حجر النرد 🔞

٣٨ للمزرعه

حجر النرد ....

زينب علي .....

.................

كاعده بمكانها ام حسين اله تعرف قصه حياتي يلا تطلع ...

واني عناد وياها مخليها تحترك ع الشمعه وبيني ما بين نفسي لو تموتين متجمعين شي مني...

استمرت تسولفلي قصص وي كل قصه تسألني سؤال عن حياتي وتحاول تخليني اجاوبها بدون ما احس ....

ام حسين : اي خطيه شلون بنيه ويكلج ميقبل يخليها تحبل يخاف من مرته ....

بسعاد : الله يكون بعونها ...

ام حسين : بسلا انتي رجلج هم هيج؟؟؟؟

بسعاد : ههههههه لا خاله لتخافين مو هيج ....

ام حسين : اي خطيه باجر اخذج الها . بس شويه عباتي مزكه . استحي اروح بيها ...

سكتت مجاوبتها ..

ام حسين : اكلج انتي خياطه مو ...

ضحكت من طريقه لفها ودورانها : اي واذا جابولي المكينه اخيطها الج

ام حسين : اي عفيه . الله يرضى عليج ...
صدك انتي من يا عمام ...

بسعاد : هههه خاله ام.حسين راح اطلعيلي هويه ... الوقت تأخر هسه تلكين ابو حسين استفكدج ...

كامت متضايقه بعد تريد تسأل فد عشرة الالف سؤال وعشره الاف قصه وعشره الالف حيله ....

طلعت وسدت الباب ...

واني عيوني على البيت . اليوم شلون راح انام وحدي يربي .

ماكو غير فراش ممدود والدنيا بارده فتحت الفانوس وعيني صارت ع الشباج...

ربي دعيتك بكلب مرعوب ... امن كلبي .... ربي خايفه ومحتاجتك....

نزلن دموعي وحركن خدي من الحرارتهن... ااااه يا ربي مالي ملجأ بس الك انت تعلم بحالي ووضعي ....

رحت ركضت غطيت روحي بلبطانيه ونمت ....

.
.
.......
ابو يعرب ....
......

طول الطريق جنت احس احساس فضيع بتأنيب الضمير صار وياي هواي مواقف وعشرتي بلجيش طلعتلي كلب ثاني وهواي كدامي صارت مواقف .... بس جان اصعبها واني واعوف هلبنيه الوحدها بمنطقه بعيده . حسيت روحي ما عندي غيره . ولا نخوه ... وثار جنوني خالد لمن كملها عليه : خوش يابه هسه خلصنه من الاول وسويها ....

ابو يعرب : لك الله يلعنك ... الله يلعنك .... انت انت شوكت تصير رجااال وتتحمل مسؤليه افعالك ..

خل يكون بعلمك . اذا هاي البنيه جابت ولد ارجعها للبيت وتطلع انت وامر أبيت اني ما اريد اموت وخليتها بركبتي ...

خالد : خليتها بركبت أهلها الي جابو اله ينطوها فصل ... خليتها بركبت الي شالها وجابها لناس ما رايده اصلا فصل .... ذبوها ذب علينه احنه شنو دخلنه ... اني شنو ذنبي ينخرب بيتي