الدكتور:واضح أن مدام مرڤت مش مدياكم خبر بحالتها واللي بتعانيه امكن مقدرتش تقولكم بس هي صحتها تعبانه والانفعالات بتزود تعبها هي محتاجه تعمل عمليه بس هي رافضه ده
كريم بصدمه:عمليه ايه يادكتور
الدكتور:مدام مرفت عندها مشاكل في القلب والمفروض تعمل عمليه بس هي رافضه ومستمره علي ادويه بس من رأي أن لازم تعملها افضل
سيف:طيب هي ليه رفضت اكيد فيه سبب
الدكتور:اه فيه احتمال العمليه متنجحش ولاقدرالله قلبها يقف وفيه احتمال لنجاحها برضو سبب رفضها وتحملها لالم عشانكم بس هي محتاجه تعمل عمليه قلب مفتوح اتمني تقنعوها بده وسبتهم ومشيت
كريم بتماسك ظاهري:دخلتلها أنا لأن سيف مقدرش وفضل قاعد بنور بره عامله ايه دالوقتي
مرڤت:كويسه بس فين ليلي هو مخدهاش صح
كريم بعفوية:متقلقيش هي هنا في المستشفي بس واخده مهدئ فمش في وعيها متتعبيش انتي نفسك وارتاحي
مرڤت:مش هقدر ارتاح ياكريم احمد ده مجنون حاولت اسيطر علي الموقف ومعرفتش كريم عشان خاطري خلي بالك من ليلي أنا مقدرتش أوقفه سعات جوازها من أسر بس حاليا لا كفايه اللي مرت بيه
كريم:لماتتحسني نبقي نتكلم في الموضوع ياماما لازمك راحه
مرڤت بجديه:أنا كويسه ياكريم بس انت لازم تعرف اللي حصل وحكتله كل حاجه كريم انا وافقته علي اللي قاله عشان احمي ليلي بس لواكتشف الحقيقه معرفش هيعمل ايه اه بتمني من كل قلبي انكم تتجوزوا لأنكم مش هتلقوا احسن من بعض بس مينفعش اعمل زي احمد واجبركم وكلام ليلي صح مكنتش المفروض الفتره اللي فاتت اضغط عليك بموضوع الجواز بس انا كنت عايزه اطمن عليك مش اكتر متضايقش مني
كريم بابتسامه:مسكت ايديها وبوستها مش مضايق أنا عارف انك كنتي بتعملي كده لمصلحتي أنا ونور أنا آسف لوكنت سبب تعبك الفتره اللي فاتت أو أن ضايقتك ياماما
مرفت بابتسامه:مستحيل اضايق منك ياكريم حته مهما قولت
كريم بابتسامه:أنا معنديش مشكله أن اتجوز ليلي
مرڤت بفرحه:بجد انت موافق
كريم:ايوه بس بشرط ياماما
مرفت:قول اللي انت عايزه وانا موافقه بس انت صعب تحاول تقنع ليلي أن توافق
كريم بعفوية:متقلقيش من الناحيه ديه هتصرف بس لوحصل هتوافقي تعملي العمليه ياماما
مرڤت بتنهد:بمانك عرفت فيحلها ربنا ياكريم لووافقت واتجوزتوا هكون مطمنه عليكم وهوافق اعملها ياكريم
...............
