ليلي بابتسامه:رجعت البيت علي بليل واتجهت لداخل بس لمحت سيف قاعد علي جانب المسبح فاتجهت ناحيته قاعد لوحدك ليه يسطا أو مالك مكشر كده ليه
سيف بتنهد:ولاحاجه ياليلي أنا كويس
ليلي:مش واضح ده خالص مش انت بتعتبرني اختك مش مرات اخوك فقولي حصل ايه
سيف:انتي عارفه انك كده ياليلي بس انا عارف أن الغلط من عندي ولوقولتلك هنتخانق مع بعض وانا مش حابب ده لان بدايه خناقتي كانت بميرا وبعدين اتخانقت أنا وكريم شويه
ليلي:تمام ايه اللي حصل ووعد هتكلم من غير خناق
سيف:بمانك مصره وحكتلها كل اللي حصل معايا من اول كلامي مع ميرا لحد كلامي مع نيره فلقتها بتبصلي بصه غريبه في أيه ياليلي انتي هتقتليني ولاايه
ليلي بتنهد:صبرني يارب أنا اكيد عملت حاجه عشان ربنا يرزقني بابن خاله مجنون زيك تمام هتكلم بهدوء يعني ليه ياسيف مبتفكرش قبل ماتكلم بزمتك ميرا هيكون هدفها ايه من تقربها منك هي بتحاول تصلح علاقتكم مش اكتر وبتديك فرصه بس انت اللي غبي ياسيف
سيف بغيظ:مفيش اي احترام لأني اكبر منك طيب ولازم تحترميني شويه بدل مابتهزقيني كده
ليلي بعفوية:انت عارف أن مبناش احترام من زمان يسطا وبعدين مكنوش كام سنه،يعني انت بجد شايف أن ميرا زي مريم منكرش أن الإنسان لما بيعيش صدمه بيبقي صعب يتعايش معاها وانو ممكن يشوف الناس كلها وحشه بس لأمتي يعني
منكرش أن كنت كده في فتره بس ماذتش غير نفسي واللي حواليا ياسيف
سيف:بس انتي موضوعك مختلف ياليلي يعني ده غير انك كنتي بتحبي كريم اصلا ده ساعدك تتغيري
ليلي:طيب بص ياسيف تجربتي كانت اسوء من اني اتخطاها عشان حبي لكريم وبس يعني فكر تعيش مكاني ياسيف انت خسرت حبيبتك وبس أنا خسرت كتير ياسيف مع ذلك مدمرتش نفسي كده اتقبلت حياتي الجديده كان أبسط حاجه ممكن اعملها أن مرجعش البيت بعد اللي حصل بس كنت هبقي ظلمت اللي حواليا وبالأخص كريم قبل نفسي لأن ملهوش دعوه انت بتعمل نفس الحوار مع ميرا بتظلمها من غير ذنب شوفت لما قلبك اتكسر لسه موجوع لحد دالوقتي حط نفسك مكانها وانت بتكسرها كل يوم بقله ثقتك وشكك ياسيف انت بس مش بدمر نفسك واللي حواليك متنساش أن انت السبب في العلاقه ديه من الاول اوعدني انك تصلح من نفسك وافتح قلبك وانسي الماضي
سيف:حاضر اوعدك بده ياليلي بس ممكن تكلمي مع كريم لأن هو متعصب مني ومضايق
ليلي بضحك:انت عايزني اموت انهارده وتخلص مني ولاايه عشان اقرب من كريم وهو متعصب
سيف بسخريه:وعامله نفسك مبتخفيش من حد وانتي أول واحده بتخاف منه وبتحبه معرفش ازاي
ليلي بضحك:اولا مبخفش منه بس هو عصبيته زياده وانا مش ناقصها وبحبه ده شئ لاسف مفكرتش فيه قبل مااحب كائن عصبي ومجنون زيه مش بيقولك الحب اعمى ولاايه😅
