كريم:وارجعت خصلات شعري لورا بضيق أنا غلطت لما قولت اللي قولته وكدبته هو طلب مساعدتي وانا لاول مره اغلط في حق حد اعمل ايه دالوقتي اصلح اللي حصل ازاي من غير ماحد يتاذي تاني رفعت راسي فلقيته امامي
شريف:بتعمل ايه هنا ياكريم
كريم بعدم تصديق:انت مسافرتش ازاي ورحلتك
شريف بجديه:ملحقتهاش جيت متاخر فهسافر بطيارتي الخاصه بس كمان ساعتين مقولتش جيت ليه
كريم بجمود:يعني استسلمت بسهوله وقررت تسافر فتره وتبعد عن بناتك حته بنتك التانيه متعرفش بوجودك رغم كده محاولتش تعمل حاجه وهربت كالعاده زي ماهربت زمان وسبت خالتي
شريف بانفعال:بجد انت شايفني كده انت متعرفش أنا مريت بايه ولاجدك عمل معايا وقتها ايه أنا كنت شخص بسيط مش زي دالوقتي بتلومني علي حاجه انت متعرفهاش اصلا أنا واثق انك خليت حد يدور في الماضي والامكنتش جيت حط نفسك مكاني بمانك نفس الوضع انت كان معاك بنت قبل ماتجوز ليلي بنتي وانا كنت كذلك معايا ميرا تخيل لما حد يهددك ببنتك اللي عمرها شهور مقابل توقيع ورقه حاولت كتير مايحصلش كده بس مفيش حاجه اتصلحت خالتك خلتني احلف بحياتها أن اخد ميرا واسافر وابعد عن هنا وان انساها تفتكر كنت غلطان ولما رجعت وحاولت اشوفها عرفت انها ماتت في حادثه بسبب عائلتك انا حياتي ادمرت ولحد قريب مكنتش اعرف ان عندي بنت تانيه
كريم:وطالما أن عائلتي اذيتك كده ليه خليت جواز بنتك التانيه يتم من نفس العائله
شريف:عشان انتوا مختلفين ياكريم أنا اتعاملت معاكم كذه سنه وبعتبركم ولادي ملكوش ذنب بمشاكل قديمه ودالوقتي بمشي عشان مادمرش السعاده ديه صعب عليا اللي بعمله بس ده في مصلحه ليلي معرفتها بوجودي وبالماضي هيدمر علاقتها بيكم ومعرفش ممكن توصل لايه يكفيني أنها عايشه سعيده معاكم حته ده لوكان علي حسابي انا ياكريم
كريم بتنهده حزينه:بس مين قالك أن ليلي سعيده كليا هي مبتبينش بس لوقربت منها هتشوف وتحس قد ايه جواها نقص وحزن وهو عدم وجود عائلتها الحقيقيه اتحرمت من مامتها زمان وعاشت مع شخص قاسي اذاها كتير علي أنه باباها بس انت دالوقتي استسلمت بسهوله عايز تحرمها من حب الاب عمي انت عارف كويس أن عائلتي مدمره اصلا ومن زمان فيمكن أنا قادر احس بأن وجود الاب وحبه بيفرق حبي ليها مش هيملي مكانك مهما عملت أنا عارف أن الماضي هيدمر حاجات كتير بس اعتقد ان كفايه اللي عشته ومريت بيه لازم الحقيقه تبان ووقتها القرار هيبقي في ايد ليلي باللي عايزه تعمله وانا اسف علي كل حاجه وعلي اسلوبي ساعت لما اتكلمنا اخر مره
شريف بابتسامه:سبق وقولتك انكم ولادي ياكريم ومفيش حد بيزعل من أولاده مهما قاله بس معني كلامك انك هتساعدني اتكلم مع ليلي
كريم:اه متقلقش هرتب الدنيا وابقي اقولك يلاهوصلك لبيت
******
ميرا:ابتديت افوق اااه أنا فين فضلت شويه لحد مااستوعبت اني في البيت ببص جنبي لقيت سيف نايم جنبي ومتخرشم شويه الواضح انو هو اللي جابني قومت بهدوء وجبت المعقم وقطنه قعدت جنبه بهدوءومديت ايدي بتردد يارب مايصحي لجرح جنب فمه وبعد ماحطيت القطنه ولسه هعمل فوجئت بيه مسك ايدي وقلب الوضعيه وبقي بيعتليني
سيف عقد حاجبيه بشك:بتعملي ايه ياميرا لوكنتي فاكره أن نومي تقيل وهتعملي اللي انتي عايزاه تبقي غلطانه
