عندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
نيره بتنهد:بعد ماسبني ومشي ياااختاااي علي حظك يانيره ياترا مين المعتوه اللي اتعمي وقرر يتقدملي ده حته مقاليش اسمه يلامش مشكله لازم افكر اخلص منه ازاي من غير مااضايق كريم مرت ساعات ولقيتهم جايين معاهم فستان لونه احمر لاانتوا اتجننتوا مستحيل البس الفستان ده
ليلي:ليه ماله الفستان وبعدين هتلبسي ايه نيره:جهزت الفستان خلاص هروح البسه ميرا:بعد ماسبتني ياخوفي تكون زيك يوم كتب كتابك انتي وكريم ليلي:لاانشاء الله ماتوصلش لكده لقناها خارجه بفستان غامق لايانيره حرام عليكي مش غامق زياده
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نيره بابتسامه:ده المطلوب هو حلو عليه كده احمدوا ربنا اخر واحد شوفته كنت طالعاله بسويت شيرت وبنطلون وبوي فريند وكوتشي والحمدلله طفش من اللي كنت عملاه والدبش بتاعي بس المرادي وعدت كريم مفضحهوش فلبست فستان سبوني اجهز مع نفسي بقي ليلي:شكلنا هنتهزء بسببك يانيره عشر دقائق وهنرجعلك وخدت ميرا وخرجت نيره:رحت سيبت شعري بس عملته كيرلي علي واسع وزودت الكحل مع ايلاينر وروج لونه نبيتي غامق وخرجتلهم كان عدت الساعه٨بربع ساعه وهو جيه يلابقي قررت اطلع عينه ده لومطفش من اللي عملاه في نفسي ليلي بصدمه:ينهار اسود روحي خففي الميكب شويه نيره:لا واذا كان عاجبكم ممكن امشي عادي سيف:لاوعلي ايه بس خفي علي الراجل لحسن يتسرع أو يقطع الخلف نيره:متقلقش الواد في ايد امينه😎 كريم:نيره هنسيبك شويه بلاش فضايح أو مشاكل كفايه اللي عملاه في نفسك اوعديني بلاش جنان نيره بضحك:لاتقلق ثق فيا واتجهت لحديقه فكان هناك عشان نقعد لوحدنا شويه فلمحت انو واقف بضهره ووجهه لمسبح ينهار ازرق نسيت اعرف اسمه مني لله احم احم ملقتش رده فعل انت ياعم وقربت منه اكتر ده اطرش ولاايه مخدتش بالي أن الأرض كانت مبلله قليلا فكنت هتزحلق واقع في المسبح اعااا وغمضت عيني بس انا موقعتش هو مسك ايدي بصيت لتحت لقيت أن قريبه لمايه ولحد دالوقتي ملمحتش وجهه لان كنت خايفه اوعي توقعني شدني حاتم بابتسامه:متقلقيش مش هوقعك ورحت شديتها فاترمت في حضني اثر قوه الدفع نيره باضطراب بدقات قلبي فكان صدري يعلو ويهبط:حسيت أن قريبه منه جامد فبعدت حاتم انت بتعمل ايه هنا يعني هما قالولي أن حاتم بابتسامه:أن فيه حد متقدملك مش كده ومسودها وعمله في نفسك كده عشان تتفشي العريس اللي متعرفيش اسمه اصلا يانيره بس عمتا مهما عملتي ايه فإنتي قمر نيره باستيعاب لما يحدث ومحاوله اخفاء الصدمه:انت الشخص اللي متقدملي! حاتم:ايوه انا نيره بانفعال:يعني أنا بقالي اسبوعين بدور عليك وانت مختفي ومش معبرني وافتكرتك انك نسيتني وده حقك وانك لقيت بنت وحبتها ولاحظت اللي قولته فسكت.... حاتم بعفوية:مكنتش اعرف ان أفرق معاكي