ليلي بتعب:قومت لقيت نفسي في اوضه فاستنتجت ان لسه في المستشفي أنا لازم ابعد عنهم مش هستحمل اكون سبب في اذيه حد فيهم لقيت ورقه كتبت عليها حاجه وخرجت من الغرفه لمحت سيف قاعد بنور بعيد شويه أنا اسفه ورحت اتجهت لخارج استنيت اتوبيس ركبته واتجهت لبيتي بعد فتره وصلت
ميرا بصدمه:ليلي ايه اللي عمل فيكي كده ردي عليا لقيتها دخلت جوه وطلعت الشنطه وهدومها وابتدت تحط هدومها ليلي انتي هتروحي فين ردي عليا
ليلي:هسافر فتره ياميرا لحد الامتحانات وهرجع تكون الدنيا هديت أنا مكنتش لازم أقابل كريم واوافق اروح اشوف خالتي كل ده حصل بسببي
ميرا:اهدي وقوليلي ناويه علي ايه وحصل ايه
ليلي:حكتلها كل حاجه ميرا أنا مش هقدر افضل كده هريح الكل
ميرا:بس اللي انتي بتعمليه غلط لأمتي هتفضلي تهربي جربي تكلمي كريم لمره واحده
ليلي بضيق:لا انا عارفه أن الموضوع صعب عليا ولوقابلته هرجع في قراري وهتحصل مشاكل تاني اه منكرش أن قضيت يوم حلو معاهم وان تعبت من الوحده والهروب بس مقدميش حل تاني وسبتها واتجهت لحمام اغير هدومي
ميرا بتنهد:اعمل ايه بس وانا خارجه من الاوضه لمحت موبايلها منور باسم كريم فكرت كتير وبعدين قررت ارد
كريم بقلق:ليلي انتي فين اسمعيني الاول وبعدين قرري اللي انتي عايزاه
ميرا بنبره خافته:احم انا ميرا صديقه ليلي هي مقرره تسافر وتسيب كل حاجه وحقيقي مش قدره أوقفها
كريم بصدمه:اديني العنوان وانا هاجي بسرعه حاولي تعطليها علي قد ماتقدري ياميرا لوسافرت تاني هيبقي صعب اوصلها ماتحسسهاش انك كلمتيني كمان
ميرا:حاضر هبعتلك اللوكيشن وبعدين امسح كل حاجه قبل ماتخرج من الحمام نص ساعه مش هعرف اعطلها اكتر من كده
كريم:تمام قفلت معاها وبعتتلي اللوكيشن سيف خلي بالك من نور وانا هروح الحق المجنونه التانيه قبل ماتسافر
سيف بتنهد:تمام متقلقش بس اتمني تعرف تقنعها
كريم بعفوية:متقلقش أنا عارف كويس هعرف أقنعها ازاي
ليلي:أنا همشي بقي عشان متاخرش
ميرا:لااستني أنا حضرت فطار بمانك هتبعدي عني فتره فعشان خاطري تعالي اقعدي معايا شويه قبل ماتمشي نص ساعه مش اكتر
ليلي بتردد:طيب موافقه بس نص ساعه بس عشان متاخرش وقعدت معاها علي السفره وخلتني اقعد اكل معاها
ميرا في نفسها:أنا اسفه ياليلي عارفه انك هتضايقي من اللي عملته بس انا لازم اوقفك عن اللي هتعمليه بس يارب ميتاخرش فوقت من شرودي موجوعه ياليلي
ليلي بابتسامه حزينه:معدتش تفرق ياميرا مش اول مره اضرب يعني اتعودت عارفه أن هيوحشني وجودك ياميرا انتي اختي أنا مضطره امشي عشان الوقت وحضنتها ولسه هروح اجيب شنطتي لقيت الجرس رن انتي مستنيه حد ياميرا
ميرا:هااا لاخالص ممكن حد من الجيران استني اشوف ورحت فتحت الباب عرفته من خلال وصف ليلي ليه قبل كده هي جوه
كريم بعفوية:واخده شنطتك ورايحه فين ياليلي
ليلي بانفعال:انت عرفت البيت ازاي ماشي ياميرا بعتيني وقولتيلوا بس انا مش هغير قراري ريح نفسك
كريم:متاكده
ليلي:اه وقبل مااكمل لقيته شدني من ايدي واتجه لغرفه وقفل الباب انت بتعمل ايه اوعي ياكريم خليني امشي لقيته بيقرب فابتديت ارجع لورا لحد مالتصق ظهري بالحائط لقيته حاصرني
كريم بنبره خافته:فيه حد يودع اقرب الناس بيه بورقه بس عمتا انا مش هسمحلك انك تسافري
ليلي بانفعال:وانت مين عشان تمنعني ياكريم خليني امشي ده اريح لكل
كريم بنبره خافته:أنا ابقي ابن خالتك وهبقي جوزك فمن حقي امنعك
ليلي بعدم استيعاب:انت اكيد اتجننت جوزي ايه ده مش هيحصل لاني هسافر
