حجر النرد.....
زينب علي......
.
.
.
.
.
محــــــــــــــــــــــلات هواي تارسه بغداد ترس اطب الهن اخذ احلى ما موجود عدهم ابني راح يصير دكتور ولازم اجهزه بلي يعجبه.... هو يشتري الي يعجبه واني اشتري الي يعجبني....
طبعا هذا مو ياهو الجان هذا ابني ربيته بدموع عيني ....
ارجع من المحلات تعبانه واشوفه متمدد: كوم قيسهن خلي اشوفهن عليك....
ابهر: ما بيه حيل ترستيني ملابس المن شسوين بيهن....
سفانه: الك غير متلبس مكرر يوميه شكل.. حبيبي الدكتور يوم زواجك وافرح بي...
ابهر: يمه عوفج من مسألة الزواج وكليلي شنو صار بشغلة البيت...
سفانه: والله جاي الح وماكو ...
ابهر.: اني بعد ما اطيقهم روحي عرضي بلشيوع وكلي محامي وخلصيني خل نولي نطلع بيت بس اني وياج....
سفانه: بيك خير ودلل...
.
.
.
اسولف وي ابهر وما احس اله على صوت سامعته منو هذا الصوت.... ياااا هاي بسعاد...
رحت اركض الها ها دادة شلونج...
سلمت عليه ودموعها على خدها...
شبيج...
عضتلي شفتها وهي تكلي بعدين اكلج...
بوست البنات انقهرت على حال حنان الي كلما جاي الها تثخن وتعرض ااااخ يا ربي من هلافه. وغزوله ضعفانه كلش عيونها مرسومات ومخططات عبالك وجه ملائكي بس مع الاسف عين وعين....
طبت وكعدت بلغرفن بسع وهي ادك وتلطم هددني بلبنات يكلي راح اخذهن منج اذا متبيعين المزرعه واني خلفله ع المزرعه معيشتني...
شطت قهر واني اسمع هذا الحجي...
رحت عليه : خاااااااالد خــــــــــــــــــــــالد.....
خالد: شكو وجع...
انت متستحي متخاف من الله خلي شويه عندك غيره يا اخي المزرعه على حياته كتبها الها لا من حلالك ولا من فلوسك ولا من تعبك ولا هي ورثك...
كام يصيح وهو يتوعدني... اني اعلمج اذا ما طردتج بره البيت بس اصبريلي.....
تطردني شنوووو كاعده ابيتك اني غصباااا ما عليك عندي حصه هنا...
بدت المناوشات بيني وبين خالد راد يضربني صار بوجهه ابهر وهو يدفعه لهناك...
ابهر: اي سويها حتى ادفنك بمكانك ومحد يدري بيك عار وفطس....
خالد: بسيطه بسيطه وذا ما سحلتكم سحل....
.
.
ثار هل موضوع ابهر وهو يصيح خلصينه من اخووووج بيعي ولو تفاليس وخلينه نطلع....
أنت تقرأ
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