سيف:لوسمعك هيشعلقك في اقرب نجفه
ليلي بعفويه:مهو مش هيسمعني وبعدين عادي مبخفش منه وهثبتلك وهروح اتكلم معاه بس علي شرط اخر مره تحصل حاجه زي كده عشان متجربش عصبيتي أنا مش لذيذه برضو وممكن اتجنن عن كريم
سيف بقلق:لاوعلي ايه أنا ناقصك انتي كمان كفايه عليا كريم بلاش تتحولي انتي كمان
*******
كريم:كنت قاعد شارد في المكتب بس فوقت من شرودي علي دخولها ليلي مش رايق فخدي معاكي الباب وروحي شوفي هتنامي ولاهتعملي ايه بس سبيني لوحدي
ليلي بابتسامه:قربت منه كنت هقعد علي المكتب بس دوخت وكنت هقع فلحقني وراح شدني فوقعت في حضنه فكنت ممسكه بطرف قميصه
كريم بتنهد:ليه مبتاخديش بالك من نفسك ياليلي كنتي هتوقعي
ليلي بنبره خافته:بس انت لحقتني
كريم:بس انا مش موجود علطول معاكي ياليلي وكمان أنا قولتلك عايز اقعد لوحدي ومبتسمعيش الكلام ليه
ليلي بابتسامه:حاوطت عنقه مهو أنا مش عايزه اقعد لوحدي ياكيمو فقولت لما اجي ازهقك وبعدين فيه حد يطرد مراته حبيبته كده
كريم:عايزه ايه ياليلي مهو مجيتك كده مش بدون سبب اكيد
ليلي بعفويه:عيب عليك ياكيمو يعني لمااجي اطمن عليك وازهقك يبقي فيه حاجه ورحت قربت منه وطبعت قبله علي خده مالك
كريم:هتفضلي قعده كتير يعني علي مااتذكر كنتي بتخافي حد يجي فاجئه
ليلي بضحك:لاعادي أنا حابه الاقعده في حضنك كده ياكيمو محدش هيجي اصلا حته لو فرضا وجيه فأنا مراتك ولاايه
كريم باستغراب ورفعه حاجب:وده من أمتي يالوله يعني حقيقي بحس أن الاسبوعين دول خلوكي شخص تاني
ليلي بضحكه تخفي الكثير:لاخالص أنا زي منا ياكيمو
هبقي مختلفه ازاي يعني انت اكتر شخص عارفني
كريم:مهو عشان انا اكتر حد عارفك حاسس ان فيه حاجه متغيره يعني مبقتش قادر احدد ردود أفعالك زي الاول وتصرفاتك غريبه بحسك احيانا مخبيه عني حاجه
ليلي بعفويه:يعني هيكون حصل ايه في اسبوعين ياكريم انت عارف أن اغلب الوقت كنت مكتئبه وفي البيت بس بطل تفكر كتير ياكيمو بس مقولتليش مالك
كريم بتنهد:فيه كذه حاجه شاغله دماغي ياليلي تبع الشغل كمان اختفاء مريم مشاكل سيف
ليلي بعفوية:وتفتكر أن مشاكل سيف هتتحل بالخناق
كريم بعصبيه:انتي عرفتي بقي وده سبب انك جيتيلي هو حكالك مش كده انتي شايفه اللي عمله صح فجايه تدافعي عنه مثلا
ليلي بعفوية:بعدت عنه ووقفت قدامه ليه كل حاجه وخدها بعصبيه اديني فرصه اتكلم أنا مجتش بسبب اني ادافع عنه انت فعلا وحشتني فجيت اشوفك بتعمل ايه وقولت بالمره اتكلم معاك لولقيتك فاضي تفتكر العصبيه الحل أنا مقولتش تصرفاته صح بس انا حسه باللي بيمر بيه لاني كنت زيه ساعت ماوافقت نتجوز بالسرعه ديه رغم اني كنت اعرفك من زمان بس مكنتش قدره اثق فيك وقتها بسبب اللي مريت بيه افتكر كويس أن بسبب تصرفاتك وانك بتدعمني خلتني اتغير مش كل حاجه بالعصبيه أنا عارفه أن سيف اخوك بس هو محتاجك معاه وتدعمه لحد مايتحسن توجهه لصح بهدوء مش بخناق
