حجر النرد .....
زينب علي .....
..............
انتي عاااكر .... انتي عاااكر ..... متحبلين .... متجيبين .... لا ولد ولا تلد .... شعندج هم غم شو ما عندج بزر .... خل نزوج احمد خو مو يضل حسره عليه الضنه من وراج .....
هاي جمل مراح انساها بعمري ....
هاي جمل لجمت كلبي ومشاعري ....
لجمت؟!!!! .... لا ولا .. شرخت وشكت وكطعت كلبي ....
هاي جمل كرهت شكو واحد كلي بيهن وعيرني يوم من الايام بيهن ....
صارت الطلعه عندي مثل السكم وين ما اروح : ها بشري ما صار شي ؟؟؟؟؟ .....
كل الي يشوفني : مترحين لفلان دكتور ....
اذا رحت للفاتحه : اكو وحده شلون مره خيره ومن اهل الله ادوس على المره تحبل ....
اذا رحت اوجب وحده نفسه : ياااااا يوم نفاااسج ونفرح بيج .... وشالن بطل ماي الثالث ... هاج اسبحي بي خاف كاعده لو دايسه ....
جنت اتمنى اصرخ بعالي صوتي ... منو الي خلاكم تتحكمون بيه ... انتم خلقتوني ....
انتم لو الله ما منطيكم هم تتقبلون هذا الحجي الي تكولونه الي ....
مرت الايام وصار عندي الحبايه معضله ... بلعومي ميتقبل ابلعها ... صرت كلما اشوف علاكه اتخيل علاكه الادويه ...
الابر الي ترست جسمي ... صرت فار تجارب للدكاتره . كل هذا ومحد يرحمني ...
مر على زواجي ٤ سنوات .....
٤ سنوات ما شفت منهن غير العرك واكلان الكلب صحتي وعافيتي وجمالي وهيبتي وشخصيتي كلها راحت . كرهت الناس واهلي واقاربي وعيالي وحتى زوجي .....
زوجي الي ما عنده حل غير ذوله اهلي خطيه منو الهم غيري .. زوجي الي يسكت كلما يشوف وحده تكسر بخاطري وصار ينتقض على حسابي مره بلسنه وانتفاضته مطول ١٠ دقايق وتخمد ....
مثل حطب مشعول بلشهر الواحد ومرت عليه كرصت برد . طفته وكان شي ما كان .........
.
.
.
.
خالد ........
.......
مثل السكران اصبح بأمر وتغفه عيوني على امر ...
والرفض الي استمر من ابويه سنه وره سنه . وعجزت بيا طريقه اخلي يقتنع . سنتين مرت من عمري وامر تلح بكتر : خالد اني يوميه ديجوني ناس اشكال الوان واني دا ارفض . اريد سبب مقنع كدام ابويه . تدري بيه وبخواتي كل احنه احسن قسم عايشين ومرتاحين . واني العزيزه المدللة ضاله على حسابك واني صراحه جايني مهندس وما مستعده ارفضه ....
خالد : ها شبسرعه بعتيني .....
امر : ليش تكول بعتك انت ابن عمي وتاج راسي . بس اني شقبض سمج بلشط ؟؟؟؟
خالد : شسوي بس فهميني ابويه رافض ؟؟؟
امر : اني امي تدري بعلاقتنه انطي خبر لابويه كله اريد امر وهو راح يسالني ويسال امي واحنه ثنينه نوافق ونتزوج ونكمل وبعدين نروح لعمي حاتم ....
أنت تقرأ
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
