ميرا:بس ظهرت امامي امرأه لم اعرف من اين اتت فكان الشارع لايوجد به احد حاولت فرملت السياره قبل اصتدامي بها ولكن كان الوقت فات فلقد اصتدم جسدها بالسياره بقوه فاارتطم رأسها بالأرض أثناء سقوطها نزلت من السياره سريعا واتجهت ناحيتها فكانت تنزف بغزاره فرفعت رأسها علي رجلي فكانت فاقده الوعي وأصبحت ثيابي ويدي مملوءه بالدماء أنا بخاف كثيرا من الدماء حاولت ادور علي اي حد ملقتش حاولت تمالك اعصابي وتحسست نبضها فلقتها لسه عايشه فبعد محاولات استطعت أن انقلها لسياره واتجهت لأقرب مستشفي وبعد فتره كنت وصلت والدكتور نقلها لغرفه العمليات مكنتش عارفه اكلم مين فااتصلت بليلي
ليلي بعفوية:ايه ده اخيرا افتكرتي تكلميني
ميرا بدموع:ليلي أنا عملت حادثه
ليلي:ايه انتي كويسه فينك دالوقتي
ميرا:أنا كويسه بس خبطت واحده معرفش طلعت منين وانا في مستشفي كذه**متقوليش لحد ياليلي
ليلي:تمام مش هقول لحد كريم مش في البيت اصلا أنا هجيلك باي واتجهت لخارج خدت سياره ورحت باتجاه المستشفي وصلت بعد فتره وسالت ووصلتلها ميرا لقيتها جريت وحضنتني تمام اهدي كل حاجه هتبقي كويسه
ميرا بدموع:أنا معرفش حصل ده ازاي ياليلي أنا كنت جيالكم و...اووف
ليلي بتنهد:طيب انتي ليه مخلتنيش اقول لحد حته سيف
ميرا:عشان انا متخانقه مع سيف اصلا ياليلي وده كان سبب أن جيالكم شكرا انك جيتي
ليلي بابتسامه:انتي عبيطه يابنتي انتي اختي مش صحبتي وبس اهو الدكتور واتجهت ناحيته هي كويسه يادكتور
الدكتور"هي حاليا كويسه بس عندها كسر في زراعها الأيسر واحنا هنخليها في العنايه المشدده بس مقدرش أحكم علي أن الخبطه أثرت علي حاجه ولالا غير لما تفوق انتوا تقربوها
ميرا:لااحنا منعرفهاش أنا اسعفتها بس ليه السؤال
الدكتور"كنت فاكر انكم حد من أهلها لأن هي فاقت شويه وذكرت اسم ليلي كذه مره تقريبا تبقي بنتها فكنت فاكر انكم ممكن توصلولها
ليلي بعفوية:طيب احنا ممكن نشوفها أمتي يعني لماتقدر تكلم امكن نوصل لبنتها أو كده
الدكتور"من الأفضل انكم تيجوا بكره لأن هي مش هتفوق حاليا
ليلي:تمام شكرا يادكتور يلا ياميرا روحي معايا وافضلي عندنا انهارده وارجعي بكره البيت وانا هتصل بعمي واقوله ونرجع بكره الصبح
ميرا بتنهد:تمام بس انا هدخل البيت كده ازاي
ليلي بعفوية:هندخل من الباب الخلفي ياميرا وانا معايا جاكت البسيه ومش هيبان حاجه وهجبلك هدوم من عندي وبعد شويه وصلنا وعملت اللي قولتلها عليه وجبتلها هدوم خدي شاور وبدلي هدومك
ميرا:سيف مبيجيش هنا صح
ليلي بضحك:بتحبيه اوي الصراحه لامبيجيش لاوضه نور غير كل فتره لأن معظم الوقت بيبقي في اوضته أو أنا بطلعه منها واطلع عينه معرفش انتي بتكرهيه ليه أو متخانقين ليه
ميرا بتنهد:انتي معظم وقتك وحياتك مقضياها معاهم ياليلي فمتعوده علي سيف وهو بيعزك وبعتبرك زي نيره لكن أنا مبثقش في سيف ولاهو بيثق فيا علاقتنا ابتدت بكدبه وكمان معتقدش أن صفات سيف فيها حاجه تتحب ولاايه
