نيره:وادي مشكله كمان مااحنا مش بنخلص لازم نتكلم مع كريم وسيف في اقرب وقت ويعرفوا الحقيقه قبل الدنيا ماتخرب اكتر من كده محستش بوجوده بس فوقت علي صوته كريم!!
كريم:حقيقه ايه انتي عامله ايه ومخبيه عليا يانيره عارفه لوحاجه من مصايبك هشعلقك
نيره بنبره خافته:الحمدلله مسمعتش حاجه
كريم:بتقولي حاجه
نيره:لاولاحاجه مش وراك شغل روحه بدل ماتتعطل
كريم:هروح وقربت منها علي الله اعرف انك عامله مصيبه ومخبيه عليا يانيره
نيره:ههه لاتقلق مفيش حاجه كنت بهزر أنا وميرا بعد مامشي اووف اخيرا خلصت منه هنعمل ايه دالوقتي
ميرا:اعتقد أن خلي بابا يتكلم معاهم اصلا انتي عارفه انهم بيحبوه وهيتقبلوا كلامه فاهمه
نيره:تمام ياميرا المهم نخلص من الحوار ده
*****
حازم باستغراب:طلبت نتقابل بره العياده وانك عايزني ضروري خير
سيف بتنهد:انا محتار ومش عارف اتصرف فعشان كده كلمتك
حازم:ليه حصل ايه انت اتكلمت معاها
سيف:ايوه وحكتله كل اللي حصل مين بيحب حد بيجرحه بالمنظر ده
حازم:تمام اقولك أن بسبب اللي عملته وقالته انت قررت تعالج نفسك وتجيلي اخواتك كانوا بيتعاملوا معاك بهدوء بس ده منفعش كنت محتاج حد يواجهك بالحقيقه بطريقه تخليك تكشفك قدام نفسك وان دائما متعملش نفسك الضحيه لظروف اللي حواليك وان لازم الكل يتفهمك ويتحمل شكك بس لأمتي الموضوع كان بيزيد مش بيقل هي بتحبك فعلا حد غيرها كان طلب الطلاق من اول شهر بس هي كانت بتحاول معاك بكذه طريقه عشان تتحسن اه اللي عملته صعب وجرحك بس انت اسال نفسك لوكانت معملتش كده وانت استمريت بأسلوبك ده حته مع اخواتك كان هيحصل ايه ياسيف
سيف:كنت هخسرهم بالبطئ أنا لحد اخر مشكله بيني وبين كريم معدش بيتكلم معايا زي ماكان الا لضروره بقالنا اسبوع علي كده عارف أن غلطت وهو بيعاقبني علي ده عارف لماحصلت مشاكل وبعدنا عن بابا متاثرتش لانه هو مكنش قريب مني امكن اتاثرت بماما شويه بس
قطعتني بجديه:كريم بالنسبالك مختلف مش كده
سيف:ايوه هو مش مجرد اخويا الكبير وان بينا فارق بسيط هو كان دائما جنبي وبيحاول يعمل كل حاجه عشان أخرج من المود ده رغم أن وقتها كان اتجوز تفتكر هيسامحني علي اللي قولته
حازم:متقلقش هيسامحك متنساش انو بيحبك ياسيف بس هتفرق معاه لمايلقيك ندمت فعلا واتغيرت انا حاسس ان ابتديت اشوف جزء من سيف صاحبي بتاع زمان مش الشخص اللي كان موجود الفتره ديه هتعمل ايه مع ميرا
سيف بحيره:معرفش حقيقي انا اكتشفت الفتره اللي فاتت أن مكنتش اعرف عنها حاجه ومبتوقعش رده فعلها بس
حازم:بس انت لازم تقرر انت عايز تعمل ايه تصلح علاقتكم ولاتنهيها اسال نفسك انت عايز تعمل ايه في حياتك يعني تكمل في علاقتك مع ميرا او لأ ولازم تاخد القرار بقلبك الاول قبل عقلك ياسيف عشان متظلمش نفسك برضو وترجع تندم بعد فوات الاوان
*******
ليلي بجديه:هااا قررتي ايه يامريم في اللي قولتهولك حابه تطلعي من غير اي حاجه ولابمبلغ حلو وتسافري وتبتدي حياه حلوه بعيد عن هنا مع الشخص اللي علي علاقه معاه او تفضلي مشرفانا فتره اطول
مريم:وإذا وافقت وعملت اللي انتي عايزاه وحليت سوء التفاهم وقلت الحقيقه وان عملت كل ده عشان أوقع بينهم محدش هيبلغ عني اوانتي تعمليها مثلا بعد مااوقع ورق الطلاق ده
ليلي:واللهي لوعايزه احبسك يامريم كنت عملت ده بس انتي متهمنيش في شئ غير أن عايزه اصلح سوء التفاهم اللي بين عائلتي وحصل بسببك وبسبب طمع عمتي والشيك وجواز السفر والتذكره جاهزين لماتوافقي وتوقعي الورق وانتي حره بقي في اللي تعمليه بعد كده
مريم:وايه اللي يضمنلي بعد مااعمل كل ده تاذي حد من عائلتي
ليلي بجمود:أنا مش زيك يامريم اديتك وعد واتفاق ومش هرجع فيه انتي كنتي عايزه فلوس وحياه جديده احسن ماتطمعي اكتر واخلي عمي يشوف الفيديو اللي مع حبيبك وهتطلقي برضو بس من غير اي حاجه لانك ببساطه خاينه يامريم وهتبقي فضيحه حلوه وياعيني مامتك مش هتتحمل الصدمه ديه
مريم:لالا خلاص قولي انتي عايزه ايه بالظبط وانا اعمله بس بشرط أن اخد الفلوس وانا أو عائلتي محدش يتاذي واسافر وهما معايا
ليلي بابتسامه:حلو الكلام ده هقولك اللي هتعمليه كويس جدا ومتفكريش تخرجي عنه عشان انتي عارفه ايه اللي هيحصل وقتها كمان كام يوم هتنفذي اللي هقولك عليه ورحلتك هتبقي بعديها بكام ساعه
*******
بعد مرور أسبوع،ميرا:دخلت غرفتي علشان اقعد اشوف حاجات فأنا وليلي منذ فتره انتهينا من امتحانتنا واصبحنا نتدرب مع محامي شركه مالك واحيانا مع بابا برضو كنت لسه هدخل الحمام عشان اخد شاور بس لمحت حاجه علي السرير فرجعت تاني كانت علبه كبيره مين جابها هنا فلقيت فيه ورده جنبها وتحتها ورقه ففتحت الورقه وابتديت اقراها اتمني تعجبك هديتي وذوقي ياميرا امكن ديه اول هديه ادهالك أو يمكن انتي اول حد اديله هديه بعد فتره أنا متأكد أن هيطلع عليكي حلو هستناكي في المكان اللي لقتيني فيه قبل كده علي الساعه٧ السائق هيوصلك بس لومجتيش هفهم ده أنك لسه مضايقه مني وممضي تحت باسم سيف أنا قريته بتاع مرتين لحد مااستوعبت أن سيف ممكن يعمل حاجه زي كده سبت الورقه وفتحت العلبه فلقيته فستان كان رقيق وشكله حلو ابتسمت ورحت لبسته وبعد شويه كنت انتهيت من ميكب خفيف يتناسب مع الفستان واكسسوارات بسيطه ولميت شعري وسبت بعض الخصلات
الفستان
أنت تقرأ
قيود الماضي
Diversosعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
