي في مكان غريب لااا ده مكان الحادثه وكل شئ حسيت بيه كاني بمر بنفس الحادثه مره تانيه ماماااا وفوقت من النوم مفزوعه
كريم بقلق:قومت مفزوع اثر صوتها فكانت منهاره في بكاء وتصبب عرقا ليلي اهدي ومسحت علي خصلات شعرها كان مجرد كابوس وجبتلها مايه من جنبي وخلتها تشرب
ليلي بانهيار:خدني في حضنه انا شوفتها بس هي سابتني تاني لوحدي ااانا حسيت بكل حاجه كأنها مرت امبارح مش من سنين أنا كنت حاسه بكل حاجه كاني في حقيقه مش حلم أنا كنت عند قبرها أنا ازاي
كريم بنبره هادئه:مسحت علي خصلات شعرها وضميتها أكثر لحضني بمحاوله تهدئتها ليلي اهدي انتي متحركتيش من البيت وطول الليل كنتي جنبي ده كان مجرد حلم بعد فتره ومحاولات لتهدئتها نامت في حضني من كتر التعب والعياط وكان تنفسها أعتدل أيضا أبعدت خصلات شعرها عن وجهها ومسحت اثار الدموع اللي علي وجهها فوقت من شرودي في ملامحها علي حد بيخبط علي الباب فشيلت رأسها عن صدري براحه وحطتها علي المخده وغطتها واتجهت لباب فلقيته عمي فااتجهت لخارج وقفلت الباب ورايا
شريف بقلق:ليلي كويسه أنا سمعت صوتها وكانت بتعيط لأن اوضتي قريبه منكم انتوا اتخانقتوا؟!
كريم بتنهد:لامتخنقناش هو كل اللي حصل أنها حلمت بخالتي وان غالبا هي كانت رايحه تزورها وشفتها قدامها وبعد كده اختفت وفضلت في ضلمه لوحدها وأنها افتكرت تفاصيل الحادثه كأنها حصلت مره تانيه فانهارت لأن كانت حساه حقيقه اكتر من حلم ده اللي قدرت افهمه منها بس متقلقش هي نامت وهتهدي لما تقوم
شريف:هي بيجلها كوابيس عن الحادثه ديه كتير
كريم:لابقالها فتره مكنتش بيجلها بس كنت اعرف ان فضلت فتره طويله حابسه نفسها جوا الماضي واللي حصل امكن افتكرت لأن خالتي كانت وحشتها وكده و..
قطعتي بعفويه:أو يمكن عشان عيد ميلادها بكره والحادثه حصلت بعدها
كريم:اه نسيت الحوار ده
شريف:كريم فيه حاجه انت متعرفهاش والصراحة لازم تعرفها تعال معايا هقولك علي الطريق
                        *****
سيف بعفوية:الجميل سرحان في ايه اكيد في حبيب قلبك وحشك مش كده
نيره بغيظ:امشي ياسيف قبل مااقتلك مبفكرش في حد ولاحد وحشني
سيف:اهدي كده ياعم وقعدت جنبها علي السرير ليه محيره نفسك كده يابنتي اعترفي انك بتحبيه ووافقي
نيره بتنهد:مش قادره اعمل ده لان مش حابه أخوض تجربه ارتباط ممكن ينتهي بفشل مش عايزه اجرح حد ولاحد يجرحني
سيف:نيره مش كل العلاقات نهايتها الفشل ولاايه بلاش تفكري كده عشان متخربيش حياتك عارف انك مريت بظروف مش حلوه بس بلاش تدمري حياتك علي أساس الماضي
نيره:سيف انت عارف أن ده مجرد كلام وعارفه انك خايف علي مصلحتي بس عايز تقنعني أن حياه مفهاش فشل علطول أو متعلقش بمعاناتي في الماضي افتكر كويس انك زي وخربت حياتك واذيت ميرا كتير وانا مش عايزه اوصل لكده مع حاتم
