كريم بتنهد:طيب ورديت الو ايه حصل أمتي ده انا جاي حالا
ليلي بقلق:لقيت ملامح وجهه اتغيرت فاجئه كريم حصل ايه
كريم:بابا تعب ونقلوه المستشفي فمضطر اروح
ليلي:تمام هاجي معاك خمس دقايق بس اغير هدومي ومن غير اعتراض ياكريم وسبته وخدت لبس من الدولاب ودخلت الحمام بدلت هدومي بسرعه واتجهت معاه لخارج فقابلنا نيره
نيره:في ايه ياشباب رايحين فين كده فيه حاجه حصلت
ليلي:عمي محمد تعب ونقلوه المستشفي
نيره:ايه طيب يلا وبعد فتره كنا وصلنا لمستشفي وسألنا عليه فعرفنا انو جتله ازمه قلبيه ولحقوه وهو في العنايه المشدده
الخادم:اتجهت ناحيتهم زي حضرتك يااستاذ كريم شكرا انك رديت عليا
كريم:ايه اللي حصل لبابا ووصله لكده وهي مش المفروض تبقي عمتي ومريم معاه بس مش شايفهم
الخادم:مهو حصلت مشكله كبيره بين استاذ محمد ومدام مريم أنا هحكيلك كل اللي سمعته وقلتله كل حاجه صوتهم كان عالي فده اللي خلاني اسمع الحوار ومدام فريده بعد ماتعب بعد ماعرف كل ده اختفت وانا طلعت علي صوته ونقلته المستشفي
كريم:تمام شكرا انك اسعفته ونقلته المستشفي أنا هروح اشوف الدكتور وحد فيكم يكلم سيف يقوله
نيره:بعد ماسبنا ليلي مالك اهدي هيبقي كويس
ليلي:لوجراله حاجه أنا هيبقي السبب
نيره:متفكريش كده ياليلي انتي كنتي عايزه تظهري الحقيقه وتصلحي العلاقه بينهم مكنش نيتك انك تاذي حد أنا هروح اجبلك حاجه تشربيها وتكلم سيف وارجعلك مش هتاخر عشر دقائق وسبتها
********
سيف:كانت قعده في حضني ميرا كنت عايز اقولك حاجه
ميرا بابتسامه:تمام قول
سيف:لسه كنت هتكلم لقيت موبايلي رن فطلعته لقتها نيره وقتك يارب متكونش مصيبه
ميرا بضحك:لاخير رد
سيف:رديت الو يانيره ياريت متكونش مصيبه
نيره:هو ياريت بس هي مصيبه نوعا ما باباك حصلت مشكله بينه وبين مريم وعمتك وجتله ازمه قلبيه واتنقل لمستشفي بس كده هو حاليا في العنايه المشدده
سيف:انتي بتكلمي بكل هدوء كده ازاي مفيش مره تتصلي بيا وتكون حاجه كويسه جاي بس ابعتيلي اسم المستشفي عرفته وقفلت معاها أنا مضطر اروح فهوصلك البيت واروح
ميرا:لامش محتاجه ده كله هروح معاك وبعد فتره كنا وصلنا لمستشفي وفضلت قعده مع ليلي ونيره لحد الصبح كان حالته استقرت فنقلوه غرفه عاديه علي الضهر فدخلنا نطمن عليه
كريم:ليلي مش هتيجي مش هنطول وومسكت ايديها وفتحت الباب ودخلتله حمدالله علي السلامه يااستاذ محمد بقيت احسن دالوقتي
محمد بنبه متعبه:الله يسلمك ياكريم كنت فاكر انك مش هتيجي
كريم:مينفعش مكنتش اجي حته لوكان بينا مشاكل كتير يااستاذ محمد
محمد بنبره حزينه:استاذ حته مستخسر انك تقول بابا
ليلي بابتسامه:اتدخلت عشان الموضوع ميكبرش حمدلله علي السلامه ياعمي وانشاء الله تقوم وتتحسن وتبقي افضل من الاول أنا جيت بس اطمن علي حضرتك هستناك بره ياكريم
