نيره:كنت هطلع زجاجه المياه بس وقعت فكنت ماسكه الدريكسيون ونزلت شويه عشان اجبها بس فوقت علي صوته
حاتم بصراخ:نيررررره!!!حاسبي وحاولت أن احرك الدريكسيون والحق العربيه قبل اصتدامها بالعربيه الأخري وان تتقلب
نيره بخوف:وانا بحاول اسيطر علي السياره اصتدمت بشجره وارتطم راسي فحسيت بدوار حاتم ومفيش حاجه وكان اتحول ماحولي الي ظلام وفقدت وعي
*******
ليلي بتنهد:كنت واقفه بحضر الاكل لكريم لأن الخدامه كانت واخده اجازه انهارده حسيت بتعب ودوخه تاني حاولت السيطره عليها بس معرفتش
كريم بقلق:كنت رحتلها عشان اساعدها بس لقيتها بتفقد توازنها فااتجهت ناحيتها بسرعه وسحبتها بعيد عن البوتجاز ليلي حاسبي كنتي هتحرقي نفسك ليلي انتي كويسه
ليلي بتعب:اه أنا كويسه بس حسيت بدوخه شويه لقيته سندني لحد كرسي وطفي البوتجاز وجاب كرسي وقعد قدامي
كريم:طالما تعبانه كده مكنش فيه داعي ياليلي كنتي قولتيلي وكنت هتصرف اتصل بالدكتور
ليلي:لامش لدرجاتي أنا مرهقه شويه بس مش اكتر هيبقي كويسه متقلقش بس الاكل
كريم بضحك:يعني أنا خايف عليكي وانتي تقولي الاكل متقلقيش قفلت عليه هروح احط ليا وليكي لأن مش هاكل لوحدي
ليلي باعتراض:بس انا مليش مزاج اكل ياكريم لقيته جاب الاكل وجيه
كريم:أنا متأكد أنك ماكلتيش وأمكن ده اللي خلاكي تتعبي وكمان مش هاكل لوحدي خدت معلقه واكلتهالها
ليلي:أنا كده اكلت كل انت بقي لان بجد مش قادره
لقيته صمم واداني معلقه كمان فمقدرتش امسك نفسي وحسيت بغثيان فقومت مسرعه لغرفتي واتجهت لحمام وتقيات
كريم بقلق:لقيتها خارجه من الحمام ووجها شاحب ليلي أنا هتصل بالدكتور انتي شكلك واخده برد
ليلي:أنا كويسه مش عايزه دكتور هرتاح شويه وهتحسن لقيته حملني واتجه بيا لسرير أنا كويسه بجد
كريم بقلق:مش واضح من شكلك ياليلي واتصلت بدكتوره بعد فتره جت وفحصتها هي كويسه
الدكتوره بابتسامه مطمئنه:اه متقلقش هي كويسه مفهاش حاجه هي شويه تعب صغيرين وده طبيعي يحصل هكتبلها علي شويه ادويه
ليلي بعفوية:شوفت قولتلك انو شويه ارهاق وخدت برد في معدتي ولاايه يادكتوره
الدكتوره بضحك:لامش كده خالص انتي واضح انك متعرفيش
كريم بعدم فهم:متعرفش ايه هي كويسه
الدكتوره بابتسامه:اهدي الأعراض ديه طبيعيه لأنها حامل ده كان قصدي مبروك
ليلي بعدم استيعاب:انتي متاكده اني حامل يادكتوره
الدكتوره:ايوه مبروك لوعايزه تتأكدي اعملي تيست حمل او تحليل دم عن اذنكم وطلعت من الغرفه فهو وصلني لباب