ليلي بابتسامه:بصي ياميرا انتي عارفه أن مريت بتجربه صعبه واتعلمت منها كتير ومش بقولك كده لان سيف قريبي بس هو مختلف عن اللي انتي شيفاه كمان اللي فهمته أنو مر بعلاقه صعبه والبنت كسرت قلبه وثقته ومفيش اسوء من الحاجتين دول عشان يدمروا انسان ياميرا نتكلم بعدين الوقت اتاخر تحبي تنامي هنا ولاعند نيره ولااجهزلك اوضه الضيوف
ميرا بابتسامه:لاانا هفضل هنا مع نور سبتني ومشيت واتجهت لحمام خدت شاور وبدلت هدومي لبيجامه
اتصدمت لما طلعت من الحمام وكنت بجفف شعري انو في الاوضه وبيلاعب نور
سيف باستغراب:انتي جيتي امتي
ميرا:من شويه مع ليلي الجو بره اتغير ومعرفتش اروح عشان البيت بعيد
سيف بعدم اكتراث:عادي مش محتاجه التفاصيل ديه كلها البيت بيتك أنا بس مكنتش اعرف انك هنا وحملت نور وخدت لعبتها وقعدتها علي رجلي لقيتها بعد شويه قعدت جنبي بس مهتمتش
ميرا بعفوية:احم سيف كنت عايزه اتكلم معاك بخصوص اللي حصل من يومين انا اسفه علي كلامي وتسرعي يعني أنا كنت خايفه و
قطعني بسخريه:خايفه اممم وطالما كده وانك واثقه أن شخص وحش لدرجاتي ايه اللي قعدك معايا مخوفتيش كمان لحسن اعتدي عليكي بمان مكنش حد في البيت ميرا بلاش نتكلم في الحوار ده
ميرا بضيق:بتلومني وانت اصلا مبتثقش فيا
سيف بجدية:أنا مبثقش في حد ياميرا مش مشكلتك انتي بس وكمان انتي اصلا تصرفاتك وكلامك متخليش حد يثق فيكي بس بالرغم ده مجربتش اعيب فيكي كل شويه واطلعك اسوء انسانه،بحترم علاقتنا بالرغم أنك مبحترمهاش ولابتحترميني اصلا مش كل حاجه بتمشي بالاعتذار ياميرا لانها مش اول مره
ميرا بندم:بس علي الاقل اديني فرصه اصلح اللي عملته اوعدك أنها اخر مره اتسرع في كلامي
سيف:ميرا اقفلي علي الحوار تصبحي علي خير وقومت نيمت نور في السرير وطبعت قبله علي جبينها وخرجت من الغرفه
*******
تاني يوم الصبح،ليلي بابتسامه:قومت الصبح علي اثر اشعه الشمس فبصيت جنبي فلقيته دافن وجهه في عنقي ومحاوط خصري بزراعه ملامحه كانت هاديه وحلوه كنت بلعب في خصلات شعره بس قررت ازعجه فجبت خصله من شعري وحركتها علي وجهه وفضلت اعمل كده كذه مره ولما القيه اتحرك اسكت جيت اعملها تاني لقيته مسك ايدي ورفع رأسه فعملت نفسي نائمه
كريم بسخريه:علي أساس أنا كده هقتنع انك نائمه مثلا
ليلي بضحك:فتحت عيني فقابلت زرقاتيه لا اكيد
كريم بعفوية:اتغيرتي اوي ياليلي وبقيتي جريئه
ليلي بضحكه خافته:أنا لاخالص أنا ملاكك ياحبيبي وقربت ايدي واتحسست لحيته الخفيفه
كريم بضحك:ملاك واضح لوله انتي ابعد من انك تكوني ملاك ده كان زمان وميلت ناحيه شفتيها بس انا بعشقك بكل جنانك ومش عايز حاجه غيرك حته وان كنتي مطلعه عيني بس مع ذلك بحسك متخطيش الماضي ياليلي وفي كل مره بتبعدي عني بطريقه مختلفه
ليلي قضبت مابين حاجبي باستنكار: مش فاهمه قصدك ايه
كريم:زي انك اجلتي فرحنا ياليلي وتصميمك علي ده انا عارف أن جوازنا كان بسبب ضغط مني بس انا افتكرت انك اتقبلتيني في حياتك ياليلي بس تصرفاتك كل مره بتثبتلي العكس