ميرا بضيق ممزوج بانفعال:هعمل ايه يعني أنا كنت هعقملك الجرح اللي في وجهك مش هقتلك يعني اوعي سيب ايدي وزقيته بعيد عني ونزلت من علي السرير أنا تعبت بتعاملني كاني قاتله عايش معاها حد قالك اني قتلت حد قبل كده اعمل حاجه عدله
مش عاجب معملش مش عاجب بعترف اني غلطت كتير في حقك بس مش معامله ديه
سيف بجمود:المعامله اللي مضيقاكي ديه ولاحاجه قدام اللي عملتيه معايا وقولتيه وكنت بسكت ماشي ياميرا وسبق وقولتلك ابعدي عني متعمليش اي حاجه
ميرا باستنكار:طالما بتكرهني كده انقذتني ليه
سيف:عشان طول مانتي هنا فانتي مسئوليتي ياميرا واللي حصلك ده ملكيش دعوه بيه لذلك اسف علي كل اللي حصل معاكي وانشاء الله ميتكررش تاني
ميرا بعفوية:وهنفضل نتخانق لحد امتي يعني اي انسان بيغلط عادي ليه مش عايز تسامحني
سيف:لانك ياميرا مش هتتغيري مفيش امل وانا مش مستعد اسامحك واثق فيكي وتجرحيني تمام عرفتي السبب لقيتها بتقرب فمخدتش بالي ووقعت علي السرير لقيتها قربت مني جامد بتعملي ايه يا مجنونه
ميرا بابتسامه:انت اللي اضطرتني اطلع جناني ياسيف بمانه كده وقربت منه اكتر ومسحت بايدي بخفه علي الجرح اللي جنب فمه هتخليني اتعامل معاك باسلوب تاني ومش هكسب ثقتك وبس وهكسب قلبك كمان
سيف بتماسك ظاهري:بتحلمي ياميرا ده مش هيحصل
ميرا بابتسامه:تمام هنشوف ياسيف مالك وقربت منه اكتر بس اعتبره تحدي وانا اللي هكسبه وميلت وطبعت قبله جنب شفتيه يلاهسيبك ترتاح واتجهت لخارج أنا معرفش ليه مسامحته او اني اكسب ثقته مهم بالنسبالي أو سبب اللي عملته من شويه تركت افكاري واتجهت لغرفه نيره
*******
ليلي بتنهد:صحيت علي بليل بصيت جنبي ملقتهوش فقومت من السرير واتجهت لحمام غسلت وجهي ولميت شعري كعكه وبدلت هدومي واتجهت لخارج والي غرفه نور فكانت قعده في الأرض بتلعب حبيبي ورحت قعدت في الأرض وخدتها في حضني وطبعت قبلات علي خدها وقعدت العبها بالالعاب
كريم بابتسامه خبيثه:يعني كل الحب ده ليها مفيش حاجه لباباها طيب
ليلي بغيظ:لا ملكش حاجه وبعدين نونو ملاك باباها مش كده
كريم بنبره خافته:لسه مضايقه مني تمام ممكن نتكلم
ليلي بجمود:لا روح مكان ماكنت موجود أنا هقعد مع نونو حبيبتي
كريم:كان ورايا شغل ضروري ياليلي أنا آسف لوضايقتك وقعدت علي كرسي قدامها
ليلي بعفوية:كريم انت فيه حاجات كتير مخبيها عليا ومع ذلك بتجاهل الموضوع ومش عايزه اتدخل بس اهو تحذير من دالوقتي لوعرفت عن طريق الصدفه
باللي انت مخبيه مش مسئوله عن تصرفي
كريم بابتسامه:تمام اوعدك أن قريب جدا هتعرفي ايه اللي مخبيه بس اديني يومين بالظبط
ليلي:بعد يومين بدايه السنه الجديده فليه الوقت ده
لقيته قرب ليا ونزل علي ركبتيه
كريم بتنهد:عشان وقتها بعد ماتعرفي هتبقي بدايه جديده لعلاقتنا بس اوعديني وقتها انك تسمعيني لآخر قربت منها وطبعت قبله علي جبينها وقربت من نور وطبعت قبله علي وجنتيها أنا هروح ارتاح في الأوضه سبتها واتجهت لغرفتي وقعدت علي الاريكه اتنهدت بتعب وفتحت عيناي اثر سماع دخول أحد
مرڤت:مالك ياكريم شكلك تعبان ومضايق اتخانقت انت وليلي ولاعشان اللي عملته مريم
