حجر النرد .....
زينب علي .....
............
طول الكعده وابويه يشتاط غضب . والحزن واضح بعيونه . احساسه بالتقصير جان كلش مأذي...
وفجأة تحولت روحتنه إلى باب من أبواب جهنم وبسعاد تسولف معاناة سنه ونص من عمرها سنه ونص تخيط وتخبز وتنضف بيوت الضباط في سبيل تعيش نفسها وبتها....
ما كدر ابويه يستمع للتفاصيل وهذا الي خلا يصيح ويغلط ويهين ابو حسين ...
اني كلما اتصل عليك تكلي اجه ومر تجذب عليه ....
وابو حسين يحاول يدافع عن نفسه بقوله : والله مجبور وخالد ميقبل موصيني ..
هذا خوفك من خالد ادفعك ثمنه غالي ....
يرتعد وينتفض وأم حسين اجتي تتوسل ابسعاد : بداية حنونه عندج هدي ابو يعرب لا يشمرنه بره المزرعه ...
راحت تركض بسعاد لأبويه وهي تحاول تهدي بكل طريقه متحمله على نفسها الالم والتعب والشقاء : عمي عمي الله يخليك ... ابو حسين معليه الله ينطيك العافيه...
صاح بيها ابويه بوقت ما جان اعصابه منهاره : امشي طبي وانتي معليج ... بسرعه يلا لمي غراضج وتعاي وياي ....
بسعاد .....
.......
لزمت ايده واني اتوسل عمي وين تاخذني تكلتني آمر والله اني وبتي الله يخليك عمي ابوس ايدك والله اني من سولفتلك ما جان الي بيها قصد ابد .
صاح بوجها : كاعده ابيتعا وتكتلج امشي يلا ....
.
.
سفانه ....
سحبت ايد بسعاد حتى تلملم غراضها . لان وضع ابويه حاليا مو مال نقاش نهائياااا .. لا صحته ولا عمره ولا الوضع الي هو بي ....
لملمنه الي نكدرله وطلعنه بلسياره طول الطريق حنان تبجي او بلاحرى طول الكعده جانت حنان على فرد بجيه .
صاح ابويه : شبيها هاي الطفله ....
بسعاد : مدري شبيها والله عمي من يوم يومها تبجي .
عيني عليها واشوف الطفله ملهوفه على صدر امها من طبينه حد ما طلعنه هي مجلبه بصدر امها . التفتت الها وانطيتها الممه ...
هاج خليها بحلكها خاف جوعانه . مدام ابهر نايم هذا شويه نحس متعلق بحاجاته خاف يشوفها عدها ويكتل نفسه ...
جاوبتني باستغراب: يا وين تاخذ ممه هي ....
اول ما خلتها بحلكها اخذتها وشربتها وغفت .
هي تباوع الها بقهر واني حسيت سجينه ودخلت بكلبي . باوعت الها من الجامه واني اشوف دموعها ينزلن بسكته .
يا ربي هاي الطفله شلون عاشت هذيج الايام خطيه تفرفح من الجوع ...
أنت تقرأ
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
