ليلي بجمود:وانت تبقي ابنها ياكريم أنا مستحيل اقدر استحمل ولااتخيل أن خسرت وجود عائلتي معايا بسبب مامتك حته مفكرتش تقولي بعد مارجع لاسف علاقتنا انتهت لحد هنا ياكريم طلقني
كريم بصدمه:ايه ليلي استني مينفعش انك تنهي كل حاجه بينا بالبساطه ديه انتي وعدتيني
ليلي:لاياكريم ديه نهايه علاقتنا أنا هسافر وابعد عن هنا انتهت علاقتنا ياكريم
كريم بصدمه:ليلي لا ليلي اسمعيني ليلي!!!وقومت مفزوع من النوم فهل كل ده كان حلم لابل كابوس فماذا لوتحول لحقيقه فقلبي كاد أن يتوقف لمجرد خوفه من ابتعادها فماذا سيحدث له أن فعلت ذلك
نيره بعفوية:كريم ياكريم سرحان في ايه انت كويس شكلك تعبان
كريم:ليلي فاقت ولالسه
نيره:يعني فاقت من شويه وسبت معاها ميرا وجيت اطمن عليك بس انت تعبان أنا عارفه أن اللي حصل امبارح مش سهل بس معتقدش أن علاقتكم ضعيفه لدرجه تتدمر بسبب الماضي
كريم:أنا معرفش بيدور في عقلها ايه يانيره الشخص وهو مضايق ممكن يعمل اي حاجه مش هلومها علي رده فعلها بس اتمني متقررش تبعد لأن مش هستحمل ده
نيره:قربت منه وحضنته متقولش كده انا هتكلم معاها وانا واثقه أن حبها ليك اكبر من الماضي بكتير وممكن تتغير فتره لكن مستحيل تمشي
*******
مرڤت بدموع:ليلي أنا جيت عشان اتكلم معاكي أنا عارفه انك مستحيل تسامحيني طول حياتك بس انا بترجاكي لوفكرالي اي حاجه كويسه متفكريش تبعدي عن كريم هو ملهوش دعوه هو مكنش يعرف غير قريب لومشيتي هو هيدمر وانا مش هستحمل اشوفه كده انا مستعده انزل عند رجليكي واترجاكي أو اني ابعد عنكم
ليلي بجمود:خالتي مين قالك اني هتخلي عن كريم او اسيبه عشان الماضي أو اللي حصل انا عارفه كويس انو ملهوش دعوه ثانيا انا قادره انا وجوزي نحل مشاكلنا سوا ده قرارنا بأننا نكمل او لا لقيته جيه ممكن تسبونا لوحدنا بعد مالكل خرج
كريم بتردد:ليلي انتي كويسه بصي أنا عارف أن اللي مريت بيه صعب وأمكن مقدرش احس اللي انتي حساه بس لما تهدي ابقي فكري...
ليلي بجديه:أنا واخده قراري اصلا أنا محتاجه شويه وقت ياكريم محتاجه افضل لوحدي وياريت متعترضش انا مش بقول ننفصل بس انا تعبت معدتش عارفه افرح أن بقي ليا اخت وعرفت حقيقتي ولااحزن بسبب اللي حصل معايا والعلاقات اللي ادمرت في الماضي
كريم بتماسك عكس ما يشعر به من الم في قلبه:انتي هترجعي مش كده يعني انا مش عايز اضغط عليكي ياليلي اللي شيفاه هتكوني افضل بسببه اعمليه بس علي الاقل ممكن ابقي اجي اشوفك اطمن عليكي أو حته اكلمك
ليلي بنبره خافته:نبقي نتواصل بالتليفون ياكريم واتجهت لخارج طلبت من ميرا تساعدني في تحضير حاجتي
ميرا بعفوية:هستناكي بره ياليلي مع بابا
نيره بدموع:انتي فعلا هتمشي ياليلي عايزه تسبينا احنا كنا اتعودنا علي وجودك انتي وميرا البيت ملهوش طعم من غيركم
سيف:ليلي من رأي تستني لما تهدي وتبقي تقرري
ليلي:فتره وهرجع أنا مش معزله ياشباب بس انا محتاجه ده افهموني مش عايزه اشوف دموعك يانيره خلي بالك من كريم ونور يانيره لحد ماارجع
نيره:حاضر بس مش هتودعي كريم علي الاقل
ليلي بتنهيده حزينه:مش هقدر يانيره اديله الظرف ده بعد ماامشي وسبتهم واتجهت لخارج
نيره:بعد مامشيت اتجهت لغرفته فكان قاعد شارد كريم ليلي سابتلك الظرف ده وادتهوله وخرجت
