حجر النرد ......
زينب علي ......
..............................
فديت من النوم على دوي الشجر . والحديقه الي صايره نهايته البيت ....
الغرفه ضلمه وأوراق الشجر تتراقص من وره الجامه وصوت الهوه يشيل البرده . لمس الخوف بكلبي ....
كمت على حيلي واني اشيل البطانيه وارتب فراشي . واحجي وي روحي .. خل اكوم اكلي لكمه كبل لا تكعد آمر وتحبسني ....
كمت على حيلي فتحت الباب على كيف حتى محد يحس عليه ...
طلعت اتخنس بس صوت عضامي يطكطكن . شويه اشوف واحد واكف . اخترعت ركضت من الخوف ... وختلت وره البردة لحد ما تأكدت هاي ام يعرب الي جاي تصلي ....
ضربت على اديه واني ألوم روحي . شبيج متكليلي ام خريعه...
وصلت يمها : سلام عليكم ....
سلمت عليه : وعليكم السلام.... شعندج كاعده ....
ام يعرب جانت كلش هادئه او بلاحرى حزينه ... جنت احسها مهمومه . احس اكو ثقل بكلبها . بس ابد متحجي .
جاوبتها برفق : خاله اني جوعانه واخاف آمر تكعد وهم شو شسوي واني لسه راسي ما طاب ....
ما حجت وياي . نزلت راسها ع القرآن وكملت قرايه .
وتذكرت القرآن : اكلج خاله ما عندج فد قرآن زايد ....
ام يعرب : اكو واحد يكول قرآن زايد ؟؟؟
بسعاد : قصدي محتاجه قرآن....
كامت طبكت القرآن وكالتلي : اخذي هذا .
أخذته وشكرتها : شكرا خاله رحم الله والديج ....
وحاولت احجي وياها : خاله تردين اسويلج وياي ريوك ...
ام يعرب : لا اني راح اسوي ... لمن تصيرين زينه هود سوي ....
فرحت بحجايتها وكلت الحمد لله بدايه خير يا ربي ....
سوت بيضه الها وبيضه اليه والجاي بلنص ....
افكر أبالي شحجي وياها . صوت الستكان من يوكع عبالك واكعه قنبله من وره الهدوء ....
وخطرت على بالي اسألها: اكلج خاله هم تحتاجين فد شي ابدي اخيطه الج ...
ام يعرب : لا ...
اختصرت الكلام كلمه بحرفين . يا الله هسه شحجي وياها .
شويه وسمعت صوت خالد كعد . نزل يريد يطلع للشغل .
سلم على امه : صباح الخير يوم ....
جاوبته بأريحية : صباح الخير حبيبي .... تعال تريك ...
هو شافني كاعده . بسرعه رفض : لا يوم هناك يجيبون ريوك ...
اني اول ما صار قريب عليه حسيت بشعور مقرف . والريحه هسترتني ....
أنت تقرأ
حجر النرد 🔞
Romance@Lo__94__94 #زينب_علي بين خلايا السحر الأسود وقضبان الشعوذه يعيش الحب الازلي الدائم مخلدا ليعيش كملحمه تاريخيه ....