كريم:وصلتها وطلبت حد من الامن يروح يجيب حاجه ويرجع بعد شويه كان رجع خدت الحاجه منه واتجهت لغرفتنا فكانت شارده قعدت جنبها ومسحت علي وجنتها بخفه اول مره اشوف واحده عرفت انها حامل ومضايقه كده
ليلي بقلق:أنا طبعا مش مضايقه بس خايفه وانت اختفيت فتره وسبتني لوحدي
كريم:خايفه من ايه أن يطلع تشخيصها غلط يعني
ليلي بتوتر:انا خايفه افرح اني حامل لأن ديه حاجه كنت يتمناها من فتره ويطلع لا وهبقي عيشت نفسي في وهم من تاني وان انت اكيد برضو هتتضايق لاني عارفه انك حته لوكنت عارف ومعترضتش بس اكيد نفسك يبقي عندك طفل تاني واكيد هيجي يوم وتسيبني وده حقك و...لقيته قطع كلامي بقبله
كريم بنبره مطمئنه:بعدت عنها شويه بس لسه كنت قريب منها مسكت ايديها ليلي أنا عمري مااقدر اسيبك واتجوز تاني عشان حوار الخلفه لو ربنا أراد ورزقنا بطفل ده هيكون اسعد يوم في حياتي لانه جزء منك ياليلي لكن لومحصلش أنا مش مضايق لانك كل حاجه في حياتي ياليلي ومحدش بيتخلي عن حياته ولاايه طلعت اللي كنت جايبه ده تيست حمل اعمليه عشان تتأكدي وتهدي تمام واي كانت النتيجه اعرفي اني دائما جنبك
*******
نيره:فوقت اثر المياه البارده اللي اترمت عليا اعااا وابتديت افوق أنا فين لقيت ايدي ورجلي مربوطين وبصيت جنبي لقيت حاتم برضو مربوط جنبي وفيه جرح في رأسه أثر اصتدامنا فكوني والاصدقوني هتندموا
مجدي بسخريه:مبتبطليش تهديد وصوت عالي ابدا فكراني ولاافكرك بنفسي
نيره:وانا اقدر انسي برضو الاشكال اللي زيك كان حقتي اكسرك كلك يومها مش دراعك بس
احمد بانفعال:مسكتها من شعرها مش هتلمي لسانك بقي بس متقلقيش هنربيكي هنا واعلمك ازاي تحرمي ترفعي صوتك ولاايدك حته
حاتم بانفعال:خالي اللي انت بتعمله ده غلط انت ومجدي مكنتش متخيل أن توصل بيكم لكده سبوها تمشي
مجدي بجمود:مش هسيبها تمشي غير لمااخد حقي
وهمست بإذنه واضح انك حبيتها وهاخد حقي منك برضو بانك اتخليت عني وفضلت اختك وعائلتها
حاتم بعصبيه:انت اكيد مجنون يامجدي انا غلطان أن بعد اللي كنت هتعمله مع ليلي طلعتك من السجن وقولت هتعقل
نيره بسخريه:بتاخد حقك بانك تربطنا كده طبعا مانتوا الاتنين أجبن من بعض وياترا هتربوني ازاي وانتوا اللي اصلا محتاجين التربيه لقيت احمد ضربني كف علي وجههي نزف أثره فمي
احمد بعصبيه:اخرسي وشديتها من شعرها والاصدقيني مش هتطلعي من هنا عايشه يانيره اخواتك اللي هيحموكي مش موجودين وحاتم ومربوط زيك وانتي مش هتعرفي تعملي حاجه