كريم:حسيت بخفقان في قلبي وتردد قبل ماافتحه بس واخيرا فتحته وابتديت اقري"انا اسفه ياكريم عارفه أن تصرفي ده جرحك وضايقك بس انا كنت محتاجه ابعد فتره واوعدك اني هرجع بس لمااتحسن أنا كتبتلك لأن مقدرتش اتكلم واعبر بس انا قلبي اتكسر اقرب ناس ليا هما اللي وصلوني لكده لاسف الحقيقه كانت صعبه عليا بس شكرا لانك مكدبتش عليا رغم انك عارف أن ده هياثر علي علاقتنا بس مترددتش تقولي اسفه مره تانيه خلي بالك من نفسك في الفتره ديه"حبيبتك ليلي انتبهت لدخول حد فمسحت الدمعه اللي فرت من عيني وقفلت الورقه وحطتها جنبي لوسمحتي عايز اقعد لوحدي
مرڤت بانهيار:كريم اسمعني أنا عارفه انك مضايق مني واني السبب في مشاكل كتير اديني فرصه وهصلحها
كريم بانفعال:هتصلحي ايه معدش فيه حاجه تتصلح اللي عملتوه دمرها اللي عملتوه مع عمي ملهوش مبرر غير طمعكم في الفلوس والمكانه انا سالتك من يومين لومخبيه حاجه عليا وتهمني وانكرتي انتي مكنش عندك استعداد تقولي حته
مرڤت بانهيار:خوفت اخسركم في آخر ايامي عارفه اني غلطت كتير وحاولت كتير اتكلم ومعرفتش مكنش عندي الشجاعه
كريم بجمود:خوفك من الخساره خسرك فعلا ياماما مفرقتيش حاجه عن اللي عمله بابا انتوا الاتنين دمرتوا حياتنا وانتي مكتفتيش بده ودمرتي حياه بنت اختك الوحيده أنا بطلب منك اخر طلب قبل مالدنيا تدمر اكتر من كده خدي جدي وارجعي لخالي
مرڤت بضيق:لدرجاتي معدتش عايزني في حياتك ياكريم
كريم بعفوية:انتي اللي وصلتيني لكده الحاجه الوحيده اللي ممكن بسببها اجيلك وازورك كل فتره انك كنتي السبب في بدايه علاقتي بليلي غير كده معتقدش أن بقي فيه حاجه لانك دمرتينا كليا
*********
بعد مرور أسبوعين علي ماحدث،شريف بابتسامه:لمحتها قعده في الحديقه تحت وشارده فاتجهت ناحيتها وقعدت قدامها حبيبتي انتي كويسه
ليلي بتنهد:اه الحمدلله متقلقش بقيت احسن
شريف بعفويه:تمام ممكن نتكلم شويه ومتفهمنيش غلط فلقتها هزت راسها مر اسبوعين ياليلي وانتي سايبه بيتك وكريم يعني انا بشوفه في الشغل بس معدش كريم اللي اعرفه فكرتي فيه انو زي ده ماكان صعب عليكي كان صعب عليه
ليلي بعفوية:بابا بصراحه انا معدتش عارفه اعمل ايه أنا ضائعه
شريف:انتي عايزه تنفصلي عن كريم ياليلي
ليلي:لامش كده انا مقدرش اعمل كده انا عايزه حاجه تانيه وقولتله عليها ده بالنسبالي هيبقي احسن
شريف:أنا معنديش مشكله اعمل اي حاجه تريحك بس اتكلمي مع كريم الاول
ليلي بابتسامه:تمام بعتله رساله اني حابه اشوفه ونتكلم رد بعد شويه انو موافق نتقابل في المكان اللي قولت عليه فروحت بدلت هدومي بفستان اسود وسيبت شعري
ميرا بضحك:ايه الشياكه ديه يابنتي واضح أنك رايحه مشوار مهم او حد جاي عزيز علي قلبك شويه
ليلي بعفويه:بت اتلمي ورحت حدفت عليها المخدات وبعدين مانتي متشيكه رايحه علي فين انتي
ميرا بضحك:يابنتي احترميني شويه أنا اختك الكبيره برضو وبعدين رايحه مشوار مهم
ليلي بابتسامه:مبناش احترام يابنتي ويلابقي روحي شوفي حالك وخدي الباب في ايدك
ميرا:بتطرديني مكنش العشم أنا اصلا ماشيه باي واتجهت لخارج
*******
سيف باستغراب:عرفتي منين اني هنا ياميرا وجايه ليه
ميرا بعفوية:من ليلي عرفت انك بتيجي هنا كتير وكان عندي احساس أن هلقيك هنا
سيف بتنهد:عايزه ايه ياميرا يعني احنا من الاول مبناش كلام واتقطع اكتر من اسبوعين لوجايه تكلمي علي انفصالنا متقلقيش هتكلم مع عمي ونشوف يوم نروح لمحامي