سيف بعفوية:وعشان انتي ماشيه نفس الطريق اللي كنت فيه بقولك بلاش يانيره ادي فرصه لنفسك عشان متندميش وكمان أنا عارف كويس أن حد زي ملهوش أن يدي نصائح لان كان نفع نفسه الاول وكنت لسه هقوم لقتها مسكت ايدي
نيره:قربت منه وحضنته اسفه ياسيف انت عارف اني دبش سيكا وبعدت عنه وقعدت وبعدين ياعم ملاحظه تغير بقاله فتره عليك وان علاقتك بميرا اتحسنت ايه هفرح قريب وابقي عمتوا لمره التالته
لقيته خبطني بالمخده
سيف:يابنتي ايه الدماغ ديه لا يانيره افكارك زحفت اوي هو انا فعلا قررت اتعالج واتغير
نيره:ايه ده انت روحت لدكتور نفسي
سيف:اه فاكره صاحبي حازم بقيت بتعالج عنده بقالي فتره لأن مش حابب ائذي حد ولااجرحه فعشان كده مش حابب توصلي لنفس المرحله اوعديني انك تنسي عقدك وتدي فرصه لحاتم ده كفايه انو متقبلك بجنانك
نيره بغيظ:متقبلني بجناني تشكر يا اخويا😒
سيف بضحك:اه واللهي أنا عن نفسي بتخيل حالتكم لما تتخانقوا 😂
نيره:طيب امشي من هنا بدل مااقتلك ورميته بكل المخدات لحد ماخرج فابتسمت علي اثر كلامه فا وااخيرا نجحت خطتي بس فعلا انا لازم افكر في كلامه نوعا ما
                       *****
ريهام بقلق:رن الجرس فاتجهت لباب وفتحته ايه ياشريف اتاخرت كده ليه بس لمحت شخص تاني معاه كان ذات عيون زرقاء هي نفس العيون رغم اختلاف الشكل وافتكرت الصوره اللي ورهاني شريف  اتفضلوا وبعدت عن الباب ليلي كويسه
شريف:اه متقلقيش بس انا قولت لكريم كل حاجه انهارده
ريهام:طيب هي وحشتني ونفسي اشوفها ومبقتش بتيجي واكيد هو السبب ورا ده وشاورت ناحيه كريم
كريم:أنا مكنتش اعرف باي حاجه حته ليلي مقلتليش بموضوع حادثه ميرا وان فيه حد هنا هما خبوا الموضوع عننا فاازاي همنعها ياخالتي أنا معرفش انتي واخده عني فكره ايه بس اكيد لواعرف مش همنعها تشوفك ده مش من حقي حته لوكنت جوزها
ريهام:اماال هي مجتش ليه هي تعبانه
كريم:لامش تعبانه بس انشغلنا الفتره اللي فاتت بكذه حوار مش اكتر
ريهام بنبره حزينه:فعلا أنا نسيت أن الدنيا بتشغل الانسان ومعتقدش أنها فاكرني اصلا كانت صغيره وقت الحادثه كنت ناويه اخدها بعد مااطلقت وابتدي حياه جديده وأدور علي شريف بس منه لله احمد مخلنيش اعمل ده واضح أن خسرت بنتي الوحيده مش كده كان نفسي اخدها في حضني بس..
كريم بنبره خافته:مين قالك أنها نسيتك بالعكس هي عمرها مانسيتك ولاقدر حد يعوض وجودك السلسله اللي ادتهالها مبتقلعهاش من رقبتها لأنها بتحسسها بوجودك معاها فاكره تفاصيل الحادثه لحد دالوقتي رغم أن مر سنين مازالت بتتمني وجودك وأنها تحضنك ليلي عانت كتير بسبب مشاكل في العيله هي دائما بتزورك في عيد ميلادك بماني قدامها معرفش بوجودك فهخلي ميرا ونيره يساعدوكي تيجي البيت
ريهام بنظره شك:ميرا وعرفت انها مرات سيف مين نيره ديه..