نيره بتماسك:وانت فاكر ان من القوه انك تستقوي علي بنت لاوكمان مربوطه عشان انت عارف ممكن يحصل ايه لوفكتني
مجدي بسخرية:بنت انتي مصدقه نفسك بس عندك حق برضو للي ميعرفش اللي بتعمليه ولالسانك انتي حلوه في الخلاصه مزه
حاتم بعصبيه:اتلم يامجدي وخلينا نمشي من هنا
احمد:عمتا ياابن اختي وانتي كمان عملين ليكم مفاجئه كمان شويه هتشوفوها يلايامجدي عشان لوقعدت دقيقه كمان هقتلها
حاتم بقلق:نيره انتي كويسه مكنش لازم تستفزيهم كده
نيره بعفويه:متقلقش حاجه بسيطه احنا لازم نهرب قبل مايرجعوا بمصيبه تانيه حركت رجلي لجنب بمحاوله إخراج حاجه معرفتش اوووف وبعد محاوله عرفت أخرجه
حاتم بصدمه:انتي شايله مطوه يانيره ليه
نيره بابتسامه:لزوم الكوارث يسطا ومسكتها وبعد محاولات قدرت اقطع الحبل بتاع ايدي واخيرا وفكيت رجلي واتجهت ناحيته وفكيته احنا لازم نخرج من هنا قبل مايرجعوا لسه هنخرج لقناهم رجعوا ومعاهم ست رجاله ههه واضح أن ليلتنا سوده
******
كريم:مر فتره وهي مخرجتش من الحمام ليلي انتي كويسه ليلي لقيتها فتحت الباب كان فيه دموع في عينيها فاستنتجت أنو طلعت مش حامل ليلي صدقيني مش نهايه الدنيا أنا يكفيني وجودك جنبي وبس
ليلي بابتسامه ممزوجه بدموع:قربت منه واحتضنته ولسه كنت هتكلم لقيت سيف دخل الغرفه فابتعدت عن كريم
سيف:أنا اسف بس الباب كان مفتوح بس فيه مشكله وعايزك ياكريم
ليلي بقلق:في ايه
سيف:مفيش ياليلي مشكله تبع الشغل وكده أنا مستنيك بره ياكريم
كريم بعفوية:ليلي نتكلم لما نرجع تمام وطبعت قبله علي خدها عمي وميرا رجعوا تمام حاولي تقعدي معاهم عقبال ماارجع وسبتها واتجهت لخارج خير
ياسيف عملت مصيبه تانيه
سيف:أنا عارف انك مضايق مني وليك حق بس الموضوع مش يخصني هو يخص نيره مرجعتش لحد دالوقتي لبيت هي كانت مع حاتم وموبايلهم الاتنين مغلق وده مش حاجه مطمئنه يعني هو انت بتثق في حاتم لحسن يكون متفق مع قريبه ولاحاجه اللي نيره كسرته
كريم بجديه:لاانت بتقول ايه اكيد لومش واثق فيه مكنتش هخليه يدخل البيت من الاول اصلا كده ممكن يكون الاتنين واقعين في مصيبه عربيه نيره فيها جهاز تتبع متوصل بالاب بتاعي هشوف اخر لويكيشن وقفت العربيه فيه فين وفتحت الاب وبعد شويه ظهر المكان تمام عرفته هي كده كانت راجعه علي البيت تعال معايا معاك مسدسك فهز رأسه وانا خدت بتاعي من درج المكتب يلا
*******
احمد بسخريه:كنتوا فاكرين انكم هتهربوا بسهوله ده في احلامكم عمتا انتي هتخرجوا من هنا بس مش عايشين اتمني مفاجئتي تعجبكم قوموا بمهمتكم يارجاله وهي بالذات مش عايزها عايشه أو فيها حته سليمه
