حجر النرد 🔞

٣

حجر النرد .....

زينب علي ...

________________

عيني ع الميز اباوعله بتعب واحسب شخطات العمر الي مرن عليه والتعب الي شافه وتصد عيني على المرايه واشوف وجهي واسال نفسي معقوله الي جاي اعيشه عاشته كل بنيه مثلي ؟؟؟؟؟
يا ترى شنو هو هذا نهايه الحب ؟ ...
او هاي نهايه الدنيا . معقوله هذا دار الابتلاء وابتلائي راح يكون بالعشق ويا ترى شراح يصير بيه وشنو راح مصيري .
خليت ايدي على بطني وتلمستها بخوف . وسألت امي : اكلج يوم شوكت يبدي الطفل يتحرك ....

امي : حسب سامعه البنيه الرابع واكو تبين بلثالث والولد يكولون بلرابع ما ادري انتي حسيت بيج ازبطين ابطني ههههه ...

كلامها خلاني متحمسه اعرف الفروقات وسالتها : اي شلون يعني ازبط ما فهمت ؟؟؟ ....

يكلون ام البنيه الطفل يتحرك مثل السمجه تزلبط وام الولد نكدات ( ضربات خفيفه ) ....

بدون ما اعرف شنو بيه رحت توجهت فتحت القران وقريت سوره مريم . ما اعرف شنو الي خلاني اختار هذي السوره دعيت ربي . بكل وجع ...
ربي انصفني مثل ما نصفت السيده مريم اريدك تنصفني وتكحل عيني بلفرح ....

سديت القران وتوجهت لامي بوستها وبوست اديها : يمه الله يخليج لتفاركيني . اني بدونج اضيع دوم احميني الله يخليج ....

ابتسمت وكالت ربج هذا الحنين الي ما كطع بيه يوم الي عافوني بطرك روحي وبطني واصله متره كدامي ومره وضعيفه ... مو اني الي احميج ... ربج الي يحميج ... انتي جوه جناحه وتحت رعاينه ....

فت كلبي حجيها بتذمر : يمه انتي شلون صرتي هيج اريد هيج شكفه من صبرج هنيااااااالج ولا يوم شكيتي ولا يوم ضجتي ولا يوم تذمرتي انتي شنو متكليلي منين الله خالقج .. ادري ما طلعنه احنه عليج ليش ...

غمتني بخمس اصابيعها : الله ليخليج مثلي ان شاء الله انتي احسن والله يكتبلج السعاده وين مترحين ...

يمه بنفسي اسالج سؤال : انتي هم حبيتي ؟؟؟ ....

برزت تجاعيد وجهه وكالت : خذوني لابوج بنعالي وحبيته ولسا احبه ...

رميت راسي على جتفها : يوم من الايام جنت احس الحب احلى شي بلحياه ومره من المرات شفته ذل ومره شفته شي مقدس ومره شفته بفعل ومره شفته اسوء شي وهسه جاي اشوفه اختبار ....

بسعاد : والله يا ماما اصعب انوع الحب . حب البزر . الحب من ربج بطفل هسه اني عندي انتن وبرجن تسون عندي الدنيا . اكله ربي لا تختبرني ابناتي ... غصت البزر العزيز تشوغ الروح ... وتكسر حيلج وتهدج جيل بحاله ...

شفت عيونها غرغرت بلدمع : يمه الله يخليج لتبجين . والله بس الله يدري الي جاي امر بي . واريدج تصيرين قويه لخاطري ...