كريم بضيق:خلصتي اللي بدافعي عنه ده فاكر ان كل حد بيقرب منه لمصلحه حته أنا بعمل كل ده عشان مصلحتي انتي مكنتيش كده ياليلي اه جرحتيني كتير واعتبرتي جوازي منك مصلحه عشان نور بس كان حقك لكن سيف مش من حقه يتهمني بحاجه زي كده لأنه المفروض عارف أن طول حياتي بدور علي مصلحته قبل مصلحتي مش هو الوحيد اللي مر بازمه أو خسر حاجه ياليلي
ليلي:قربت منه واحتضنت شفتيه في قبله التي بادلني اياها لما لاحظت ارتخاء أيده علي خصري فبعدت عنه شويه واحتضنت وجهه بين كفي وتخللت ايدي لخصلات شعره كريم اهدي أنا اسفه أنا بدل مااجي أهديك عصبتك اكتر لقيته قرب مني اكتر فجيت ابعد كنت هقع علي المكتب اعاا فلقيته حاوط خصري وجذبني ليه
كريم بابتسامه:دائما بتوقعي كده ياليلي مش تخلي بالك لامست وجنتيها بخفه زي مانتي بتعصبيني بقيتي عارفه ازاي تهديني عمتا مش حابب نقضي وقتنا مع بعض في خناق
ليلي بعفوية:عشان انا مش اي حد بس،احنا مكناش بنتخانق كنا بنتناقش في حاجه تخص عائلتنا ولاايه
كريم:تمام عارف ده ومش هنتفق لأن وجه نظرنا مختلفه ياليلي انتي بتحكمي بمشاعرك قبل عقلك وانا العكس فهنتخانق وكمان انتي كمان وحشتيني وحابب نقضي وقت سوا بعيد عن كل المشاكل ديه
ليلي بنبره خافته:بس انا مش بحكم بمشاعري بس ياكريم الا لوحاجه تخصك غير كده معدتش عاطفيه
كريم بابتسامه وفي نفسه:الايام جايه كتير وهتثبتلنا أن كنتي فعلا زي ماكنتي ولاده من ضمن التغيرات اللي حصلت في خلال الاسبوعين واللي معرفش سببه ايه بس نظراتك وتصرفاتك وردود أفعالك مختلفه وانا لازم في اقرب وقت اعرف السبب ورا ده ايه
*******
ميرا بتنهد:أنا عرفت انك عايزه تمشي فليه فيه حاجه ضايقتك
ريهام:أنا مش مضايقه من حاجه بس حاسه اني متقله عليكم وكمان عايزه ادور علي بنتي
ميرا بعفوية:اولا انتي مش متقله علينا ولاحاجه احنا بنعتبرك بمثابه ام لينا وبالنسبه لبنتك احنا فعلا محتاجين معلومات اكتر عنها عشان نقدر نوصلها عندي اقتراح انتي اكيد فاكره عناوين قديمه لعائلتك وكده قوليلي علي اي عنوان منهم امكن اوصل لحاجه لقيت موبايلي رن فلقيته سيف فقفلت هاا
ريهام:ده جوزك مش كده
ميرا بتنهد:اه
ريهام:طيب ليه مردتيش عليه امكن قلقان عليكي
ميرا بعفويه:لامتاخديش في بالك شويه كده وابقي أكلمه قوليلي بقي علي اي عنوان ممكن يساعدني وانتي فكراه
ريهام بتنهد:تمام هقولك علي عنوان بيت بابا بس معرفش هو..