اوي كده يانيره أنا حاولت بعد آخر مره أن انساكي وان اكمل حياتي بس معرفتش لاني حبيتك بجد حبيت عيوبك قبل مميزاتك ده مكنش مجرد اعجاب لأنك قربتي ليا فتره أو انك شخصيه مميزه حاولت كتير اشغل نفسي وانساكي بس معرفتش كل لحظه كنت بفكر فيكي لحد ماجيت وقررت اتكلم مع اخواتك واتقدملك رسمي نيره حسيت بفرحه اثر كلامه بس من الصعب الاعتراف بذلك:عشان كده مكنتش بترد عليا بس عمتا انت اتكلمت معايا في الحوار ده وانا رديت عليك أن مبحبش الارتباط والعلاقات ايه اللي يخليك تتحمل واحده معقده🤨 حاتم:عشان بحبك يانيره وعارف كل ده بس مفيش حد بيتحكم في قلبه ولامشاعره أنا عارف رايك بس حبيت اتقدملك رسمي امكن تصدقي أن فعلا حابب وجودك معايا مش بضحك عليكي وناوي اجرحك اتمني تدي فرصه لعلاقتنا وهنعمل خطوبه وقتها لوحسيتي نفسك مضايقه وانك رافضه الفكره تماما أنا هنسحب من حياتك خالص يانيره هسيبك يومين وياتردي عليا يااخواتك يردوا عليا وقربت منها وهمست بأذنها ومهما عملتي عشان تبيني نفسك وحشه فانتي حلوه الفستان قمر عليكي ياجعفر نيره بخجل خفي:اتلم بدل ما يطلع عليك جعفر🙄 حاتم بضحك:معتقدش هتقدري تعملي حاجه وقربت منها وطبعت قبله علي خدها سلام وسبتها واتجهت لداخل ******* ليلي:كنت واقفه في الشرفه وقلعت السلسله وفتحتها فأنا كملتها وحطيت صوره بابا في ناحيه وماما في ناحيه حسيت بخطوات رجله وقربه مني عارف انها وحشتني جدا مش فكره حاجات كتير بينا لان كنت صغيره بس طول عمري بتمني أنها مكنتش تموت في الحادثه ديه وان تفضل معايا فكل لحظه كريم بنبره خافته:قعدت علي كرسي قريب وخدتها في حضني ربنا يرحمها ليلي:بس عارف برغم أن عانيت كتير طول سنين حياتي وكنت كل لحظه بتمني الموت بسبب اللي مريت بيه كان صعب عليا من فقداني لماما لمعامله احمد ليا لجوازي من أسر وطلاقي ومشاكل كتير بس بعد كده ربنا عوضني عن كل ده بوجودك ياكريم وان من غير مااحس بقي عندي عائله كبيره اه فيها بعض مشاكل بس متاكده أن هيجلها يوم وتتحل لوكنت أعرف في يوم أن ده مستقبلي مكنتش كرهت حياتي ونفسي أنا ممتنه جدا لصدفه اللي جمعتنا بعد فتره طويله وأنها السبب أننا سوا او يمكن السبب خالتي كريم بابتسامه:امكن عشان ده كان قدرنا أن نبقي مع بعض بس الوقت هو اللي كان غلط وقتها او أنا اللي كنت غبي سيكا ليلي بضحك:لامش سيكا كتير علفكره😂 كريم بغيظ:ربنا يصبرني علي دبشك انتي ونيره😒 ليلي بضحك:ايوه ربنا مايحرمك منا ياكيمو ونفضل قارفينك في حياتك لقيته شدني من خصري وقربني منه في ايه كريم:مسحت علي وجنتيها بخفه ورغم انك مطلعه عيني بس انتي احلي حاجه حصلتلي معدتش قادر اتخيل حياتي من غيرك يالوله عارفه لاول مره هعترفلك أن مكنتش مجبر علي جوازي من الاول منك انا كنت ممكن أرفض ببساطه زي مارفضت كتير قبلك ليلي بعدم فهم:بس