كريم بتنهيده تحمل الكثير:لامش متخانق مع ليلي ولاعشان اللي عملته مريم الموضوع لاسف اكبر من كده عمتا هسالك حاجه فيه اي حاجه انتي مخبياها عليا ولازم اعرفها ياماما
مرڤت بتوتر:لا هخبي عليك ايه يعني يابني بس انت متغير بقالك يومين فقلقت قولي ايه اللي شاغل بالك
كريم بضيق خفي:ولاحاجه ياماما أنا كويس شويه مشاكل في الشغل عمتا نسيت اقولك أن بعد يومين هعمل حفله في البيت بمناسبه بدايه السنه الجديده وان هنحتفل كلنا كعائله ياريت تقولي لجدي كمان
مرڤت بابتسامه:حاضر هقوله بس هو شريف مش هيبقي موجود لانه مسافر مش كده
كريم:لاماهو مسافرش فهيحضر يعني سؤالك عجيب ياماما انتي ناسيه انو شخص مهم ده شريكي في الشغل ودالوقتي قريبنا لمحت توترها شكلك مش عايزاه يحضر
مرڤت بتماسك:لامش هعوز ليه طبعا ينورنا أنا هروح ارتاح تصبح علي خير
كريم بجمود:كلها يومين بس وكل حاجه هتتغير
******
بعد يومين،ليلي بابتسامه:ايه القمر ديه يسطا ورحت قربت منه فااحتضن شفتاي في قبله فبادلته
كريم:مش قمر اكتر منك يالوله الفستان حلو عليكي جدا هاتي البسك السلسله فلفت ولبستها السلسله
ليلي:لفيت زراعي حول عنقه مش ناوي تقولي ايه المفاجاه اللي بقالك كام يوم مشغول فيها
كريم بابتسامه تخفي الكثير:متستعجليش كلها شويه وتعرفي ياليلي اتمني أن المفاجاه ديه تغير حياتك لاحسن
ليلي بعدم فهم:اممم لدرجاتي المفاجاه حلوه بس ليه حساك متوتر أو مضايق بقالك كام يوم نظرت لزرقاتيه شوفت نظره غريبه في عينيه مقدرتش افهمها
كريم بقلق خفي:خايف اخسرك ياليلي لأن مش هقدر استحمل ده انتي بقيتي كل حياتي ورحت شديتها لحضني وضميتها أكثر ليا
ليلي:مسحت علي خصلات شعره بقلق كريم انت كويس ليه بتقول كده انا مش فهماك
كريم:بعدت عنها ولاحاجه ياليلي الحادثه اللي حصلت أثرت عليا شويه يلاهسيبك تجهزي وتخلصي وهروح اشوف التجهيزات وسبتها وخرجت لخارج
بعد شويه رجعت لغرفه ومسكت ايديها واتجهنا لاسفل حيث يجلس الكل
ليلي بخوف:كانت الدنيا شبه ضلمه ولقيت فاجئه كريم ساب ايدي ووقف قدام الكل
كريم بجديه:احنا متجمعين انهارده بسبب حاجتين السبب الأول هو أننا نحتفل برأس السنه سوا كل سنه وانتوا طيبين بمناسبه السنه الجديده وطبعا عائلتنا كبرت واتضمت ليها ميرا وعمي شريف
محمود بعدم فهم:بس ده السبب الأول امال ايه السبب التاني ياكريم
كريم بابتسامه:استني بس ياجدي لسه هتكلم اهو طبعا من كام سنه فقدنا شخص عزيز علينا وجزء مهم في العائله وهو خالتي ريهام الله يرحمها وبموتها ماتت اسرار في الماضي مكنتش المفروض تفضل مستخبيه،ليلي عاشت طول حياتها محرومه من وجود أهلها جنبها وانا انهارده حابب ارجعلها نص من حقها
ليلي بعدم استيعاب:كريم انت بتقول ايه ايه جاب سيره ماما حاليا
كريم بجديه:ليلي انتي وعدتيني تسمعيني لآخر قربت منها ومسكت السلسله مش بقالك فتره بتدوري علي مين اللي أوله حرفsوليه موجود علي السلسله اللي مامتك ادتهالك وانا لقيت الاجابه وفتحت الشاشه بيفيديو قديم كان لشريف وخالتي وهما مع بعض ووقت ماهما بيحتفلوا بجوازهم مع أصدقائهم وبعدين خلص الفيديو
مرڤت بتوتر:كريم انت عارف بتعمل ايه
كريم بجمود:ايوه هو ده الصح
