حجر النرد 🔞

٥١

حجر النرد ......

زينب علي .....

.............
مسااااحه جبيييره مليانه خظره وحلال والهوه يخبل  جريت نفس حيل وحسره ... اااااااه

ترست رئاتي هوه الله وسديت الشباج من وره صون هلغزلان هاي ....

بره بره مو فرخه تكولين عيون ارمله بس تنعي  .....

رحت الها ... هااااا متكليلي شبيج يحظي ...

لا بجيت اختج كعد حظي ولا بجيتج هم .... اووووف

طلعت صدري ارضعها وفكري سرح بطبه آمر لبيت عيالي ...

معقوله معقوله هذا الرجال طبيعي مسحور لو عاشك وميحس على روحه والله هاي لو حظ بسعاد جان انقلبت الدنيا ....

معقوله هذا خالد رجعها هيج ولا جن لابسته سنه وين ولت وين راحت ... اااااخ على حظي الاغبر  ....

اسولف وي نفسي وكلبي يكلي شبيج غبيه متكليلي شبيج اول ما شفتي آمر انهزمتي عاد قومي يوم يومين ...

ويرجع عقلي يكول وهذا خالد يستحق اقاتل واقاوم على حسابه  ...

ما حسيت على روحي اله وحنان تكلي : يمه شبيج صدرج يدر حليب وغزلان نايمه ....

التفتت لحنان الي وزنها زايد عن حده واشوفها لازم لقه كباب صحت بصوت عالي .. 

مو كافي هلعلف هذا الي جاي تعلفينه دبطلي لا اكوملج اورمج ....

بدت ادردم وهي تصيح شبيج يمه شماكله ...

بسعاد : اكليني بعد مو اكلتي ماعونين تمن شكو بعد متشوفين بطنج مثل الطحش صايره ...

عفت غزلان بمكانها وكمت اسفط البيت وحنان وياي . وكل خمس دقايق تفز غزلان على فرد بجيه . يا ربي تاليتي اطمها هلطفله واخلص من نواعيها....

.
.
.
سفانه .....
......

كرون ثنين مال خرفان معلكات ع الباب . منعرف منو الي خلاهن. 

وخرهن خالد ولا كأنو هالشي يمسه .

واني ضليت ادك والطم . وانوسل بخالد ولكم انفضحنا ولكم استرنه ولك بعد محد ياخذ بناتك ولك خالددددد مروتك ولك صدك تحجي ولك حبيبي متشوف بعينك حتى الناس كامت تعيرك ...

بصياح : انجبي ساعه تذبين تهمه وتكولين احمد وياها لج منشوفين خالتها متشوفين وينها وين دك الدروب هاي... حتى رجلها متعينها ...

ولك بس اسمعني انفضحنا فضيحه صارت سيرتنه على كل لسان ولك شلون تمشي بنص الزلم بس فهمني ...
كول يا الله ابو المثل يكول لا اللبن يروب ولا الكحبه اتوب ولك هاي كحبه اذا تابت تصير كواده على بناتك ولك ارحم بحااالك....

ولا كأنو هذا الحجي ديمسه نهائيااااا مثل المسير ما عنده كل رأي ..

ولأول مره تتفق وياي مرة ابويه وهي تخاف على بناتها ...