انت عملت كده عشان خالتي كريم:لاانا اكتشفت أن عملت كده وانا موافق وراضي عن ده لان كنت محتاج وجودك معايا ومازلت ناقص من غيرك ياليلي ورحت جبت حاجه ورجعت فكانت ورود بيضاء شوكولاته وده يالوله ليكي ليلي بفرحه:الله شوكولاته وورد💃بس مفيش مناسبه يعني كريم بنبره خافته:قعدت علي كرسي وشدتها لحضني اولا مش لازم يكون فيه مناسبه معينه ولسه محضرلك مفاجئه يوم فرحنا اللي فاضل عليه أقل من أسبوعين ليلي بابتسامه:بس احنا لحد دالوقتي مجهزناش اي حاجه يعني أعتقد ناجله كريم بعفوية:متشغليش نفسك بالترتيبات أنا هعمل كل حاجه انتي عارفه انها كلها فتره وهيبان عليكي اثار حمل وعشان متفهميش غلط عشان حابب محدش يعرف غير بعد فرحنا عشان متحصلش كارثه وكمان محضرلك مفاجئه وكمان بفكر نسافر كام يوم ليلي بابتسامه:بس انا مكنتش هفهمك غلط ياكريم أنا حابه ده كله يعدي علي خير عشان انت عارف كل مناسبه بيحصل ايه وكمان ربنا يخليك ليا ياكيمو وتفضل تجبلي ورد كده بحبك كتيررر ورحت حضنته كريم بضحكه خافته:طفله في نفسك اوي يالوله يعني انتي عارفه أن قيمتك اكبر من فكره ورد وشكولاته لقتها بعدت شويه ليلي بابتسامه ممزوجه بتذمر طفولي:أنا مش طفله بس بحب الحاجات البسيطه اللي بتبقي جايه بحب وبحب الشكولاته جدا وحبيتها اكتر الفتره ديه🥰💃 وبعدين انا مبهتمش بالمظاهر ديه كلها وجودك جنبي وحضنك احلي عوض وهديه ليا كريم:احبك يالوله وانتي كائن رومانسي هادي كده بعيدا عن الدبش والجنان ورحت طبعت قبله علي خدها مش معقول ان كل يوم احبك واحترمك اكتر عن اليوم اللي قبله لحد مابقي قلبي كله ملكك ليلي:كنت لسه هتكلم بس قطع كلامي بقبله فبادلته اياها متناسيه قلقي اللي من غير سبب ******* ميرا:كنا بنتمشي علي البحر منك لله ياسيف كنت خلتني غيرت الفستان أو لبست كوتشي بدل منا ماشيه بهيلز وهقع بيه قريبا اه يارجلي انت بتضحك عليا😒 سيف بضحك:اه الصراحه مش قادر شكلك مسخره لقتها سرحت في ايه😂 ميرا بابتسامه شارده:ضحكتك قمر يسطا ياللي مبنشوفهاش غير كل سنه مره خايف علي سنانك قول يعني متتكسفش🙄 سيف برفعه حاجب:حطيت ايدي في جيبي بتعاكسيني ياميرا🤨 ميرا بضحك:قلعت الجزمه ومسكتها في أيدي ايوه بعاكسك يسطا منكرش انك حلو علطول بس بضحكتك ديه بتبقي مز وغمزاتك قمرين وتتعاكس الصراحه😂😉 سيف بابتسامه خفيه فحاول إخفائها:قربت منها منا قدامك لشهور مفكرتيش تعاكسيني ولامره اشمعنا دالوقتي ميرا بعفوية:قربت منه وحاوطت عنقه بزراعي عشان انت مكنتش مديني فرصه لده بس بسبب تصرفاتك وشكك كنت بتعامل معاك بحذر لكل كلمه بقولها أو تصرف حاليا أنا علي طبيعتي وبتصرف بعفوية لقيته حاوط خصري وقربني منه مقولتليش ليه بقي جينا هنا سيف:حبيت نتمشي ونقضي وقت مع بعض شويه ونوعا ما كتعويض عن اخر مره خرجنا وكملنا سهرتنا في المستشفي