كريم:وانا بقولك مش هتسافري يعني مش معقول لحقتي تكسري وعدك اللي ادتيه لماما انك متقطعيش علاقتك بينا وبمجرد ماتعبت شويه ودخلت المستشفي قررتي تهربي كالعاده ياليلي ده انسب حل بتشوفيه بس جاوبيني لما هربتي من خمس شهور مشاكلك اتحلت بالعكس فضلت زي ماهي واسوء انتي بثبتي بكل مره انك ضعيفه لانك بتفضلي الهروب عن مواجهه مشاكلك
ليلي بسخريه:متحلتش ياكريم بس انا مش ضعيفه ومش بهرب بارادتي ومش بكسر وعدي بسهوله ياكريم بس انت شايف وجودي لمجرد يوم معاكوا ايه اللي حصل وانا معنديش استعداد حد يتاذي بسببي جيت امشي لقيته رجعني لمكاني كريم قولتلك مش هرجع في قراري
كريم بعفويه:ليلي محدش هيتاذي ليه بتعاقبي نفسك من غير سبب ليلي أنا جيت لحد هنا عشان امنعك تسافري وبعرض عليكي انك تتجوزيني أنا محتاجك ياليلي
ليلي:واشمعنا دالوقتي بتقول كده لوبسبب شفقتك عليا ياكريم فااكيد مش موافق
كريم بنبره خافته:قربت منها اكتر مين بيتجوز من واحده حاليا بدافع الشفقه أنا محتاج وجودك معايا ياليلي وبالنسبه لمشاكل فأنا قادر اتصرف معاها حابب تخشي بيتي المره الجايه وانتي بنت خالتي ومراتي ياليلي
ليلي:بس انت بتحب منه ياكريم وكان ده سبب رفضك لجواز فاليه وافقت حاليا وكمان عايز تجوزني أنا
كريم بعفوية:كنت رافض لأسباب كتير مش فكره اني رافض كليا بسبب اني كنت بحب منه هي عمرها ماهترجع ولاالحياه بتقف عمتا هسيبك تفكري لحد بكره الصبح واتمني توافقي وده هيفرح ماما كمان بس صدقيني لوفكرتي تهربي تاني مش هيحصلك خير ياليلي
ليلي بضيق:انت بتهددني ياكريم
كريم بابتسامه:قربت منها وهمست بأذنها لاانا اقدر اهددك برضو يامراتي المستقبليه ده مجرد تحذير مش اكتر ورحت طبعت قبله علي خدها سلام اشوفك بكره بقي وسبتها واتجهت لخارج
...............
مر النهار ليحل الظلام،سيف باستغراب:انت ليه واثق أنها هتوافق ليه مقولتلهاش علي موضوع العمليه بتاعت ماما وشرطها
كريم بتنهد:محبتش امشي الموضوع كده كأنه صفقه ومضطره توافق عليها ياسيف يعني ده نوعا ما هيجرحها اتمني توافق ويصدق احساسي
سيف بتنهد:باللي مرت بيه عشان توافق علي جواز تاني ده محتاج معجزه ياكريم ماشي عندك حق في كلامك بس هو لوحصل هيبقي جواز حقيقي فعلا
كريم بعفوية:مقدرش احدد حاجه حاليا ياسيف يعني اه هي هتبقي مراتي بس مش هيحصل حاجه غير لمااحس بمشاعر ناحيتها وكمان هيكون برغبتها وبس ولازم اتكلم مع ابوها بس ده بعد جوازنا بمانه معتقد حاليا أنها مراتي
سيف:هتكلم معاه في ايه ده مجنون ياكريم ميمشيش بالكلام هو مش في الحبس بسبب شكوي ليلي
كريم:بكبيره يومين ويطلع بكفاله انا لوعليا ممكن اخليه في الحبس بسبب اللي عمله بس مهما يكن هيفضل ابوها أنا عايز اعرف نقطه ضعفه كنت عارف أن بيحب الفلوس بس عايزك تتأكد من ده
سيف:انت هترشيه يعني مش فاهم
كريم بعفوية:لواتاكدت من ده هديله شيك بمبلغ مقابل أن يمضي علي ورق هخلي المحامي يجهزه بأنه يفضل بعيد عنا ولوحصل وعمل اي مشكله او اتعرض لليلي هيتحبس
سيف بابتسامه:فكره حلوه يسطا هدورلك ورا الموضوع وهقولك
. ********
ميرا بعفوية:بت تبقي مجنونه لورفضتي الواد مز وقمر وجيه لحد عندك عايزه ايه تاني وبسببه هتخلصي من مجدي وابوكي هتعيشي حياه طبيعيه وأمكن تلقي السعاده اللي ملقتهاش
ليلي بتنهد:ليه مش فهماني ياميرا فيه حاجه ورا إصرار كريم والاهو مش هياخد خطوه بالمنظر ده انا مش عايزه اتجرح تاني ياميرا مش هستحمل أنا عايشه كده كويس
ميرا:فين الكويس ياليلي انتي بتوهمي نفسك بلاش تاخدي قرار تندمي عليه ادي كريم فرصه وانا متاكده انو مستحيل يجرحك بصي من ناحيه انو محتاج حد جنبه يعني مش هيقضي بقيه حياته وهو شاب كده لوحده ولقاكي مناسبه بمانك بنت خالته ويعرفك كويس