محمد:الله يسلمك ياليلي خليكم شويه وحشتوني مستخسر ياكريم تقعد شويه معايا انت ومراتك
ليلي:كنت لسه هتكلم لقيت شدد علي خصري
كريم:معلش مره تانيه أنا همشي وكمان معتقدش انك حابب وجودنا لدرجاتي عن اذنك واتجهت مع ليلي لخارج واتجهت لبيت
محمد بحزن:كريم لسه مضايق مني مش كده
سيف:اعتقد أن رده فعله طبيعيه بعد اللي عملته مع ليلي سواء انت اللي خطفتها او لا بس انت هنتها كتير وقللت منها قطع كلامي رنين هاتفي هطلع اتكلم وابقوا حصلوني وسبتهم وخرجت
محمد بتنهد:نيره علي أقل صدقيني انتي أنا مكنتش ورا خطف ليلي فعلا ولاسف مريم وفريده اللي كانوا وراه بسببهم وبسبب غبائي وانانيتي خسرتكم أنا كنت عايز اتكلم معاهم واعتذرلهم بس هما مدونيش فرصه انتوا مصدقني
نيره بعفوية:ايوه عارفين انك مش ورا خطفها وليلي عارفه ده كمان بس ده مينكرش اللي عملته معاها اوكلامك ليها هي فضلت من امبارح لنهارده في المستشفي ورفضت تروح رغم أنها كانت محتاجه ترتاح ومع ذلك فضلت وبتحاول تعمل كل حاجه عشان تصلح علاقتك انت وكريم
محمد:بس انا معملتلهاش حاجه كويسه عشان تعمل حاجه زي كده
ميرا:اعتقد ياعمي انك مفهمتش ليلي صح هي طول عمرها اتحرمت من وجود باباها معاها وعشان بتحب كريم مش حبه يعاني زيها بسبب سوء تفاهم لوحضرتك عايز تكلم معاها أنا ممكن اقولها
محمد:كريم مش هيوافق ولاهي اعتقد
نيره:من ناحيه ليلي فمش هترفض تيجي لأنها بتحترمك رغم كل اللي حصل أما بالنسبه لكريم فهو مش هيعرف وقتها أن هتيجي
محمد:تمام ممكن تساعدوني صدقوني أنا ندمان علي اللي عملته ومحستش بالوحده الا لماتعبت ولقيت أن اللي كانوا معايا باعوني عشان مصلحتهم
ميرا:تمام مستعدين نساعدك تصلح علاقتك بكريم وسيف وانك تكلم ليلي بس علي شرط
******
ليلي:عم السكوت لفتره بس قطعته كريم انت ليه مخلتنيش اتكلم ولاانك تقعد شويه مع باباك
كريم:عشان مش حابب افضل وكمان انتي مش شايفه نفسك ماكلتيش من امبارح ولانمتي وده غلط عليكي وعلي اللي في بطنك
ليلي:بس انا مشتكتش وقولت تعبانه لقيته وقف العربيه فاجأه فلقيت أننا وصلنا ممكن نتكلم طيب
كريم:لاياليلي اتكلمي في أي حاجه غير الحوار ده
ليلي:ولامتي هتفضل تهرب من الحوار ده كل مانتكلم عمرك ماكنت بتتهرب من مشاكلك بالمنظر ده لومشكلتك مع اللي حصل معايا فهي اعترفت بنفسها والراجل سمعها أن هي اللي كانت ورا الحوار ده
كريم بعصبيه:اولا مفيش دليل علي الكلام ده الرجاله اعترفوا عليه ولوسبنا الحوار ده بالنسبه لكم الاهانه اللي سمعتيها منه لاومش بس كده ده قلل منك هنسي ايه ولا ايه ممكن تقوليلي