وكنت وقتها عايز اقولك حاجه ميرا:يعني مر كذه يوم علي الحادثه ديه ليه مقولتليش كنت عايز ايه بس عمتا ايه بقي اللي كنت هتقوله سيف بابتسامه:كنت مستني وقت مناسب مش اكتر انتي عارفه أن عندي بعض مشاكل بس بحاول اصلح من نفسي واعتقد انك لاحظتي ده الفتره الاخيره أنا مبعرفش اعبر عن مشاعري اوي ياميرا يعني أنا موخرا ولما بعدتي عني فتره اكتشفت أن ابتديت احبك واحس بمشاعر ناحيتك وأمكن ده اللي خلاني ادي رده فعل غبيه شويه لأن مكنتش حابب اقع في نفس المشكله وان اتعلق بحد وأحبه ويرجع يسبني انا حابب أن اقضي بقيه حياتي معاكي ياميرا انتي قدرتي ترجعيني لطريق الصح واتحملتيني كتير وانا حابب اعوضك عن كل ده وعن كل دمعه نزلت من عينك بسببي أو حزن دخل لقلبك بسببي برضو ميرا بابتسامه خافته:يااه ياسيف استنيت الوقت ده بقالي فتره وانا كمان بحبك وحضنته وبعدت عنه شويه بس مننكرش انك بقيت رومانسي سيكا ومن غير ماياخد باله وخدت شويه مايه في أيدي وحدفتها عليا سيف:يامجنونه وفضلت اجري وراها وشبه غرقنا بعض ميرا بضحك:ينهار ازرق اتبهدلت انت السبب وكنت لسه هتحرك فرجلي اتلوت حاول يلحقني بس معرفش فوقع ووقعت فوقيه اااه سيف بضحكه ممزوجه بالم:ااه ايه يامجنونه أنا اللي اتكسرت ووقعت ميرا بضحك:مهو برضو انا وقعت سيف:اه عليا ااااه ياضهري ميرا بضحك:تعيش وتاخد غيرها ياحبيبي وبصتله وقعدنا نضحك علي شكلنا😂😂،فااحنا بالرغم أن اتبهدلنا بس قضينا وقت حلو سوا ******* ليلي:صحيت الصبح وكنت مقرره اروح ازور ماما بمان انهارده ذكري عيد ميلادها وهي وحشتني بدلت هدومي لفستان اسود في ابيض واتجهت لخارج حبيت اروح لوحدي فخدت العربيه واتجهت لهناك جبت ورد كنت اعرف انها بتحبه وبعد فتره وصلت واتجهت لداخل سقيت الصبار اللي هناك وقعدت قدام قبرها وحطيت الورد ياااه ياماما وحشتيني كتير عارفه انو انهارده عيد ميلادك وقلعت السلسله وفتحتها عارفه أن كملتها واخيرا وعرفت سر الحرفين وحبيت بابا جدا رغم أن اتعرفت عليه من فتره صغيره وكمان مفاجاتي التانيه ليكي ان واخيرا امنيتي اتحققت أنا حامل واتحسست علي بطني واخيرا حياتي بقت كويسه وعائلتي كلها معايا بس انا مفتقده وجودك جدا سبتيني بدري اوي وفرت دموع من عيناي بتمني اشوفك وتاخديني في حضنك وتبقي جنبي عارفه كمان بعد ١٠ايام هيكون فرحي علي كريم كان نفسي تبقي جنبي في الفتره ديه انا جبتلك الورد اللي بتحبيه أنا متاكده انك حاسه بيا وقعدت قرتلها قرآن ومعرفش ازاي نمت صحيت علي صوت فكانت الدنيا ليل أنا ازاي نمت كده زمانهم قلقنين عليا بس ايه الصوت اللي سمعته ده كان حد بيناديني لالا اكيد بتخيل محدش هنا قومت من مكاني وعدلت هدومي وبصيت علي المكان اللي سمعت منه الصوت فلقيتها واقفه ورايا فااضطربت نبضات قلبي وصار صدري يعلو ويهبط ماما!!.... يكمل