ليلي بعدم فهم:ديه ماما بس مين اللي معاها ده انا حاسه ان الشكل مش غريب عليا كريم فهمني جبت المقاطع ديه منين
كريم بجديه:أنا جبت المقاطع من الشخص اللي موجود في الفيديو ياليلي ده مش احمد ده شخص تاني وهو موجود معانا انهارده وهو عمي شريف هو صاحب الحرف اللي موجود علي السلسله لانه هو اللي كان جايبها هديه لخالتي زمان ده كان فيديو بيحتفلوا بيه بعقد قرانهم
ليلي بضيق ممزوج بدموع:انت بتقول ايه اكيد بتهزر ازاي وطالما كان متجوز ماما اكيد خالتوا عارفاه هي وجدي امال اتصرفوا كأنهم ميعرفهوش ليه ساعت جواز ميرا هااا متردوا عليا
كريم بجديه:ليلي بصراحه هو مش مجرد جوز مامتك وبس هو يبقي باباكي الحقيقي احمد كان ابوكي بالاسم بس ولو هتهدي هقولك كل حاجه
ليلي بدموع:اديني هديت جاوبني بقي انتوا خدعتوني ليه طول حياتي
كريم بنبره حزينه:ليلي أنا معرفتش غير من كام يوم اصلا أنا عارف أن اللي هقوله صعب عليكي بس مش قدامي غير الحل ده وقولتلها كل اللي عرفته وعن المذكرات والتحليل كنت متابع تعبيرات وجهها وخلصت بس متكلمتش ليلي انتي كويسه ليلي لقيتها فقدت وعيها ليلي فوقي ليلي!!!حملتها واتجهت لداخل حد يكلم الدكتور وبعد فتره كان جيه دكتور طمني هي كويسه
الدكتور:متقلقوش هي اتعرضت لضغط عصبي ونفسي شديد فده سبب أنها فقدت وعيها أنا اديتها حقنه مهدئه مش هتصحي غير الصبح وحاولوا متضغطوش عليها أو تتعبوها بالكلام
شريف بضيق:كان عندي الاحسن متعرفش الحقيقه ولاتوصل لحاله ديه
كريم بنبره خافته:هي قويه ياعمي ومتأكد أن هتتخطي ده بس محتاجه وقت مش اكتر أنا بعتذرلك بالنيابه عن عائلتي لأنهم غلطوا في حقك كتير
*******
تاني يوم الصبح،ميرا بابتسامه:لقيتها فتحت عينيها ليلي انتي كويسه حاسه بحاجه
نيره بقلق:ليلي ردي علينا طمنينا عليكي طيب
ليلي بتعب:فين كريم
نيره بعفوية:حب يسيبك ترتاحي براحتك وسبنا معاكي وراح نام في اوضه نور
ليلي بجمود:تمام وقومت من جنبهم واتجهت لغرفه نور فلقيته قاعد شارد بس انتبه لدخلتي فاتجه ناحيتي
كريم بقلق:ليلي انتي كويسه خوفتيني عليكي ورحت حضنتها بس فاجئه لقيتها زقتني بعيد عني
ليلي بضيق ممزوج بانفعال:متقربليش ياكريم انت فاكر ان بعد ماعرفت الحقيقه وان مامتك كانت جزء أساسي من اللي عانيته مفيش حجه حته ادافع عنها بيها كسرتلي قلبي ودمرتني كان من حقي اعرف حقيقتي بس هي كانت السبب فكل اللي مريت بيه من مشاكل واذي سواء من احمد أو أسر
كريم:أنا مقدر اللي بتقوليه وعارف أنها غلطت في حقك وان مفيش مبرر للي عملته وأنها خبت الحقيقه عنك
ليلي بجمود:وانت تبقي ابنها ياكريم أنا مستحيل اقدر استحمل ولااتخيل أن خسرت وجود عائلتي معايا بسبب مامتك حته مفكرتش تقولي بعد مارجع لاسف علاقتنا انتهت لحد هنا ياكريم طلقني
كريم بصدمه:ايه..........
يكمل
أنت تقرأ
قيود الماضي
De Todoعندما نري الاشخاص فنحن نري ظاهرهم ونحكم عليهم من خلاله رغم حكمنا الخاطئ لأننا نري مايريده الشخص الذي أمامنا أن نراه نحسده علي حياته ونتمني أن نكون مكانه ولكن لوعرفنا مامر به وماالذي يشعر به لما قولنا ذلك،وعندما نسلك طريق لانعلم نهايته ونقرر أن نكمل...