ليلي:تمام بس كل شخص يستاهل تديه فرصه تانيه ياكريم وده مش مجرد شخص ده باباك في النهايه وكل اللي حصل سوء تفاهم وانتهي هو كان خايف عليك مش اكتر لوبتحبني فعلا اديه فرصه لانه هو محتاجك جنبه وبالنسبه لدليل أنا معايا دليل بصوت مريم وفريده وهما بيتفقوا وهما اللي خلوا الرجاله تقول أن عمي هو اللي اتفق معاهم
كريم بتنهد:ليلي انتي عارفه اني بحبك وده اعتقد حاجه متشكيش فيها فبلاش تضغطي عليا بالشكل ده بس الموضوع مش سهل بالنسبالي لأن حصلت حاجات كتير فاديني فرصه افكر ونزلت من السياره ولسه همشي مسكت ايدي
ليلي بعفوية:أنا مش بضغط عليك ياكريم ولاقصدي ده بس الفكره أن مش عايزه يجي يوم وتندم انك مدتهوش فرصه ده غير أن لاول مره اشوف الحزن في عينيه هو خسر كل حاجه كان فاكرها أنها صح وحياته وهي كانت دمار ليه ومجرد مصلحه مش اكتر حس انو مكسور لانك مش موجود انت وأخواتك جنبه
كريم بابتسامه:خدتها في حضني حاضر ياليلي عشان خاطرك هديله فرصه وبعدت عنها شويه بس علي شرط لوحصل حاجه أنا مش مسئول عن رده فعلي
ليلي بنبر منخفضه لم يسمعها:ربنا يستر
******
مر النهار بدون حدوث أي شئ،ميرا:تفتكري ولعوا في بعض في الطريق كان لازم حد فيهم يروح معاهم
ليلي بتنهد:كنت ماسكه طبق مكسرات من ناحيه كريم فهو وعدني أن يفضل هادي وان ميعملش اي حاجه وسيف مبيديش ردود افعال جامده نوعا ما فااطمني
ميرا:ايه يابنتي الهدوء ده من أمتي
ليلي:اعمل ايه يعني هما راحوا يجيبوا عمي ولسه هكمل لقيت جرس الباب رن شوفتي تعالي بقي كانوا دخلوا كريم مسنده وسيف معاه الشنط نورت البيت ياعمي
محمد بابتسامه:هو منور باللي فيه
كريم:هوصلك لاوضتك وترتاح شويه زي مالدكتور قال ووصلته غرفته وكنت هخرج بس وقفت اثر صوته
محمد:كريم مش ناوي تكلم معايا حته مش تسامحني كليا
كريم بجمود:الموضوع مش بالسهوله ديه بالنسبالي أنا عملت كل ده بسبب ليلي اللي حضرتك مسبتش كلمه والا قولتهلها وهي سكتت قبلت تفضل معانا واديك فرصه تانيه بسببها
محمد:بعترف اني كنت غلطان في حقها وان مكنش المفروض اعمل ولااقول اللي قولته بس انا مستعد اعتذرلها أنا معنديش مشكله معاها شخصيا ياكريم
هتقبل وجودها وانها مرات ابني الكبير وزي بنتي
كريم:عارف يااستاذ مالك لومكنتش عارفك كويس كنت صدقتك بس انت هتتقبلها دالوقتي عشان عرفت انها بنت صاحبك وشريكك شريف الحسيني مش بنت احمد لوكانت الحقيقه انها بنت احمد كنت هتقول كده معتقدش تصبح علي خير وسبته واتجهت لغرفتي
محمد بنظره حزينه ونادمه:أنا استاهل كل ده لان أنا اللي وصلتهم لكده فوقت علي صوتها
ليلي بعفوية:قولت اجي اطمن عليك واجبلك نونو معايا وطلبت أن يجيبوا اكل علي اوضه هنا وقعدت علي طرف السرير وقعدت نونو جنبي ايه اخبارك