ليلي بتنهد:اووف أنا زهقت هنام احسن ولااقولك روحي اتجوزيه انتي انا مالي اخلص من أسر ألقي كريم واديتها ضهري وغمضت عيني ونمت صحيت علي صوتها في ايه سبيني انام منك لله
ميرا:اصحي بقي بقينا الضهر وكريم جيه وقاعد بره
ليلي بدهشه:قومت علي اثر كلامها ايه قاعد بره
ميرا بضحك:اه واللهي عملتله قهوه وقولت اصحيكي
ليلي بنفاذ صبر:قومت غيرت هدومي وسرحت شعري ولميته كحكه وطلعت صباح الخير
كريم بضحك:قصدك مساء الخير نومك تقيل
ليلي بتنهد:ملكش دعوه بس يعني موركش شغل ولااي حاجه فجيت دالوقتي
كريم بعفوية:ايه يابنتي الدبش ده مانتي عارفه جاي ليه هااا يالوله قرارك ايه
ليلي:مش عارفه بس مش مرتحالك ياكريم معرفش ليه
كريم بضحك:مش مرتحالي ليه هو أنا متقدملك جواز صالونات مثلا مش حال انك بنت خالتي ولاده رفض بطريقه شيك
ليلي بعفوية:لاانا مخدتش قرار اصلا
كريم بتنهد:تمام ممكن افهم ايه اللي شاغل تفكيرك امكن اريحك
ليلي بعفوية:تمام اولا لوانت في يوم هتندم علي قرارك ده اواتسرعت فيه فياريت تقولي لان أنا اتجرحت بمفيد كفايه وقلبي اتكسر ومش هقدر اعيد تاني اللي عيشته
كريم:أنا مبندمش علي قرار باخده ياليلي وانتي عارفه ده كويس ومفكرتش اجرح حد غريب عني عشان اجرحك انتي
ليلي:أنا بثق فيك ياكريم بس انا
قطعتها بعفوية:عارف انك صعب تاخدي خطوه في علاقه جديده بسبب اللي مريتي بيه أنا بقولك ادي لعلاقتنا فرصه انك توافقي حاليا علي جوازنا بانك تفضلي في بيتي ومش هيحصل بينا حاجه غير بارادتك بس في الوقت ده اتمني الموضوع يبقي بينا بس كده ارتحتي ولافي حاجه تاني
ليلي بابتسامه:تمام بس انت لازم تعرف أن سبب من أسباب طلاقي فاني اتاخرت في الخلفه وإن عندي شويه مشاكل
قطعني بضحك:ليلي معانا العمر كله ياحبيبتي وحته لوربنا مرزقناش بأطفال فديه اراده ربنا وعندنا نور وانتي اصلا طفله تانيه ياليلي فيه اي حجه تانيه هااا اعتبر هدوئك ده موافقه
ليلي بتنهد:معتقدش انك سببت حجج تانيه ياكريم قفلتلي كل حاجه فموافقه
كريم بعفوية:تمام اجهزي وهاجي اخدك بليل
ليلي بدهشة:ماتهدي يسطا بليل ايه مش حاسس ان بدري شويه ناجلها حبتين حته تكون ڤوڤو خرجت من المستشفي
كريم بضحك:ماهي مش هتفرق انهارده بليل من يوم تاني أعتقد يعني أنك عرفاني كويس وكمان هعملها لماما مفاجئه ولماتتحسن وتخرج نبقي نعمل فرح
ليلي بصدمه:فرح مين لمواخذه
كريم بضحك:فرحنا ياليلي
ليلي بصدمه:اعاااا هنتجوز انهارده بعد فتره صغيره فرحنا لاكريم احلامك بقت كتيره اقولك علي حل حلو أنا هدورلك علي عروسه تتجوزها وارحم دماغي
كريم بتنهد:لقيت ميرا رجعت فقومت اتجهت ليها
ميرا:نقول مبروك
كريم:أنا همشي دالوقتي وهرجع علي حوالي٨تكون جاهزه وياريت ياميرا تعملي فيا خير وتعقليها
..............
حاتم بعفويه:انتوا خرجتوا بس اتمني متعملوش حاجه تانيه يعني اللي عملتوه كفايه انسوها
احمد بعصبيه:انت بتقول ايه انت عارف هي عملت ايه اشتكت علينا لشرطه وخلتهم يحبسونا ديه مستحيل تكون ليلي وانا مش هعديلها اللي عملته
حاتم بانفعال:خالي انت واعي للي بتقوله كفايه سيبها انت اللي وصلتها لهنا عمرها ماكانت كده بس بسببكم وصلت للي هي فيه
مجدي:اسكت بقي انت اللي قلبك رهيف ولامتكونش عشان اختك هي غلطت ولازم تاخد عقابها وأننا نربيها من الاول
احمد بسخريه:لومش هتبقي معانا ياحاتم يبقي ملهوش لازمه وجودك معانا بس فكر أنك تدعمها سعتها ملكش مكان بينا نهائيا قرارك ايه ياابن اختي
حاتم:.....
يكمل
أنت تقرأ
قيود الماضي
De Todoعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