ليلي بعفوية:حاوطت عنقه تمام أنا معترفه أن مكنتش موافقه كليا بجوازنا في الاول بس ده كان من فتره ياكريم أنا أجلت الفرح لأسباب تانيه مش مقصدي أن عشان مش متقبلاك في حياتي احنا اصلا متجوزين من فتره والكل عارف ده انت صحتك مش كويسه تماما وانا مش مستعده اخاطر بكارثه زي اللي حصلت في كتب كتاب سيف وميرا انت حبيبي وجوزي وكل حاجه في حياتي ياكريم،وأنا الماضي ملهوش اهميه بالنسبالي صدقني الفرح مجرد شكليات بالنسبالي علاقتنا اقوي من كده بكتير
كريم بنبره غريبه:حته لوعرفتي اي حاجه تخص الماضي ياليلي مش هتكون حاجز بينا
ليلي بابتسامه:اممم معرفش وقتها علي حسب بس كل اللي اعرفه ان صعب ابعد عنك ياكيمو وقومت من جنبه واتجهت لحمام خدت شاور وبدلت هدومي ولميت شعري بعد عناء فلقيته فكه حرام عليك ياكريم تعبت عقبال مالميته
كريم بنبره خافته:بس وانتي سيباه بتبقي احلي أنا بحبك كده يالوله
ليلي بابتسامه:اممم وانت كمان بتبقي ابتسامتك مع لون عينيك قمرين
كريم بضحك:بتعاكسيني يالوله مش بقولك اتغيرتي كتير بس علفكره أنا متجوز ومراتي بتغير حبتين
ليلي بمراوغه:اممم حاوطت عنقه بزراعي الصراحه ليها حق تغيير عليك لانك حلو بزياده محدش يقاوم القمر ده
كريم بابتسامه خبيثه:بجد محدش يقدر يقاومه قوليلها بقي وقربت منها وميلت ناحيه وجهها عشان هي مش مقدره ده ودائما بتبعد عني
ليلي بنبره خافته:بعدته عني شويه مش يمكن انت فاهم غلط وهي مستنيه الوقت المناسب مش اكتر
كريم بسخريه:ايوه والوقت المناسب ده مبيجيش مش كده
ليلي بابتسامه:هههه لامتهيالك قربت منه وطبعت قبله علي خده هروح اشوف نونو وهمشي قبل ماتاخر وسبته واتجهت لخارج
*******
ليلي بعفوية:مالك ياحزينه اتخانقتوا تاني
ميرا بتنهد:اه حاجه زي كده عمتا عادي اتعودت يلاعشان نروح المستشفي بعد فتره كنا وصلنا دكتور هي فاقت
الدكتور"لاسف فاقت بس اللي فهمته أنها عملت حادثه من سنين وهي نسيت كل حاجه بسبب الخبطه اللي اتعرضتلها ورجعت لسنه الحادثه القديمه
وحاولت اتكلم معاها وقدرت افهمها أن مر سنين علي الحادثه ديه وأنها فاقده الذاكره بس هترجعلها في آي وقت بس كل العناوين اللي قالتها والأرقام معدتش موجوده فمش عارفين نوصل لأهلها فيه اقتراحين أن احنا نوديها دار تهتم بيها أو انتوا تتكفلوا بيها وطبعا تفضل تحت رعايه الدكاتره كل فتره
ليلي بتنهد:طيب ممكن نقابلها فهز رأسه ودخلت أنا وميرا صباح الخير اهدي أنا عارفه انك متعرفناش انا اسمي ليلي وهي اسمها ميرا وحضرتك
ريهام بتعب:انا اسمي ريهام بس برضو انتوا مين
ميرا بعفوية:بصراحه انا بالغلط خبطتك امبارح بس الجو كان وحش ومقدرتش اسيطر علي العربيه لما طلعتي فاجئه ونقلتك علي المستشفي اتمني تكوني بخير وديه ليلي صحبتي واختي
ريهام بابتسامه متعبه:شكرا انك نقلتيني لمستشفي وجيتوا تطمنوا عليا رغم انكم متعرفونيش بس انا بنتي برضو اسمها ليلي زمانها في سنكم كده
ليلي بابتسامه:قربت منها طيب ياطنط ريهام انتي عارفه مكانها أو اي رقم تليفون نقدر نوصل لعائلتك
ريهام بدموع:لا لاسف أنا الارقام اللي افتكرتها ادتهالهم وطلعت قديمه واتغيرت ومعرفش اي حاجه