ميرا:اممم تمام هسال واشوف وانشاء الله اوصل لحاجه قريب والقيلك بنتك
ريهام:اتمني ده هو ليلي بقالها كام يوم مبتجيش ليه هي وحشتني وكمان اخر مره جت كان فيها حاجه هي كويسه
ميرا بابتسامه:أه هي كويسه متقلقيش المره الجايه هجبهالك معايا كنت حاسه بإحساس غريب ناحيتها امكن لاني مفتقده لحنان الأم اللي حسيته منها في الفتره الاخيره وانا عمري ماعشته لاني يتيمه أو اني مضايقه أنها بسببي مش فاكره اي حاجه وان حسه بالذنب ناحيتها بس مش هرتاح غير لما القي بنتها ليلي
******
ميرا:رجعت علي البيت علي حوالي١٠ واتجهت لغرفتي فلقيت سيف في وشي بس عملت نفسي ولاكاني شوفته
سيف:ياااه اخيرا جيتي كنت بكلمك مبترديش ليه ياميرا
ميرا بجمود:مخدتش بالي انك رنيت موبايلي كان صامت كنت لسه همشي لقيته مسك ايدي خير في ايه
سيف:اولا مردتيش علي سؤال ثانيا ايه الأسلوب ده بسألك بكل هدوء كنتي فين وكنت بكلمك..
قطعتني بعفويه:كنت حابه اقعد لوحدي عايز تقتنع اقتنع مش عايز براحتك وان تقتنع بتفكيرك عادي جدا اللي هو غالبا أن كنت بره مع حبيبي اللي بخونك معاه
سيف بضيق:ميرااا!!اتكلمي معايا عدل ومتنسيش اني جوزك
ميرا بعند:لابراحتي وبالنسبه انك جوزي فأنا معدتش بعتبرك كده زي مانت مش معتبرني مراتك وموجوده في حياتك ياما بتشك فيا أنا مش مجبره احترمك وانت لا عشان مجرد خيالات في دماغك ومش صح مش كل مره هقعد ابرر عملت كده ليه وفي الاخر متصدقنيش برضو فخلاص نريح نفسنا ونخلي كل واحد في حاله
سيف:بمعني ايه كل واحد في حاله انتي واعيه بتقولي ايه
ميرا بجمود:ايوه واعيه بقول ايه أنا مش هقدر اعيش مع كم الشك ده لمجرد انك مريت بتجربه فاشله مش ذنبي اني اتحملها كفايه انك ورطني في علاقه معاك وكسرت قلبي عملت حاجات كتير عمر ماعلاقه بتتبني من عدم وجود ثقه ولاحته حب حته لو كان من طرف واحد أنا قررت اللي هعمله وهو أن بعد شهر ننهي علاقتنا وتطلقني ياسيف وكل واحد يروح لحاله
سيف بسخريه:ميرا ده اللي كنتي عايزاه من الاول لو حد بيحب حد مبيستسلمش بالسهوله ديه
ميرا بانفعال:بجد انت متعرفش حاجه لما رجعت هنا كنت نسيت فكره انفصالنا وكان عندي امل بس معدش موجود انت مبتثقش في حد مش مشكلتي أنا بس ده انت حته شكيت في اخوك اللي مفروض اقرب حد ليك وعارف انو مستحيل يكون عايز حاجه غير مصلحتك لأمتي هتقعد ترمي أخطائك علي غيرك وتطلع نفسك المظلوم انت حته وعدك ليا كسرته ورجعت تشرب تاني وشويه وترجع لحياتك من تاني وسهرك مع البنات مفيش اي امل عشان مستسلمش واكمل،اه أنا بحبك ياسيف وديه غلطتي أنا عشان اخترت ادي قلبي لشخص الغلط علي امل انو يتغير بس مفيش امل انت مريض فعلا
سيف:....
يكمل
أنا عارفه أن اتاخرت جدا في تنزيل البارت ده وبعتذر جدا عن المواعيد اللي ملغبطه بس مكنتش قادره اكتب واظبط مواعيدي الفتره اللي فاتت وهحاول أن متاخرش تاني بالمنظر ده وياريت اي حد بيقراها وعنده ملاحظه علي الروايه سواء بالايجاب أو السلب فيقولها واسفه مره تانيه❤️
أنت تقرأ
قيود الماضي
De Todoعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