ميرا بابتسامه:بس انا مش جايه عشان السبب ده وكمان أنا مقولتش عايزه اطلق واضح انك انت اللي عايز تخلص مني بس مش هتعرف برضو
سيف بجدية:يعني جوازنا مكنش بمزاجك ياميرا وبعد كل اللي حصل وعرفتي أن عائلتي كانت السبب في اذي باباكي وبالأخص ماما لوعشان اسامحك فأنا سامحتك ياميرا وانا اللي مفروض اعتذر منك عن اللي عائلتي عملته بس مكنتش قادر أن اواجهك اواتكلم مع اي حد الفتره اللي فاتت اتفاجئت بيها حضنتني رغم أن كنت محتاج ده بس متحركتش مضمتهاش حسيت بإحساس غريب يمكن دهشه من تصرفها
ميرا بعفوية ممزوجه بابتسامه خافته:بعدت عنه شويه أنا قررت ارجع البيت وحشتني خناقتنا سوا مبلقيش حد اطلع عينه غيرك انسي الماضي احنا ملناش دعوه بيه مش من حقي اعاقبك عليه
سيف باستنكار:بس ايه اللي غير رايك انتي كنتي شيفاني اني بتاع بنات وممبطلش شرب وفيا كل حاجه وحشه وحكمتي عليا من الماضي برضو
ميرا بنبره خافته:بس انت كنت كده مليش دعوه بماضيك طالما معدش ليه وجود كنت غبيه شويه لماتصرفت كده انت شخص مختلف يعني انقذتني مرتين رغم كل تصرفاتي ياسيف عارفه انك مبتثقش فيا ولابتحبني بس هنفضل عائله في النهايه
سيف بسخريه:إذا كانت ليلي اللي بتحب كريم نسيت حبها وسابت البيت وسابته وكانت السبب في كسرت قلبه ياترا اختها الكبيره اللي مبتحبنيش هترجع ليه عشان يجي يوم وتكسر قلبي برضو
ميرا بابتسامه:ليلي منسيتش كريم ولاحبها ليه ولاعائلتها اللي قضيت معظم حياتها معاهم بس كانت محتاجه وقت تستوعب اللي حصل أما أنا قررت أن نصلح علاقتنا طبعا هنفضل نتخانق يعني لومش متقبلني مراتك ممكن ابقي صديقتك ووعد واحلفلك بحياه ليلي اغلي حاجه في حياتي اني مش ناويه علي اني اكسر قلبك ولاثقتك مليش مصلحه اصلا لقيته ابتسم لاول مره ليا فشردت في ابتسامته وفي نفسي ياااه ابتسامته قمر ولاغمزاته اخيرا ولاول مره اشوفها حسيت باضطراب غريب في نبضات قلبي معقول أن أكون ابتديت اقع في حبه من غير مااحس وده سبب كل تصرفاتي لالا مستحيل
********
ليلي:روحت لقيته واقف وشارد في امواج البحر عامل ايه
كريم:عايش عادي طالعه حلوه كالعاده ياليلي عمتا ايه اللي كنتي عايزاني فيه وطلبتي نتقابل هنا بعد اسبوعين رافضه تشوفي حد ولاتفتحي تليفونك وبعرف اخبارك من عمي أو ميرا
ليلي بعفويه:مكنتش قادره اتكلم كنت محتاجه وقت لوحدي عارفه اني ضايقتك بتصرفاتي أنا طلبت أننا نتكلم لأن خدت قراري باللي هعمله
كريم بسخريه تحمل ورائها حزن يتملك قلبه:خليني اخمن قررتي تفضلي مع باباكي وميرا وأننا ننفصل احسن مش كده
ليلي بنبره خافته:أنا كنت هقول كده بس بشكل مختلف يعني
قطعني بجديه:مش هتفرق الطريقه في النهايه النتيجه واحده ياليلي وانك هتسبيني وهتسيبي نور وهتكسري وعدك ليا بانك تفضلي معايا مهما حصل لقيتها قربت مني وحطت إصبعها علي فمي
ليلي بعفويه:علي أقل اديني فرصه اكمل بقيه كلامي ياكريم أنا اه حابه افضل معاهم بس في نفس الوقت مش هننفصل ياكريم غير وعدي اللي مش هقدر اكسره أنا مش هقدر ابعد عنك قلبي مش هيتحمل ده لاني بحبك انت حياتي ياكريم انت ونور ومحدش بيتخلي عن حياته أنا عارفه أن الماضي صعب بس انا اكتفيت خساره ياكريم أنا خسرت ماما زمان واعتبرت خالتي اقرب حد ليا بس هي كسرت قلبي وداست عليه لما خبت عليا الحقيقه واتحرمت من حنان الاب طول حياتي مش هقدر كمان اخسرك أنا محتاجاك زي مامحتاجه وجود بابا وميرا كنت جايه اقولك اني هرجع البيت بس عندي طلب هو أننا نعيش كلنا كعائله حبه وجودكم كلكم معايا أنا عارفه أن ضايقتك الفتره اللي فاتت اسفه وقبل مااكمل لقيته قطع كلامي بقبله فبادلته اياها