قطعني بعفويه:اختي بس من ام تانيه عشان قبل ماتفهميني غلط أنا مفيش في حياتي غير ليلي وبس
شريف:كده ارتحتي ياريهام فهزت راسها تمام بكره هيتم كل حاجه
                        *******
ميرا:كنت قعده بره في الحديقه وكانت الدنيا بقت ليل اوووف أنا المفروض اتكلم معاه هيسمعني ولامش هيصدقني بس هو لازم يعرف واتجهت لداخل فكان قاعد علي الأب سيف
سيف:ايه يابنتي كنتي مختفيه فين وقفلت الاب وحطيته جنبي
ميرا:بصراحه عايزه اتكلم معاك في حاجه مهمه وقعدت قدامه علي الكرسي
سيف باستغراب:لاحظت حركه ايديها ورجليها المتوتره وايه الموضوع المهم اللي موترك كده
ميرا:فيه موضوع متعرفهوش وانا مخبياه عليك وانت لازم تعرفه
سيف بعفوية:ميرا لوالموضوع يخص ماضيكي فالموضوع مش مهم بالنسبالي لأن كل واحد وكان ليه حياته
ميرا:كان هيقوم فمسكت أيده لاهو الموضوع مش يخصني أنا هو يخصك انت او يخصنا احنا الاتنين بشكل اخر حاول تصدقني تمام لقيته قعد وبصلي احم بص من قرب شهرين كده عملت حادثه وانا جيالك وخبطت واحده غصب عني
سيف:وبعدين
ميرا:حكتله كل حاجه بالتفصيل وبس كده يعني الصراحه كنت هخلي بابا يتكلم معاك انت وكريم بعدها بس حصلت ظروف ومشاكل وفضل الموضوع زي ماهو كنت بصه لملامحه وتعبيرات وجهه اللي مكنتش قادره احدد منها رده فعله بس اكيد هيتعصب او مش هيصدقني واكملت كلامي حاليا كريم عرف وانت كمان وهي جايه علي البيت بكره ملقتش رده فعل برضو سيف انت معايا
سيف:انتي كنتي عايزه عمي يتكلم معايا عشان مش هصدقك مش كده عشان كده مقولتليش الفتره ديه كلها صح
ميرا بتوتر:نوعا ما اه انت عارف علاقتنا كانت عامله ازاي وقتها يعني اسفه عارفه أن ده مش مبرر بس
قطعني بتنهد:مسكت ايديها لامبرر ياميرا أنا مش مضايق ولامتعصب ولامدي رده فعل مش مستغربه من ده لانك حاليا جيتي قولتيلي وده كان بااختيارك انك مش حابه تخبي عليا حاجه كنت هضايق فعلا لما اتفاجأ بده شكرا ده غير أن كل يوم بتجبريني احترمك اكتر من اللي قبله واندم علي كل تصرف او سوء ظن فيكي لولا اللي حصل مكناش عمرنا عرفنا أنها عايشه وانها مماتتش ساعدتيها رغم انك متعرفيش هي مين ومش كل شخص قادر أن يعمل ده
ميرا بضحكه:كفايه ياعم هتغر من كتر المدح مفيش وسط عندك مش كده
سيف بضحك:لاالصراحه وشديتها لحضني قررت اخليكي تشوفي شخصيتي الحقيقيه واللي كانت
ميرا:بس الصدمه مره واحده كده صعب
سيف:اوعدك أن هعمل كل حاجه عشان اصلح من نفسي واعوضك عن اللي فات وممكن نعتبرها بدايه جديده
ميرا بابتسامه:قلبي يسطا انت وابتسامتك وغمزاتك ديه ورحت حضناه ومعرفش فضلت قد ايه
سيف بضحك:اول مره اعرف انك بتحبي حضني كده لدرجه حاسس انك نمتي
ميرا بغيظ:تصدق أنا غلطانه أنا هروح انام احسن واتجهت لسرير وقفلت النور لقيته جيه بعد شويه وشدني لحضنه فابتسمت اثر حركته ولفيتله سيف انت هتفضل كده علطول ولاممكن ترجع زي ماكنت مش حابه قلبي يتكسر في يوم بعد مااتعشم في حاجه
سيف بابتسامه:احلفلك بحياه اخواتي اللي اغلي حاجه في حياتي أن عمري ماهرجع زي ماكنت وبعدين أنا قلبي اتكسر مره وادمرت تفتكري أن هحب اعمل كده في غيري ومسحت علي خصلات شعرها ميرا أنا بحبك بجد واخر حاجه ممكن اعملها أن اكسر قلبك أو اكون سبب في ائذيتك تاني بس حاولي تتحمليني شويه الفتره ديه وان احيانا محاولتي بتفشل ولاهتزهقي