رجل منهم:انت تؤمر متقلقش مش هتاخد معانا حاجه
حاتم:نيره مستحيل نقدر نخرج احنا الاتنين من هنا أنا هشتتهم وانتي تهربي ومن غير اعتراض
نيره:لا مش هيحصل أنت وقعت هنا بسببي وصدقني أنا قادره اتعامل معاهم جايبلي سته ياااحمد علي اتنين مش رجوله ياجدع انك تعمل كده بس شكلك هتخسر فلوس علي الفاضي لانك مش هتعرف تنفذ اللي انت عايزه وهتحتاج تعالجهم وتعالج نفسك انت وابن اختك
مجدي بعصبيه:انتوا مستنين ايه أنا عايزها تتكسر لحد ماتركع عند رجلي وتطلب السماح وان اسيبها
نيره:ابتدوا أن يهجموا علينا طبعا سته علي اتنين كتير كنت بحاول اتفادي الضربات علي قد مااقدر بس كانت بتيجي فيا برضو تشت انتباهي مع حاتم وان ملموم عليه تلاته وبيحاول يقاوم فمخدتش بالي من الضربه اللي جت في وجهي جبتني الارض وفمي الذي ينزف وهو واحد منهم نازل ضرب برجله في بطني كنت حسه من كتر الالم هفقد وعي
حاتم بصراخ:نيررره!!أبعدتهم عني وزقيته بعيد عنها ونزلت ضرب فيه مش هسيبك والباقي اتلم عليا
نيره بتماسك:ابتديت افتح جفوني من تاني اثر سماعي تذكري لكلامته الساخره أنا اقوي من أن اخسر انهارده مش نيره اللي يتعمل معاها كده وابتديت اقوم وخدت المطوه اللي كانت معايا ووقعت واتجهت ناحيتهم وانهلت بالضرب عليهم وابعدتهم عنه وبعد معانا وتعب قدرت أنا وهو أن نخلص عليهم وإن يبقوا كلهم في الأرض قومت من الأرض ومسحت الدم الذي خرج من فمي
احمد بصدمه:رجعت بعد شويه لأن ملقتش اي صوت فافتكرتهم خلصوا عليهم دخلت لقيت الرجاله السته في الأرض انتي اكيد مجنونه مش انسانه طبيعيه لا
نيره بسخريه:عندك حق شوف مين اللي هينقذكم من تحت ايدي ورحت قربت منه واديته بالركبه في بطنه وقعته الأرض تحت رجلي وانهلت فيه ضرب وحاتم اتولي أمر مجدي
حاتم:نيره كفايه هيموت تحت ايدك وهو ميستاهلش وبعدتها عنه
نيره بعصبيه:بعدني عنه هو يستاهل اكتر من الموت شايف كان السبب بأننا وصلنا لحاله ديه
حاتم:بس ميستاهلش انك تضيعي حياتك بسببه
نيره:لسه كنت هتكلم لقيته حضني ولف بيا فبقي هو اللي واقف مكاني ماحسستش غير بانتفاضه جسده وصوت مسدس فبعدت شويه فكانت ملامحه شاحبه حاتم لاااا
حاتم:أنا آسف يانيره
نيره بخوف:اسف علي ايه وقبل مااكمل لقيته فقد وعيه حاولت اسنده بس معرفتش اوي بس منعت ارتطامه بالأرض جايه ارفع ايدي لقيتها غرقانه دم
لاااا حاتم فوق حااااتم!!