محمد بابتسامه:الحمدلله وقربت نور مني وخدتها في حضني ياااه كبرتي عن اخر مره شوفتك ورحت طبعت قبله علي جبينها وقعدت العبها شويه وبعدين رفعت نظري ليها أنا كنت عايز اعتذرلك ياليلي غلطت في حقك كتير انتي خيبتي كل ظنوني السيئه فيكي اهتميتي بنور وبتعمليها كأنها بنتك وبتحبي كريم وبتخافي علي مصلحته أنا كانت نظرتي غلط في الناس ودمرت كل حاجه بايدي دمرت ولادي وبعدتهم عني بقي وجودي زي عدمه في حياتهم أنا وصلتهم لكده جيت علي كريم اوي سواء بعد جوازه من منه أو منك وسيف اللي دمرته بسبب علاقاتي وجوازي بمريم رغم أن عرفت أن كانت حبيبته واهمالي لنيره وإن كنت بسيبها اغلب الوقت لوحدها حرمتها من أخواتها سنين عشان مصلحتي وصلت أن بقت بتعتمد علي نفسها وبقت معقده وجامده انا فشلت أن أكون اب ولازوج ولاشخص كويس حته أنا اسف سامحيني يابنتي مش حابب اموت والكل يبقي كارهني
ليلي بنبره خافته:بعد الشر عنك ياعمي صدقني أنا مش مضايقه وسامحتك من فتره طويله واحساسك بالندم علي كل حاجه عملتها ديه كفايه هما مش بيكرهوك اول لما سمعوا باللي حصلك رحولك لوكانوا مش بيحبوك اوخسرتهم فعلا كنت مش هتلقيهم هما بس مضايقين بسبب عدم وجودك معاهم ودعمك ليهم وقت ماكانوا محتاجينك بس أن احنا نفضل علي الماضي مش هيفيد بحاجه انت قادر يعمي تصلح كل ده وانا بحاول علي قد مااقدر أن اساعدك في ده انا وميرا
محمد:شكرا علي كل حاجه بس ده صعب ياليلي يعني ليه تتعبي نفسك في حاجه شبه مستحيله لشخص اذاكي
ليلي بابتسامه:أنا معنديش مشاكل معاك كان سوء تفاهم مش اكتر ده غير أن أنا بحب عائلتي وبحاول أرجعها طبيعيه لحد ما ده غير أن مش حابه كريم يعيش الاحساس اللي عشته طول حياتي وهو فقدان العيله
*******
ميرا:مرت الساعات وانا روحت علي غرفتي بس معرفتش انام فقومت لبست روب واتجهت لغرفته بهدوء كنت عايزه اطمن عليه فلقيت الاضواء خافته لما دخلت الغرفه لمحته علي السرير بس مكنش متغطي فقربت منه وشديت الغطاء عليه بس لسه هبعد لقيته شدني من زراعي فبقيت أنا علي السرير وهو بيعتليني حد يسرع حد كده
سيف بابتسامه:اه عادي أنا وحشتك عشان كده جيتي وقربت منها اكتر ونظرت لخضرتي عينيها
ميرا:لاموحشتنيش ياااسيف
سيف:امال جيتي ليه عارفه أن كنت بحس بيكي لما بتيجي تطمني عليا وتغطيني كل يوم
ميرا باضطراب:انت كنت بتبقي صاحي
سيف:قربت منها وهمست ماهو اللي متعرفهوش أن في الطبيعي نومي خفيف وبحس بكل حاجه
ميرا:طيب اوعي أنا غلطانه أن جيت اصلا ولاكنت بقلق عليك لقيته احتضن شفتاي في قبله فضلت مصدومه لفتره
سيف:بعدت عنها شويه يعني ياميرا حد يكره أن حبيبته تهتم بيه وتقلق عليه
ميرا بعدم استيعاب:حبيبته!!
