حجر النرد ....
زينب علي .....
.............
بسعاد .....
......
بصوت دوي مثل دوي الانذار وتعددت الشخوص صرت ما اعرف هالكلام المن ولمنو ووي منو .....
كل واحد ينطي رأي ويتمسك برأيه ويعتبره رأي ثاقب وكون الكل يمشي بي ........ ومن ضمن الاراء الي كان متفق عليها لازم يدخلون عشيره ثالثه تكون أقرب لعشيرة المجني عليه . حتى تكدر تأثر عليه ...
يردون بكل الطرق يضغطون عليهم بعد ما تكرر رفضهم لاستقبال المشيات الي يدزهن ابويه ....
.
وبلفعل انضمت هلعشيره المعروفه (ج) وكأن من ضمن ارائهم احنه تروح من عدنه فصليه . كانو يتوقعون انو الموضوع راح يمشي بس هيج وشيخ العشيره زودها كال : اذا كلش كلش ننطي جم فلس .. يسكت بيهن ...
.
راحو ثاني يوم المشيه من عشيرتين . كلها واكفه بلباب . رفضوا استقبالهم . وكالعاده واحد من ولد عمه للمتوفي طلع الهم وخبرهم بنص كلام ابو يعرب: ارجعو وبعد لتجون منريد تنحل الشغله عشائريا......
هذا التصرف خل شيوخ العشيرتين يضوجون من تصرف بيت ابو يعرب راح شيخ عشيره الطرف الثالث لشيخ ال دليم وهو يسولفله عن الي صار .
.
طلب منهم ايام ينتظرون ويجون علما يشوف حل للموضوع . وبعد ٣ ايام ودو طارش وبلغهم تفضلو اليوم بمضيف الشيخ ...
اول ما سمع الخبر ابويه راح يركض على عمامي وولد عمامه ويجمع بيهم وللعصر راحو . اول ما طبو استقبلهم شيخ العشيره (انذاك) ....
دخلو للمضيف لكو بس الشيخ وابو يعرب . ماكدونالدز يحجون ويحسون هالموضوع اهانه الهم لكن مع هذا عبرو هالموضوع بس في سبيل يتم التراضي عن فراس . .
حجه الشيخ وكال احنه نعرف ابنه غلط وبده يحجي الإجراءات الازمه الي تمثل هلكعدات العشائريه ميحس اله ابو يعرب يقاطعه .
ابو يعرب : اعذرني شيخنه .... بس اني عندي فد شغله معينه اريد احجيها ....
كيفو همه توقعو ارتخه ... لكن الصدمه علت الوجوه لمن كال : اني اساسا ما اريد احل هلقضيه عشائريا ....
فتحو عيونهم وهمه يشعرون بفشله عشيرة كامله . كام شيخ العشيره يخاطب شيخ عشيره ال دليم : هاي شنو شيخنا .. لازم ابنكم ما نعترف بيكم وبلعشاير ....
ضحك ابو يعرب : هههههه ..
وهو يدك على رجلين شيخ عشيره ال دليم . ع الراس شيخنه بس مو كل شيخ شيخ ....
المهم اني بالنسبه اليه انطيكم اياها من الاخير . اذا تردون تحلوها عشائريا تخسركم هواي .. أما قانونا اني راضي بحكم القانون فليش انتم تضلين مستمرين ترحون وترجعون ...
كام ابو فراس بحاله يرثى الها : عمي انت حقك والحجي الي تحجي على راسي ... بس اني والله رجال جبير وجهاله صغار لا عندي قدره أعين احد ولا عندي قدره اربي أيتام . اني الي اريد واحد يعيلني . وانت شوف هذا وضعي كدامك ..
أنت تقرأ
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