ليلي بعفوية:تمام عندي اقتراح ليكي احنا عندنا بيت فاضي ممكن تفضلي فيه لحد ماصحتك تتحسن ونقدر نوصل لحد من عائلتك
ريهام:بس انا مش عايزه اتعبكم ولااتقل عليكم
ميرا بابتسامه:لامفهاش حاجه أنا سبب اللي حصل واتمني تقبلي وتعتبريه نوع من الاعتذار والتعويض احنا في سن بنتك واعتبرينا زيها احنا حابين نساعدك واتجهت ناحيتها ومسحت دموعها أنا متأكده انك هتلقيها انشاء الله
******
نيره بتعب:كنت في النادي بجري ووقفت شويه اشرب مايه واتجهت لكافيتريا ايه ده مش ده حاتم واتجهت ناحيته
حاتم بدهشه:نيره احم قصدي حابه تطلب حاجه معينه
نيره بابتسامه:اه كوبايه قهوه بس انا اول مره اعرف انك بتشتغل هنا يعني اللي اعرفه انك بتشتغل موظف في شركه
حاتم بابتسامه:بشتغل شغلتين يانيره الصبح في الشركه بخلص ٣واجي هنا اشتغل في الكافيتريا القهوه اهي
نيره بتساؤل:هتخلص أمتي
حاتم:كمان ساعه علي٦كده انهارده يخلص بدري بس ليه
نيره بعفوية:تمام هستناك ونقعد شويه لو موركش حاجه
حاتم:معنديش هخلص وارجعلك كنت مستغرب تصرفها بس خلصت شغلي وكنت فاكر مش هلقيها بس لقيتها مستنيه فاتجهت ناحيتها وقعدت جنبها خير فيه حاجه
نيره بضحكه خافته:لايسطا مفيش قولت نقعد نتكلم شويه أنا فاضيه وبمان اتقابلنا صدفه وكده
حاتم بتساؤل:احم يعني بعد ماعرفتي أن بشتغل في مكان زي ده ومستوايا اقل منك يانيره يعني أنا عارف أن اختي تبقي مرات اخوكي بس ممكن حد يشوفك من صحابك وكده
نيره بعفويه:بزمتك ديه منظر واحده تبص لحد كده وبعدين وماله مش شغل شريف بالعكس كبرت في نظري لما بعدت عن خالك وعائلتك وبتحاول تقف علي رجلك بالعكس أنا لوحد شافني ولايهمني وبعدين أنا كنت عايشه عادي طول حياتي وكنت بشتغل في اوقات عشان اساعد ماما مش عشان عرفت أن عائلتي غنيه هتكبر علي غيري وبعدين مليش اصدقاء اصلا باجي لوحدي هنا كده ارتحت يسطا
حاتم باستغراب:اعترف انك مختلفه يانيره كتير عن أي حد ممكن يكون مكانك رغم عدم فهمي انك ازاي تبقي جعفر وتتحولي لهدوء ده
نيره بضحك:الله يخربيت جعفر يسطا صدقني انت مشفتش حاجه أنا عندي مواهب كتير اللي عملته في قريبك ده كان حاجه بسيطه لولا خطوبه اخويا كنت عملت العمايل
حاتم بضحك:اكتر من كده ده انتي خرشمتيه وكسرتي زراعه
نيره بابتسامه:اه اكتر من كده كنت هكسره كله عادي ولا يهمني أنا مبهتمش بحد واللي ياذي حد يقربلي أو ياذيني أمه داعيه عليه،بس عندي سؤال انت كنت ممكن تطلب شغل من كريم وهو اكيد مكنش هيرفض ده وهيبقي راحه بالنسبالك
حاتم بعفوية:مكنش ينفع اعمل ده يانيره أنا مش علي تواصل كبير مع اخوكي يعني فطلبي ده مكنش هيبقي حلو هيبان انو مجرد استغلال انو هو جوز اختي وانا مش كده وانا عمتا مرتاح في اللي بعمله
نيره بابتسامه:هو بالرغم أن كريم عمره ماهيفكر كده بس انت مختلف عن عائلتك مبسوطه أن اتعرفت عليك ياحاتم ايه رايك نبقي أصدقاء واطلع عينك بس مش اوي هعمل حساب القرابه نوعا ما بس برضو لازم تاخد حذرك من جعفر اللي جوايا