سيف بضحكه خافته:ايوه عندك اعتراض انتي حبيبتي ومراتي ياميرا
ميرا:قولي بصراحه انت عندك حراره ولاشارب ايه عشان بقالك يومين مش طبيعي
سيف بغيظ:منك لله ياميرا فصلتيني وبعدت عنها واعتدلت أنا عارف اللي هقوله صعب بس حاولي تثقي فيا شويه أنا فعلا بحاول اتغير عما كنت او ارجع زي ماكنت من كام سنه تمام تصبحي علي خير بقي وخدي الباب في ايدك
ميرا بعفوية:حسيت اني ضايقته رغم أن كنت بهزر لان فعلا بقي يعتبر شخص تاني مش عارفاه ولاقدره اتوقع ردود أفعاله رديت عليه ايه اخد الباب في أيدي ديه بتطردني
سيف:لامش بطردك بقولك روحي نامي وكمان عايز اقعد لوحدي
ميرا:بس ده مكنش رايك من شويه
سيف:بس حاليا عايز افضل لوحدي وانام ورايا شغل الصبح
ميرا:بس انا مش جيلي نوم ومش عايزه اقعد لوحدي فابتسمت سيف
سيف:نعم ولفتلها لقتها قربت مني وحضنتني وسندت راسها علي صدري اتصدمت من رده فعلها ميرا بس
ميرا:تصبح علي خير ياسيف ابتسمت اثر انو ضمني ليه اكتر ومفيش حاجه وكنت غفوت
******
بعد مرور كام يوم واستقرار بعض الاوضاع،نيره:كنت قاعده شارده في حاتم بعد آخر كلام لينا في المستشفي ولااتقابلنا ولاكلمني حته جربت أكلمه كذه مره بس مردش ليه حق يضايق منا دبش نوعا ما هو ميستاهلش ده بس مكنش لازم يتعشم بس انا ايه اللي مضايقني هو ده اللي كنت عايزاه أننا نبعد معقول حبيته لالا مستحيل اكيد ديه اوهام وبعدين اصلا بقاله اسبوعين وشويه مختفي زمانه لقي بنت تانيه اوووف قطع شرودي صوت كريم ودخوله غرفتي انت جيت أمتي
كريم:بقالي عشر دقائق واقف يانيره بس انتي في عالم تاني مالك مش علي بعضك من وقت الحادثه اللي حصلت معاكي ليه
نيره:ولاحاجه أنا كويسه كنت عايزني في حاجه
كريم:اه فيه وقعدت علي كرسي قدامها فيه شخص متقدملك يانيره
نيره بتنهد:ارفضه ياكريم أنا مش حابه ارتبط زيه زي اللي قبله ورفضتهم
كريم بعفويه:لامش هرفضه واعمل زي ماعملت مع اللي قبلهم ياما رفضتيهم من غير ماتشوفيهم ياما فضحتيني عشان تطفشيهم عايزك تقابليه هو جاي بليل ويمكن تغيري رايك الصراحه أنا بتمني تفكري في الموضوع مش عايز فضائح زي كل مره هو شخص كويس وانا اعرفه كويس ومعجب بيكي
نيره بضيق:بس انا مش حابه أقابل حد ولاارتبط ياكريم هتجبرني
كريم:أنا ماجبرتكيش دالوقتي بقولك قابليه بس لوعندي ليكي خاطر يانيره زي ما بتقولي اسمعي الكلام وبلاش عند هيجي علي الساعه٨وميرا وليلي هيساعدوكي تجهزي
نيره بتنهد:بعد ماسبني ومشي ياااختاااي علي حظك يانيره ياترا مين المعتوه اللي اتعمي وقرر يتقدملي ده حته مقاليش اسمه يلامش مشكله لازم افكر اخلص منه ازاي من غير مااضايق كريم....
يكمل
أنت تقرأ
قيود الماضي
Разноеعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