مجدي:ياااه اخيرا كنت عايزها تيجي فيكي بس عشان بيحبك خدها بدالك وانقذك مكنش في نيتي اقتله بس كنت عايز اقتلك انتي ووجهت المسدس ناحيتها ودالوقتي مفيش حاجه هتمنعني
نيره بصراخ:قومت وقفت قدامه اقتلني مستني ايه اخاف مستحيل تشوف ده ومن غير ماياخد باله دبيت المطوه في أيده اللي فيها المسدس فوقعه
مجدي بالم:ااااه يامجنونه مش هرحمك وجبتها من شعرها أن ماوريتك قيمتك
نيره بسخريه:متقدرش وقبل مااعمل اي حاجه سمعت صوت رصاصه والتي أصابت ساقه وقع علي الارض يصرخ من الالم فلقيته كريم وسيف فجريت عليهم
كريم بنبره خافته:خدتها في حضني انتي كويسه
نيره:أنا كويسه بس هو اتصاب بدل عني
كريم:تمام اهدي كل حاجه هتبقي كويسه روح شوفه ياسيف
سيف:فحصت نبضه هو لسه عايش بس لازم ننقله المستشفي لانه نزف كتير
كريم:مفيش حاجه وكانت الشرطه جت وخدتهم وده لان بلغت بالمكان قبل مااوصل بشويه سندت حاتم أنا وسيف واتجهنا لأقرب مستشفي
*******
ميرا بعفوية:قعده لوحدك ليه جبت نونو وقولت نسليكي عشان بابا نام مالك
ليلي بتنهد:هو كريم وسيف راحوا فين يعني هما راحوا علي أساس في مشكله في الشغل وكده بس انا قلقانه وحته ملحقتش اقول لكريم اللي كنت عايزه اقوله
ميرا بضحك:اه قولي كده ده اللي مضايقك أن جوزك وحشك ومعرفتيش تكلمي معاه ورحت غمزتلها كنتي هتقوليله ايه يالوله أنا اختك برضو
ليلي بابتسامه:خدت نونو منها وقعدتها في حضني مفاجاه محدش يتوقعها ورحت ميلت وطبعت قبله علي خد نونو بعد فتره هيبقي عند نونو اخ او اخت صغنن
ميرا بفرح:بجد انتي حامل أنا مش مصدقه نفسي وقومت من مكاني وقعدت اتنطط هبقي خالتوا لقمر صغنن هييييي💃💃 ورحت حضنتها
ليلي بضحك:اهدي يامجنونه هتفطسيني أنا والبت لقيتها بعدت وحكتلها اللي حصل بس كده وقبل مااقوله كان سيف جيه ومتقوليش لحد أنا هقولهم بس بطريقتي
ميرا بابتسامه:دائما بيبوظ اللحظات أنا عارفه،تمام مش هقول لحد بس هو انتي مش ناويه تقولي لكريم اللي بتعمليه من وراه
ليلي بتنهد:مش حال ده جوزك اللي بتمدحي فيه ده، بس لاياميرا أنا هصلح كل حاجه كريم عملي حاجات كتير وانا عايزه اردله ده وكمان هو أسر حاليا بيعمل ايه عشان ده اول واحد اقلق منه
ميرا:حاليا مبيعملش حاجه سكوته ده وراه مصيبه واتمني أن يكون تفكيري غلط وان يكون اتغير
*******
أسر بابتسامه:هااا يادكتوره ناويه تكلمي ولامترجعيش بيتك احسن
الدكتوره بخوف:عايز ايه مني خلتهم يخطفوني ليه
أسر بعفويه:بكل بساطه كنتي بتعملي ايه في بيت مالك بليل كده
الدكتوره:بس انا مقدرش اقول ديه حاجه تخص المرضي بتوعي وديه مش اخلاق الدكاتره
أسر:خلاص خليكي مشرفانا هنا ومترجعيش لعائلتك
وممكن ائذيهم برضو
الدكتوره بخوف ممزوج بدموع:لالا أنا هقول أنا روحت البيت لأن كانت مدام ليلي تعبانه شويه
أسر:ايوه تعبانه مالها اتكلمي
الدكتوره:عشان هي حامل وديه من اعراض الحمل بس هي مكنتش تعرف ابوس ايدك خليني اروح انا قولت كل حاجه اعرفها
أسر بصدمه:انتي متاكده من انها حامل ولالا
الدكتوره:متاكده هتخليني امشي
أسر:شكرا جدا يا دكتوره وصلوها يارجاله لمكان اللي خدتوها منه بعد مامشيوا قعدت علي المكتب أوه انهارده عرفت احلي خبر بس احنا بينا تسويه خلافات كتير سواء معاكي أو مع جوزك كريم مالك لوفاكره أن هسيبك تتهني بحياتك وبابنكم تبقوا غلطانين اسف بس شكل ابنكم هو اللي هيدفع تمن اغلاطكم وانو مش هيشوف النور ولاهيجي لدنيا...
يكمل
أنت تقرأ
قيود الماضي
Acakعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