ميرا بنبره خافته:أنا عارفه أن قرار التغير صعب وبياخد وقت بس انت فكرك أن حد بيحب شخص بيزهق منه بالعكس هفضل بدعمك لحد ماتبقي احسن كمان من مما كنت
سيف:ربنا يخليكي ليا وطبعت قبله علي جبينها تصبحي علي خير
ميرا:وانت من اهلو ونمت في حضنه فقد تناسيت القلق الذي أشعر به من أجل غدا
                           ******
تاني يوم الصبح،ليلي:صحيت من النوم واللي هو خدت امبارح اصلا معظمه نوم وفضلت قعده علي السرير
كريم بنبره خافته:صباح الخير يالوله بقيتي احسن دالوقتي وكنت شايل نور وقعدت جنبها لقيت نور اتحركت واتجهت ليها فأنا عارف أن وجود نور هيشغلها شويه
ليلي بابتسامه:قلب ماما السكر بتاعي وخدتها في حضني وكان معاها لعبه في ايديها فكنت بلعب معاها لقيته هيقوم رايح فين مابلاش شغل انهارده أنا اصلا مضايقه وتعبانه ومش عايزه اقعد لوحدي
كريم:مكنتش رايح اصلا بس مش ناويه تقومي من السرير تغيري هدومك وتعملي اي حاجه موراكيش شغل
ليلي بضيق:ورايا وكتير بس انا مش قادره اعمل اي حاجه ولاحابه اقوم من السرير حته قطع حديثنا أن حد بيخبط علي الباب فكريم فتحه وابتعد عن الباب فلمحتها مع نيره وميرا
ريهام بابتسامه:قربت منها وحضنتها وحشتيني كده كل الوقت ده متجيش
ميرا:همست بجانبها متقلقيش هما عرفوا بحوار الحادثه أنا قولتلهم
ليلي بعفوية:وانتي كمان وحشتيني اسفه اتشغلت في كذه حاجه الفتره اللي فاتت ومكنتش بقدر اروح مع ميرا بس كنت بطمن عليكي منها هاا لقيتي بنتك ليلي
ريهام بابتسامه:اه لقتها ميرا ساعدتني كانت قدامي بس انا مقدرتش اتعرف عليها عشان اخر مره شوفتها كانت صغيره جدا
ليلي بفرحه:بجد طيب مبروك انك لقتيها مش قولتيلي هتعرفيني عليها انتي اتكلمتي معاها اكيد انتي كمان وحشتيها شكلها عامل ازاي بمان اسمنا واحد
ريهام:بصراحه انا لسه متكلمتش معاها شوفتها من بعيد بس هي في سنك وحلوه زيك وحاليا عايشه مع جوزها لفت انتباهي السلسله فشردت فيها حلوه السلسله اللي في رقبتك مميزه هديه من جوزك
ليلي بابتسامه حزينه:لا من ماما اخر ذكري منها ورحت فتحتها هي فعلا مميزه
ريهام:وحشتك مش كده
ليلي بتنهيده تحمل الكثير:كتير انهارده ذكري عيد ميلادها ملحقتش أودعها حته وقتها فوقت ملقتهاش لقيت نفسي لوحدي
ريهام بنبره خافته:طيب عارفه هي اديتك السلسله ليه فهزت راسها بلا اديتك السلسله ديه لأنها كانت مهمه جدا بالنسبالها وبالرغم أن كانت ناقصه بس هي كانت كل روحها في السلسله ديه كانت حسه أن هيحصل حاجه ليها عشان كده ادتهالك تحتفظي بيها وتخليها معاكي علطول مكنتش قصده تسيبك بس القدر كان كده يمكن فيه حقائق مبتكونش واضحه قدامنا بس لازم نفكر فيها افرضي أن مامتك عايشه وان هي مامتتش بس كانت مفقوده وقابلتيها صدفه بعد سنين عمرك فكرتي تربطي الاحداث وان الحادثه اللي حصلتلي فقدت فيها الذاكره وبنتي ليلي ورجعت بعد سنين بسبب حادثه افتكرت كل حاجه وبنتي كانت قدامي بس مقدرتش اعرف بس حسيت باحساس غريب ناحيتها السلسله ديه بتاعتي باباكي ادهاني هديه جوازنا زمان لوكنت شفتها لومره كنت عرفت انك ليلي بنتي
ليلي بصدمه تحتل ملامحها فقد صار صدرها يعلو ويهبط وتصارعت نبضات قلبها:فهل هذا واقع تصدقه ام حلم مره اخري؟!!معقول ان كل اللي عاشته وعانت بسببه كان مجرد وهم فلو كانت هي بالفعل فقبر من هذا كل هذه تساؤلات تدور برأسي.....
يكمل
البارت الجاي هيكون الأخير هحاول متاخرش في  كتابته وتنزيله