حاتم بضحك:لامن الاحسن أن يفضل جعفر نايم معنديش مشكله أن نبقي أصدقاء
نيره بحماس:هييي بمان كده وانت خلصت شغلك وموركش حاجه تعال معايا علي البيت واهو تعمل مفاجاه لليلي ومفيش اعتراض
********
كريم بتنهد:طلبتني ياعمي شريف خير في حاجه حصلت في الشغل
شريف:لاهي مش خاصه بالشغل عشان كده طلبت نتقابل بره هي حاجه تخص ليلي مراتك
كريم بعدم فهم:مالها ليلي مش فاهم
شريف بجديه:بصراحه ياكريم فيه حاجه انت متعرفهاش ليها علاقه بالماضي عارف لوكان كل حاجه انتهت وقتها مكنتش هفتح الموضوع ده لأن صعب عليا من سنين فقدت حد غالي علي قلبي واضطريت ابعد عنه سعيت كتير عشان اتعايش هتقولي ايه علاقه ليلي بكل ده هقولك أن عشان اللي بتكلم عليها هي خالتك ريهام الله يرحمها وليلي تبقي بنتي أنا مش بنت احمد وده اللي عرفته قريب
كريم بصدمه:عمي مفيش هزار في الحاجات ديه انت متاكد انت كنت تعرف خالتي لقيته بيديني مذكرات وورقه ايه دول
شريف بتنهد:ديه مذكرات خالتك ريهام وده تحليل يثبت ان ليلي بنتي انت عارفني من كذه سنه وعارف كويس أن مفيش مصلحه من اني اكدب عليك وفي حاجه زي كده وعندك مامتك وجدك اسالهم ايه اللي حصل من سنين
كريم بجمود ظاهري:لوقولت انك كنت علي علاقه مع خالتي ازاي وامتي ولاجدي عمل كده لما عرف انها حامل من علاقه مش شرعيه وخلاها تجوز من احمد
شريف:اه انا غلطت ياكريم بس خالتك كانت مراتي مش حبيبتي اللي حصل وقتها أن اتجوزنا من غير ماحد يعرف وفضلنا كده شهر ولماقررت أن نعلن جوازنا كان جدك عرف ورفض العلاقه ديه وبعد مشاكل كتير أطلقنا ووعدت ريهام أن اخد ميرا واسافر بس انا مكنتش اعرف انها حامل وقتها كريم أنا محتاج مساعدتك
كريم بانفعال:وياترا شايف اني اقدر اساعدك ازاي لوكنت بتحب خالتي فعلا مكنتش اتخليت عنها مهما كانت ايه المشاكل بس انت خدت القرار الاسهل وعقابك كان انك خسرت حب حياتك وحته بنتك متعرفش بوجودك حسيت من نظرته ليا فأني اتسرعت بانفعالي وكلامي
شريف بتماسك عكس ما يشعر به:عندك حق ياكريم بس انت متعرفش أنا عشت ايه عشان تحكم عليا ان استاهل اللي بعيشه كان نظرتي فيك غلط لماافتكرت انك مش جامد المشاعر زي مالكل يعرف عنك بس انت طلعت كده ياكريم مالك عن اذنك وسبته ومشيت
كريم بضيق وعصبيه:اتصلت بشخص عايزك تجيبلي معلومات مهمه تخص ماضي واحده اسمها ريهام محمود وشريف الحسيني عايز اعرف كل حاجه عن حياتهم بادق التفاصيل والقي كل ده علي مكتبي خلال يومين وقفلت لما نشوف ايه نهايه الموضوع ده ومين اللي بيقول الحقيقه لوقت مااعرف الحقيقه كلها محدش هيعرف حاجه بس ياترا لو ديه كانت الحقيقه ايه اللي هيحصل وقتها فيه اسرار كتير في الماضي ولازم اعرفها مهما كان ايه اللي هيحصل.......
يكمل
بعتذر عن التاخير أنا بحاول انتظم في الكتابه بس كنت تعبانه ومقدرتش اخلص الفصل اتمني حد يشاركني رأيه في الروايه من اللي متابعها سواء كان إيجابي أو سلبي
أنت تقرأ
قيود الماضي
Aléatoireعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