*******
نيره بتنهد:قومت افتح الباب فلقيت كريم وليلي وسيف وميرا وعمي لامش مصدقه نفسي اخيرا ورحت خدت ميرا وليلي بالحضن
سيف بسخريه:أنا اشك انها بتحبنا قد مابتحبهم اللي كانت مكشره لأسبوعين شويه وهتنط من مكانها
نيره بمزاج:ملكش فيه ياسيف دول قلبي اصلا وعمي كمان جيه لاانا كده هعمل حفله ادخلوا ياااه البيت نور اخيرا
شريف بابتسامه:هو مش محتاج ينور يعني هو منور باصحابه يانيره
كريم بعفوية:اللي هو وجودك ياعمي أنا خليت حد من الخدم ياخد شنطتك لاوضتك اتمني تعجبك عشان لوحابب ترتاح وطبعا البيت بيتك
شريف:انا فعلا خدها ارتاح تصبحوا علي خير ياشباب وسبتهم واتجهت لغرفه
نيره بحماس:هيييي هنتسلي واخيرا
ليلي بابتسامه:هروح اشوف نور وجت معايا ميرا وسبناهم واتجهنا لغرفتها
نيره بتردد:هو مش قولتوا أنها اتحسنت أنا مش حاسه ان ديه ليلي
كريم بتنهد:هتاخد وقت عقبال ماترجع زي ماكانت يانيره بس اهم حاجه أنها رجعت وبعد كده كله هيتصلح مع الوقت أنا واثق من ده عن اذنكم أنا داخل ارتاح وسبتهم ودخلت اوضتي
نيره بعفوية:واضح أن مش كل حاجه اتصلحت زي ماكنت متوقعه بس هو ميرا هتفضل هنا علطول يعنى
سيف:براحتها هي عايزه تفضل اوعايزه تمشي مش فارقه يانيره انتي عارفه أن علاقتنا عاديه مش زي علاقه ليلي وكريم
نيره بابتسامه:مسالتش نفسك ليه رجعت ياسيف أنا اتعاملت مع ميرا فتره وقربت منها هي شخصيه جميله فعلا ومختلفة يعني مش زي مانت فاكر ليه متجربش تدي علاقتكم فرصه أنا حسه أنها ابتدت تحبك وده سبب رجوعها
سيف عقد حاجبيه في تساؤل:هي اللي قالتلك
نيره بعفويه:لا مقالتليش حاجه بس ملاحظه ان معاملتها ليك اتغيرت انا واثقه أن فيه مشاعر جواها ناحيتك بس هي لسه معترفتش لده لنفسها متدمرش حياتك عشان الماضي ياسيف امكن ديه الفرصه اللي ربنا بعتهالك عشان تصلح حياتك وترجع زي ماكنت بقالك قرب الشهرين مبتشربش ومبتسهرش بسبب وجودها
سيف:نيره انتي عارفه كويس اللي مريت فيه وانا مش علي استعداد أن تكسر ثقتي أو قلبي في يوم الحب مبيجبش غير الالم يانيره
نيره بابتسامه:الحب جميل بس لازم نختار اللي نديله قلبنا ونحبه اختيارنا الغلط هو اللي بيجبلنا الألم مش الحب لوفضلت قافل قلبك علي تجربه فشلت ياسيف هتدمر حياتك علي الاخر استغل الفرصه وغير من نفسك لوانا مكانك كنت هعمل اللي بقوله يعني أنا اه ممكن اكون اختك الصغيره بس اكيد عايزه مصلحتك ياسيف
*******
ليلي:بصيت جنبي لقيت الموبايل بيرن كانت الساعه٢بليل بس هو كان صامت بصيت جنبي لقيت كريم نايم فااتحركت بهدوء من جنبه واتجهت لخارج الغرفه ورديت خير في ايه مش قولتلك متتصلش وانا هيبقي اكلمك افرض حد شاف الموبايل غيري حاول تسيطر علي الوضع وانا بكره الصبح هاجي واتصرف باي وقفلت المكالمه لفيت عشان ارجع لقيت كريم فزعتني فيه حد يجي كده انت صحيت أمتي
كريم باستنكار:كنتي بتكلمي مين متاخر اوي كده ياليلي
ليلي بتوتر خفي:......
يكمل
أنت تقرأ
قيود الماضي
Diversosعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
